Elōg-Hébɛl 12:2 - Esaa-líat ɛ́ péná

² Eceg bi ŋga nāŋga m̀bíí, miíh máhá mí ɓɛ́ ja á mbóg Yésus, nyɛ́ nɛ́ a légē ɓɛ́hɛ nzen nyí ŋyéɓé, nyɛ́ ki nɛ́ a ŋga kɛ́ wɔ́ lí pámla á lísūg, nyɛ́ nɛ́, a mwáhɛ́ mívag mí mɓɛ́ nyɛ̄ ɔ́sū, la nyɛ́ ɔ yéɓé nyɛmb nyí mbásá átē a eɔ́hánɛ, ɛ́h ɓɛ́ ɓé lí nyɔŋ lí éceg la mbɔɔla ɛsɛ̄ nyíŋ nyaa nyɛmb ɛ ŋga tíi. Ndí nyí vɔ́ŋɔ́ɔ, a tɔ́ɔ á m̀ɓɛ́nlómɛ a etɔɓé-líkanʼyɛ yé Ɔ́lolómɛ̄.

Elōg-Hébɛl 12:2 ပူးပေါင်းရင်းမြစ်များ

Matéus 16:21

Váŋ á yéŋ eceg nɛ́ Yésus Kilístus a ɓōtlé lí yéglɛ lí ɓáyēge ɓɛ́ɛ́ nɛ́, ɛ́g somlɛ nɛ́ a ɓét á Yélūsalɛm, ɓacɛ́ŋ bí lílōmɛ, ɓakanʼyɛ ɓatíi-nsúlé la ɓayí-mbéndá bí teeŋgɛ́ nyɛ́ ŋgandag, bí ólhánɛ nyɛ́, ndí á ɔ́lɔ̄ vá yáhɛ áŋháa a páhyé.

Matéus 20:28

Náŋ ki nɛ̄ Mɔɔ́n Mut ah sɔ́ ɓé nɛ bí ɛɛlé nyɛ́, ndí a sɔ́ nɛ a ɛ́ɛ́lé ɓot, la li tíi lí éniŋ yɛ́ɛ́ á ésɛsɛ́ma á lí tɔ́hɔ lí ɔ́bul ví límut.»

Málkus 14:36

La nyɛ́ ɔ ɓátlé nɛ: «Ába, Etāa wa nɛ́ ɔ ŋgɔ lá mɔ́ mísɛ, ɓɔ̄ŋ nɛ́ jé liɓondó lí ésɔghe lí nɛ́ŋɛ̄ la ma; ah ákaa nsom wáma ɓé, ndí kaa nsom wɔ́ɔ!»

Málkus 15:28

]

Málkus 16:19

Ɛnɛ́ Nyɔ́ŋ-Ɛsáŋɛ́ Yésus a mánɛ ɓɔ́ li kwɛlɛ, ɔ nyɔ̄ŋɓɛ́ á lóō, ɔ tɔ́ɔ̄ á m̀ɓɛ́nlómɛ á Ɔlolómɛ̄.

Málkus 9:12

Ɔ pélē ɓɔ́ nɛ́: «Kɔɔ la mbálɛ, Elías a nyɛ́ɛ yágá li sɔ́ á li tɛ́ɛ́yɛ lí mam mísɛ; ɓaá yá ciiɓɛ hɔ́ ɓé nɛ Mɔɔ́n Mut a nyɛ́ɛ yágá li sɔghe taŋ-taŋ la nɛ́ bí yāŋa ki nyɛ́ é?

Málkus 9:24

Á ékūyá-kúyá, ɛsáŋɛ́ á mɔɔ́n ɔ tɛ́ɛ́ nlón nɛ: «Mag yéɓe! Sóon óŋgánɛ ma, tɔ la ŋgíla ŋyéɓé yáma!»

Lúkas 17:5

Ɓaómɓɛ bú lága Nyɔ́ŋ-Ɛsáŋɛ́ nɛ: «Kondyé ɓɛ́hɛ ŋyéɓé.»

