Elōg-Fílípi 3:10 - Esaa-líat ɛ́ péná

¹⁰ Yé ɛ́sɛ mi ŋga sómo, ɛ́ lɛ́ lí yí lí Nyɔ́-a-Pɔ́hlɛ, li yí lí ŋguu nyí ya pāhyɛ́ nyɛ, nɛ́ ndí mi nyɔ́ŋ ŋgaan á bísɔghe byɛ́ɛ́, á lí ɓɔŋ nɛ́ mi púnān la nyɛ́ á nyɛ̄mb yɛ́ɛ̄.

Elōg-Fílípi 3:10 ပူးပေါင်းရင်းမြစ်များ

Matéus 20:23

Yésus ɔ lága ɓɔ́ nɛ́: «Kɔɔ, miníg nyú líɓondó lí ésɔghe mi ŋga kɛ́ li nyú; ndí ányúū li tɔɔ á m̀ɓɛ́nlómɛ tɔ á m̀ɓɛ́ŋgáa wama, ah ma ɓé nɛ mi ŋga súgɛ náŋ. Etāa a ɓōŋhán bíŋ bitɔ ányúū ɓot ɓá.»

Yohánɛs 10:18

Mut tɔ wa a ŋgá nyɔŋle ɓé ma yɔ́, ndí mag tíi yɔ́ la mā-mɛ̄n. Mi byɛ́ɛ́ ŋguu li tíi lí éniŋ yáma, la ŋguu li timan lí li nyɔŋ lí yɔ, nyíŋ ndagle nɛ́ Etāa a tí ma.»

Yohánɛs 17:3

Á mbálɛ, eniŋ éɓem ɛ́ lɛ́ ja nɛ́ bí yí wa, wa Lōó lí mbálɛ, bí yí ki Yésus Kilístus nyɔ́ wa óm.

Elōg-Lóma 8:17

Kaa bi lɛ hɔ́ ɓɔ́ɔ̄n bí Ɔ́lolómɛ̄, bi lɛ ɓákoto-embámbá, ɓakoto-embámbá yé Ɔ́lolómɛ̄, ɓakoto-embámbá elɔŋ la Nyɔ́-a-Pɔ́hlɛ. Kasig ɓaá nyɔ̄ŋ ŋgaan á bísɔghe byɛ́ɛ́, biíg kɛ ki li nyɔŋ lí ŋgaan á lípēm jɛ́ɛ́.

Elōg-Lóma 8:29

Ɓá a man lí pɔhɔ, a mān lí súgɛ nɛ́ bíg yáan puh la puh á épunan yé Mɔ́ɔ̄n wɛ́ɛ̄, nɛ́ ndí nyɔ́ŋ Mɔɔ́n wɛ́ɛ̄ a ɓɛ́ nyɔ́ ɔsú á lí byáa átē a linyaŋ licɛ́ŋ lí ɓot.

Elōg-Lóma 8:36

Ákaa Licii-Lipúán lí ŋga lága nɛ: «Ányúū yɔ́ɔ nɛ́ nyɛmb ɛ ŋga lɛ́ŋle ɓɛ́hɛ ɔlɔ́ la ɔlɔ́ sig, ɓaá nyɔŋɓɛ́ ákaa tít nɛ ɓá nyɛɛ́ lí sɛ́m lí cíŋ.»

Elōg-Kɔlínto 2 1:10

Nyɛ́ nɛ́ a sūŋ ɓɛ́hɛ a nyíŋ patí nyɛmb, ag kɛ ki ɓɛ́hɛ li suŋ. Ákaa la nyɛ́ nɛ́ ɓā válé lípitá, ag kɛ sīg-pɛ ɓɛ́hɛ li suŋ.

Elōg-Kɔlínto 2 1:5

Nlemlem kaa bi ŋga nyɔ̄ŋ ŋgaan ŋgandag á bísɔghe bí Nyɔ́-a-Pɔ́hlɛ, náŋ ki nɛ́ Ɔ́lolómɛ̄ a ŋga mɔ́mɛ́ ɓɛ́hɛ ŋgandag li loole la Nyɔ́-a-Pɔ́hlɛ.

Elōg-Kɔlínto 2 13:4

La mbálɛ, a tōmlɛ́ á mbásá átē a aɓɔt wɛ́ɛ́, ndí a lɛ̄ á éniŋ la ŋguu nyí Ɔlolómɛ̄. Ɓɛ́hɛ ki bi lɛ́ áɓɔt á ŋ̀atanɛ́ la nyɛ́, ndí biíg kɛ li ɓɛ́ á éniŋ elɔŋ la nyɛ́ ányúū yāná li loole la ŋguu nyí Ɔlolómɛ̄.

