Elōg-Hébɛl 1:14 - Esaa-líat ɛ́ péná

¹⁴ Ɓaá, yíŋ áŋgɛl ɛ́sɛ ɛ́ sē ɓé ja mímbūl mí mí ŋga sále Ɔlolómɛ̄ é? Ɓaá nsɔ́n wáɓá á sē ɓé jā lí óŋgánɛ lí ɓot bí ŋga nyɛ́ɛ li kuh lí lísuŋga é?

Elōg-Hébɛl 1:14 ပူးပေါင်းရင်းမြစ်များ

Matéus 18:10

«Nyɔŋán lítāt nɛ́ miníh yɔ́lɔ́g ɓé ntɔ́ga tɔ wa vá, átɔm nɛ́ mag laga ɓɛ́nɛ nɛ́, wóŋ á lóō, áŋgɛl yáɓá ɛ́ ɓáág ja ɛ́ tɛ́ɛ ɓɛɓɛ la Etāa wama nyɔ́ a lɛ á lóō. [

Misɔ́n mí Ɓáōmɓɛ 27:23

Jé díɓe jɔ́-mɛ̄n nɛ́, áŋgɛl Ɔlolómɛ̄ nyɔ́ ma yéɓe la nyɔ́ mi ŋga ɓɔ̄ŋle, ya pámlé ma,

Misɔ́n mí Ɓáōmɓɛ 5:19

Ndí, la díɓe, áŋgɛl nyí Nyɔ́ŋ-Ɛsáŋɛ́ yu légē míkooká mí ndáá-m̀ɓog, yu pámɛ́ ɓɔ̄ la yɔ yu lāgá ɓɔ nɛ́:

Misɔ́n mí Ɓáōmɓɛ 12:7

Á ékūyá-kúyá, áŋgɛl nyí Nyɔ́ŋ-Ɛsáŋɛ́ yu nyɛ́g, la mipúú mú páa á étun ɛ́ ndáá-m̀ɓog ápah a ɓɛ́ɛ́. Áŋgɛl yu kwāt Pétlos á mbaa á lí vɛɛɓɛ lí nyɛ, yu yó nyɛ nɛ́: «Vóɛ li tɛ́lɛ!» Váŋ nɛ̄ misáŋ mí bícɛɛ má kúhlán Pétlos á mɔ.

Lúkas 1:19

La áŋgɛl yu tímānɛ̄ nyɛ nɛ́: «Ma nɛ́ mi lɛ Gábliɛl, mi tɛ́ɛ ɔsú ví Ɔlolómɛ̄ á lí ɓɔŋle lí nyɛ. Ma ómɓɛ́ nɛ́ mi kwɛ́lɛ́ wa la nɛ́ mi lɛ́gɛ́ wa nyí pɔ́l m̀ɓɛɛŋ.

Matéus 1:20

Ɛnɛ́ a manáá lí veg lí nyíŋ peg, áŋgɛl nyí Nyɔ́ŋ-Ɛsáŋɛ́ yu pámlé nyɛ á élɛɛ́lɛm, yu yó nyɛ nɛ́: «Á Yósɛp, mɔɔ́n Dávid, ɔh kɔnɔ́g ɓé woŋ li nyɔŋ lí ŋ̀gáá wɔ́ɔ Malía á yóg yɔ́ɔ; átɔm nɛ́ a nyɔ̄ŋ já líbum la ŋguu nyí M̀búl Mpúán.

Lúkas 16:22

Ámbúh náŋ ŋ̀yɛ́ɛ́yɛ́ɛ ɔ wú, la áŋgɛl yú ɓɛ́gɛ̄ nyɛ li kɛla á ŋgwáāg Áblaháam; m̀byaŋ-á-mut wɔ́g wú wú la wɔ́ wú jéɓɛ.

Misɔ́n mí Ɓáōmɓɛ 12:23

Ndí á ékūyá-kúyá, áŋgɛl nyí Nyɔ́ŋ-Ɛsáŋɛ́ yú kɔ́ghɛ́ Elóde ányúū nɛ a nyɔŋɓán lipém jé li kɔɔ́ la Ɔlolómɛ̄. Ányúū náŋ, misɔ́ŋ mí líbum mú kogó nyɛ nɛ́-tɛ́ɛ ɔ wú.

Lúkas 2:9

Váŋ nɛ́ áŋgɛl nyí Nyɔ́ŋ-Ɛsáŋɛ́ ya pámlé ɓɔ; mipúú mí lipém lí Nyɔ́ŋ Ɛsáŋɛ́ mú díí ɓɔ, la ɓɔ́ bú nát la woŋ.

