Elōg-Fílípi 4:4 - Esaa-líat ɛ́ péná

⁴ Miní sōphɛ́ la mívag eceg ɛ́sɛ, á ŋ̀atanɛ́ wāná la Nyɔ́ŋ-Ɛsáŋɛ́. Mi ŋgí laglág sīg-pɛ nɛ́, miní sōphɛ́ la mívag!

Elōg-Fílípi 4:4 ပူးပေါင်းရင်းမြစ်များ

Matéus 5:12

Kɔnán mivag, miní sōphɛ́ɛ, átɔm nɛ́ nsála wáná á lɛ́ ǹcɛ́ŋ á lóō. Ákaa ɛ́sɛ, náŋ nɛ́ bí váŋghɛ́ɛ ɓapɔ́tle-bí-Ɔ́lolómɛ̄ bí kwakwáŋɛ la ndeeŋgɛ.»

Misɔ́n mí Ɓáōmɓɛ 16:25

Ɓɛɓɛ la m̀mím-á-áū, Póol la Sílas, átē á mikánɛ, bí ŋgí lɔ́ŋghɛ́nɛ Ɔ́lolómɛ̄ ŋgoso, ɓáŋá ɓot-bí-míɓog ɓɔ́g bíg ámble ɓɔ́.

Misɔ́n mí Ɓáōmɓɛ 5:41

Ɓaómɓɛ bú ɓógó la mivag ɔ́sū ví ɔ́ku-vicɛ́ŋ-ví-bíkāāhɛ́nɛ́, nɛ́ Ɔlolómɛ̄ a ɛ́n nsɛ́ŋ nɛ bí téeŋgɛ́ ɓɔ́ á jóō lí Yésus.

Elōg-Lóma 12:12

Kɔnán mívag ányúū lipitá miní byɛ́ɛ̄, miní ɓɛ́la eɔ́hánɛ átē a ndutu, miní nyɔ́hɓé á míkánɛ.

Elōg-Kɔlínto 2 6:10

bíg nyɔŋ ɓɛ́hɛ kaa miályāg mí ɓot ndí kí bi ɓáág jā mívag la mivag, bíg nyɔŋ ɓɛ́hɛ kaa ɓayɛ́ɛ́yɛ́ɛ ndí kí ɓɛ́hɛ nɛ́ bi lɛ ɓábyaŋɓɛ ɓot, bíg nyɔŋ ɓɛ́hɛ kaa ɓot bí ŋga yɛ́ɛ́ jóō nɛ́ jam ndí kí ɓɛ́hɛ nɛ́ bi byɛɛ́ mam mísɛ!

Elōg-Gálátia 1:8

Ɛ́ ɓɛ́ ɓɛ́hɛ-mɛ̄n, ɛ́ ɓɛ́ áŋgɛl nyí ɛ lɛ á lóō, tɔ nzáá a ŋga lɛ́gɛ́ ɓɛ́nɛ pɔ́l m̀ɓɛɛŋ etám nyí ɛ sē ɓé Pɔ́l M̀ɓɛɛŋ ɓaá lɛgɛ́ ɓɛ́nɛ, eɓómá ɛ́ ɓɛ́ la nyɛ́.

Elōg-Fílípi 2:18

Ɓɛ́nɛ ki, kɔnán mívag nlemlem, miní sōphɛ́ elɔŋ la ma.

Elōg-Fílípi 3:1

Á élōgyāŋ, á lí súgɛ lí ŋkwɛl wáma, mag laga ɓɛ́nɛ nɛ́, miní sōphɛ́ɛ la mivag á ŋ̀atanɛ́ wāná la Nyɔ́ŋ-Ɛsáŋɛ́. Náŋ a ŋgá téeŋgɛ ɓé ma á li ciile lí ɓɛ́nɛ milemlem mí mam, átɔm nɛ́ náŋ ag letɛ ɓɛ́nɛ nyuú.

Pétlos 1 4:13

Ndí, eceg miní ŋga nyɔ̄ŋ ŋgaan á bísɔghe bí Nyɔ́-a-Pɔ́hlɛ, kɔnán jā mívag, á lí ɓɔŋ nɛ́ eceg lipém jɛ́ɛ́ lí ŋga kɛ́ li ɛ́ni, miní ɓɛ́ á mísophɛ.