Elōg-Hébɛl 1:3 - Esaa-líat ɛ́ péná

³ La nyɛ́ nɛ́ epaa yé lípēm lí Ɔ́lolómɛ̄ ɛ́ ŋga ɛ́ni, ndí ɔ ɓɛ́ kí kɔɔ yé Ɔ́lolómɛ̄ a lɛ, la ŋguu nyí eɓaŋgá yɛ́ɛ́ nɛ a nīt joó nɛ jam lá vēgɓɛ. Ɛnɛ́ a mānɛ́ li púɛ lí ɓot á míɓē máɓá, ɔ ɓét á lóō, ɔ tɔ́ɔ á m̀ɓɛ́nlómɛ a Nyɔlɛ nyɔ́ a Ŋguu-Mísɛ.

Elōg-Hébɛl 1:3 ပူးပေါင်းရင်းမြစ်များ

Matéus 22:24

«Á Ŋ̀yéglɛ, Móse a lāgá nɛ, kíyáɓɛ́nɛ mut a wú ɛ́h ɓɛ́ ɓé nyɛ li yíg lí mɔ́ɔ̄n, mɔɔ́nyāŋ ag koto ŋkúh wɛ́ɛ́ a kól nyɛ́ mbóta.

Málkus 16:19

Ɛnɛ́ Nyɔ́ŋ-Ɛsáŋɛ́ Yésus a mánɛ ɓɔ́ li kwɛlɛ, ɔ nyɔ̄ŋɓɛ́ á lóō, ɔ tɔ́ɔ̄ á m̀ɓɛ́nlómɛ á Ɔlolómɛ̄.

Yohánɛs 1:14

La Eɓaŋgá yú ɓɔ̄ŋɓɛ́ mut-a-binam, la yɔ́ yú tɔ́ɔ̄ la ɓɛ́hɛ, ɓɛ́hɛ ki bu mɛ̄mɛ́ lipém jɛ́ɛ́. Jéŋ lipém, lí pɔmbɛ Mɔɔ́n, líg sɔ́le nyɛ́ la Ɛsáŋɛ́, nyíŋ pɔmbɛ Mɔɔ́n ɛ yáhɛ́ la mikaale mí Ɔ́lolómɛ̄, mbálɛ ki ɛ yáhɛ yɔ á nyúū.

Yohánɛs 1:29

Ámbúh víŋ ɔlɔ́, ɛnɛ́ Yohánɛs a ɛ́n Yésus ag siŋgle nyɛ́ ɓɛɓɛ, ɔ lága nɛ: «Nyɔ́ nɛ́ a lɛ mɔɔ́n ntómbɛ́ á Ɔlolómɛ̄ a ŋga ɓógtɛ aɓé á ŋkɔŋ-á-sí

Yohánɛs 1:4

La yɔ́ nɛ́ jam sig lá kuh éniŋ, la eniŋ yú ɓɛ́ mipúú mí ɓot.

Misɔ́n mí Ɓáōmɓɛ 2:33

Ɔlolómɛ̄ ɔ ɓétɛ nyɛ á m̀ɓɛ́nlómɛ wɛɛ́, Ɛsáŋɛ́ ɔ tí nyɛ M̀búl Mpúán a kakáánɛ, nyɛ́g ɔ kúúlé ɓɛ́hɛ wɔ́, kaa miní lɛ́ lí ɛ́n la li ámble.

Misɔ́n mí Ɓáōmɓɛ 7:56

Ɔ lága nɛ: «Léɓyán sig, mi lɛ lí mɛmɛ lí lóō lí áhɛ́, wóŋ, mí lɛ lí ɛ́n lí Mɔɔ́n Mut a tɛ́ɛ̄ á m̀ɓɛ́nlómɛ a Ɔlolómɛ̄.»

Elōg-Lóma 1:16

Mi ŋgá kɔn ɓé mā ɔ́sɔ̄n lí lɛgɛ lí Pɔ́l M̀ɓɛɛŋ, yɔ nɛ́ ɛ lɛ̄ ŋguu nyí Ɔlolómɛ̄ nyí ɛ ŋga sūŋ jóō nɛ mut a byɛ́ɛ̄ ŋyéɓé la nyɛ́, ɔ́sū la ɔsú ɓá bí lɛ̄ ɓɔ́ɔ̄n bí Élōg-Yúda, ámbúh, tɔ ɓá bí sē ɓé ɓɔ́ɔ̄n bí Élōg-Yúda ɓɔ́g bíg yíg oŋ.

Elōg-Lóma 8:34

Nzáá a ŋga kɛ́ ɓɔ́ lí kɔ́ghɛ é? Tɔ mut, átɔm nɛ́ Yésus Kilístus a wú, li loo náŋ, a pāhye, a lɛ á m̀ɓɛ́nlómɛ a Ɔlolómɛ̄, nyɛ́ ki nɛ́ a ŋga kále ɓɛ́hɛ!

