Elōg-Fílípi 4:6 - Esaa-líat ɛ́ péná

⁶ Jam tɔ já líh kótɛ́gɛ́ ɓé ɓɛ́nɛ, ndí á tɔ yɔɔ́yɔ́ɔ eceg, á míkánɛ máná la á nzɔ́hyé yáná, tíán Ɔ́lolómɛ̄ mítamlan, miní yíhɛ́ nyɛ́ yé ɛ́sɛ ɛ́ ŋga sōmlɛ ɓɛ́nɛ.

Elōg-Fílípi 4:6 ပူးပေါင်းရင်းမြစ်များ

Matéus 10:19

Eceg bí ŋga kɛ ɓɛ́nɛ li kɛla á ndáá-mikál, miníh taklág ɓé la yé miní ŋga kɛ li laga, tɔ ákaa miní ŋga kɛ́ li kwɛl. Bíg kɛ ɓɛ́nɛ li tíi lí bíɓaŋgá miní ŋga kɛ́ li pɔ́t múŋ á nyíŋ ŋgɛ́ŋ;

Matéus 13:22

Mbóó ya ɓɛ̄lɓɛ́ á voóm á bikáá bí bílɔ, ɛ lɛ́ mut a ŋga ámblé eɓaŋgá Ɔ́lolómɛ̄, ndí mitaka mí ŋkɔŋ-á-sí la nsom á ábyaŋ ɓá lēgtánɛ́ yéŋ eɓaŋgá, yáh wúm ɓé mítām.

Matéus 6:34

Miníh kótóg hɔ́ ɓé ányúū likɛ́ɛ́; likɛ́ɛ́ ag kɛ li kótle lí nyɛ́-mɛ̄n. Ɔlɔ́ sig la ɛyɛɛ́ mbɛgɛ.»

Matéus 6:8

Miníh punkágán hɔ́ ɓé lā ɓɔ́, ányúū nɛ Ɛsɔ́ŋɛ́ wāná ag yí yé miní byɛ́ɛ̄ kóó, sɔ́kágánɛ́ miníg ɓat nyɛ́ yɔ́.»

Lúkas 10:41

Nyɔ́ŋ-Ɛsáŋɛ́ ɔ pélē nyɛ nɛ́: «A Maatá, a Maatá, ɔg tɔghan, ɔg lɔ́gɓan ki ányúū mam ŋgandag,

Lúkas 12:22

La Yésus ɔ lága ɓayége ɓɛ́ɛ́ nɛ: «Jɔ́ nɛ́ mag laga ɓɛ́nɛ: ányúū eniŋ yáná, miníh kótóg ɓé la yé miní ŋga kɛ́ li dí, tɔ ányúū nyuú yáná yé miní ŋga kɛ́ li jál.

Lúkas 12:29

Ndí tɔ ɓɛ́nɛ, miníh somlág ɓé yé miní ŋga kɛ́ li dí tɔ yé miní ŋga kɛ́ li nyú; miníh teeŋgɛ́gɛ́ ɓé mínyuú.

Lúkas 18:1

Ámbúh, Yésus ɔ kánɛ pɛ ɓɔ́ ví ɔŋgaáŋgan ányúū li étɛ lí ɓɔ̄ nɛ́ ɓá nyɛɛ́ lí kánɛ eceg sig ɛ́h ɓɛ́ ɓé lí tɔmb.

Lúkas 18:7

Ɓaá, Ɔlolómɛ̄ nyɛ́ a ŋgá kɛ ɓé lí tíi lí mbag nyí ɓot a pɔ́hɔ, ɓá bí ŋga lónle nyɛ́ díɓe la nzámuh é? Ɓaá, ag kɛ li bíŋhan lí lí óŋgánɛ lí ɓɔ é?

Elōg-Kɔlínto 1 7:21

Ɓaá, ɔ ɓɛ́ɛ́ ŋyɔ́ŋ éceg ɔ yáŋlɛ́ɛ é? Náŋ ah teeŋgɛ́gɛ́ ɓé wa. Ndí ki póla yá ɛ́ni nɛ́ ɔ ɓɛ́ kúndɛ, byeléné váŋ!

