Elōg-Hébɛl 2:14 - Esaa-líat ɛ́ péná

¹⁴ Kasig ɓáŋ ɓɔɔ́n bí lɛ́ ɓot-bí-bínam, bú oŋgɓɛ́ nyaa ya á nyuú la á micii, Yésus ki a yāán kaa ɓɔ́, ɔ púnān la ɓɔ́ á líɓɛ́ɛg lí mut-a-binam. Ányúū náŋ nɛ́, li kele la nyɛmb yɛɛ́, a yáanɛ́ ǹsɔhɔ yɛmɛ́, nyɔ́ a mɓɛ́ a byɛ́ɛ́ ŋguu nyí li óm á nyɛmb.

Elōg-Hébɛl 2:14 ပူးပေါင်းရင်းမြစ်များ

Matéus 16:17

Yésus ɔ nyɔ̄ŋ sīg-pɛ mpɔ́t, ɔ lāgá nɛ: «Misɔ́tá la wa á Símɔn, mɔɔ́n Yónas, átɔm nɛ́ mut-a-binam ɓé nɛ a yíhɛ́ wa náŋ, ndí Etāa nyɔ́ a lɛ á lóō.

Matéus 25:41

Ámbúh náŋ, káísa ag kɛ hɔ́ lí laga lí ɓot bí ŋga ɓɛ́ nyɛ́ á m̀ɓɛ́ŋgáa nɛ́: ‹Nɛŋlán la ma, á mílɔgɔ́g mí ɓot mí! Kɛnán á éɓēl-nzáan nyí ɛ́ ŋgá dím ɓé, yé lɛ́ m̀ɓoŋhágan ányúū ǹsɔhɔ la áŋgɛl yɛ́ɛ́.

Yohánɛs 1:14

La Eɓaŋgá yú ɓɔ̄ŋɓɛ́ mut-a-binam, la yɔ́ yú tɔ́ɔ̄ la ɓɛ́hɛ, ɓɛ́hɛ ki bu mɛ̄mɛ́ lipém jɛ́ɛ́. Jéŋ lipém, lí pɔmbɛ Mɔɔ́n, líg sɔ́le nyɛ́ la Ɛsáŋɛ́, nyíŋ pɔmbɛ Mɔɔ́n ɛ yáhɛ́ la mikaale mí Ɔ́lolómɛ̄, mbálɛ ki ɛ yáhɛ yɔ á nyúū.

Yohánɛs 12:24

La mbálɛ-mbálɛ, mag laga ɓɛ́nɛ nɛ́, kíyáɓɛ́nɛ diíh lí mbáhɛ lá ku á sí, kí líh wúág ɓé, líg tɔɔ jɔ́-ntámɛ́; ndí kí lá wú, líg tíi miíh á nyaa ya lōo ɔvega.

Elōg-Lóma 14:9

Ákaa ɛ́sɛ, Nyɔ́-a-Pɔ́hlɛ a wú, la nyɛ́ ɔ tímān á éniŋ ányúū li ɓɛ́ lí Nyɔ́ŋ-Ɛsáŋɛ́ a ɓá ɓá wū la ɓá bí lɛ́ á éniŋ.

Elōg-Lóma 8:3

Ɔlolómɛ̄ a ɓɔ̄ŋ yé mbéndá yāh la ɓé li ɓɔŋ, ányúū nɛ, nyíŋ mbéndá ɛh ɓɛ́ɛ́la ɓé ŋguu nyí li kanʼyɛ lí mut-a-binam átē a aɓɔt wɛ́ɛ́. Ányúū li kɔ́ghɛ lí áɓē nɛ āh ɓɛ́ɛ́la ɓé pɛ ŋguu tɔ ya á nyúū nyí mut-a-binam, Ɔlolómɛ̄ a óm Mɔ́ɔ̄n wɛ́ɛ̄ á épunan yáhá la nyuú nyí miɓé, nɛ́ a ɓógtɛ́ ɓɛ́hɛ á áɓē.

