Elōg-Hébɛl 3:1 - Esaa-líat ɛ́ péná

¹ La náŋ hɔ́ á élōgyāŋ, ɓɛ́hɛ ɓá bi lɛ̄ ndog-Ɔlolómɛ̄, nyí ya yéɓé ŋyáŋlán wɛ́ɛ́, miní légɓé Yésus. Ɔlolómɛ̄ a óm nyɛ́ nɛ́ a ɓɛ́ ɓɛ́hɛ ǹtíi-nsúlé ǹcɛ́ŋ, La nyɛ́ nɛ́ bi ŋga yéɓé.

Elōg-Hébɛl 3:1 ပူးပေါင်းရင်းမြစ်များ

Yohánɛs 17:3

Á mbálɛ, eniŋ éɓem ɛ́ lɛ́ ja nɛ́ bí yí wa, wa Lōó lí mbálɛ, bí yí ki Yésus Kilístus nyɔ́ wa óm.

Yohánɛs 20:21

Yésus ɔ lága sīg-pɛ ɓɔ́ nɛ́: «Nsaŋ á ɓɛ́ la ɓɛ́nɛ. Nlemlem kaa Etāa a óm ma, mág ma óm ɓɛ́nɛ.»

Yohánɛs 20:27

Váŋ nɛ́ a lága Tómas nɛ́: «Sɔ́la ɔnu-ví-wɔ vɔ́ɔ vá, légɓé mɔ máma; sɔ́la wɔ wɔ́ɔ, sɔ̄m wɔ́ á mbaa yama; ɔh pendkágán ɓé pɛ, ndí yéɓé.»

Misɔ́n mí Ɓáōmɓɛ 1:15

Múŋ á nyúŋ alɔ́, Pétlos ɔ tɛ́lɛ́ á m̀mím á éti yé ndog ɓayéɓe, ɓot bí ɓɛ́ɛ́ bí kɔtánɛ váŋ jam-kaa eɓógo ɓot la muúmɓáa, la nyɛ́ ɔ pɔ́t nɛ:

Elōg-Lóma 11:17

Lilóm lí Íslāɛl lí lɛ́ kaa eéé olíva yé yá ɓɛlɓɛ, la ɓɔ́ bú sɛ́m jogo lí mítom já. Wa nyɔ́ ɔ sē ɓé mɔ́ɔ̄n Élōg-Yúda, ɔ lɛ́ kaa ntom á eéé olíva lipan nyú ɓá átyɛ́ á míŋí mítom má yégle á tín olíva ɓá ɓɛl, á lí ɓɔŋ nɛ́ elɔŋ la míŋ mitom, wág ɔ tómbánɛ mindím mí ŋga sɔ́le á míkaŋ mí nyíŋ tín ɛ olíva.

Elōg-Lóma 15:27

Ɔɔ, ɓá súgɛ́ náŋ, ndí náŋ a mɓɛ́ ɓɔ epíl. Ányúū nɛ́, kaa ndog-Ɔlolómɛ̄ nyí Masedónia la nyí Akáyi ɛ́ sē ɓé ɓɔ́ɔ̄n bí Élōg-Yúda, ndí ndog-Ɔlolómɛ̄ nyí Yelúsalɛm yú ɓɛ́ nyí Elōg-Yúda la yɔ́ yú óŋgánɛ́ ɓɔ li ɓɛ́la lí ŋyéɓé, jɔ́ nɛ́ ɓɔ́g ɓá nyɛɛ́ ɓɔ li óŋgánɛ la bibyee-mɔ byáɓá.

Elōg-Lóma 15:8

Ákaa ɛsɛ̄, mag yéɓé kɔɔ nɛ́, kaa Ɔlolómɛ̄ a ŋga yáhɛ biɓaŋgá byɛ́ɛ́, ányúū náŋ nɛ́ Nyɔ́-a-Pɔ́hlɛ a yáanɛ́ nyɛ́-mɛ̄n m̀ɓɔŋle a ɓɔɔ́n bí Élōg-Yúda á lí yáhɛ lí mikakanɛ mí Ɔ́lolómɛ̄ a tíéé ɓásāŋɛ́ ɓáɓá bí kwaŋ.