Elōg-Gálátia 2:20

Mag niŋ, ndí ah mā-mɛ̄n ɓé nyɔ́ŋ, Kilístus nɛ́ a ŋga nīŋ átē wama, átɔm nɛ́, eniŋ yáma yé lɛ̄n, yé líɓɛ́ɛg lí mut-a-binam, mag niŋ yɔ́ átē a ŋyéɓé la Mɔɔ́n Ɔlolómɛ̄ nyɔ́ a dīŋ ma, ɔ wú ányúū yáma.

Elōg-Gálátia 6:17

Li ɓotle nyí vɔ́ŋɔ́ɔ, mut ah sɔ́ɔ́g ɓé pɛ ma lí teeŋgɛ, ányúū nɛ mi byɛ́ɛ́ bindóndó bí esɔghe ɛ́ Yésus á nyúū yáma.

Elōg-Éféso 4:13

Náŋ la náŋ nɛ́-tɛ́ɛ, ɓɛ́hɛ bísɛ elɔŋ ɓaá yáan mut wa átē a ŋyéɓé la á lí yí lí Mɔ́ɔ̄n Ɔ́lolómɛ̄, ɓaá ólo, ɓā pám á ntɛ́l á Nyɔ́-a-Pɔ́hlɛ á líɓɛ́ɛg jɛ́ɛ́ lísɛ.

Elōg-Fílípi 3:8

Ɔɔ, mag ɛ́n mam mísɛ yɛmɛ́ ányúū nɛ, li yí lí Yésus Kilístus Ɛtáŋɛ wama lá loohán lí ɓɛ́ lí élɔ́ŋgɔ jam. Ányúū yɛ́ɛ̄, ma ɓɔ́lán mam mísɛ, ndí mag ɛ́n jā mɔ́ mísɛ kaa bináán á lí ɓɔŋ nɛ́ mi tómbánɛ Nyɔ́-a-Pɔ́hlɛ,

Elōg-Kólóso 1:24

Nyí vɔ́ŋɔ́ɔ, mag kɔn mivag la bisɔghe mi ŋga kūh ányúū yāná. Bisɔghe bí yégléé nɛ́ Yésus Kilístus a kūh, má mag kūh byɔ ányúū Eɓasɛ yé ɛ́ lɛ́ nyúū nyí Kilístus.

Elōg-Kólóso 2:13

Ɓɛ́nɛ ki, miní ɓɛ́ɛ́ míwúag ányúū avuha wáná la ányúū liɓɛ́ɛg jáná lí bípɔ, ndí nyí vɔ́ŋɔ́ɔ, Ɔlolómɛ̄ a tímānɛ̄ ɓɛ́nɛ á éniŋ elɔŋ la Kilístus. A láakɛ́ ɓɛ́hɛ avuha wáhá ásɛ,

Elōg-Kólóso 3:1

Á élōgyāŋ, kasig maná pāhyé élɔŋ la Kilístus, somlán hɔ́ mam mí lɛ́ á lōó, ápah Kilístus a lɛ, ápah a tɔɔ́ a m̀ɓɛ́nlómɛ a Ɔlolómɛ̄.

Pétlos 1 1:3

Eɓégɛ ɛ ɓɛ́ la Ɔlolómɛ̄, Ɛsáŋɛ́ a Ɛtáŋɛ wahá Yésus Kilístus. Átē a ŋgandag yɛɛ́ ekɔnan-ŋgɔ́ɔ́, ɔ ɓɔŋ nɛ́ bi byáá libyáa lí péná nɛ́ bi ɓɛ́la lipitá lí éniŋ, li kele la lipahye lí Yésus Kilístus á póla ɓá ɓá wū,

Pétlos 2 1:13

Ndí, ma ɛ́n m̀ɓɛɛŋ nɛ́, kasig mi ŋgí lɛ́ vá á ŋkɔŋ-á-sí, mi ɔ́ŋlánɛ̄ ɓɛ́nɛ míŋ mam á lí vɛɛɓɛ lí ɓɛ́nɛ,

Yohánɛs 1 2:3

Kíyáɓɛ́nɛ biíg náŋɛ mbéndá Ɔlolómɛ̄, ɛnɛ biíg yí nyɛ́.

Yohánɛs 1 2:5

Ndí tɔ nzáá a ŋga náŋɛ eɓaŋgá yɛ́ɛ́, ɛnɛ ediŋ Ɔ́lolómɛ̄ yá yál kɔɔ ányúū yɛ́ɛ̄; la náŋ biíg yí nɛ́ ɓaá yaán jam já la nyɛ́.

Biyɛ́ɛ́léné 1:18

Mi lɛ Nyɔ́ a lɛ éniŋ; mi ɓɛ́ɛ́ ŋ̀wúag, ndí ma nyɔ́ mi lɛ á éniŋ á éɓem la á éɓem. Ma ki nɛ́ mi byɛ́ɛ̄ ádiɓa á nyɛmb la nyú á ŋkɔŋ á ɓádūgu.