Elōg-Kɔlínto 1 7:32

Mīh byɛ́ɛ́ ɓé ma kóó nɛ jam tɔ já lí téeŋgɛ́ ɓɛ́nɛ. Nyɔ́ la nyɔ́ āh lɔ́mɓan ɓé, ag nyɔŋ eceg la mam mí Nyɔ́ŋ-Ɛsáŋɛ́, ag sómo nɛ̄-láá a nyɛ́ɛ́lé Nyɔ́ŋ-Ɛsáŋɛ́.

Elōg-Kɔlínto 2 1:11

Ɓɛ́nɛ ki, miníg óŋgánɛ ɓɛ́hɛ la mikánɛ máná. La náŋ, biíg kɛ li kúh lí míkaale li kele la mikánɛ mí ŋgandag ɓot yá kánɛ́ ányúū yāhá. Náŋ ki nɛ́ a ŋga kɛ́ li yígle lí ɓot ŋgandag nɛ́ bí tí Ɔlolómɛ̄ mítamlan ányúū yāhá.

Elōg-Éféso 5:20

Eceg ɛ́sɛ, tɔ yé miní ŋga pɔ́t, tíán Ɔ́lolómɛ̄ mítamlan á jóō lí Ɛtáŋɛ wāhá Yésus Kilístus.

Elōg-Éféso 6:18

Biceg bísɛ, M̀búl Mpúán a óŋgánɛ ɓɛ́nɛ á míkánɛ máná mísɛ la á nzag yáná ɛ́sɛ. La náŋ ɓɛ́án pɛɛ la li nyɔ́hɓe á míkánɛ ányúū ndog Ɔlolómɛ̄ ɛsɛ̄.

Elōg-Kólóso 3:15

Nsaŋ á Kilístus nɛ́ á wɛɛla mimím máná, múŋ á nyúŋ nsaŋ nɛ́ maná yáŋlɛ́ á lí ɓɛ́ lí pɔ̄m nyúū. Yíán lí tíi lí mítamlan eceg ɛ́sɛ.

Elōg-Kólóso 3:17

Yé ɛ́sɛ miní ŋga pɔ́t tɔ li ɓɔŋ, ɓɔŋán yɔ́ a jóō lí Nyɔ́ŋ-Ɛsáŋɛ́ Yésus, ányúū li tíi lí Etāa Ɔlolómɛ̄ mítamlan a jóō lí nyɛ́ Yésus.

Elōg-Kólóso 4:2

Miní tiŋɓé á míkánɛ, miní ɓɛ́ pɛɛ átē á nzag miní ŋga ɓāt Ɔlolómɛ̄ la li tíi lí nyɛ mitamlan á yé ɛ́sɛ a ŋga ɓɔ̄ŋle ɓɛ́nɛ.

Timotéo 1 2:1

Á élōgyāŋ, kaa jam lí ɔ́sū, mag tíi nyí ndag nɛ́, ɓatán Ɔlolómɛ̄, kánhánɛ nyɛ́, sɔ́hyán nyɛ́, tíán nyɛ́ mítamlan ányúū ɓot-bí-bínam bísɛ.

Timotéo 1 5:5

Ndí, nyɔ́ a lɛ̄ ŋkúh á míndīgá nyú á lɛ́ kɔɔ ŋgíla mut, ag vále lípitá jɛ́ɛ́ la Ɔlolómɛ̄. Ag tiŋɓe á nzɔ́hyé la li kánɛ lí nyɛ díɓe la nzámuh.

Pétlos 1 4:7

Lisúg lí mam mísɛ lí lɛ́ ɓɛɓɛ. Niŋán ákaa ɓot bí peg, miníh ɓɛ́ɛ́g ɓé á nlɛndanɛ́ á li ɓɔŋ nɛ́ miní lā li kánɛ.

Pétlos 1 5:7

Miní yōglé nyɛ́ mítaka máná mísɛ, átɔm nɛ́ ag nyɔŋ eceg la ɓɛ́nɛ.