Elōg-Lóma 9:24

ɓɛ́hɛ nɛ́ bi lɛ ɓáŋ ɓot a yáŋa, ɓɛ́hɛ ɓá a pɔ́hɔ̄ á lílōm lí Élōg-Yúda, la ɓáŋá ɓá bí sē ɓé á lílōm lí Élōg-Yúda.

Elōg-Kɔlínto 1 1:2

Mag ciile Eɓasɛ Ɔ́lolómɛ̄ yé ɛ́ lɛ́ á tísɔn Kɔlínto, yé ɛ́ byɛ́ɛ̄ ndog-Ɔlolómɛ̄ nyí ya yáŋlɛ á lí ɓɛ́ lí ɓápūán li loole la Yésus Kilístus, nlemlem ki la ɓot bísɛ bí ŋga lónle Ɛtáŋɛ wahá Yésus Kilístus voóm sig, nyɔ́ a lɛ Ɛtáŋɛ waɓá ndí la ɛwahá ki.

Elōg-Kɔlínto 1 10:17

Kasig ekɔgá ɛ́ lɛ́ jā yáhyá, ɓɛ́hɛ bísɛ ki bi lɛ̄ jā pɔ̄m nyúū, átɔm nɛ́ ɓɛ́hɛ bísɛ biíg kaan ja nyúŋ nlemlem á ékɔgá.

Elōg-Kɔlínto 1 9:23

Mag ɓɔ́ŋ míŋ mísɛ, ányúū Pɔ́l M̀ɓɛɛŋ nɛ́ ndí mi kūh ɛ́jāma joga múŋ átē.

Elōg-Kɔlínto 2 1:7

Jam tɔ já lí ŋgá la ɓé lí veŋe lí lípitá bi byɛɛ́ á ŋgwáāg yāná, ányúū nɛ biíg yí nɛ́, kaa miní ŋga nyɔ̄ŋ ŋgaan á bísɔghe byáhá, náŋ ki nɛ́ miní ŋga nyɔ̄ŋ ŋgaan á émɔ́mɛ yáhá.

Elōg-Kɔlínto 2 9:13

Kasig ɓot bí ŋga kɛ́ li séme lí nyúŋ nsɔ́n á nyaa wá ɓɔŋɓɛ, bíg kɛ li tíi lí Ɔ́lolómɛ̄ lípēm ányúū eógle miní ŋga étɛ likɔlɓan la Pɔ́l M̀ɓɛɛŋ nyí Nyɔ́-a-Pɔ́hlɛ la ányúū elɔ́ŋgɔ m̀mím yáná yé lí kaan lí míɓɛɛŋ elɔŋ la ɓɔ́ ndí elɔŋ la ɓáŋá bísɛ ki.

Elōg-Éféso 3:6

Nyíŋ mbaŋ nyí nɛ́: ɓɔɔ́n bí Élōg-Yúda la ɓá bí sē ɓé ɓɔ́ɔ̄n bí Élōg-Yúda bíg kaan nlemlem á émbāmbá, bíg ɓɛ́ bíjo bí nyúū ya, bíg kuh ki nlemlem á líkakanɛ lí Ɔ́lolómɛ̄ á ŋ̀atanɛ́ wāɓá la Yésus Kilístus li oŋle la Pɔ́l M̀ɓɛɛŋ.

Elōg-Éféso 4:1

Á élōgyāŋ, ma Póol mi lɛ á m̀ɓog á jóō lí Nyɔ́ŋ-Ɛsáŋɛ́. Mag ɓéhyɛ ɓɛ́nɛ nɛ́, miní niŋ ákaa ɛ́ ŋga sōmlɛ li oŋle la ŋyáŋlán maná kuh.

Elōg-Éféso 4:4

Nyuú ɛ lɛ́ ja ya, M̀búl ki wú ɓɛ́ wá, náŋ ki nɛ́ maná yáŋlɛ́ á lí ɓɛ́la lí lípitá já,

Elōg-Fílípi 3:14

Jɔ́ nɛ́ mi ŋga nāŋga m̀bíí nɛ́ mi pám á lísūg lí nlee, á lí tombanɛ lí nsála nyú á ŋga sɔ́le á ŋyáŋlán á lɛ́ nɛ Ɔlolómɛ̄ a yáŋléné ɓɛ́hɛ á lōó á ŋ̀atanɛ́ wāhá la Yésus Kilístus.

