Elōg-Fílípi 3:8 - Esaa-líat ɛ́ péná

⁸ Ɔɔ, mag ɛ́n mam mísɛ yɛmɛ́ ányúū nɛ, li yí lí Yésus Kilístus Ɛtáŋɛ wama lá loohán lí ɓɛ́ lí élɔ́ŋgɔ jam. Ányúū yɛ́ɛ̄, ma ɓɔ́lán mam mísɛ, ndí mag ɛ́n jā mɔ́ mísɛ kaa bináán á lí ɓɔŋ nɛ́ mi tómbánɛ Nyɔ́-a-Pɔ́hlɛ,

Elōg-Fílípi 3:8 ပူးပေါင်းရင်းမြစ်များ

Lúkas 1:43

Nzáá mi lɛ á li ɓɔŋ nɛ́ nyaŋɛ́ a Ɛtáŋɛ wáma á sɔ́ nɛ́-tɛ́ɛla vá é?

Lúkas 11:20

Ndí kíyáɓɛ́nɛ la ŋguu nyí ɔnu-ví-wɔ ví Ɔlolómɛ̄ nɛ mi ŋga dúhu mimbúl míɓē, yíán hɔ́ nɛ Likanʼyɛ lí Ɔlolómɛ̄ lá nyɛ́glé ɓɛ́nɛ.

Yohánɛs 14:20

Víŋ ɔlɔ́ nɛ miníg ŋga kɛ́ li yí nɛ́, mi lɛ átē a Etāa, ɓɛ́nɛ ki miní lɛ́ átē wama, mág mu ɓɛ́ á átē waná.

Yohánɛs 14:7

Kí ɓɔŋ nɛ́ miní yííg ma, kí maná yí ki Etāa. Li ɓotle nyí vɔ́ŋɔ́ɔ, miníg yí nyɛ́, maná ɛ́n ki nyɛ́.»

Yohánɛs 16:3

Bíg kɛ li ɓɔŋ náŋ ányúū nɛ ɓáh yí ɓé Etāa tɔ ma.

Yohánɛs 17:3

Á mbálɛ, eniŋ éɓem ɛ́ lɛ́ ja nɛ́ bí yí wa, wa Lōó lí mbálɛ, bí yí ki Yésus Kilístus nyɔ́ wa óm.

Yohánɛs 17:8

La ki nɛ́ biɓaŋgá ma lága ɓɔ, bí lɛ́ bí wa lága ma; ɓá lɛ́glé byɔ, bú yéɓé kɔɔ la mbálɛ nɛ́, ma pámléné á átē wɔ́ɔ, bú yéɓé ki nɛ́ wa nɛ́ wa óm ma.

Yohánɛs 20:13

Yú ɓāt nyɛ nɛ́: «Á mindígá, ɔg lee yéé é?» Ɔ pélē yɔ nɛ́: «Ɓá ɓógtɛ́ m̀bim á Ɛtáŋɛ, ndí, mi ŋgá yí ɓé ma á véé ɓá vá wɔ́.»

Yohánɛs 20:28

Tómas ɔ pélē nyɛ nɛ́: «Ɛtáŋɛ la Lōó jáma.»

Misɔ́n mí Ɓáōmɓɛ 20:24

Ndí ányúū yáma, eniŋ yáma ɛ́h byɛ́ɛ́ ɓé nsɛ́ŋ tɔ wá. Miɔ́ŋɔ máma mí lɛ́ nɛ́ mi pám la ŋgómán wama la nsɔ́n wama á lísūg, bí Ɛtáŋɛ Yésus a byéehɛ́ ma, nyúŋ ŋgómán la nyúŋ nsɔ́n nɛ bí lɛ́ li tíi lí mbóŋ nyí Pɔ́l M̀ɓɛɛŋ nyí ediŋ Ɔ́lolómɛ̄.

Elōg-Lóma 8:18

Ákaa ɛ́sɛ, mag ɔ́ŋɔ nɛ́, bí sē ɓé nɛ ɓá kēt bisɔghe bí lɛn la lipém jé Ɔ́lolómɛ̄ a ŋga kɛ́ ɓɛ́hɛ li étɛ ámbúh eceg.

Elōg-Lóma 8:39

ɛ́ ɓɛ́ ŋguu ɛ́sɛ ɛ́ lɛ́ á lōó tɔ yí ɛ́ lɛ́ á sí ntím, ndí tɔ eveglé étām tɔ yá, jam tɔ já lí ŋgá lá ɓé ɓɛ́hɛ li ɓága la ediŋ yé Ɔ́lolómɛ̄ a éthɛ́nɛ́ á Ɛtáŋɛ wahá Yésus Kilístus.

Elōg-Kɔlínto 1 2:2

Ákaa ɛ́sɛ, ma súgɛ́ nɛ mi ŋgá somo ɓé ma lí yí lí jam litám tɔ já á póla yaná, amáh sig Yésus Kilístus, Nyɔ́ Yésus Kilístus a tōmlɛ́ á mbásá.

