Elōg-Hébɛl 1:2 - Esaa-líat ɛ́ péná

² Ndí, á nyú alɔ́ wá tiile bi byɛɛ́, Ɔlolómɛ̄ a pɔ́tɛ́ ɓɛ́hɛ li loole la Mɔɔ́n wɛ́ɛ̄. Li loole la nyɔ́ŋ Mɔɔ́n nɛ a vēg ŋkɔŋ-á-sí ásɛ la mam mí lɛ́ átē, ɔ tɛ́ɛ́yɛ́ nyɛ ŋ̀koto-embámbá yé mam mísɛ.

Elōg-Hébɛl 1:2 ပူးပေါင်းရင်းမြစ်များ

Matéus 13:39

Ǹlem nyɔ́ a ɓɛ̄l líkāā-lí-ŋkóg nɛ́ a lɛ ǹsɔhɔ. Mpumu á lɛ́ lísūg lí ŋkɔŋ-á-sí, ɓapumu nɛ́ bí lɛ́ áŋgɛl.

Matéus 17:5

Kasig a ɓɛ́ɛ́ a ŋgí pɔ́tɔg, mbaga ɛ ŋga páa yu bútyɛ́ ɓɔ, la cíŋ yu pámlé muŋ, yu lága nɛ: «Nyɔ́ nɛ́ a lɛ édidíŋɛ yáma Mɔɔ́n, nyɔ́ ma dīŋ lí pɔhɔ. Miní óglé nyɛ́!»

Matéus 21:38

Ndí ɛnɛ́ ɓáɛŋ ɓá ɛ́n nyɔ́ŋ mɔɔ́n á páam, bú laglán nɛ: Ŋ̀yéglan-embámbá nyɔ́, sɔ́án! Bi ól nyɛ́, bi yéglán émbāmbá.

Matéus 26:63

Ndí Yésus ɔ tɔ́ɔ̄ pīí. Ŋ̀kanʼyɛ ǹcɛ́ŋ a ɓatíi-nsúlé ɔ lāgá nyɛ̄ nɛ́: «Á jóō lí Ɔ́lolómɛ̄ nyɔ́ a lɛ́ éniŋ, lagá ɓɛ́hɛ kíyáɓɛ́nɛ wa nɛ́ ɔ lɛ Nyɔ́-a-Pɔ́hlɛ, Mɔɔ́n Ɔ́lolómɛ̄.»

Matéus 28:18

Yésus ɔ sīŋglé ɓɔ á ŋgwáāg, ɔ lāgá ɓɔ̄ nɛ́: «Ŋguu ɛsɛ̄ ya tíéɓɛ́ ma á sí la á lóō.

Matéus 3:17

Váŋ nɛ́ cíŋ ya sɔ́lé á lóō yú lágá nɛ: «Nyɔ́ nɛ́ a lɛ̄ edidíŋɛ yáma Mɔɔ́n, nyɔ́ ma ɛ́n m̀ɓɛɛŋ nɛ́ mi pɔ́hɔ́.»

Málkus 1:1

Miɓotlé mí Pɔ́l M̀ɓɛɛŋ nyí Yésus Kilístus, Mɔɔ́n Ɔlolómɛ̄ mí lɛ́ jā:

Málkus 12:6

M̀wɛɛ́n ǹdíí ɔ yéglán já edidíŋɛ yɛ́ɛ́ mɔɔ́n yɔ́-ntámɛ́. Á mísúgle ɔ óm yɔ la mí míɔ̄ŋɔ nɛ́: ‹Bíg kɛ nyɛ́ lí ditɛ.›

Málkus 12:7

Ndí ɓaɛŋ-kɔ́mbɔ bú laglán nɛ: ‹Ŋ̀yéglan-embámbá nyɔ́ sɔ́án! Bi ól nyɛ́, bi yéglán émbāmbá.›

Yohánɛs 1:10

Eɓaŋgá ɛ́ ɓɛ́ɛ́ á ŋkɔŋ-á-sí, la yɔ́ nɛ́ ɓá veg ŋkɔŋ-á-sí Ndí ŋkɔŋ-á-sí wáh lem ɓé yɔ.

Yohánɛs 1:14

La Eɓaŋgá yú ɓɔ̄ŋɓɛ́ mut-a-binam, la yɔ́ yú tɔ́ɔ̄ la ɓɛ́hɛ, ɓɛ́hɛ ki bu mɛ̄mɛ́ lipém jɛ́ɛ́. Jéŋ lipém, lí pɔmbɛ Mɔɔ́n, líg sɔ́le nyɛ́ la Ɛsáŋɛ́, nyíŋ pɔmbɛ Mɔɔ́n ɛ yáhɛ́ la mikaale mí Ɔ́lolómɛ̄, mbálɛ ki ɛ yáhɛ yɔ á nyúū.

