Elōg-Hébɛl 10:5 - Esaa-líat ɛ́ péná

⁵ Ányúū náŋ nɛ́, eceg Nyɔ́-a-Pɔ́hlɛ a ŋgí sɔ́ á ŋkɔŋ-á-sí, a lagléé Ɔlolómɛ̄ nɛ́: «Ɔlɔ́ tɔ̄ vá, wāh somo ɓé nsúlé tɔ likaale, ndí wa vēg ma la nyuú.

Elōg-Hébɛl 10:5 ပူးပေါင်းရင်းမြစ်များ

Matéus 11:3

«Wa nɛ́ ɔ lɛ nyɔ́ a nyɛ́ɛ lí sɔ́, tɔ nɛ́ ɓaá nyɛ́ɛ lí laaŋke lí nyɔ́ ntám é?»

Lúkas 1:35

La áŋgɛl yu pélē nyɛ nɛ́: «M̀búl Mpúán ág kɛ wa li suhle, la ŋguu Nyɔlɛ ɛ bútyɛ́ wa ákaa yíɓe, Ányúū náŋ nɛ́, nyɔ́ a ŋga kɛ́ li byáa ag ɓɛ́ mpúán, la li yáŋlɛ nɛ́: Mɔɔ́n Ɔlolómɛ̄.

Lúkas 7:19

ɔ óm ɓɔ li ɛ́n lí Nyɔ́ŋ-Ɛsáŋɛ́ la li ɓat lí nyɛ́ nɛ́: «Wa nɛ́ ɔ lɛ Nyɔ́ a ŋga sɔ́ tɔ nɛ́ ɓá nyɛɛ́ lí laaŋke lí nyɔ́ ntám é?»

Yohánɛs 1:14

La Eɓaŋgá yú ɓɔ̄ŋɓɛ́ mut-a-binam, la yɔ́ yú tɔ́ɔ̄ la ɓɛ́hɛ, ɓɛ́hɛ ki bu mɛ̄mɛ́ lipém jɛ́ɛ́. Jéŋ lipém, lí pɔmbɛ Mɔɔ́n, líg sɔ́le nyɛ́ la Ɛsáŋɛ́, nyíŋ pɔmbɛ Mɔɔ́n ɛ yáhɛ́ la mikaale mí Ɔ́lolómɛ̄, mbálɛ ki ɛ yáhɛ yɔ á nyúū.

Elōg-Gálátia 4:4

Ndí, ɛnɛ́ eceg yá kɔlan, Ɔlolómɛ̄ ɔ óm Mɔ́ɔ̄n wɛ́ɛ̄, nyɔ́ a byáá la mindígá, ɔ ɓɛ́ á sí mbéndá Elōg-Yúda,

Timotéo 1 3:16

Kɔɔ la mbálɛ, mbaŋ nyí ŋyéɓé wáhá ɛ lɛ̄ écɛ̄ŋ. Yɔ nɛ́ ɛ lɛ nɛ́: Yésus Kilístus nyɔ́ a sɔ́ la nyuú nyí mut-a-binam, M̀búl Mpúán a étɛ́ ɓɛ́hɛ liɓɛ́ɛg jɛ́ɛ́ lí sim, áŋgɛl ki yú mɛ̄mɛ́ nyɛ, ɔ lɛ̄glɛ́ á yóg ɓot bí ŋgíla ŋyéɓé, ɓot bú yéɓé la nyɛ́ á ŋkɔŋ-á-sí, ɔ ɓét á lōó, ɔ kūh lípēm lí Ɔ́lolómɛ̄.

Elōg-Hébɛl 1:6

Ndí, eceg Ɔlolómɛ̄ a ŋgí nyɛɛ li óm lí Mɔ́ɔ̄n wɛ́ɛ̄ á ŋkɔŋ-á-sí, ǹdúgu li byáa á póla biveglé bísɛ, a lagléé nɛ́: «Áŋgɛl yí Ɔ́lolómɛ̄ ɛ́sɛ yá nyɛɛ́ lí úlɓán ɔ́su vɛ́ɛ́.»

