Elōg-Fílípi 3:14 - Esaa-líat ɛ́ péná

¹⁴ Jɔ́ nɛ́ mi ŋga nāŋga m̀bíí nɛ́ mi pám á lísūg lí nlee, á lí tombanɛ lí nsála nyú á ŋga sɔ́le á ŋyáŋlán á lɛ́ nɛ Ɔlolómɛ̄ a yáŋléné ɓɛ́hɛ á lōó á ŋ̀atanɛ́ wāhá la Yésus Kilístus.

Elōg-Fílípi 3:14 ပူးပေါင်းရင်းမြစ်များ

Lúkas 16:16

Mbéndá la ɓapɔ́tle-bí-Ɔ́lolómɛ̄ bíg súgle á eceg yé Yohánɛs Ǹtíi-nzoɓan; li ɓotle la váŋ, Pɔ́l M̀ɓɛɛŋ nyí Ekombo Ɔ́lolómɛ̄ ya lɛ̄glɛ, mut sig ag lɔ́gɓan la ŋguu nɛ́ a níŋgí átē.

Elōg-Lóma 11:29

La mbálɛ, Ɔlolómɛ̄ a ŋgá nyɔŋ ɓé pɛ yé a mān lí tíi, ndí tɔ li veŋe lí míɔ̄ŋɔ ányúū ɓá a mān lí yáŋa.

Elōg-Kɔlínto 1 9:24

Á élōgyāŋ, ɓaá, miní ŋgá yí ɓé nɛ, á voóm bí ŋga náŋgle m̀bíí, ɓanāŋga-m̀bíí bísɛ bíg ɓógo elɔŋ, ndí mut wāhwa nɛ́ a ŋga kūh ɔtot é? Náŋglán hɔ́ m̀bíí nyaa nyí ɛ lɛ nɛ́ miní kuh ɔtot.

Elōg-Kɔlínto 2 4:17

Ɔɔ, kí ɓaá kēt bísɔghe bí nyí lɛn, bí lɛ́ yɛ̄mɛ́ á ŋgwáāg ádit nyú á lípēm lí pɔ́gɔ́-pɔgɔ jé bíŋ bisɔghe bí ŋga ɓóŋhan ɓɛ́hɛ.

Elōg-Fílípi 3:3

Á mbálɛ, titih míkwɛɛ́g mí ɓot ɛ́ lɛ́ ɓɛ́hɛ, ányúū nɛ ɓɛ́hɛ nɛ́ M̀búl á Ɔlolómɛ̄ a ŋga óŋgánɛ li ɓɔŋle lí nyɛ esaa epúán, ányúū nɛ Yésus Kilístus nɛ́ a lɛ ɓɛ́hɛ ɛyáhá éwāhlé-ŋgáŋ, la ki nɛ́ ɓɛ́hɛ bi ŋgá pitye ɓé ɓɛ́hɛ-mɛ̄n.

Elōg-Kólóso 2:18

Miníh mwahkɛ́gɛ́ ɓé nɛ ɓot bí nyɔ́ŋlé ɓɛ́nɛ ɔtot miní ŋga nyɛ́ɛ li kuh. Mag pɔ́tle ɓot bi ŋga tīŋɓe á mam mí ŋga étɛ nɛ́ bí lɛ́ ésuhɛ-nyuú, la li tiŋɓe á lí ɓégɛ lí áŋgɛl. Bíg ditɛ ŋ̀ɛ́nānɛ́ wāɓá ŋgandag, yíŋ nyaa ɛ́ ɓot yá loohán lí ɓɛ́la lí míɔ̄ŋɔ mí ɓot-bí-bínam, náŋ nɛ́ a ŋga tíi ɓɔ́ kúmba nlohanɛ́.

Elōg-Tésaloníka 1 2:12

Ɓaá éélé ɓɛ́nɛ, bu létɛ́ ɓɛ́nɛ nyúū, bu lóohán ɓɛ́nɛ li sɔ́hye nɛ́ miní nīŋ ákaa Ɔlolómɛ̄ a ŋga sómo, nyɛ́ mut a yáŋá ɓɛ́nɛ á lí ɓɛ́la lí joga á Ékombo yɛ́ɛ́ la á lípēm jɛ́ɛ́.