Lúkas 23:11

Elóde la ɓatát nyɛ́, átē á ŋgandag ŋyaŋ, bú ɓōtlé li ɔl lí Yésus. La Elóde ɔ jáhɛ́ nyɛ elɔ́ŋgɔ mbɔ́tí, ɔ tímānɛ̄ nyɛ á yóg Piláto.

Lúkas 24:26

Ɓaá ɛ́ ŋga somlɛ ɓé yágá nɛ Nyɔ́-a-Pɔ́hlɛ a táká náŋ sɔ́kágánɛ́ ag níŋgi á lípēm jɛ́ɛ́ é?»

Yohánɛs 1:29

Ámbúh víŋ ɔlɔ́, ɛnɛ́ Yohánɛs a ɛ́n Yésus ag siŋgle nyɛ́ ɓɛɓɛ, ɔ lága nɛ: «Nyɔ́ nɛ́ a lɛ mɔɔ́n ntómbɛ́ á Ɔlolómɛ̄ a ŋga ɓógtɛ aɓé á ŋkɔŋ-á-sí

Yohánɛs 12:24

La mbálɛ-mbálɛ, mag laga ɓɛ́nɛ nɛ́, kíyáɓɛ́nɛ diíh lí mbáhɛ lá ku á sí, kí líh wúág ɓé, líg tɔɔ jɔ́-ntámɛ́; ndí kí lá wú, líg tíi miíh á nyaa ya lōo ɔvega.

Yohánɛs 12:32

Ndí ma, eceg bí ŋga kɛ́ ma lí ɓógtɛ á ŋkɔŋ-á-sí, mag kɛ li duutɛ lí ɓot bísɛ á ŋgwáāg yáma.»

Yohánɛs 13:3

Ndí Yésus a yíí nɛ́ Ɛsáŋɛ́ a tíéé nyɛ́ mam mísɛ, la nɛ́ a sɔ́léné á yóg Ɔlolómɛ̄, wóŋ ki nɛ́ a ŋga kɛ́ li timan.

Yohánɛs 6:40

Nsom á Etāa nyú nɛ́, Tɔ nzáá a ɛ́n Mɔɔ́n ndí a yéɓé la nyɛ́, ag kuh eniŋ éɓem. Mág, mag kɛ nyɛ́ li pahyɛ á ɔlɔ́ vá tiile.»

Yohánɛs 8:56

Áblaháam ɛsɔ́ŋɛ́ wāná a kɔ̄n mívag la mí miɔ́ŋɔ nɛ́ a ɛ́n ɔlɔ́ vama ví mísɔ̄, la náŋ a ɛ́n víŋ ɔlɔ́, ɔ yál la mivag.»

Misɔ́n mí Ɓáōmɓɛ 2:36

Ɓɛ́nɛ lilóm lí Íslāɛl lísɛ, maná nyɛ́ɛ li yí la mbálɛ nɛ́, nyɔ́ Yésus maná tomó á mbásá, Ɔlolómɛ̄ a ɓɔ̄ŋ nɛ a ɓɛ́ Nyɔ́ŋ-Ɛsáŋɛ́ la Nyɔ́-a-Pɔ́hlɛ.»

Misɔ́n mí Ɓáōmɓɛ 3:15

Ŋ̀kanʼyɛ a eniŋ nyɔ́ maná ólhānɛ, Ɔlolómɛ̄ a pāhyɛ́ nyɛ á póla ɓá ɓá wū, bi lɛ mbóŋ míŋ mam.

Misɔ́n mí Ɓáōmɓɛ 5:31

Nyɛ́ nɛ́ Ɔlolómɛ̄ a ɓétɛ́ á lóō la ŋguu yɛ́ɛ̄, ɔ tɛ́ɛ́yɛ́ nyɛ kaa Ŋ̀kanʼyɛ la Ǹsuŋ, á lí ɓɔŋ nɛ́ lilóm lí Íslāɛl lí vēŋé bilɛ́m la jɔ́ lí kuh elaakɛ-miɓé.