Elōg-Kɔlínto 1 1:28

Ɔlolómɛ̄ a pɔ́hɔ̄ yé ɛ́ lɛ́ yɛ̄mɛ́, yé ɓot bí ŋga yāŋa, yé ɛ́ lɛ́ ŋgíla eɓáha, mú á ŋkɔŋ-á-sí, á lí sáá lí yé ɛ́ ŋga ɛ́ni taŋ,

Elōg-Kɔlínto 1 15:50

Á élōgyāŋ, jam mi ŋga lága jɔ́ jé nɛ́: «Nyuú nyí mison la micii ɛ ŋgá la ɓé lí koto lí Ékombo Ɔ́lolómɛ̄, yé ki ɛ́ ŋga ɓɔ̄l yɔ́g ɛ́ ŋgá la ɓé lí koto lí éniŋ éɓem.»

Elōg-Gálátia 4:4

Ndí, ɛnɛ́ eceg yá kɔlan, Ɔlolómɛ̄ ɔ óm Mɔ́ɔ̄n wɛ́ɛ̄, nyɔ́ a byáá la mindígá, ɔ ɓɛ́ á sí mbéndá Elōg-Yúda,

Elōg-Kólóso 2:15

A yáanɛ́ Migɔ́mna mísɛ la Ŋguu ɛ́sɛ yɛmɛ́, ɔ yáanɛ́ ɓɔ jam lí vɔl á ntélélé, ɔ ɔ́ŋgɔ́ míŋ Migɔ́mna la yíŋ Ŋguu á sí, ɔ kɛ́la ɓɔ́ ŋkómá á elɔŋ ɛ́ ɓot ɛ́ ŋga sóphɛ la mivag nɛ́ Yésus a dí mbásá cíŋ.

Timotéo 1 3:16

Kɔɔ la mbálɛ, mbaŋ nyí ŋyéɓé wáhá ɛ lɛ̄ écɛ̄ŋ. Yɔ nɛ́ ɛ lɛ nɛ́: Yésus Kilístus nyɔ́ a sɔ́ la nyuú nyí mut-a-binam, M̀búl Mpúán a étɛ́ ɓɛ́hɛ liɓɛ́ɛg jɛ́ɛ́ lí sim, áŋgɛl ki yú mɛ̄mɛ́ nyɛ, ɔ lɛ̄glɛ́ á yóg ɓot bí ŋgíla ŋyéɓé, ɓot bú yéɓé la nyɛ́ á ŋkɔŋ-á-sí, ɔ ɓét á lōó, ɔ kūh lípēm lí Ɔ́lolómɛ̄.

Timotéo 2 1:10

Nyí vɔ́ŋɔ́ɔ, yéŋ elɔ́ŋgɔ yɛ́ɛ́ m̀mím yá ɛ́nyéné á misɔ́ mí Ǹsuŋ wahá Yésus Kilístus. Nyɛ́ nɛ́ a mānɛ́ nyɛmb li kele la Pɔ́l M̀ɓɛɛŋ, ɔ étɛ̄ éniŋ yé ŋgíla lisúg.

Elōg-Hébɛl 10:10

Ányúū li yáhɛ lí nsom á Ɔlolómɛ̄ nɛ́ Yésus Kilístus a tí nyúū yɛ́ɛ̄ káa nsúlé ŋgele ya ányúū yɔ́ ɛ́sɛ, náŋ ɔ púɛ́ ɓɛ́hɛ miɓé máhá.

Elōg-Hébɛl 10:5

Ányúū náŋ nɛ́, eceg Nyɔ́-a-Pɔ́hlɛ a ŋgí sɔ́ á ŋkɔŋ-á-sí, a lagléé Ɔlolómɛ̄ nɛ́: «Ɔlɔ́ tɔ̄ vá, wāh somo ɓé nsúlé tɔ likaale, ndí wa vēg ma la nyuú.

Elōg-Hébɛl 2:17

Ányúū náŋ nɛ́ a ŋga nyɛ́ɛ li punan la elōgésāŋ á pánd ɛ́sɛ, nɛ́ ndí a yáan ǹtíi-nsúlé ǹcɛ́ŋ nyɔ́ a yáhɛ́ la m̀mím á ŋgɔ́ɔ́, nyɔ́ a ŋga sál nsɔ́n wɛ́ɛ́ kaa ɛ́ ŋga sōmlɛ ɔ́sū ví Ɔ́lolómɛ̄. Nyɛ́ nɛ́ a tɛ́ɛ́ɓɛ́ á lí kuhle lí ɓot-bí-bínam elaakɛ-miɓé.