Timotéo 2 1:9

nyɔ́ a sūŋ ɓɛ́hɛ, nyɔ́ a yáŋá ɓɛ́hɛ la ŋyáŋlán mpúán, ɔ yáŋá ɓɛ́hɛ ah ányúū misɔ́n máhá ɓé, ndí ányúū peg yɛɛ́ a vúl la elɔ́ŋgɔ yɛ́ɛ́ m̀mím. A étɛ́ ɓɛ́hɛ yéŋ elɔ́ŋgɔ yɛ́ɛ́ m̀mím yɔŋ ɔ́sū ví éceg li kele la Yésus Kilístus.

Elōg-Hébɛl 3:1

La náŋ hɔ́ á élōgyāŋ, ɓɛ́hɛ ɓá bi lɛ̄ ndog-Ɔlolómɛ̄, nyí ya yéɓé ŋyáŋlán wɛ́ɛ́, miní légɓé Yésus. Ɔlolómɛ̄ a óm nyɛ́ nɛ́ a ɓɛ́ ɓɛ́hɛ ǹtíi-nsúlé ǹcɛ́ŋ, La nyɛ́ nɛ́ bi ŋga yéɓé.

Elōg-Hébɛl 6:1

La náŋ hɔ́, bih tíglégé ɓé ɓɛ́hɛ á mam mí ɔ́sū la ɔsú ɓaá yége likɔlɓan la Yésus Kilístus, á li ɓét á ésukúlu yé mináŋag-mí-ɓot. Bih tɔɓégé ɓé ɓɛ́hɛ á jaa lí míōŋ jé lí lɛ́ yé ɓaá dúgú lí yége, kaa li cóó lí misɔ́n mí ŋga óm ɓɛ́hɛ á nyɛmb la li yéɓe la Ɔlolómɛ̄,

Pétlos 1 1:13

Jɔ́ nɛ́, ɓɛ́án pɛɛ, miní ɓoŋhán nsɔ́n, naŋʼyán mípitá máná á míkaale Ɔlolómɛ̄ a ŋga kɛ́ ɓɛ́nɛ li tíi á eceg Yésus Kilístus a ŋga kɛ́ ɓɛ́nɛ li étɛ lí nyɛ́-mɛ̄n.

Pétlos 1 5:10

Ɔlolómɛ̄ nyɔ́ a byɛɛ́ joó nɛ likaale, nyɔ́ a yáŋá ɓɛ́nɛ á li níŋgi á lipém jɛ́ɛ́ lí eɓem elɔŋ la Yésus Kilístus, ag kɛ ɓɛ́nɛ li tɛ́ɛ́yɛ nyɛ́-mɛ̄n ámbúh esɔghe miní ŋga kɛ́ li kuh ányúū puh éceg. Ag kɛ ɓɛ́nɛ li letɛ lí nyúū, a ólɓɛ́ ɓɛ́nɛ, a yáánɛ́ ɓɛ́nɛ ndiŋ.

Pétlos 2 1:3

Ákaa ɛ́sɛ, ŋguu Ɔlolómɛ̄ ya káalé ɓɛ́hɛ yé ɛ́sɛ ɛ́ lɛ́ nsɛ́ŋ á éniŋ, yu ɓɔ̄ŋ nɛ bi tíŋɓé la Ɔlolómɛ̄, la náŋ, ya ɓɔ̄ŋ nɛ bí yí mut a yáŋá ɓɛ́hɛ nɛ́ bi nyɔ́ŋ ŋgaan á lípēm jɛ́ɛ́ la á misɔ́n mɛ́ɛ́ mí m̀ɓɛɛŋ.

Biyɛ́ɛ́léné 3:21

Ǹdí-cíŋ, ag kɛ li tɔɔ elɔŋ la ma á étɔɓé-líkanʼyɛ yama, ákaa mág ma tɔ́ɔ̄ la Etāa á étɔɓé-líkanʼyɛ yɛ́ɛ́ eceg ma dí cíŋ.