Lúkas 2:13

Á ékūyá-kúyá, livuŋ li áŋgɛl lú byáŋ elɔŋ la nyí ɔsú á lí lɔ́ŋghɛ́nɛ li Ɔlolómɛ̄ ŋgoso enyɛŋgɛ la li laga nɛ́:

Matéus 2:13

Ámbúh mikɛ mí ɓáyī-átɛ̄, áŋgɛl nyí Nyɔ́ŋ-Ɛsáŋɛ́ yu pámlé Yósɛp á élɛɛ́lɛm yu lāgá nyɛ nɛ́: «Tɛ́lɛ́, nyɔ̄ŋ mɔ́ɔ̄n la nyaŋɛ́ túú pɛ́ɛ́ la ɓɔ́ ɔ kɛ́ á Égípto, tɔɔ́ wóŋ nɛ́-tɛ́ɛ la á éceg mi ŋga kɛ̄ wa lí yíhɛ, átɔm nɛ́ káísa Elóde ag kɛ li somo nɛ́ a ólhánɛ nyɔ́ŋ mɔɔ́n.»

Títo 3:7

á lí ɓɔŋ nɛ́, bi ɓɛ́ sim li loole la elɔ́ŋgɔ yɛ́ɛ́ m̀mím, la ki nɛ́, la lipitá bi byɛɛ́, bi yáan ɓakoto-embámbá yé éniŋ éɓem.

Biyɛ́ɛ́léné 5:6

Váŋ nɛ́ ma ɛ́n hɔ́, mɔɔ́n ntómbɛ́ nyɔ́ a ɓɛ́ɛ́ ɔ́ŋgɛn ɓá sɛ́m líbīt á lí tíi á nsúlé, á tɛ́ɛ́ á m̀mím á étɔɓé-líkanʼyɛ, á póla biveglé bínáa, lá a m̀mím á éti ɓacɛ́ŋ bí ékombo-lóō. A ɓɛ́ɛ́la míɓēg nzambúwá la miíh nzambúwá mí mí lɛ́ mímbūl nzambúwá mí Ɔ́lolómɛ̄, mí a ómóó á ŋkɔŋ-á-sí ásɛ.

Pétlos 1 1:12

Ɔlolómɛ̄ a yɛ́ɛ́léné ɓɔ nɛ́, nyíŋ pɔ́l bí ŋgí lɛ́gɛ ɛh ɓɛ́ɛ́ ɓé ányúū yaɓá ɓɔ́-mɛ̄n, ndí ɛ ɓɛ́ɛ́ ányúū yāná. Yɔ nɛ́, nyí vɔ́ŋɔ́ɔ, ɓalɛgɛ Pɔ́l M̀ɓɛɛŋ bí ŋga lɛ́gɛ ɓɛ́nɛ la ŋguu nyí M̀búl Mpúán nyɔ́ a sɔ́lé á lōó. Nyíŋ pɔ́l, áŋgɛl yɔ́-mɛ̄n ɛ́g somo yɔ lí yí.

Matéus 25:34

Káísa ɛg kɛ li laga lí ɓá bí lɛ́ á m̀ɓɛ́nlómɛ wɛɛ́ nɛ: ‹Sɔ́án, ɓɛ́nɛ ɓá maná lómblɛ́ la Etāa, nyɔŋán Ékombo ákaa embámbá yé ɓá ɓoŋhán ɓɛ́nɛ, li ɓotle á mívegɓɛ mí ŋkɔŋ-á-sí

Yúde 1:14

Ányúū yāɓá ki nɛ́ Hénɔk, mut a yáhɛ́ nzambúwá ámbúh Ádam a pɔ́tɔ́ɔ́ á jóō lí Ɔ́lolómɛ̄ eceg a ŋgí laga nɛ́: «Léɓyán sig, Nyɔ́ŋ-Ɛsáŋɛ́ ag sɔ́ elɔŋ la milɔŋ mipúán mɛ́ɛ́ mí wélan, adun ndí ádun,

Pétlos 1 1:4

ányúū embámbá yé ɛ́ ŋgá cɛ́ ɓé, yé ɛ́ ŋgá ɔ́gɔ ɓé lívīn, ndí tɔ li veŋghan lí épaa yɛ́ɛ́. A nāŋʼyé ɓɛ́nɛ yéŋ embámbá á lóō.

Elōg-Hébɛl 6:17

Nlemlem la Ɔlolómɛ̄, a kanáá-sɔŋ eceg a ŋgí sómo li kondye lí lí étɛ lí ɓákoto-embámbá ndembye nɛ́ yé a kakáánɛ ɓɔ́ ɛh byɛ́ɛ́ ɓé péndan tɔ ya.