Yohánɛs 1:3

La Eɓaŋgá nɛ mam mísɛ má vegɓɛ; tɔ jam láh vegɓɛ ɓé ɛ́h ɓɛ́ ɓé yɔ.

Yohánɛs 13:3

Ndí Yésus a yíí nɛ́ Ɛsáŋɛ́ a tíéé nyɛ́ mam mísɛ, la nɛ́ a sɔ́léné á yóg Ɔlolómɛ̄, wóŋ ki nɛ́ a ŋga kɛ́ li timan.

Yohánɛs 13:32

Ɔlolómɛ̄ nyɛ́-mɛ̄n ag kɛ li étɛ lí lípēm lí Mɔɔ́n, ag kɛ jɔ́ lí étɛ puh eceg.

Yohánɛs 15:15

Mí ŋgá yáŋa ɓé pɛ ma ɓɛ́nɛ nɛ́ ɓaɓɔŋle, ánsī nɛ m̀ɓɔŋle a ŋgá yí ɓé yoóm ŋ̀kanʼyɛ wɛɛ́ a ŋga ɓɔ̄ŋ. Mag yáŋa ɓɛ́nɛ nɛ́ miwándá, ányúū nɛ yé ɛ́sɛ ma ámblé Etāa ag laga, ma yíhɛ́ ɓɛ́nɛ yɔ́.

Yohánɛs 16:15

Yé ɛ́sɛ Etāa a byɛ́ɛ̄ ɛ lɛ́ ɛ́yáma, jɔ́ nɛ́ ma lága ɓɛ́nɛ nɛ́, ag kɛ li kuhlene á yé ɛ lɛ́ ɛ́yáma, la nyɛ́ a yíhɛ́ ɓɛ́nɛ yɔ́.»

Yohánɛs 17:2

Kasig wa tí nyɛ ŋguu á li ɓɛ́ á lóō lí ɓot bísɛ, nyɛ́g ag tíi ɓáŋ bísɛ wa tí nyɛ eniŋ éɓem.

Yohánɛs 3:16

Ákaa ɛ́sɛ, Ɔlolómɛ̄ a lóohán lí diŋ lí ɓot bí ŋkɔŋ-á-sí nyaa nyí lɛ nɛ́ a tí pɔmbɛ yɛ́ɛ́ Mɔɔ́n nɛ́ tɔ nzáá a ŋga yéɓe la nyɛ́, ah wúág ɓé, ndí a ɓɛ́la eniŋ éɓem.

Yohánɛs 3:25

Ɓayége bí Yohánɛs Ǹtíi-nzoɓan la mɔɔ́n Élōg-Yúda wa, bú ɓōtlé lí kála likɔlɓan la esala-miɓé.

Yohánɛs 5:26

Kasig Etāa a byɛ́ɛ̄ éniŋ la nyɛ́-mɛ̄n, náŋ ki nɛ́ a tí Mɔɔ́n lí ɓɛ́la lí éniŋ la nyɛ́-mɛ̄n.

Yohánɛs 5:27

A tí nyɛ kundɛ li kááhɛ ányúū nɛ a lɛ̄ Mɔ́ɔ̄n mut.

Yohánɛs 9:29

Ɓɛ́hɛ biíg yí nɛ́ Ɔlolómɛ̄ a pɔ́thɛ́ɛ Móse, ndí nyɔ́ŋ, bi ŋgá yí ɓé ɓɛ́hɛ ápah a sɔ́léne!»

Misɔ́n mí Ɓáōmɓɛ 10:36

A ómlé ɓɔ́ɔ̄n bí Íslāɛl njɛn wɛ́ɛ́, wɔ́ nɛ́ á lɛ́ Pɔ́l M̀ɓɛɛŋ nyí nsaŋ li kele la Yésus Kilístus, Nyɔ́ŋ-Ɛsáŋɛ́ a ɓot bísɛ.

Misɔ́n mí Ɓáōmɓɛ 2:17

Jɔ́ nɛ́, Ɔlolómɛ̄ ag laga nɛ́, á álɔ̄ wá tiile, ‹Mag kɛ li kúúle lí ɓot bísɛ M̀búl wáma; ɓɔɔ́n ɓáná bí páam la ɓá bí ŋgɔn bíg kɛ li ɓɛ́ lí ɓapɔ́tle-bí-Ɔ́lolómɛ̄, Awándá wáná ág kɛ li ɓɛ́la lí ŋ̀ɛ́nānɛ́, mimáŋ-mí-ɓot máná ki, mag kɛ mɔ́ li pɔ́tɛ á bílɛɛ́lɛm.