Misɔ́n mí Ɓáōmɓɛ 5:41

Ɓaómɓɛ bú ɓógó la mivag ɔ́sū ví ɔ́ku-vicɛ́ŋ-ví-bíkāāhɛ́nɛ́, nɛ́ Ɔlolómɛ̄ a ɛ́n nsɛ́ŋ nɛ bí téeŋgɛ́ ɓɔ́ á jóō lí Yésus.

Elōg-Kɔlínto 1 1:18

Ákaa ɛ́sɛ, li kwɛl ányúū nyɛmb nyí Nyɔ́-a-Pɔ́hlɛ á mbásá lí lɛ́ jam lí nzeg ányúū ɓot ɓá jáŋ. Ndí ányúū ɓɛ́hɛ ɓot bí tɛ́ɛ́ á nzen lisuŋga, lí lɛ́ ŋguu nyí Ɔlolómɛ̄.

Elōg-Kɔlínto 1 1:23

Ndí ɓɛ́hɛ, biíg lɛgɛ pɔ́l nyí Nyɔ́-a-Pɔ́hlɛ nyɔ́ a tōmlɛ́ á mbásá. Nyíŋ pɔ́l ɛ lɛ́ ntugɛ ányúū Elōg-Yúda, nzeg ányúū ɓá bí sē ɓé ɓɔ́ɔ̄n bí Élōg-Yúda.

Elōg-Éféso 2:16

La nyɛmb yɛ́ɛ̄ á mbásá, Yésus Kilístus a yáanɛ́ ɓɔ nyúū ya, ɔ sáŋgá ki ɓɔ́ la Ɔlolómɛ̄. La nyɛmb yɛ́ɛ̄ á mbásá, a mánɛ́ bísīŋgá.

Elōg-Éféso 5:2

Niŋán átē á ediŋ kaa Nyɔ́-a-Pɔ́hlɛ a dīŋ ɓɛ́hɛ, la nyɛ́ ɔ tí nyɛ́-mɛ̄n Ɔlolómɛ̄ kaa likaale la nsúlé ányúū yāhá, nyúŋ nsúlé á byɛ́ɛ́ élɔ́ŋgɔ nziŋ ɛ́ ŋga nyɛ́ɛle Ɔlolómɛ̄.

Elōg-Fílípi 1:6

Mi lɛ mbáki la jam já nɛ́, Ɔlolómɛ̄ nyɔ́ a ɓōtlé elɔ́ŋgɔ yɛ́ɛ́ nsɔ́n á póla yaná, ag kɛ wɔ́ lí pámla á lísūg, nɛ́-tɛ́ɛla á ɔ́lɔ̄ Yésus Kilístus a ŋga kɛ́ li sɔ́.

Elōg-Fílípi 3:20

Ndí ɓɛ́hɛ, bi lɛ̄ ɓɔ́ɔ̄n bí ékombo ɛ́ lōó. Bi lɛ á nlaaŋkán nɛ Nyɔ́ŋ-Ɛsáŋɛ́ Yésus Kilístus ag sɔ́léne wóŋ ákaa ǹsuŋ.

Timotéo 2 4:8

Nyí vɔ́ŋɔ́ɔ, Nyɔ́ŋ-Ɛsáŋɛ́ a nāŋʼyé mā ɔ́tot ví étɛ̄l-sim ákaa nsála, vɔ́ nɛ́ a ŋga kɛ́ ma lí tíi múŋ á ɔ́lɔ̄ ví bíkááhɛ́nɛ́, nyɛ́ ŋ̀kááhɛ a tɛ́ɛ́ sim. Ah mā-ntámɛ́ ɓé nɛ mi ŋga kɛ́ vɔ́ lí kuh, ndí ɓot bísɛ bí ŋga ɓɛ́la ediŋ yé mítiman mɛ́ɛ́.

Elōg-Hébɛl 1:13

Ɓaá yɔɔ́yɔ́ɔ áŋgɛl Ɔlolómɛ̄ ɔ ví laga nɛ́: «Tɔɔ́ á m̀ɓɛ́nlómɛ wama, nɛ́-tɛ́ɛ ma yáanɛ́ ɓálem ɓɔ́ɔ etɛ́lɓéné-míkoo mɔ́ɔ é?»