Elōg-Kólóso 1:12

tíán Etāa Loó mítamlan, nyɔ́ a ɓɔ̄ŋ nɛ miní la li ɓɛ́la lí joga á émbāmbá yé a nāŋʼyé ndog yɛ́ɛ̄ átē á mípūū.

Elōg-Kólóso 1:22

léɓyán hɔ́ kaa nyí vɔ́ŋɔ́ɔ, Ɔlolómɛ̄ a kóm nsaŋ la ɓɛ́nɛ li kele la nyɛmb nyí Mɔɔ́n wɛ́ɛ̄, nyɔ́ a wú á míson á éɓɛ̄lé yé mut-a-binam, nɛ́ ndí miní ɓɛ́ ndog yɛɛ́, ŋgíla ɔnɛ́g, ŋgíla njɔm.

Elōg-Kólóso 3:12

Kasig Ɔlolómɛ̄ a pɔ̄hɔ́ ɓɛ́nɛ, kasig miní lɛ́ ndog yɛ́ɛ̄, kasig miní lɛ́ bídidíŋɛ byɛ́ɛ́ bí ɓɔ́ɔ̄n, ɓɛ́án hɔ́ la m̀mím a ŋgɔ́ɔ́, ɓɛ́án la ediŋ, esuhɛ-nyuú, ewú-m̀mím, la eɔ́hánɛ.

Elōg-Tésaloníka 1 2:12

Ɓaá éélé ɓɛ́nɛ, bu létɛ́ ɓɛ́nɛ nyúū, bu lóohán ɓɛ́nɛ li sɔ́hye nɛ́ miní nīŋ ákaa Ɔlolómɛ̄ a ŋga sómo, nyɛ́ mut a yáŋá ɓɛ́nɛ á lí ɓɛ́la lí joga á Ékombo yɛ́ɛ́ la á lípēm jɛ́ɛ́.

Elōg-Tésaloníka 1 5:27

Mag sɔ́hye ɓɛ́nɛ á jóō lí Nyɔ́ŋ-Ɛsáŋɛ́ nɛ́, miní sɔ́ŋglé élōgyāŋ yɔ́ ɛ́sɛ nyí káati.

Elōg-Tésaloníka 2 1:11

Ányúū náŋ nɛ́ bi ŋga kánɛ eceg ɛ́sɛ ányúū yáná, nɛ́ ndí Ɔlolómɛ̄ Loó jáhá a ɛ́n nɛ́ miní ɓɛ́ɛ́ miní kɔ́ɔ́ la ŋyáŋlán wɛ́ɛ́, nɛ́ ndí li kele la ŋguu yɛ́ɛ̄, a óŋgánɛ́ ɓɛ́nɛ li ɓɔŋ lí m̀ɓɛɛŋ ásɛ miní byɛ́ɛ̄ kóó, a ɓɔ̄ŋ ki nɛ́ ŋyéɓé wáná á ɛ́ní á mísɔ̄n.

Elōg-Tésaloníka 2 2:14

Ányúū náŋ nɛ́ Ɔlolómɛ̄ a yáŋléé ɓɛ́nɛ li kele la Pɔ́l M̀ɓɛɛŋ bi lɛgléé ɓɛ́nɛ, nɛ́ ndí miní ɓɛ́la joga á lipém lí Ɛtáŋɛ wahá Yésus Kilístus.

Timotéo 1 6:12

Dū tāŋ eɓándá ányúū ŋyéɓé, yɛŋɓéné á éniŋ éɓem, átɔm nɛ́ ányúū náŋ nɛ́ wa yáŋlɛ, ákaa yé ɔ ɓɔŋɔ́ɔ́ eceg ɔ pahléé ŋyéɓé wɔ́ɔ m̀ɓɛɛŋ ɔsú ví mbóŋ ŋgandag.

