Elōg-Fílípi 4:3 - Esaa-líat ɛ́ péná

³ Wág á taŋ yama liwándá lí nsɔ́n, mag sɔ́hye wa nɛ́ ɔ óŋgánɛ ɓáŋ ɓondígá, átɔm nɛ́ ɓɔ́ la Kelemāŋ la míŋí míwāndá mí nsɔ́n mísɛ, ɓaá du elɔŋ á lí camanɛ lí Pɔ́l M̀ɓɛɛŋ, ɓɛ́hɛ ɓá moó má ciiɓɛ́ á kálati nyí eniŋ.

Elōg-Fílípi 4:3 ပူးပေါင်းရင်းမြစ်များ

Lúkas 10:20

Tɔ la náŋ asɛ̄, miníh sophɛ́gɛ́ ɓé ányúū nɛ mimbúl míɓē míg ógle ɓɛ́nɛ, ndí vagán ja nɛ́ moó máná ma ciiɓɛ́ á ékombo-lóō.»

Elōg-Lóma 12:1

Á élōgyāŋ, kasig Ɔlolómɛ̄ a ŋga kɔnle ɓɛ́hɛ ŋgɔ́ɔ́, mag sɔ́hye hɔ́ ɓɛ́nɛ nɛ́: miní tí nyɛ́ ɓɛ́nɛ-mɛ̄n kaa byoóm bí nsúlé. Li ɓotle vɔ́ŋɔ́ɔ miníg ógle nyɛ́, miníg ɓɛ́ jā ɛ́ɓɛ̄ɛ̄ la li ɓɔŋ lí yé ɛ́ ŋga nyɛ́ɛle nyɛ́. Nyíŋ patí li ɓégɛ lí nyɛ nɛ ɛ kɔɔ́.

Elōg-Lóma 16:12

Miní tamlege ma Tilífɛn la Tilifósɛ, ɓá ɓá sál ŋgándag ányúū Nyɔ́ŋ-Ɛsáŋɛ́. Miní tamlege ki ma mɔɔ́lyāŋ a mindígá nyɔ́-a-ediŋ Pɛ́lsis, nyɛ́g a sál ŋgándag ányúū Nyɔ́ŋ-Ɛsáŋɛ́.

Elōg-Lóma 16:9

Miní tamlege ma Úlbɛn, liwándá jáhá lí nsɔ́n, á nsɔ́n á Nyɔ́-a-Pɔ́hlɛ, miní tamlege ki ma taŋ yama liwándá Stákis.

Elōg-Fílípi 1:12

Á élōgyāŋ, mi byɛ́ɛ́ kóó nɛ́ miní yí nɛ́, yé yá pámlé ma, yá óŋgānɛ́ jā á lí camanɛ lí Pɔ́l M̀ɓɛɛŋ.

Elōg-Fílípi 1:16

ɓɔ́ bíg ɓɔŋ náŋ la ediŋ. Ányúū nɛ bíg yí nɛ́ mi lɛ mú á m̀ɓog ányúū nɛ mag suŋ Pɔ́l M̀ɓɛɛŋ.

Elōg-Fílípi 1:27

Á élōgyāŋ, niŋán ákaa ɛ́ ŋga sōmlɛ li oŋle la Pɔ́l M̀ɓɛɛŋ nyí Nyɔ́-a-Pɔ́hlɛ, á lí ɓɔ́ŋ nɛ́, ma sɔ́ ɓɛ́nɛ li ɛ́n tɔ māh sɔ́ ɓé ma, mi ámblé pɔ́l yāná nɛ maná tiŋɓé á lí ɓɛ́la lí míɔ̄ŋɔ má, mi ámblé ki nɛ́, la m̀mím wá nɛ miní ŋga dū eɓándá ányúū ŋyéɓé a ŋga sɔ́léne á Pɔ́l M̀ɓɛɛŋ.

Elōg-Fílípi 1:5

ányúū ŋgaan miní ŋga nyɔ̄ŋ elɔŋ la ɓɛ́hɛ á lí camanɛ lí Pɔ́l M̀ɓɛɛŋ li ɓotle á ɔ́lɔ̄ ví ɔ́sū nɛ́-tɛ́ɛla nyí lɛn.

Elōg-Fílípi 1:7

Ɛ́ lɛ́ m̀ɓɛɛŋ nɛ́ mi ɓɛ́la míŋ miɔ́ŋɔ ányúū yāná ɓɛ́nɛ bísɛ, ányúū nɛ ma vá ɓɛ́nɛ á m̀mím wáma, ɓɛ́nɛ ɓá miní ŋga nyɔ̄ŋ ŋgaan á jé likaale Ɔlolómɛ̄ a tí ma, ɛ́ ɓɛ́ á m̀ɓog mi lɛ, ɛ́ ɓɛ́ á lí suŋ lí Pɔ́l M̀ɓɛɛŋ la li camanɛ lí yɔ.

Elōg-Fílípi 4:2

Á élōgyāŋ yé ɓóndīgá Evódi la Sintíkɛ, mag sɔ́hye ɓɛ́nɛ nɛ́ miní ámblán á ŋ̀atanɛ́ wāná la Nyɔ́ŋ-Ɛsáŋɛ́.

Elōg-Kólóso 1:7

li oŋle la yé ŋgwaa yahá la liwándá jáhá lí nsɔ́n Epafálas a yéglɛ́ɛ́ ɓɛ́nɛ. Nyɛ́ nɛ́ a yíhānɛ́ ɓɛ́hɛ m̀ɓɛɛŋ kaa m̀ɓɔŋle a Yésus Kilístus,

Biyɛ́ɛ́léné 13:8

Ɓot bí ŋkɔŋ-á-sí bíg kɛ yɔ li ɓégɛ, ɓá moó máh ciiɓɛ ɓé á kálati eniŋ li ɓotle á míɓōtlé mí ŋkɔŋ-á-sí; á kálati eniŋ nyí mɔɔ́n ntómbɛ́ ɓá ól.

Biyɛ́ɛ́léné 17:8

Tít wa ɛ́n, ɛ ɓɛ́ɛ́, ndí ɛ sē ɓé pɛ. Ɛg kɛ li pámléne á eɓél-écɛ̄hɛ, la yɔ ɛ kɛ́ á njáŋgá. Ɓatɔɓene bí ŋkɔŋ-á-sí, ɓá moó máh ciiɓɛ ɓé á kálati nyí eniŋ li ɓotle á míɓōtlé mí ŋkɔŋ-á-sí, bíg kɛ li nyág eceg bí ŋga ɛ́n nyíŋ tít; átɔm nɛ́, ɛ ɓɛ́ɛ́ á kwaŋ, ɛ sē ɓé pɛ, ndí ɛg kɛ pɛ li sɔ́.

Biyɛ́ɛ́léné 20:12

La ma mu ɛ́n ɓot ɓá wú, ɓacɛ́ŋ la ɓatɔ́ga bí tɛ́ɛ ɔ́sū ví étɔɓé-líkanʼyɛ; kálati yú vúúlɛ. Kálati etám yu vúúlɛ sīg-pɛ; yɔ nɛ́ ɛ lɛ kálati nyí eniŋ. Bú kááhɛ́ ɓot ɓá wú, mut sig li oŋle la miɓɔŋɔg mɛ́ɛ́, ákaa yá ciiɓɛ́ á kálati.

Biyɛ́ɛ́léné 20:15

Ndí nyɔ́ la nyɔ́ jóō líh cíiɓɛ ɓé á kálati nyí eniŋ ɔ lɛ̄ŋgɓɛ́ á yéŋ ébúle yé nzáan.

Biyɛ́ɛ́léné 21:27

Yoóm ɛ́ líbūá tɔ yá ɛ́ ŋgá kɛ́ ɓé lí níŋgi múŋ á nyíŋ tísɔn, nlemlem la tɔ nzáá ki a ŋga ɓɔŋ mam mí nyɛgá la li ɓaŋ lí mínaa. Ɓot bí ŋga kɛ́ li níŋgi á nyíŋ tísɔn bí lɛ́ ɓá moó má ciiɓɛ á kálati eniŋ nyí mɔɔ́n ntómbɛ́.

Biyɛ́ɛ́léné 3:5

Náŋ nɛ́ ǹdí-cíŋ a ŋga kɛ́ li jál lí bípúpúɛ bí mbɔ́tí. Mi ŋgá kɛ ɓé ma lí sáá lí jóō jɛ́ɛ́ a kálati eniŋ; mag kɛ nyɛ́ lí lem ɔ́sū ví Etāa la ɔ́sū ví áŋgɛl yɛ́ɛ́.