Elōg-Tésaloníka 2 1:7

Ɓɛ́nɛ ɓá miní ŋga táka, Ɔlolómɛ̄ ag kɛ ɓɛ́nɛ li tíi lí évɛɛɓan elɔŋ la ɓɛ́hɛ, eceg Ɛtáŋɛ Yésus a ŋga kɛ́ li yɛ́ɛ́léne lí ɓɛ́hɛ nyɛ́-mɛ̄n, á mísɔ̄ mɛ́ɛ́ á lóō la mbimban áŋgɛl.

Elōg-Fílípi 2:25

Ndí tɔ la náŋ, ma ɛ́n nsɛ́ŋ lí tímānɛ̄ lí ɓɛ́nɛ mɔɔ́lyāŋ wāhá Epafolodítɛ, mut a elɔŋ yáma yé nsɔ́n la eɓándá, nyɔ́ ɓɛ́nɛ-mɛ̄n miní ómóó eceg mi ɓɛ́ɛ́la kóó mióŋgánɛ.

Elōg-Kɔlínto 2 9:12

Ákaa ɛ́sɛ, nsɔ́n a nyɔ́ŋ ŋkomanɛ́ a mikaale wáh nyɛɛ ɓé já lí ɓɛ́ ányúū li sɔ́la lí ndog-Ɔlolómɛ̄ yé ɛ byɛɛ́ kóó, ndí wá nyɛ́ɛ ki li ɓɔŋ nɛ́ ɓot bí loohan lí tíi lí Ɔ́lolómɛ̄ mítamlan.

Elōg-Lóma 15:27

Ɔɔ, ɓá súgɛ́ náŋ, ndí náŋ a mɓɛ́ ɓɔ epíl. Ányúū nɛ́, kaa ndog-Ɔlolómɛ̄ nyí Masedónia la nyí Akáyi ɛ́ sē ɓé ɓɔ́ɔ̄n bí Élōg-Yúda, ndí ndog-Ɔlolómɛ̄ nyí Yelúsalɛm yú ɓɛ́ nyí Elōg-Yúda la yɔ́ yú óŋgánɛ́ ɓɔ li ɓɛ́la lí ŋyéɓé, jɔ́ nɛ́ ɓɔ́g ɓá nyɛɛ́ ɓɔ li óŋgánɛ la bibyee-mɔ byáɓá.

Elōg-Lóma 15:16

mi ɓɛ́ m̀ɓɔŋle a Yésus Kilístus á ŋgwáāg ɓot bí sē ɓé ɓɔ́ɔ̄n bí Élōg-Yúda. Ma yáŋlɛ́ á nyúŋ nsɔ́n á li lɛgɛ lí Pɔ́l M̀ɓɛɛŋ nyí Ɔlolómɛ̄, á lí ɓɔŋ nɛ́ ɓot bí sē ɓé ɓɔɔ́n bí Élōg-Yúda bí ɓɛ́ nsúlé nyú M̀búl Mpúán a púɛ nɛ́ á nyɛɛle Ɔ́lolómɛ̄.

Elōg-Lóma 13:6

Ányúū náŋ ki nɛ miní ŋgá sála táas. Ɓabyee nyúŋ nsɔ́n, Ɔlolómɛ̄ nɛ a tɛ́ɛ́yɛ́ ɓɔ nɛ́ bí nyɔŋ eceg á lí sál lí wɔ̄.

Misɔ́n mí Ɓáōmɓɛ 13:2

Ɔlɔ́ vá, éceg bí ŋgí ɓɔŋ esaa epúán ɛ́ Nyɔ́ŋ-Ɛsáŋɛ́ la étɔɔ-nzal, M̀búl Mpúán ɔ lāgá nɛ: «Ɓagán ma Balnábas la Sául ányúū nsɔ́n ma yáŋlé ɓɔ.»

Misɔ́n mí Ɓáōmɓɛ 11:22

Nyíŋ Pɔ́l yu pám á míɔ̄ɔ̄ mí ɓot bí Eɓasɛ yé ɛ́ lɛ́ á Yélūsalɛm la ɓɔ́ bú óm Balnábas á Antiókia.

Lúkas 1:23

Ɛnɛ́ eceg yɛ́ɛ́ nsɔ́n yá súg, Sakália ɔ sóo á mbóg yɛ́ɛ̄.

Matéus 24:31

Eceg m̀ɓáláŋ á nséɓá á ŋga kɛ́ li ɔ́ŋ, ag kɛ li óm lí áŋgɛl yɛ́ɛ́ á míkāh mínáa mí ŋkɔŋ-á-sí, li ɓotle á jé lisúg li pám á jéŋé, ɛ́g kɛ li komanɛ lí ɛ́ɓɛ̄ɛ̄ a pɔ́hɔ.