Timotéo 1 6:2

Átē a miyɔ́ŋ mísɛ mí byɛ́ɛ̄ ɓɛɛ́n bí ŋga yéɓe la Ɔlolómɛ̄, bíh yaŋlág ɓé ɓɔ la miɔ́ŋɔ nɛ́ bí lɛ́ línyaŋ átē a ŋyéɓé. Ndí mí kondyé jā ɓɔ́ lí sále á nyaa m̀ɓɛɛŋ, ányúū nɛ́ ɓatombanɛ elɔ́ŋgɔ yáɓá nsɔ́n bí lɛ́ ɓot bí byɛ́ɛ̄ ŋyéɓé, ɓá Ɔlolómɛ̄ a ŋga dīŋ. Jam wa nyɛ́ɛ lí yéglɛ la li tíi kaa ndag jɔ́ jé nɛ́.

Timotéo 2 1:9

nyɔ́ a sūŋ ɓɛ́hɛ, nyɔ́ a yáŋá ɓɛ́hɛ la ŋyáŋlán mpúán, ɔ yáŋá ɓɛ́hɛ ah ányúū misɔ́n máhá ɓé, ndí ányúū peg yɛɛ́ a vúl la elɔ́ŋgɔ yɛ́ɛ́ m̀mím. A étɛ́ ɓɛ́hɛ yéŋ elɔ́ŋgɔ yɛ́ɛ́ m̀mím yɔŋ ɔ́sū ví éceg li kele la Yésus Kilístus.

Timotéo 2 2:7

Ámblé yé mi ŋga lága. Á káa ɛ́sɛ, Nyɔ́ŋ-Ɛsáŋɛ́ ag kɛ́ wa lí yíhɛ lí mam mísɛ má yégle.

Elōg-Hébɛl 10:19

Á élōgyāŋ, bi lɛ mbáki nɛ biíg kɛ li níŋgi á ndugá púán, li kele la micii mí Yésus.

Elōg-Hébɛl 10:21

La náŋ, bi byɛ́ɛ́ ǹtíi-nsúlé ǹcɛ́ŋ nyɔ́ á tɛ́ɛ́ɓɛ́ á m̀mú á ndog-Ɔlolómɛ̄.

Elōg-Hébɛl 10:23

Ɛ́h ɓɛ́ ɓé li tɔmb, bi kóndyé lí páha lí lípitá jáhá, átɔm nɛ́, mut a kákānɛ̄ jɔ ag yáhɛ biɓaŋgá byɛ́ɛ́.

Elōg-Hébɛl 13:22

Á élōgyāŋ, ndag mi ŋga tíi ɓɛ́nɛ nyí nɛ́: Miní lɛ́glé bí biɓaŋgá bí míkūndá bí mi ŋga ómle ɓɛ́nɛ mú á nyí káati, tɔ náŋ ákaa ɛ sē ɓé ntaandá.

Elōg-Hébɛl 2:11

Jɔ́ nɛ́, Yésus nyɔ́ a lɛ m̀púɛ, la ɓot ɓá a púɛ míɓē, ɓɔ́ bísɛ bí byɛ́ɛ́ ja ɛsáŋɛ́ wa, ányúū náŋ nɛ́ Yésus a ŋgá kɔn ɓé ɔ́sɔ̄n li yáŋá lí ɓɔ́ nɛ́ elōgyāŋ,

Elōg-Hébɛl 2:17

Ányúū náŋ nɛ́ a ŋga nyɛ́ɛ li punan la elōgésāŋ á pánd ɛ́sɛ, nɛ́ ndí a yáan ǹtíi-nsúlé ǹcɛ́ŋ nyɔ́ a yáhɛ́ la m̀mím á ŋgɔ́ɔ́, nyɔ́ a ŋga sál nsɔ́n wɛ́ɛ́ kaa ɛ́ ŋga sōmlɛ ɔ́sū ví Ɔ́lolómɛ̄. Nyɛ́ nɛ́ a tɛ́ɛ́ɓɛ́ á lí kuhle lí ɓot-bí-bínam elaakɛ-miɓé.

Elōg-Hébɛl 3:12

Á élōgyāŋ, nyɔŋán lítāt nɛ mut waná tɔ wa ah ɓɛ́ɛ́g ɓé la m̀ɓé a m̀mím, nyú á ŋga óm nyɛ́ nɛ́ ah yéɓyág ɓé pɛ la Ɔlolómɛ̄ nyɔ́ a lɛ á éniŋ.

