Elōg-Hébɛl 2:8 - Esaa-líat ɛ́ péná

⁸ Ɔ váá byóōm bísɛ á sí míkoo mɛ́ɛ́.» Eceg a ŋgí vá byóōm bísɛ á sí likanʼyɛ jɛ́ɛ́, jam tɔ já líh yéglée ɓé jé lí ɓɛ́ɛ́ ɓé á sí yɛ́ɛ̄. Ndí tɛɛla nyí vɔ́ŋɔ́ɔ, bih ŋgɛ́nɛ́g ɓé ɓɛ́hɛ nɛ́ byoóm bísɛ bí lɛ́ á sí likanʼyɛ jɛ́ɛ́.

Elōg-Hébɛl 2:8 ပူးပေါင်းရင်းမြစ်များ

Matéus 28:18

Yésus ɔ sīŋglé ɓɔ á ŋgwáāg, ɔ lāgá ɓɔ̄ nɛ́: «Ŋguu ɛsɛ̄ ya tíéɓɛ́ ma á sí la á lóō.

Yohánɛs 13:3

Ndí Yésus a yíí nɛ́ Ɛsáŋɛ́ a tíéé nyɛ́ mam mísɛ, la nɛ́ a sɔ́léné á yóg Ɔlolómɛ̄, wóŋ ki nɛ́ a ŋga kɛ́ li timan.

Yohánɛs 3:35

Ákaa Ɛsáŋɛ́ a ŋga dīŋ Mɔ́ɔ̄n wɛ́ɛ̄, a byéehɛ́ nyɛ́ mam mísɛ á mɔ.

Elōg-Kɔlínto 1 15:27

átɔm nɛ́ «Ɔlolómɛ̄ a vá mam mísɛ á sí míkoo mí Mɔ́ɔ̄n.» Eceg Yésus a ŋga kɛ́ li lága nɛ́: «Mam mísɛ mí lɛ́ á sí yama», náŋ a lɛ mbálɛ, ndí amáh sig Ɔlolómɛ̄ nyɔ́ a vá mam mísɛ á sí míkoo mɛ́ɛ́.

Elōg-Hébɛl 1:13

Ɓaá yɔɔ́yɔ́ɔ áŋgɛl Ɔlolómɛ̄ ɔ ví laga nɛ́: «Tɔɔ́ á m̀ɓɛ́nlómɛ wama, nɛ́-tɛ́ɛ ma yáanɛ́ ɓálem ɓɔ́ɔ etɛ́lɓéné-míkoo mɔ́ɔ é?»

Elōg-Hébɛl 1:2

Ndí, á nyú alɔ́ wá tiile bi byɛɛ́, Ɔlolómɛ̄ a pɔ́tɛ́ ɓɛ́hɛ li loole la Mɔɔ́n wɛ́ɛ̄. Li loole la nyɔ́ŋ Mɔɔ́n nɛ a vēg ŋkɔŋ-á-sí ásɛ la mam mí lɛ́ átē, ɔ tɛ́ɛ́yɛ́ nyɛ ŋ̀koto-embámbá yé mam mísɛ.

Elōg-Hébɛl 2:5

Ákaa ɛ́sɛ, ŋkɔŋ-á-sí á ŋga kɛ́ lí sɔ́, nyú bi lɛ lí máŋle, Ɔlolómɛ̄ āh vá ɓé wɔ á sí likanʼyɛ lí áŋgɛl.

Pétlos 1 3:22

nyɔ́ a ɓét á loó, ɔ tɔ́ɔ á m̀ɓɛ́nlómɛ a Ɔlolómɛ̄, ápah áŋgɛl, mikanʼyɛ mitám la ŋguu ɛ́ lɛ á lōó bí lɛ́ á sí likanʼyɛ jɛ́ɛ́.

Biyɛ́ɛ́léné 1:18

Mi lɛ Nyɔ́ a lɛ éniŋ; mi ɓɛ́ɛ́ ŋ̀wúag, ndí ma nyɔ́ mi lɛ á éniŋ á éɓem la á éɓem. Ma ki nɛ́ mi byɛ́ɛ̄ ádiɓa á nyɛmb la nyú á ŋkɔŋ á ɓádūgu.

Biyɛ́ɛ́léné 1:5

la Yésus Kilístus ki, ǹtíi mbóŋ Ɔlolómɛ̄ á nyaa ɛ tɛ́ɛ́, mut ɔsú nɛ a páhyé á póla ɓá ɓá wū la ŋ̀kanʼyɛ káísa yí ŋkɔŋ-á-sí Kilístus a lɛ nyɔ́ a ŋga diŋ ɓɛ́hɛ, nyɔ́ a ɓógtɛ́ ɓɛ́hɛ á áɓē wáhá li kele la micii mɛ́ɛ́,