Elōg-Kɔlínto 2 4:4

ányúū ɓá bí ŋgá yéɓe ɓé, ɓá bí lɛ́ nɛ́ loó lí nyí sí lá dím éyī, nɛ́ ndí bíh ɛ́nɛ́g ɓé épaa yé Pɔ́l M̀ɓɛɛŋ nyí lípēm lí Nyɔ́-a-Pɔ́hlɛ, nyɔ́ a lɛ á édīŋgɛ́-díŋgɛ yé Ɔ́lolómɛ̄.

Elōg-Kólóso 3:1

Á élōgyāŋ, kasig maná pāhyé élɔŋ la Kilístus, somlán hɔ́ mam mí lɛ́ á lōó, ápah Kilístus a lɛ, ápah a tɔɔ́ a m̀ɓɛ́nlómɛ a Ɔlolómɛ̄.

Títo 2:14

Nyɛ́-mɛ̄n nɛ́ a tí éniŋ yɛ́ɛ́ ányúū yāhá, ányúū li kɔpɔ lí ɓɛ́hɛ á míɓē máhá mísɛ, la li púɛ lí ɓɛ́hɛ nɛ́ bi ɓɛ́ lílōm jɛ́ɛ́ la nɛ́ bi ɓɛ́la akwáá á lí ɓɔŋ lí mísɔ̄n mí m̀ɓɛɛŋ.

Elōg-Hébɛl 1:13

Ɓaá yɔɔ́yɔ́ɔ áŋgɛl Ɔlolómɛ̄ ɔ ví laga nɛ́: «Tɔɔ́ á m̀ɓɛ́nlómɛ wama, nɛ́-tɛ́ɛ ma yáanɛ́ ɓálem ɓɔ́ɔ etɛ́lɓéné-míkoo mɔ́ɔ é?»

Elōg-Hébɛl 10:12

Ndí á mveŋghanɛ́, Nyɔ́-a-pɔ́hlɛ, ɛnɛ́ a tí pɔm nsúlé ányúū elaakɛ-miɓé, ɔ tɔ́ɔ ki ŋgele ya ányúū yɔ́ ɛ́sɛ á mɓɛ́lómɛ a Ɔlolómɛ̄,

Elōg-Hébɛl 12:2

Eceg bi ŋga nāŋga m̀bíí, miíh máhá mí ɓɛ́ ja á mbóg Yésus, nyɛ́ nɛ́ a légē ɓɛ́hɛ nzen nyí ŋyéɓé, nyɛ́ ki nɛ́ a ŋga kɛ́ wɔ́ lí pámla á lísūg, nyɛ́ nɛ́, a mwáhɛ́ mívag mí mɓɛ́ nyɛ̄ ɔ́sū, la nyɛ́ ɔ yéɓé nyɛmb nyí mbásá átē a eɔ́hánɛ, ɛ́h ɓɛ́ ɓé lí nyɔŋ lí éceg la mbɔɔla ɛsɛ̄ nyíŋ nyaa nyɛmb ɛ ŋga tíi. Ndí nyí vɔ́ŋɔ́ɔ, a tɔ́ɔ á m̀ɓɛ́nlómɛ a etɔɓé-líkanʼyɛ yé Ɔ́lolómɛ̄.

Elōg-Hébɛl 4:14

Kasig bi byɛɛ́ hɔ́ taŋ ǹtíi-nsúlé ǹcɛ́ŋ nɛ Yésus, Mɔɔ́n Ɔ́lolómɛ̄, nyɔ́ a yáɓē míloó li pám tɛɛla á mbóg Ɔlolómɛ̄, bi tíŋɓé hɔ́ á ŋyéɓé bi ŋga páha.

Elōg-Hébɛl 7:27

Yésus ah byɛ́ɛ́ ɓé kóó lí tíi lí nsúlé ɔ́lɔ̄ sig ányúū miɓé mɛ́ɛ́ nyɛ́-mɛ̄n yágá, la ányúū miɓé mí lílōm ákaa ɓáŋá ɓátíi-nsúlé ɓácɛ̄ŋ. A tíéé nsúlé wá ŋgele ya ányúū yɔ́ ɛ́sɛ, eceg a tí nyɛ́-mɛ̄n ákaa nsúlé.

Elōg-Hébɛl 8:1

Taŋ jam á mam mísɛ ɓaá laga ɓɛ́nɛ ɛ lɛ̄ nɛ́, bi byɛ́ɛ̄ nyíŋ nyaa ǹtíi-nsúlé ǹcɛ́ŋ, nyɔ́ a tɔɔ́ á lóō, á m̀ɓɛ́nlómɛ a etɔɓé-líkanʼyɛ yé Nyɔlɛ a Ŋguu-Mísɛ.