Elōg-Hébɛl 2:18

Kasig nyɛ́-mɛ̄n ɓá ceglɛ nyɛ, nyɛ́g ag la li óŋgánɛ lí ɓot bí lɛ́ á sí míceglan.

Elōg-Hébɛl 4:15

Ányúū nɛ bi byɛ́ɛ ǹtíi-nsúlé ǹcɛ́ŋ nyɔ́ a ŋga lá li kaan lí áɓɔt wáhá. Nyɛ́g a kūh míceglan á mam mísɛ kaa ɓɛ́hɛ, ndí nyɛ́ āh vuhle ɓé Ɔ́lolómɛ̄.

Elōg-Hébɛl 9:15

Ányúū náŋ nɛ́ Nyɔ́-a-Pɔ́hlɛ a lɛ á póla Ɔlolómɛ̄ la ɓot bí binam ányúū esaa-líat ɛ́ péná, yé ɛ́ lɛ́ lílagle lí péná. A wú ányúū li ɓógtɛ lí ɓot-bí-bínam á m̀ɓog nyú míɓē máɓá mí váá ɓɔ́ eceg bí ɓɛ́ɛ́ bí ŋgí lɛ á ésaa-líat yé ɔ́sū. Jɔ́ nɛ́, ɓot Ɔlolómɛ̄ a yáŋá bíg la li kuh lí émbāmbá yá yé ɛ́ ŋgá cɛ́ ɓé, yé ɛ́ lɛ́ nɛ a kakánɛ́ ɓɔ̄,

Pétlos 1 1:20

Nyɔ́-a-Pɔ́hlɛ nɛ́ Ɔlolómɛ̄ a pɔ́hɔ sɔ́kágánɛ́ ag veg ŋkɔŋ-á-sí, ɔ ɓɔ̄ŋ nɛ a yílɛ̄ á mísūg mí eceg ányúū m̀ɓɛɛŋ wáná.

Biyɛ́ɛ́léné 1:18

Mi lɛ Nyɔ́ a lɛ éniŋ; mi ɓɛ́ɛ́ ŋ̀wúag, ndí ma nyɔ́ mi lɛ á éniŋ á éɓem la á éɓem. Ma ki nɛ́ mi byɛ́ɛ̄ ádiɓa á nyɛmb la nyú á ŋkɔŋ á ɓádūgu.

Biyɛ́ɛ́léné 12:9

Nyúŋ m̀ɓáláŋ á nyuŋgu la áŋgɛl yɛ́ɛ́ bú lééɓɛ́ á ŋkɔŋ-á-sí; wɔ́ nɛ́ á lɛ́ nlom á nyɔ, nyú bí ŋga yáŋa nɛ́ Ǹsɔhɔ, Sátan, ŋ̀yɛ́ɛ ŋkɔŋ-á-sí ásɛ;

Biyɛ́ɛ́léné 2:10

Ɔg kɛ li sɔghe, ndí ɔh kɔnɔ́g ɓé woŋ. Ɛ́n sig, á lí ceglɛ lí ɓɛ́nɛ, ǹsɔhɔ ag kɛ li vá lí jogo lí ɓot jáná á m̀ɓog; miníg kɛ li ɓɛ́la lí jóom lí alɔ́ lí míceglan. Tiŋɓé nɛ́-tɛ́ɛ la á nyɛmb, mag kɛ wa lí tíi lí ɔ́tot ví éniŋ.

Biyɛ́ɛ́léné 20:2

Váŋ nɛ́ ya byée nyuŋgu, nlom á nyɔ nyú bí ŋga yáŋa nɛ́ ǹsɔhɔ, tɔ nɛ́ Sátan, la yɔ yu kág nyíŋ nyɔ ányúū ɔkóó ví mímbú.