Matéus 13:41

Mɔɔ́n mut ag kɛ li óm lí áŋgɛl yɛ́ɛ́, nɛ́ ɛ́ kómánɛ yé ɛ́sɛ ɛ́ ŋga kuɛhɛ ɓot á míceglan, la ɓot bísɛ bí ŋga ɓɔ̄ŋ aɓé, á lí pámɛ lí ɓɔ á Ékombo yɛ́ɛ́,

Pétlos 1 3:7

Nlemlem la ɓɛ́nɛ á ɓalóm, átē a eniŋ yáná la ɓondígá, yíán nɛ́ bí lɛ́ bíveglé bí ŋga ɓɔ̄t, miní ditɛ́ ɓɔ́, ányúū nɛ bíg kɛ li kuh lí eniŋ éɓem elɔŋ la ɓɛ́nɛ kaa likaale, á lí ɓɔŋ nɛ́, yoóm tɔ yá ɛ́h teeŋgɛ́gɛ́ ɓé ɓɛ́nɛ á míkánɛ máná.

Yákop 2:5

Ámblán á élōgyāŋ yé édiŋ, ɓaá, ah Ɔlolómɛ̄ ɓé nɛ a pɔ́hɔ̄ ɓá bí lɛ́ ɓáyɛ̄ɛ̄yɛ́ɛ li oŋle la liɛ́nɛg lí ɓot bí ŋkɔŋ-á-sí, á lí byaŋɓɛ lí ɓɔ á ŋyéɓé, la li yaanɛ lí ɓɔ ɓakoto-embámbá yé Ékombo-lóō yé a kákānɛ̄ ɓot bí ŋga dīŋ nyɛ́ é?

Elōg-Hébɛl 10:11

Joó nɛ ǹtíi-nsúlé ag tɛ́lɛ ɔlɔ́ sig á li ɓɔŋ lí nsɔ́n wɛ́ɛ́, la li tíi lí milemlem mí mísūlé eceg la eceg sig, mí mí lɛ́ nɛ, m̀ɓá mí ŋgá la ɓé tɔ lí ɓógtɛ lí míɓē.

Elōg-Hébɛl 8:6

Á mbálɛ, Yésus a kūh nsɔ́n á ŋga lóo nyú á ɓáŋá ɓátíi-nsúlé bísɛ, átɔm nɛ́, nyɛ́ nɛ́ á lɛ á póla Ɔlolómɛ̄ la ɓot-bí-bínam á li ɓɔŋ lí ésaa-líat yé yá loohán lí ɓɛ́ lí m̀ɓɛɛŋ yé yá loolé á míkakanɛ mí má loohán lí ɓɛ́ lí m̀ɓɛɛŋ.

Elōg-Hébɛl 6:12

Miníh póŋɓág ɓé, ndí ɓɔŋán ákaa ɓot ɓá kuh émbāmbá Ɔ́lolómɛ̄ a kakáánɛ ɓɔ́, li kele la ŋyéɓé la kɔkɔ bí byɛ́ɛ̄.

Elōg-Hébɛl 5:9

A óglé nɛ́-tɛ́ɛ ɔ yáan nyɔ́ a kɔɔ́ lí ɓɔŋ nɛ́ ɓot bísɛ bí ŋga ógle nyɛ́ bí kuh lísuŋga lí pɔ́gɔ́-pɔgɔ,

Elōg-Fílípi 2:17

Ndí, tɔ yá pám ja nɛ́ micii máma má nyɛ́ɛ lí kómɓɛ ákaa likaale lí ŋga ɓátle á nsúlé nyú á lɛ́ nsɔ́n miní ŋga sál ányúū ŋyéɓé wáná, náŋ ag kɔnɛ jā ma mívag, mi sōphɛ́ ki elɔŋ la ɓɛ́nɛ bísɛ.

Elōg-Éféso 3:6

Nyíŋ mbaŋ nyí nɛ́: ɓɔɔ́n bí Élōg-Yúda la ɓá bí sē ɓé ɓɔ́ɔ̄n bí Élōg-Yúda bíg kaan nlemlem á émbāmbá, bíg ɓɛ́ bíjo bí nyúū ya, bíg kuh ki nlemlem á líkakanɛ lí Ɔ́lolómɛ̄ á ŋ̀atanɛ́ wāɓá la Yésus Kilístus li oŋle la Pɔ́l M̀ɓɛɛŋ.