Elōg-Lóma 1:4

li loole la M̀búl Mpúán, Ɔ́lolómɛ̄ ɔ tɛ́ɛ́yɛ́ nyɛ́ Mɔ́ɔ̄n wɛ́ɛ̄, ɔ tí nyɛ ŋguu, eceg a pāhyɛ́ nyɛ̄ á póla ɓá ɓá wū. Nyɛ́ nɛ́ a lɛ Yésus Kilístus Ɛtáŋɛ wahá.

Elōg-Lóma 8:17

Kaa bi lɛ hɔ́ ɓɔ́ɔ̄n bí Ɔ́lolómɛ̄, bi lɛ ɓákoto-embámbá, ɓakoto-embámbá yé Ɔ́lolómɛ̄, ɓakoto-embámbá elɔŋ la Nyɔ́-a-Pɔ́hlɛ. Kasig ɓaá nyɔ̄ŋ ŋgaan á bísɔghe byɛ́ɛ́, biíg kɛ ki li nyɔŋ lí ŋgaan á lípēm jɛ́ɛ́.

Elōg-Kɔlínto 1 2:7

Biíg camanɛ jā peg nyí Ɔlolómɛ̄, nyí ɛ lɛ̄ mbaŋ, nyí ya tíg á lísɔl, nyí ɛ lɛ̄ nɛ́ Ɔlolómɛ̄ a ɓoŋháán mimbú ndí mímbú ɔ́sū ví eceg ányúū lipém jáhá.

Elōg-Kɔlínto 1 8:6

Ndí ányúū yāhá Loó a lɛ̄ wāhwa, nyɛ́ nɛ́ a lɛ́ Etāa, mam mísɛ míg sɔ́le la nyɛ́, ɓɛ́hɛ bísɛ ki biíg kɛ á yóg yɛ́ɛ̄. Nyɔ́ŋ-Ɛsáŋɛ́ ki a lɛ jā wāhwa, nyɛ́ nɛ́ a lɛ Yésus Kilístus, la nyɛ́ nɛ́ mam mísɛ má vēgɓɛ, la nyɛ́ ki nɛ́ ɓɛ́hɛ bísɛ bi lɛ́ á éniŋ.

Elōg-Gálátia 4:4

Ndí, ɛnɛ́ eceg yá kɔlan, Ɔlolómɛ̄ ɔ óm Mɔ́ɔ̄n wɛ́ɛ̄, nyɔ́ a byáá la mindígá, ɔ ɓɛ́ á sí mbéndá Elōg-Yúda,

Elōg-Éféso 1:10

A tɛ́ɛ́yɛ́ eceg á lí yáhɛ lí nyíŋ peg a vúl. Nyíŋ peg yɛ́ɛ̄ ɛ lɛ nɛ́ a kómánɛ̄ mam mísɛ mí lɛ́ á sí la á lōó, á lí vá lí mɔ́ á sí likanʼyɛ lí pɔ̄m ŋ̀kanʼyɛ nɛ́ Yésus Kilístus.

Elōg-Éféso 3:9

la li étɛ kaa láá Ɔlolómɛ̄ m̀veg sí la loó a ŋga yáhɛ mbaŋ nyí ɛ ɓáág ɛ sɔ́lɛ átē wɛ́ɛ̄.

Elōg-Hébɛl 1:5

Ɓaá, yɔɔ́yɔ́ɔ áŋgɛl Ɔlolómɛ̄ ɔ ví laga nɛ́: «Ɔ lɛ̄ mɔ́ɔ̄n wama, nyí lɛn nɛ́ ma byál wa é?» Tɔ nɛ́: «Nyɛ́, ag kɛ li lem nɛ́ mi lɛ nyɛ́ ɛ́sāŋɛ́ mág mi lēm nɛ́ a lɛ̄ mā mɔ́ɔ̄n é?»

Elōg-Hébɛl 1:8

Á yé ɛ́ ŋga légɓe Mɔɔ́n wɛ́ɛ̄, Ɔlolómɛ̄ ɔ lága nɛ̄: «Ɔ lɛ Ɔ́lolómɛ̄, etɔɓé-líkanʼyɛ yɔ́ɔ yá tɛ́gɓɛ́ á éɓem la á éɓem. La étɛ̄l-sim nɛ́ ɔ ŋgɔ kɛ́ li kanʼyɛ lí lílōm jɔ́ɔ.

Elōg-Hébɛl 11:3

Li kele la ŋyéɓé ki nɛ́ bi ŋga sɔ́ŋtánɛ nɛ́ la eɓaŋgá nɛ Ɔlolómɛ̄ a vegéé mam mísɛ. La náŋ, yé ɛ́ ŋga ɛ́ni á ŋkɔŋ-á-sí ɛ́g sɔ́léne á yé ɛ́ ŋgá ɛ́ni ɓé.