Elōg-Hébɛl 9:16

átɔm nɛ́, ápah lilagle lí lɛ, yá nyɛɛ́ lí ɛ́ni kɔɔ nɛ́, mut a yíg jɔ a wú.

Elōg-Hébɛl 9:26

Kí ɓɔ̄ŋ nɛ́ ɛ́ loolog náŋ, kí a táka ŋgéle ŋgandag li ɓotle á mívegɓɛ mí ŋkɔŋ-á-sí. Á mbálɛ, nyí vɔ́ŋɔ́ɔ á mí misúg mí bí bíceg, Yésus Kilístus a ɛ́ni ŋgéle ya ányúū yɔ́ ɛ́sɛ, á lí manɛ lí áɓē eceg a tíéé nyɛ́-mɛ̄n kaa nsúlé.

Pétlos 1 1:21

Li kele la nyɛ́ nɛ́ miní ŋga yéɓe la Ɔlolómɛ̄, nyɛ́ nɛ́ a pāhyɛ́ nyɛ á póla ɓá ɓá wū, la nyɛ́ ɔ tí nyɛ lipém, nyaa nyí ɛ lɛ̄ nɛ́ máná nāŋʼyéné ŋyéɓé wáná la lipitá jáná la Ɔlolómɛ̄.

Pétlos 1 3:22

nyɔ́ a ɓét á loó, ɔ tɔ́ɔ á m̀ɓɛ́nlómɛ a Ɔlolómɛ̄, ápah áŋgɛl, mikanʼyɛ mitám la ŋguu ɛ́ lɛ á lōó bí lɛ́ á sí likanʼyɛ jɛ́ɛ́.

Pétlos 2 1:16

Ákaa ɛ́sɛ, aŋgaáŋgan ɓaá yí lí oŋanɛ, ah la wɔ́ ɓé nɛ ɓaá yíhɛ́ ɓɛ́nɛ nɛ́ Ɛtáŋɛ wahá Yésus Kilístus ag sɔ́ ŋyálāg la ŋguu, ndí ɓaá yíhɛ́ ɓɛ́nɛ nɛ́ ag sɔ́ ányúū nɛ miíh máhá má ɛ́n nyɛ́ átē a epaa yɛ́ɛ́ ɛ́sɛ.

Pétlos 2 1:17

Átɔm nɛ́, Etāa Ɔlolómɛ̄ a tí nyɛ adit la lipém, eceg cíŋ Ɔlolómɛ̄ ɛ sɔ́léé á épapáɛ mbaga, yu lagá nɛ: «Nyɔ́ nɛ́ a lɛ édidíŋɛ yáma Mɔ́ɔ̄n, nyɛ́ nɛ́ ma dīŋ lí pɔhɔ.»

Yohánɛs 1 1:7

Ndí, kíyáɓɛ́nɛ biíg wɛɛhɛnɛ á mípūū, ákaa nyɛ́-mɛ̄n Ɔlolómɛ̄ a lɛ́ átē a mipúú, ɛnɛ ɓɛ́hɛ la ɓɛ́nɛ ɓaá at, micii mí Mɔ́ɔ̄n wɛ́ɛ̄ Yésus ki míg púɛ́ ɓɛ́hɛ joó nɛ aɓé.

Yohánɛs 1 3:5

Ndí, ɓɛ́nɛ miníg yí nɛ́ Yésus Kilístus a sɔ́ á lí ɓógtɛ lí míɓē, la ki nɛ́, aɓé tɔ wá á sē ɓé la nyɛ́.

Yúde 1:25

nyɛ́ nɛ́ a lɛ pɔm Ɔlolómɛ̄ Ǹsuŋ wahá, nyɔ́ a loolé la Yésus Kilístus Ɛtáŋɛ wahá. Lipém, adit, ŋguu la ekanʼyɛ bí ɓɛ́ɛ́ la nyɛ́ li ɓotle á kwakwáŋɛ, bí lɛ́ la nyɛ́ nyí vɔ́ŋɔ́ɔ, bíg kɛ ki li ɓɛ́ la nyɛ́ nɛ́-tɛ́ɛla á éɓem. Ɛ́ ɓɛ́ náŋ!

Biyɛ́ɛ́léné 3:21

Ǹdí-cíŋ, ag kɛ li tɔɔ elɔŋ la ma á étɔɓé-líkanʼyɛ yama, ákaa mág ma tɔ́ɔ̄ la Etāa á étɔɓé-líkanʼyɛ yɛ́ɛ́ eceg ma dí cíŋ.

Biyɛ́ɛ́léné 4:11

«Ɛtáŋɛ wahá Ɔlolómɛ̄, ányúū nɛ wa nɛ́ wa vēg joó nɛ̄ jam, wa sómo nɛ míŋ mam mí ɓɛ́, la mɔ́ mú vēgɓɛ, ɔ kɔ́ɔ́ la lipém, eɓégɛ, la ŋguu!»