Elōg-Hébɛl 1:3

La nyɛ́ nɛ́ epaa yé lípēm lí Ɔ́lolómɛ̄ ɛ́ ŋga ɛ́ni, ndí ɔ ɓɛ́ kí kɔɔ yé Ɔ́lolómɛ̄ a lɛ, la ŋguu nyí eɓaŋgá yɛ́ɛ́ nɛ a nīt joó nɛ jam lá vēgɓɛ. Ɛnɛ́ a mānɛ́ li púɛ lí ɓot á míɓē máɓá, ɔ ɓét á lóō, ɔ tɔ́ɔ á m̀ɓɛ́nlómɛ a Nyɔlɛ nyɔ́ a Ŋguu-Mísɛ.

Elōg-Hébɛl 10:14

Jɔ́ nɛ́, la pɔm likaale nɛ́ Yésus Kilístus a púɛ́ ɓot ŋgele ya ányúū yɔ́ ɛ́sɛ, ɓot a tímānɛ̄ á ŋgwáāg Ɔlolómɛ̄.

Elōg-Hébɛl 10:33

Mú á yé epah, miníg óŋlɛ́ɛ la li kuh lí ndeeŋgɛ á ntélélé, á yéŋé épah, miníg nit ɓot ɓá kūh milemlem mí bísɔghe.

Elōg-Hébɛl 11:36

Ɓáŋá ɓátām sīg-pɛ, bí kéeyɛ́ɛ́ ɓɔ́ ŋgandag, bú lɔ́g ki ɓɔ́ áso, bú kág ɓɔ la misáŋ-mí-bícɛɛ, ámbúh náŋ bú óm ɓɔ á m̀ɓog.

Elōg-Hébɛl 12:3

Ɔ́ŋlán kaa Yésus a ɔ́hánɛ eceg ɓaɓɔŋ-miɓé ɓá síŋgɛ́ nyɛ, nɛ́ ndí mímīm máná míh ɓɔtɔ́g ɓé la ɓɛ́nɛ miní tímān la mbúh.

Elōg-Hébɛl 13:13

Bi pám hɔ́ á lí ɓoman la nyɛ́ ápah ɓot bí sē ɓé, bi yéɓé ki mióó ɓá óŋó nyɛ,

Elōg-Hébɛl 5:9

A óglé nɛ́-tɛ́ɛ ɔ yáan nyɔ́ a kɔɔ́ lí ɓɔŋ nɛ́ ɓot bísɛ bí ŋga ógle nyɛ́ bí kuh lísuŋga lí pɔ́gɔ́-pɔgɔ,

Elōg-Hébɛl 7:19

átɔm nɛ́, mbéndá Móse yāh púɛ ɓé mut tɔ wa. Ndí, ɓaá kūh taŋ lipitá jé lí ŋga ɓɔŋ ɓɛ́hɛ nɛ́ bi lá li siŋgle ɓɛɓɛ la Ɔlolómɛ̄.

Elōg-Hébɛl 8:1

Taŋ jam á mam mísɛ ɓaá laga ɓɛ́nɛ ɛ lɛ̄ nɛ́, bi byɛ́ɛ̄ nyíŋ nyaa ǹtíi-nsúlé ǹcɛ́ŋ, nyɔ́ a tɔɔ́ á lóō, á m̀ɓɛ́nlómɛ a etɔɓé-líkanʼyɛ yé Nyɔlɛ a Ŋguu-Mísɛ.

Elōg-Hébɛl 9:28

Nlemlem nɛ́, Yésus Kilístus ki a tíéɓɛ́ kaa nsúlé ŋgele yāhya, ányúū lí ɓógtɛ lí míɓē mí mbɔ́ŋgɔ limut. Ag kɛ li ɛ́ni ŋgele ya yáhɛ́ ɛ́ɓáa, ah ányúū li manɛ lí míɓē ɓé, ndí ányúū li suŋ lí ɓot bí ŋga láaŋke misɔ́ mɛ́ɛ́.

