Elōg-Hébɛl 1:6 - Esaa-líat ɛ́ péná

⁶ Ndí, eceg Ɔlolómɛ̄ a ŋgí nyɛɛ li óm lí Mɔ́ɔ̄n wɛ́ɛ̄ á ŋkɔŋ-á-sí, ǹdúgu li byáa á póla biveglé bísɛ, a lagléé nɛ́: «Áŋgɛl yí Ɔ́lolómɛ̄ ɛ́sɛ yá nyɛɛ́ lí úlɓán ɔ́su vɛ́ɛ́.»

Elōg-Hébɛl 1:6 ပူးပေါင်းရင်းမြစ်များ

Matéus 24:14

Nyíŋ Pɔ́l M̀ɓɛɛŋ nyí Ekombo-lóō ɛg kɛ li lɛglɛ á ŋkɔŋ-á-sí ásɛ, á lí ɓɔŋ nɛ́ milóm mísɛ mí ámblé yɔ. Váŋ hɔ́ nɛ lisúg lí bíceg lí ŋga kɛ́ li sɔ́.»

Yohánɛs 1:14

La Eɓaŋgá yú ɓɔ̄ŋɓɛ́ mut-a-binam, la yɔ́ yú tɔ́ɔ̄ la ɓɛ́hɛ, ɓɛ́hɛ ki bu mɛ̄mɛ́ lipém jɛ́ɛ́. Jéŋ lipém, lí pɔmbɛ Mɔɔ́n, líg sɔ́le nyɛ́ la Ɛsáŋɛ́, nyíŋ pɔmbɛ Mɔɔ́n ɛ yáhɛ́ la mikaale mí Ɔ́lolómɛ̄, mbálɛ ki ɛ yáhɛ yɔ á nyúū.

Yohánɛs 1:18

Mut tɔ wa a ɓáág ŋgí lí ɛ́n lí Ɔ́lolómɛ̄, amáh sig pɔmbɛ Mɔɔ́n Ɔ́lolómɛ̄ nyɔ́ a lɛ Ɔ́lolómɛ̄, nyɔ́ a ŋga nīŋ átē á Ɛsáŋɛ́, nyɛ́ a étɛ́ ɓɛ́hɛ nyɛ́.

Yohánɛs 3:16

Ákaa ɛ́sɛ, Ɔlolómɛ̄ a lóohán lí diŋ lí ɓot bí ŋkɔŋ-á-sí nyaa nyí lɛ nɛ́ a tí pɔmbɛ yɛ́ɛ́ Mɔɔ́n nɛ́ tɔ nzáá a ŋga yéɓe la nyɛ́, ah wúág ɓé, ndí a ɓɛ́la eniŋ éɓem.

Elōg-Lóma 8:29

Ɓá a man lí pɔhɔ, a mān lí súgɛ nɛ́ bíg yáan puh la puh á épunan yé Mɔ́ɔ̄n wɛ́ɛ̄, nɛ́ ndí nyɔ́ŋ Mɔɔ́n wɛ́ɛ̄ a ɓɛ́ nyɔ́ ɔsú á lí byáa átē a linyaŋ licɛ́ŋ lí ɓot.

Elōg-Kólóso 1:15

Nyɛ́ nɛ́ a lɛ á épunan yé Ɔ́lolómɛ̄ nyɔ́ a ŋgá ɛ́ni ɓé, Mɔɔ́n ɔsú á biveglé bísɛ,

Elōg-Kólóso 1:18

Nyɛ́ nɛ́ a lɛ m̀mú á nyúū, nyíŋ nyúū nɛ ɛ lɛ̄ Éɓasɛ. Nyɛ́ nɛ́ a lɛ míɓōtlé Mut ɔsú á lí pahye á póla ɓá ɓá wū, á li ɓɔŋ nɛ́ a ɓɛ́ nyɔ́ ɔsú á mam mísɛ.

Elōg-Hébɛl 1:5

Ɓaá, yɔɔ́yɔ́ɔ áŋgɛl Ɔlolómɛ̄ ɔ ví laga nɛ́: «Ɔ lɛ̄ mɔ́ɔ̄n wama, nyí lɛn nɛ́ ma byál wa é?» Tɔ nɛ́: «Nyɛ́, ag kɛ li lem nɛ́ mi lɛ nyɛ́ ɛ́sāŋɛ́ mág mi lēm nɛ́ a lɛ̄ mā mɔ́ɔ̄n é?»

Elōg-Hébɛl 10:5

Ányúū náŋ nɛ́, eceg Nyɔ́-a-Pɔ́hlɛ a ŋgí sɔ́ á ŋkɔŋ-á-sí, a lagléé Ɔlolómɛ̄ nɛ́: «Ɔlɔ́ tɔ̄ vá, wāh somo ɓé nsúlé tɔ likaale, ndí wa vēg ma la nyuú.

Pétlos 1 3:22

nyɔ́ a ɓét á loó, ɔ tɔ́ɔ á m̀ɓɛ́nlómɛ a Ɔlolómɛ̄, ápah áŋgɛl, mikanʼyɛ mitám la ŋguu ɛ́ lɛ á lōó bí lɛ́ á sí likanʼyɛ jɛ́ɛ́.

Yohánɛs 1 4:9

Ediŋ Ɔlolómɛ̄ a étɛ́ ɓɛ́hɛ, yɔ́ yé nɛ́: a óm pɔmbɛ yɛ́ɛ̄ Mɔɔ́n á ŋkɔŋ-á-sí, á li ɓɔŋ nɛ́, la nyɛ́ bi ɓɛ́la eniŋ.

Biyɛ́ɛ́léné 1:5

la Yésus Kilístus ki, ǹtíi mbóŋ Ɔlolómɛ̄ á nyaa ɛ tɛ́ɛ́, mut ɔsú nɛ a páhyé á póla ɓá ɓá wū la ŋ̀kanʼyɛ káísa yí ŋkɔŋ-á-sí Kilístus a lɛ nyɔ́ a ŋga diŋ ɓɛ́hɛ, nyɔ́ a ɓógtɛ́ ɓɛ́hɛ á áɓē wáhá li kele la micii mɛ́ɛ́,