Elōg-Hébɛl 10:10

Ányúū li yáhɛ lí nsom á Ɔlolómɛ̄ nɛ́ Yésus Kilístus a tí nyúū yɛ́ɛ̄ káa nsúlé ŋgele ya ányúū yɔ́ ɛ́sɛ, náŋ ɔ púɛ́ ɓɛ́hɛ miɓé máhá.

Elōg-Hébɛl 10:7

Náŋ nɛ́ a yígle ma nɛ́ mi laga nɛ́: ‹Ma nyɔ́, átɔm nɛ́ ányúū yáma mā-mɛ̄n nɛ́ yá ciiɓɛ́ á kálati Licii-Lipúán nɛ́: Á Ɔ́lolómɛ̄, ma sɔ́ á li ɓɔŋ lí nsom wɔ́ɔ›.»

Elōg-Hébɛl 10:8

Yésus Kilístus a dúgléé li laga nɛ́: «Wāh somo ɓé mísūlé, mikaale, tít bí ŋgá dígɛ á étága-nsúlé tɔ misúlé ɓot bí ŋga tíi ányúū li so lí míɓē bíŋ bísɛ byáh nyɛɛle ɓé wa.» Bi yí nɛ́ míŋ mikaale mí lɛ míkaale mbéndá ya tɛ́ɛ́yɛ́.

Elōg-Hébɛl 2:14

Kasig ɓáŋ ɓɔɔ́n bí lɛ́ ɓot-bí-bínam, bú oŋgɓɛ́ nyaa ya á nyuú la á micii, Yésus ki a yāán kaa ɓɔ́, ɔ púnān la ɓɔ́ á líɓɛ́ɛg lí mut-a-binam. Ányúū náŋ nɛ́, li kele la nyɛmb yɛɛ́, a yáanɛ́ ǹsɔhɔ yɛmɛ́, nyɔ́ a mɓɛ́ a byɛ́ɛ́ ŋguu nyí li óm á nyɛmb.

Elōg-Hébɛl 5:7

Nyɔ́-a-Pɔ́hlɛ nɛ́, á éniŋ yɛ́ɛ́ mú á sí vaŋgá, átē a ŋgandag mílōn la bíya, a kánɛ, ɔ ɓétɛ́ ki nzag á yóg mut a ŋgí la nyɛ́ lí suŋ á nyɛmb, la Ɔlolómɛ̄ ɔ yáhɛ́ nzag yɛ́ɛ́ ányúū esuhɛ-nyuú yɛ́ɛ́.

Elōg-Hébɛl 8:3

Joó nɛ ǹtíi-nsúlé ǹcɛ́ŋ a tɛ́ɛ́ɓɛ́ ányúū li tíi lí míkaale la misúlé, jɔ́ nɛ́, ɛ́ lɛ́ nsɛ́ŋ nɛ́ nyɛ́g a ɓɛ́la puh jam a ŋga tíi.

Pétlos 1 2:24

Nyɛ́ nɛ́ a ɓɛ́gɛ̄ aɓé wáhá á nyúū yɛ́ɛ̄ á loó lí mbásá, á li ɓɔŋ nɛ́ bih ɓɛ́ɛ́g ɓé pɛ á sí likanʼyɛ lí áɓē, ndí bi nīŋ eniŋ ɛ́ tɛ́ɛ́ sim. Mbála yɛ́ɛ́ yá tɔ́ɔyɛ́ ɓɛ́nɛ mbólí.

Yohánɛs 2 1:7

Átɔm nɛ́ ŋgandag ɓot bí mínaa yá cámān á ŋkɔŋ-á-sí. Bí ŋgá yéɓe ɓé nɛ Yésus Kilístus a sɔ́ kɔɔ la nyúū mut-a-binam. Ɓáŋ ɓot bí lɛ́ ɓot-bí-mínaa la ɓalem-bí-kilístus.