Elōg-Hébɛl 3:14

Ákaa ɛ́sɛ, bi lɛ̄ ɓot bí élɔŋ yé Nyɔ́-a-Pɔ́hlɛ, kíyáɓɛ́nɛ ɓā tiŋɓé á ŋyéɓé bi byɛɛ́ li ɓotle á míɓōtlé, náŋ la náŋ li pám nɛ́-tɛ́ɛla á lísūg.

Elōg-Hébɛl 6:20

Wóŋ nɛ́ Yésus, ányúū yāhá a níŋgí sɔ́kágánɛ́ ɓɛ́hɛ biíg níŋgi, la nyɛ́ ɔ yáan ǹtíi-nsúlé ǹcɛ́ŋ nyɔ́ a pɔ́gɔ́-pɔgɔ kaa Mɛlkisédɛk.

Elōg-Hébɛl 7:26

Ɔɔ, nyíŋ titih ǹtíi-nsúlé ǹcɛ́ŋ nɛ ɛ ŋgí sōmlɛ ɓɛ́hɛ, nyí ɛ lɛ mpúán, nyí ɛ lɛ̄ ŋgíla njɔm, ŋgíla aɓé, nyí ɛ sē ɓé á élɔŋ yé ɓáɓɔŋ-miɓé, nyí Ɔlolómɛ̄ a ɓétɛ́ á lóō lóō.

Elōg-Hébɛl 7:28

Mbéndá Móse ɛ tɛ́ɛ́yɛ́ɛ ɓot-bí-bínam la aɓɔt wáɓá ákaa ɓatíi-nsúlé ɓacɛ́ŋ. Ndí, Ɔ́lolómɛ̄ a kanáá-sɔŋ kí mbéndá yɔ ɛ lɛ. Ɔ tɛ́ɛ́yɛ́ Mɔ́ɔ̄n wɛ́ɛ̄ ákaa taŋ ǹtíi-nsúlé ǹcɛ́ŋ, nyɔ́ a lɛ mípūū á éɓem la á éɓem.

Elōg-Hébɛl 9:11

Ndí, Nyɔ́-a-Pɔ́hlɛ a sɔ́ kaa ǹtíi-nsúlé ǹcɛ́ŋ nyɔ́ a sɔ́la ɓɛ́hɛ miɓɛɛŋ mí má pám ápah bi lɛ. A lóolé á líndūm jé lí lɛ́ lícɛ̄ŋ, lú ɓɛ́la yé ɛ́sɛ ɛ́ ŋga sōmlɛ, jé láh óŋɓɛ ɓé la ɓot-bí-bínam, náŋ ag mínɛ nɛ́ lí sē ɓé jé lí nyú ŋkɔŋ-á-sí nyú wá vegɓɛ.

Elōg-Hébɛl 9:15

Ányúū náŋ nɛ́ Nyɔ́-a-Pɔ́hlɛ a lɛ á póla Ɔlolómɛ̄ la ɓot bí binam ányúū esaa-líat ɛ́ péná, yé ɛ́ lɛ́ lílagle lí péná. A wú ányúū li ɓógtɛ lí ɓot-bí-bínam á m̀ɓog nyú míɓē máɓá mí váá ɓɔ́ eceg bí ɓɛ́ɛ́ bí ŋgí lɛ á ésaa-líat yé ɔ́sū. Jɔ́ nɛ́, ɓot Ɔlolómɛ̄ a yáŋá bíg la li kuh lí émbāmbá yá yé ɛ́ ŋgá cɛ́ ɓé, yé ɛ́ lɛ́ nɛ a kakánɛ́ ɓɔ̄,

Pétlos 1 2:9

Ndí, ɓɛ́nɛ miní lɛ́ mbota Ɔlolómɛ̄ a pɔ́hɔ, lilómɛ lí ɓatíi-nsúlé lí káísa, ndog-Ɔlolómɛ̄ nyí púán, lilóm jé Ɔlolómɛ̄ a pɔ́hɔ á li ɓɔŋ nɛ́ miní lɛ̄gɛ́ mam micɛ́ŋ a ɓɔ̄ŋ; nyɛ́ nɛ́ a yáŋá ɓɛ́nɛ nɛ́ miní ɓógó á lívito, á lí níŋgi á taŋ yɛɛ́ mipúú.