Elōg-Kɔlínto 1 9:10

Ɓaá ányúū yāhá ɓɛ́hɛ̄-ntámɛ́ ɓé nɛ Ɔlolómɛ̄ a ŋga pɔ́tléne náŋ é? Ɔɔ, ányúū yāhá nɛ́ náŋ a cíiɓɛ, átɔm nɛ́ nyɔ́ la nyɔ́ a ŋga sál, ag nyɛɛ li ɓɛ́la lí lípitá nɛ ag kɛ li pumu, la ki nɛ́, nyɔ́ la nyɔ́ a ŋga púmu, nyɛ́g ag nyɛɛ li ɓɛ́la lí lípitá nɛ ag kuh ɛjɛ́ɛ́ jóga.

Elōg-Kɔlínto 2 4:4

ányúū ɓá bí ŋgá yéɓe ɓé, ɓá bí lɛ́ nɛ́ loó lí nyí sí lá dím éyī, nɛ́ ndí bíh ɛ́nɛ́g ɓé épaa yé Pɔ́l M̀ɓɛɛŋ nyí lípēm lí Nyɔ́-a-Pɔ́hlɛ, nyɔ́ a lɛ á édīŋgɛ́-díŋgɛ yé Ɔ́lolómɛ̄.

Elōg-Kɔlínto 2 4:6

Ányúū nɛ Ɔlolómɛ̄ á yóó nɛ́: «Mipúú mí páa átē a livito.» Nyɛ́-mɛ̄n nɛ́ a páa á mímīm máhá, la nyɛ́ ɔ páɛ ɓɛ́hɛ nɛ́ ndí bi yí lipém jɛ́ɛ́, jé lí ŋga páayene á ásū á Nyɔ́-a-Pɔ́hlɛ.

Elōg-Gálátia 1:16

nɛ́ a yɛ́ɛ́léné mā Mɔ́ɔ̄n wɛ́ɛ̄ nɛ́ ndí, mi lɛgɛ jóō jɛ́ɛ́ á mílōm mí mí sē ɓé mí Élōg-Yúda. Ɛ́g kɛ li ɓat nɛ́ mi vóó li ɓɔŋ náŋ ɛ́h ɓɛ́ ɓé ma lí ɓat lí mut ŋgéélé,

Elōg-Éféso 4:13

Náŋ la náŋ nɛ́-tɛ́ɛ, ɓɛ́hɛ bísɛ elɔŋ ɓaá yáan mut wa átē a ŋyéɓé la á lí yí lí Mɔ́ɔ̄n Ɔ́lolómɛ̄, ɓaá ólo, ɓā pám á ntɛ́l á Nyɔ́-a-Pɔ́hlɛ á líɓɛ́ɛg jɛ́ɛ́ lísɛ.

Elōg-Fílípi 1:1

Ma Póol, mi lɛ̄ élɔŋ la Timotéo, bí lɛ ɓáɓɔŋle bí Yésus Kilístus. Mag ciile ɓá bísɛ bí lɛ́ ndog-Ɔlolómɛ̄ á tísɔn Filípi, elɔŋ la ɓakanʼyɛ Eɓasɛ la ɓáōŋgánɛ ɓáɓá, ɓá bí ŋga nīŋ á ŋ̀atanɛ́ la Yésus Kilístus.

Elōg-Fílípi 3:10

Yé ɛ́sɛ mi ŋga sómo, ɛ́ lɛ́ lí yí lí Nyɔ́-a-Pɔ́hlɛ, li yí lí ŋguu nyí ya pāhyɛ́ nyɛ, nɛ́ ndí mi nyɔ́ŋ ŋgaan á bísɔghe byɛ́ɛ́, á lí ɓɔŋ nɛ́ mi púnān la nyɛ́ á nyɛ̄mb yɛ́ɛ̄.

Elōg-Fílípi 3:12

Náŋ a ŋgá somo ɓé lí laga nɛ́ ma kūh bíŋ bísɛ, tɔ nɛ́ mi lɛ́ ŋgíla ɔnɛ́g, ndí mi ŋgí lɔ́gɓágan á lí kuh lí míŋ mam mísɛ, ányúū nɛ Yésus Kilístus a mān mā lí nyɔŋ.

Elōg-Fílípi 3:7

Ndí, bíŋ byoóm bísɛ bí bí ɓɛ́ɛ́ ma nsɛ́ŋ, nyí lɛn mag ɛ́n byɔ́ yɛmɛ́ ányúū Nyɔ́-a-Pɔ́hlɛ.

Timotéo 2 4:6

Nyí vɔ́ŋɔ́ɔ, eceg yá kɔlan nɛ́ ma Póol, nyuú yáma ɛ tíéɓɛ́ Ɔlolómɛ̄ kaa nsúlé, eceg yáma li ɓógo á ŋkɔŋ-á-sí yá nyɛ́g.

