Elōg-Hébɛl 2:2 - Esaa-líat ɛ́ péná

² Ákaa ɛ́sɛ, kíyáɓɛ́nɛ eɓaŋgá ɛ́ lɛglɛ́ɛ li loole la áŋgɛl yá ɛ́ni nɛ́ ɛ́ lɛ́ mbálɛ, ɛnɛ ɓot bí sáá yɔ́, la ɓá bíh óglée ɓé ki yɔ́ bí kūhúú nsála á ɓɛ́ɛ́ á kɔ́ɔ́ la ɓɔ́.

Elōg-Hébɛl 2:2 ပူးပေါင်းရင်းမြစ်များ

Misɔ́n mí Ɓáōmɓɛ 7:53

Miní kuhúú Mbéndá Ɔlolómɛ̄ nyí áŋgɛl ɛ́ lɛgléé, ndí maná ógle ɓé yɔ!»

Elōg-Gálátia 3:19

Yéé hɔ́ mbéndá ɛ ŋga sɔ́ lí ɓɔŋ vá é? Ɓá kondyé jā mbéndá á lí ɓɔŋ nɛ́ mpuŋgú á ɛ́ní nɛ́-tɛ́ɛ la á nlaaŋkán á mbota nyí ɓá tí míkakanɛ. Áŋgɛl nɛ́ yá lɛgɛ́ nyíŋ mbéndá, yú tí yɔ ǹloɛ nɛ́ a pám la yɔ á yóg ɓot-bí-bínam.

Elōg-Hébɛl 1:1

Á éceg ɛ́ kwaŋ, á patí yɔ́ ɛ́sɛ, Ɔlolómɛ̄ ŋgí yɔg li máŋlɛ́ lí ɓatáŋɛ li loole la ɓapɔ́tle-bí-Ɔ́lolómɛ̄.

Elōg-Hébɛl 10:28

Nyɔ́ la nyɔ́ a ŋgá óglé ɓé mbéndá Móse bíg ól nyɛ́ ɛ́h ɓɛ́ ɓé ŋgɔ́ɔ́, kíyáɓɛ́nɛ ɓot bíɓáa tɔ bíŋháa ɓá tɛ́lɛ mbóŋ nɛ a búú mbéndá.

Elōg-Hébɛl 10:35

Miníh tɔmbɔ́g ɓé lí yéɓe la Ɔlolómɛ̄, átɔm nɛ́, mbáglé écɛ̄ŋ ví lɛ́ ámbúh yɛ́ɛ̄.

Elōg-Hébɛl 11:26

A yéɓé lí kuh lí mbɔɔla kaa yé Nyɔ́-a-Pɔ́hlɛ a ŋga nyɛ́ɛ yɔ li kuh, nyí ɛ lɛ̄ ákaa abyaŋ nyú á ŋga lóo miɓɛɛŋ mí Égípto, átɔm nɛ́ a tiŋíí miíh á mbáglé a ŋgí laaŋke.

Elōg-Hébɛl 11:6

Á mbálɛ, mut tɔ wa a sē ɓé nɛ a nyɛ́ɛ́lé Ɔ́lolómɛ̄ kíyáɓɛ́nɛ ah byɛ́ɛ́ ɓé ŋyéɓé. La náŋ, nyɔ́ la nyɔ́ a ŋga síiŋgle ɓɛɓɛ la Ɔlolómɛ̄ ag nyɛɛ li yéɓe nɛ́ Ɔlolómɛ̄ a lɛ, la ki nɛ́ nyɛ́ Ɔ́lolómɛ̄ ag págle ɓá bí ŋga sómo nyɛ́.

Elōg-Hébɛl 12:25

Nyɔŋán lítāt, miníh púnúg ɓé lí ámble lí nyɔ́ la nyɔ́ a ŋga pɔ́tɛ ɓɛ́nɛ. Átɔm nɛ́, kíyáɓɛ́nɛ ɓɔɔ́n bí Íslāɛl ɓáh véé ɓé ékɔ́ghɛ eceg bí ŋgí pún lí ámble lí Móse kí ag ɓóŋyɛ ɓɔ́ mam mú á ŋkɔŋ-á-sí, ɛbuu-la-ŋgele yáŋvéé la ɓɛ́hɛ, kí bu pún lí ámble lí nyɔ́ a ŋga pɔ́thɛ́nɛ ɓɛ́hɛ á lóō é?

Pétlos 2 1:19

La ki nɛ́, bí byɛ́ɛ́ eɓaŋgá yé ɓápɔ́tle-bí-Ɔ́lolómɛ̄ yé ɛ́ lɛ́ eɛ́gɓéné yɔ́-mɛ̄n, átē nɛ́ ɓɛ́nɛ ki miní kɔɔ́ li tiŋ lí miíh kaa etúlkáŋ yé miní ŋga légɓe kí ɛ́g páa á livito, sɔ́kágánɛ́ mipúú mí nzámuh míg sɔ́, la sɔ́kágánɛ́ ɔtɛ́ ví míyɛ̄-mí-kítí víg paaye mimím máná.

Yúde 1:5

Tɔ náŋ ákaa miní ŋga yí m̀ɓɛɛŋ m̀ɓɛɛŋ, yé mi ŋga sɔ́ lí laga vá, mag somo ɓɛ́nɛ li ɔ́ŋlánɛ nɛ́, Nyɔ́ŋ-Ɛsáŋɛ́, ɛnɛ́ á suŋ lílōm jɛ́ɛ́ á ékombo yé Égípto, ɔ ólhánɛ́ ɓá bísɛ ɓá bíh yéɓyée ɓé la nyɛ á póla yaɓá.