Pétlos 1 3:5

Náŋ nɛ́ á kwakwáŋɛ, ɓondígá ɓápūán ɓá bí ŋgí piti la Ɔlolómɛ̄ bí ŋgí lámāa. Bí ɓɛ́ɛ́ á sí ɓalóm ɓáɓá.

Pétlos 1 5:1

Mag kwɛlɛ hɔ́ ɓácɛ̄ŋ bí éɓasɛ bí lɛ́ á póla yaná, ányúū nɛ mág mi lɛ ǹcɛ́ŋ a eɓasɛ kaa ɓɔ́. Mi lɛ mbóŋ nyí bisɔghe Nyɔ́-a-Pɔ́hlɛ a kūh, ma mut ma yáŋlɛ́ á li nyɔŋ lí ŋgaan á lípēm lí ŋga kɛ́ li ɛ́ni. Á ɓácɛ̄ŋ bí éɓasɛ, mag tíi ɓɛ́nɛ míkūndá nɛ́:

Pétlos 1 5:10

Ɔlolómɛ̄ nyɔ́ a byɛɛ́ joó nɛ likaale, nyɔ́ a yáŋá ɓɛ́nɛ á li níŋgi á lipém jɛ́ɛ́ lí eɓem elɔŋ la Yésus Kilístus, ag kɛ ɓɛ́nɛ li tɛ́ɛ́yɛ nyɛ́-mɛ̄n ámbúh esɔghe miní ŋga kɛ́ li kuh ányúū puh éceg. Ag kɛ ɓɛ́nɛ li letɛ lí nyúū, a ólɓɛ́ ɓɛ́nɛ, a yáánɛ́ ɓɛ́nɛ ndiŋ.

Yohánɛs 1 1:3

Yé ɓaá ɛ́n, bu ámble ki, yɔ́ nɛ́ ɓɛ́hɛ ki bi ŋga lɛ́gɛ ɓɛ́nɛ, á lí ɓɔŋ nɛ́, ɓɛ́nɛ ki miní ɓɛ́ átē a ŋ̀atanɛ́ la ɓɛ́hɛ. Liɓɛ́ɛg jáhá lí mut wa, lí lɛ́ ŋ̀atanɛ́ wāhá la Etāa, lú ɓɛ́ ki ŋ̀atanɛ́ wāhá la Mɔ́ɔ̄n wɛ́ɛ̄ Yésus Kilístus.

Yúde 1:1

Ma Yúde, m̀ɓɔŋle a Yésus Kilístus, mɔ́ɔ̄nyāŋ a Yákop, mag ciile ɓot Etāa Ɔlolómɛ̄ a yáŋa, ɓá a ŋga dīŋ, la nyɛ́ ɔ náŋɛ̄ ɓɔ á lí ɓɛ́ élɔŋ la Yésus Kilístus.

Biyɛ́ɛ́léné 17:14

Ɛ́g kɛ li duhɛ lí mɔɔ́n ntómbɛ́, ndí mɔɔ́n ntómbɛ́ ag kɛ yɔ́ dí lí cíŋ, átɔm nɛ́ a lɛ Nyɔ́ŋ-Ɛsáŋɛ́ a ɓásāŋɛ́ bísɛ, ɔ ɓɛ́ ki Káísa nyí káísa ɛ́sɛ, ɓot ɓá yáŋlɛ, ɓá ɓá pɔ̄hlɛ la ɓá bí byɛ́ɛ̄ ékɔ̄ɔ̄-m̀mím la nyɛ́, ɓɔ́g bíg kɛ li dí lí cíŋ.»

Biyɛ́ɛ́léné 18:20

Á lóō, sophɛ́gɛ́ hɔ́ la mivag ányúū ecɛ́hɛ yɛ́ɛ́! Ɓɛ́nɛ ki, á ndog-Ɔlolómɛ̄, á ɓáōmɓɛ la ɓapɔ́tle-bí-Ɔ́lolómɛ̄, miní sōphɛ́ɛ átɔm nɛ́ Ɔlolómɛ̄ a kááhɛ́ nyíŋ tísɔn ányúū aɓé ɛ ɓɔŋléé ɓɛ́nɛ.