Elōg-Hébɛl 3:14

Ákaa ɛ́sɛ, bi lɛ̄ ɓot bí élɔŋ yé Nyɔ́-a-Pɔ́hlɛ, kíyáɓɛ́nɛ ɓā tiŋɓé á ŋyéɓé bi byɛɛ́ li ɓotle á míɓōtlé, náŋ la náŋ li pám nɛ́-tɛ́ɛla á lísūg.

Pétlos 1 2:7

Á ɓɛ́nɛ ɓot bí ŋyéɓé, nyíŋ ŋgɔg ɛ lɛ ɓɛ́nɛ nsɛ́ŋ ŋgándag, ndí ányúū ɓot bí ŋgíla ŋyéɓé, ŋgɔg nyí ɓaóŋ-ndáá ɓá ɓen, yɔ nɛ́ ya tímān lí ɓɛgɛ lí ndáá.»

Pétlos 2 1:2

Ndómbo la nsaŋ bí ɓɛ́ la ɓɛ́nɛ ŋgandag, li kele la yé miní ŋga yí likɔlɓan la Ɔlolómɛ̄, la Yésus Ɛtáŋɛ wahá.

Pétlos 2 1:3

Ákaa ɛ́sɛ, ŋguu Ɔlolómɛ̄ ya káalé ɓɛ́hɛ yé ɛ́sɛ ɛ́ lɛ́ nsɛ́ŋ á éniŋ, yu ɓɔ̄ŋ nɛ bi tíŋɓé la Ɔlolómɛ̄, la náŋ, ya ɓɔ̄ŋ nɛ bí yí mut a yáŋá ɓɛ́hɛ nɛ́ bi nyɔ́ŋ ŋgaan á lípēm jɛ́ɛ́ la á misɔ́n mɛ́ɛ́ mí m̀ɓɛɛŋ.

Pétlos 2 1:8

Ákaa ɛ́sɛ, kíyáɓɛ́nɛ maná loohán lí ɓɛ́la lí bíŋ bilɛ́m bílāām bísɛ, bíg yígle ɓɛ́nɛ nɛ́ miníh kómānɛ́gɛ́ ɓé mɔ, ndí miní úm mitám mílāām, nɛ́ ndí miní kóndyé lí yí lí Ɛtáŋɛ wahá Yésus Kilístus.

Pétlos 2 3:18

Ndí, miní kondyé lí náŋ átē a mikaale la átē a eyí ɛ́ Nyɔ́ŋ-Ɛsáŋɛ́ la ǹsuŋ wahá Yésus Kilístus. Eɓégɛ ɛ́ ɓɛ́ la nyɛ́ li ɓotle lá vɔ́ŋɔ́ɔ nɛ́-tɛ́ɛla á éɓem. Ɛ́ ɓɛ́ náŋ!

Yohánɛs 1 1:3

Yé ɓaá ɛ́n, bu ámble ki, yɔ́ nɛ́ ɓɛ́hɛ ki bi ŋga lɛ́gɛ ɓɛ́nɛ, á lí ɓɔŋ nɛ́, ɓɛ́nɛ ki miní ɓɛ́ átē a ŋ̀atanɛ́ la ɓɛ́hɛ. Liɓɛ́ɛg jáhá lí mut wa, lí lɛ́ ŋ̀atanɛ́ wāhá la Etāa, lú ɓɛ́ ki ŋ̀atanɛ́ wāhá la Mɔ́ɔ̄n wɛ́ɛ̄ Yésus Kilístus.

Yohánɛs 1 2:19

Ɓá ɓógyéné á yóg yáhá, ndí bíh mɓɛ́ ɓé ɛ́ɓáhá, kí ɓɔŋ nɛ́ bí ɓɛ́ ɛɓáhá, kí ɓá tɔ́ɔ̄ elɔŋ la ɓɛ́hɛ. Ndí, ɛ́ ŋga sōmlɛ nɛ́ ɓot bí ɛ́n nɛ́, nyí vɔ́ŋɔ́ɔ tɔ ɓá ɓɛ́ láá ɔ́bul, ɓɔ́ bísɛ bíh sē ɓé ɛ́ɓáhá.

Yohánɛs 1 5:20

Biíg yí ki nɛ́, Mɔɔ́n Ɔlolómɛ̄ a sɔ́, la nyɛ́ ɔ tí ɓɛ́hɛ eyí, á lí ɓɔŋ nɛ́, bi yí Loó-lí-mbálɛ. Bi lɛ la Loó-lí-mbálɛ bu ɓɛ́ ki la Mɔɔ́n wɛ́ɛ̄ Yésus Kilístus. Nyɛ́ nɛ́ a lɛ Loó-lí-mbálɛ ɔ ɓɛ́ ki eniŋ éɓem.