Elōg-Hébɛl 2:3

Nɛ́-láá hɔ́ ɓɛ́hɛ-mɛ̄n bi ŋga lá li véé lí ékɔ́ghɛ kíyáɓɛ́nɛ ɓaá yaŋá bíɓaŋgá bí ŋga sɔ́la nyíŋ taŋ lisuŋga é? Jéŋ lisuŋga nɛ́ Nyɔ́ŋ-Ɛsáŋɛ́ nyɛ́-mɛ̄n a dúgléé lí lɛgɛ, ámbúh nyɛ́, ɓot bí ámbléé nyɛ́ bú tímān ɓɛ́hɛ li yīgyɛ lí nlemlem á jam,

Elōg-Hébɛl 3:6

Ndí, Nyɔ́-a-Pɔ́hlɛ ag sál nsɔ́n wɛ́ɛ́ kaa ɛ́ ŋga sōmlɛ, kaa mɔɔ́n á nyúŋ nlɛ́ɛ́, la nyɛ́ ɔ tɛ́ɛ́ɓɛ́ á m̀mú á ndog-Ɔlolómɛ̄. Biíg ɓɛ́ ndog yɛ́ɛ̄, kíyáɓɛ́nɛ ɓā náŋɛ̄ ŋyéɓé bi byɛ́ɛ̄ la nyɛ́ ŋgíla pendan, ɓaá yátá ki la yé bi ŋga píti.

Elōg-Hébɛl 4:14

Kasig bi byɛɛ́ hɔ́ taŋ ǹtíi-nsúlé ǹcɛ́ŋ nɛ Yésus, Mɔɔ́n Ɔ́lolómɛ̄, nyɔ́ a yáɓē míloó li pám tɛɛla á mbóg Ɔlolómɛ̄, bi tíŋɓé hɔ́ á ŋyéɓé bi ŋga páha.

Elōg-Hébɛl 5:8

Tɔ náŋ ákaa a ɓɛ́ɛ́ Mɔ́ɔ̄n Ɔ́lolómɛ̄, a yégé lí ɓɛ́ lí éōgle ányúū bisɔghe a kūh.

Elōg-Hébɛl 7:28

Mbéndá Móse ɛ tɛ́ɛ́yɛ́ɛ ɓot-bí-bínam la aɓɔt wáɓá ákaa ɓatíi-nsúlé ɓacɛ́ŋ. Ndí, Ɔ́lolómɛ̄ a kanáá-sɔŋ kí mbéndá yɔ ɛ lɛ. Ɔ tɛ́ɛ́yɛ́ Mɔ́ɔ̄n wɛ́ɛ̄ ákaa taŋ ǹtíi-nsúlé ǹcɛ́ŋ, nyɔ́ a lɛ mípūū á éɓem la á éɓem.

Elōg-Hébɛl 7:3

Nyɛ́ Mɛlkisédɛk, ah byɛ́ɛ́ ɓé ɛ́sāŋɛ́ tɔ nyaŋɛ́, ah byɛ́ɛ́ ɓé ndándó. Ɔlɔ́ vɛ́ɛ́ ví líbyáa ví ŋgá yílɛ ɓé, tɔ ví ví nyɛmb, a lɛ jā ǹtíi-nsúlé á éɓem la eɓem ákaa Mɔɔ́n Ɔ́lolómɛ̄.

Elōg-Hébɛl 9:26

Kí ɓɔ̄ŋ nɛ́ ɛ́ loolog náŋ, kí a táka ŋgéle ŋgandag li ɓotle á mívegɓɛ mí ŋkɔŋ-á-sí. Á mbálɛ, nyí vɔ́ŋɔ́ɔ á mí misúg mí bí bíceg, Yésus Kilístus a ɛ́ni ŋgéle ya ányúū yɔ́ ɛ́sɛ, á lí manɛ lí áɓē eceg a tíéé nyɛ́-mɛ̄n kaa nsúlé.

Pétlos 1 1:20

Nyɔ́-a-Pɔ́hlɛ nɛ́ Ɔlolómɛ̄ a pɔ́hɔ sɔ́kágánɛ́ ag veg ŋkɔŋ-á-sí, ɔ ɓɔ̄ŋ nɛ a yílɛ̄ á mísūg mí eceg ányúū m̀ɓɛɛŋ wáná.

Pétlos 2 3:3

Sɔ́kágánɛ́ biíg kɛ ɔ́sū, yíán nɛ́, á álɔ̄ wa tiile, ɓot bí nlegtanɛ́ a nsiika bíg kɛ li sɔ́, bí ɓɛ́ bíg wɛɛhɛnɛ á byoóm byá nyɔ̄ŋ ɓɔ m̀mím,

Yúde 1:18

Bí ŋgí laga ɓɛ́nɛ nɛ́: «Á lísūg lí bíceg, ɓot bí ɓɛ́ bíg keeyɛ ɓɛ́nɛ, bí ɓɛ́ bíg niŋ li oŋle la kóó-míson eɓé yáɓá.»