Elōg-Fílípi 3:5 - Esaa-líat ɛ́ péná

⁵ Mā mut ma kwɛ́ɛɓɛ́ á ɔlɔ́ vá yáhɛ mwaam, ma mɔɔ́n Íslāɛl á lílōmɛ lí Bínyámin, mbyááhɛ nyí Elōg-Hébɛl, nyí ɛ ŋga ōŋle mbéndá Elōg-Yúda ákaa taŋ mɔɔ́n Falísái.

Elōg-Fílípi 3:5 ပူးပေါင်းရင်းမြစ်များ

Lúkas 1:59

Ɔlɔ́ vá yáhɛ́ mwaam, bú sɔ́, ákaa mɔɔ́n a ŋgí nyɛɛ li kwɛɛɓɛ lí víŋ ɔlɔ́. La ɓɔ́ bú somó nyɛ li yáŋa nɛ́ Sakália ákaa ɛsáŋɛ́.

Lúkas 2:21

Ɛnɛ́ ɔlɔ́ vá yáhɛ mwaam ví mɔɔ́n a ŋga nyɛ́ɛ li kwɛɛɓɛ vá kɔlan, bú lō nyɛ joó nɛ Yésus, joó áŋgɛl ɛ tíéé sɔ́kágánɛ́ nyaŋɛ́ ag nyɔŋ libum jɛ́ɛ́.

Lúkas 5:38

Jɔ́ hɔ́ nɛ, mikánág mí mílɔg míg kɛ ja á míkānág mí bílōgá.

Misɔ́n mí Ɓáōmɓɛ 22:3

«Mi lɛ mɔ́ɔ̄n Élōg-Yúda, ma byááyéné á Tálse nyí Silísia, ndí ma náŋlé mú á nyí tísɔn, mu kūh ki Gamáliɛl kaa ŋ̀yéglɛ, nyɔ́ a étɛ́ ma mbéndá nyí ɓatāa ɓáhá kaa ɛ́ ŋga sōmlɛ. Mi ɓɛ́ɛ́la nlohanɛ́ a ekɔ́ɔ́ la Ɔlolómɛ̄ kaa ɓɛ́nɛ ki miní byɛ́ɛ̄ yɔ́ nyí lɛn.

Misɔ́n mí Ɓáōmɓɛ 23:6

Kasig nyɛ́ Póol a ŋgí yí nɛ́ jogo lí ɓot li yéŋ eti lí ɓɛ́ɛ́ Élōg-Sadúkái la Elōg-Falísái, ɔ tɛ́ɛ́ nlón á m̀mím á ɔ́ku-vicɛ́ŋ-ví-bíkāāhɛ́nɛ́ a byɛ́ nɛ́: «Á élōgétāŋ, mi lɛ mɔɔ́n Élōg-Falísái, m̀byál ma ɔ ɓɛ́ mɔɔ́n Élōg-Falísái. Mi tɛ́ɛ́ á míkāl ányúū lipitá jáhá bi byɛ́ɛ̄ la lipahye lí ɓá ɓá wū.»

Misɔ́n mí Ɓáōmɓɛ 6:1

Múŋ á nyúŋ alɔ́, táŋga ɓayége ɛ ŋgí kondye li ɓét, la ɓayéɓe bí mpɔ́t á Gelékia bú ɓōtlé lí tɔghan lí ɓá bí mpɔ́t á Élōg-Hébɛl ányúū nɛ̄ ɓáŋ bí ŋgí vólanɛ ɛmáɓá míkūh mí ɓóndīgá ɔlɔ́ sig á eceg lí kaa lí lídī.

Elōg-Lóma 11:1

Mag ɓat hɔ́ nɛ: Ɓaá, Ɔlolómɛ̄ a cóó lílōm jɛ́ɛ́ é? La mbálɛ kɛ́m! Ányúū nɛ mā-mɛn mi lɛ́ mɔ́ɔ̄n á lílōm lí Íslāɛl, á mbota nyí Áblaháam, á lílōmɛ lí Bínyámin.

Elōg-Kɔlínto 2 11:22

Kíyáɓɛ́nɛ bí lɛ́ ɓɔ́ɔ̄n bí Élōg-Hébɛl, mág mi lɛ nyɛ́! Kíyáɓɛ́nɛ bí lɛ́ ɓɔ́ɔ̄n bí Íslāɛl, mág mi lɛ nyɛ́! Kíyáɓɛ́nɛ bí lɛ́ mbóta nyí Áblaháam, mág mi lɛ́ yɔ̄!