Elōg-Gálátia 3:29

La náŋ, Kíyáɓɛ́nɛ miní lɛ́ ɓá bí Kilístus, ɛnɛ miní lɛ́ hɔ́ mbota nyí Áblaháam; miní lɛ́ ɓákoto-embámbá li oŋle la mikakanɛ mí Ɔ́lolómɛ̄.

Elōg-Gálátia 3:9

La náŋ hɔ́, ɓá bí byɛ́ɛ̄ ŋyéɓé ɓá lómblɛ́ elɔŋ la Áblaháam mut-a-ŋyéɓé.

Elōg-Gálátia 3:7

Maná nyɛɛ́ hɔ́ lí sɔ́ŋtánɛ nɛ́, ɓot bí byɛ́ɛ̄ ŋyéɓé nɛ́ bí lɛ́ tihtih ɓɔ́ɔ̄n bí Áblaháam.

Elōg-Lóma 8:17

Kaa bi lɛ hɔ́ ɓɔ́ɔ̄n bí Ɔ́lolómɛ̄, bi lɛ ɓákoto-embámbá, ɓakoto-embámbá yé Ɔ́lolómɛ̄, ɓakoto-embámbá elɔŋ la Nyɔ́-a-Pɔ́hlɛ. Kasig ɓaá nyɔ̄ŋ ŋgaan á bísɔghe byɛ́ɛ́, biíg kɛ ki li nyɔŋ lí ŋgaan á lípēm jɛ́ɛ́.

Misɔ́n mí Ɓáōmɓɛ 16:26

Á ékūyá-kúyá sí yu póghan la ŋguu, jaa lí ndáá-m̀ɓog lú búge. Mikooká mísɛ mú léglan, á nlemlem á eceg, acéŋ a ɓɛ́ɛ́ á míkoo mí ɓot-bí-míɓog bísɛ wú léglan.

Matéus 4:11

Ámbúh náŋ, ǹsɔhɔ ɔ yíg nyɛ, la áŋgɛl yú sɔ́, yú káhá nyɛ li ɓɔŋle.

Málkus 10:17

Á miɓógo mí Yésus, mut wa ɔ sɔ́ m̀bíí, ɔ úm míɓɔ̄ŋ ɔ́sū vɛ́ɛ́ ɔ bíhī nyɛ nɛ́: «Á elɔ́ŋgɔ Ŋ̀yéglɛ, yéé ma nyɛ́ɛ li ɓɔŋ ndí mi kūh eniŋ éɓem ákaa ɛjáma joga é?»

Elōg-Lóma 11:14

la lipitá nɛ mag ɓétɛ nzoŋ nyí ɓot bí lílōm jáma, á lí ɓɔŋ nɛ́ puh múŋ ɛ́ sūŋɓɛ̄.

Elōg-Kɔlínto 1 1:21

Ákaa ɛ́sɛ, kasig ŋkɔŋ-á-sí li oŋle la peg yɛ́ɛ̄ wáh la ɓé li lemlene lí Ɔ́lolómɛ̄ átē a peg yɛɛ́, ányúū náŋ nɛ́ Ɔlolómɛ̄ a súgɛ́ nɛ ag suŋ ɓá bísɛ bí ŋga yéɓé la nyíŋ pɔ́l bi ŋga lɛ́gɛ, nyí ɛ lɛ̄ káa jam lí nzeg ányúū ɓot-bí-bínam.

Elōg-Hébɛl 2:3

Nɛ́-láá hɔ́ ɓɛ́hɛ-mɛ̄n bi ŋga lá li véé lí ékɔ́ghɛ kíyáɓɛ́nɛ ɓaá yaŋá bíɓaŋgá bí ŋga sɔ́la nyíŋ taŋ lisuŋga é? Jéŋ lisuŋga nɛ́ Nyɔ́ŋ-Ɛsáŋɛ́ nyɛ́-mɛ̄n a dúgléé lí lɛgɛ, ámbúh nyɛ́, ɓot bí ámbléé nyɛ́ bú tímān ɓɛ́hɛ li yīgyɛ lí nlemlem á jam,

Elōg-Hébɛl 9:28

Nlemlem nɛ́, Yésus Kilístus ki a tíéɓɛ́ kaa nsúlé ŋgele yāhya, ányúū lí ɓógtɛ lí míɓē mí mbɔ́ŋgɔ limut. Ag kɛ li ɛ́ni ŋgele ya yáhɛ́ ɛ́ɓáa, ah ányúū li manɛ lí míɓē ɓé, ndí ányúū li suŋ lí ɓot bí ŋga láaŋke misɔ́ mɛ́ɛ́.