Yákop 2:1

Á élōgyāŋ, ɓɛ́nɛ ɓot miní byɛ́ɛ̄ ŋyéɓé la Ɛtáŋɛ wahá Yésus Kilístus nyɔ́ a yáhɛ́ la lipém, miníh tɔ́tlág ɓé ɓot.

Pétlos 1 1:11

Ɓáŋ ɓapɔ́tle-bí-Ɔ́lolómɛ̄ ɓá somó lí sɔ́ŋtánɛ á yɔɔ́yɔ́ɔ eceg la láá míŋ mam mí ŋga kɛ́ li ɓɔŋɓɛ, li oŋle kaa M̀búl á Kilístus nyɔ́ á ɓɛ́ɛ́ ɓɔ́ átē, a yíhɛ ɓɔ ɔ́sū ví éceg, bísɔghe Nyɔ́-a-Pɔ́hlɛ a ŋga kɛ́ li kuh la lipém lí ŋga kɛ́ li sɔ́ ámbúh bíŋ bisɔghe.

Pétlos 1 3:18

Ákaa ɛ́sɛ, Nyɔ́-a-Pɔ́hlɛ nyɛ́-mɛ̄n a sɔ̄ghe ányúū miɓé mí ɓot-bí-bínam ŋgele ya ányúū yɔ́ ɛ́sɛ. Nyɛ́ mut a tɛ́ɛ́ sim, a sɔ̄ghé ányúū ɓá bíh tɛ́ɛ́ ɓé sim, á lí ɓɔŋ nɛ́ a kɛla ɓɛ́nɛ á mbóg Ɔlolómɛ̄. A wú átē a mison, ndí ɔ tímān á eniŋ átē a M̀búl.

Pétlos 1 3:22

nyɔ́ a ɓét á loó, ɔ tɔ́ɔ á m̀ɓɛ́nlómɛ a Ɔlolómɛ̄, ápah áŋgɛl, mikanʼyɛ mitám la ŋguu ɛ́ lɛ á lōó bí lɛ́ á sí likanʼyɛ jɛ́ɛ́.

Yúde 1:21

Miní tɔɓéné á édiŋ yé Ɔ́lolómɛ̄, á nlaaŋkán á ékɔnan-ŋgɔ́ɔ́ yé Ɛ́tāŋɛ wahá Yésus Kilístus ányúū lí kuh lí éniŋ éɓem.

Biyɛ́ɛ́léné 1:11

Ɛ ŋgí lɛgɛ nɛ́: «Yé ɛ́sɛ ɔ ŋgɔ kɛ́ li ɛ́n, cií yɔ́ á pɔ̄m kálati, ɔ óm yɔ á bí Biɓasɛ nzambúwá: á yé Éféso, á yé Simílna, á yé Pɛlgáma, á yé Tiatília, á yé Sáldɛs, á yé Filadɛlfía la á yé Laodíse.»

Biyɛ́ɛ́léné 1:17

Ɛnɛ́ ma ɛ́n nyɛ́, mu ɓɛ́hán á míkoo mɛ́ɛ́ kaa m̀bim, ndí nyɛ́, ɔ káhyɛ́ ma wɔ wɛ́ɛ́ á m̀ɓɛ́nlómɛ, ɔ laga ma nɛ́: «Ɔh kɔnɔ́g ɓé woŋ, ma nɛ́ mi lɛ Nyɔ́ ɔsú la Nyɔ́ a tíile.

Biyɛ́ɛ́léné 1:8

Nyɔ́ŋ-Ɛsáŋɛ́ Ɔlolómɛ̄ a byɛ́ nɛ́: «Mi lɛ Álfa la Oméga, nyɔ́ a ɓɛ́ɛ́, nyɔ́ a lɛ, la nyɔ́ a ŋga kɛ́ li sɔ́. Mi lɛ Ɔ́lolómɛ̄ á Ŋguu-Mísɛ.»

Biyɛ́ɛ́léné 2:8

Ciilé áŋgɛl nyí Eɓasɛ yé Simílna nɛ́: Nyɔ́ Ɔsú la nyɔ́ a Tíile, nyɔ́ a wúēē, ndí ɔ pāhye ag pɔ́t nɛ́: