Elōg-Fílípi 4:11 - Esaa-líat ɛ́ péná

¹¹ Mi ŋgá pɔ́t ɓé ma náŋ ányúū nɛ mi byɛ́ɛ́ kóó la jam, átɔm nɛ́ ma mwáan lí ɓɛ́ lí mívag la yé mi byɛ́ɛ̄.

Elōg-Fílípi 4:11 ပူးပေါင်းရင်းမြစ်များ

Lúkas 3:14

Jogo lí ɓádu-wélan ki bú ɓāt nyɛ nɛ́: «Ɓɛ́hɛ ki, yéé ɓa nyɛ́ɛ li ɓɔŋ é?» Yohánɛs ɔ pélē ɓɔ nɛ́: «Miníh nyɔŋɔ́g ɓé jam lí mut la elóh, tɔ li ɓeeyɛ lí mut jam yɛmɛ́, kɔnán ja mívag la nsála wáná.»

Elōg-Kɔlínto 2 11:27

Ma sál mísɔ̄n mí ŋga tɔ̄mbhan la mí mí ndútu, biceg byá ma tɔ́ɔ́ pɛ́ɛ, ma tɔ́ɔ̄ nzal la evéhé, biceg bitám mu ɓɔ̄ŋ étɔɔ-nzal á ŋkágán, ma ógtán ávɔ̄l, mbɔ́tí yú yɛ́ɛ́lé mā,

Elōg-Kɔlínto 2 6:10

bíg nyɔŋ ɓɛ́hɛ kaa miályāg mí ɓot ndí kí bi ɓáág jā mívag la mivag, bíg nyɔŋ ɓɛ́hɛ kaa ɓayɛ́ɛ́yɛ́ɛ ndí kí ɓɛ́hɛ nɛ́ bi lɛ ɓábyaŋɓɛ ɓot, bíg nyɔŋ ɓɛ́hɛ kaa ɓot bí ŋga yɛ́ɛ́ jóō nɛ́ jam ndí kí ɓɛ́hɛ nɛ́ bi byɛɛ́ mam mísɛ!

Elōg-Kɔlínto 2 8:9

La mbálɛ, miníg yí elɔ́ŋgɔ m̀mím yé Ɛtáŋɛ wahá Yésus Kilístus, nyɔ́ a lɛ nɛ́, átē a abyaŋ wɛ́ɛ́, a yáanɛ́ nyɛ́-mɛ̄n ŋ̀yɛ́ɛ́yɛ́ɛ ányúū yāná, nɛ́ ndí la liyɛ́ɛ́ jɛ́ɛ́ a byāŋɓɛ́ ɓɛ́nɛ.

Elōg-Kɔlínto 2 9:8

Ɔlolómɛ̄ a byɛ́ɛ́ ŋguu li kúúle lí ɓɛ́nɛ patí míkaale ɛ́sɛ nɛ́ ndí miní kondyé lí ɓɛ́la lí yé ɛ lɛ́ nsɛ́ŋ éceg ɛ́sɛ, la ki nɛ́ miní kondyé sīg-pɛ yɔ́ lí ɓɛ́la nlohanɛ́ ányúū misɔ́n mí m̀ɓɛɛŋ mísɛ.

Elōg-Fílípi 3:8

Ɔɔ, mag ɛ́n mam mísɛ yɛmɛ́ ányúū nɛ, li yí lí Yésus Kilístus Ɛtáŋɛ wama lá loohán lí ɓɛ́ lí élɔ́ŋgɔ jam. Ányúū yɛ́ɛ̄, ma ɓɔ́lán mam mísɛ, ndí mag ɛ́n jā mɔ́ mísɛ kaa bináán á lí ɓɔŋ nɛ́ mi tómbánɛ Nyɔ́-a-Pɔ́hlɛ,

Elōg-Hébɛl 10:34

Ákaa ɛ́sɛ, maná nyɔ̄ŋ ŋgaan á bísɔghe bí ɓot-bí-míɓog, munú yéɓé ki la mivag nɛ́ bí nyɔŋlé ɓɛ́nɛ miɓɛɛŋ máná, átɔm nɛ́ miníg yí nɛ́, miní byɛ́ɛ míɓɛɛŋ mí má loohán bílɔ́ŋgɔ li loo lí mīŋ, mí mí ŋga man ɓé.