Elōg-Fílípi 2:9 - Esaa-líat ɛ́ péná

⁹ Ányúū náŋ nɛ́ Ɔlolómɛ̄ a tí nyɛ etɛ́l ɛ́ kahɛ́ á lōó lí bítɛ̄l bísɛ ɔ lō ki nyɛ́ jóō lí lɛ́ á lōó lí móō mísɛ,

Elōg-Fílípi 2:9 ပူးပေါင်းရင်းမြစ်များ

Matéus 11:27

Mɔ́mísɛ má tíéɓɛ́ mā la Etāa, ndí mut tɔ wa a ŋgá yí ɓé nzáá a lɛ̄ Mɔ́ɔ̄n, amáh sig Étāa; tɔ li yí lí nzáá a lɛ Étāa, amáh sig Mɔ́ɔ̄n la tɔ nzáá Mɔ́ɔ̄n a díŋɛ́ lí yɛ́ɛ́le náŋ.»

Matéus 28:18

Yésus ɔ sīŋglé ɓɔ á ŋgwáāg, ɔ lāgá ɓɔ̄ nɛ́: «Ŋguu ɛsɛ̄ ya tíéɓɛ́ ma á sí la á lóō.

Lúkas 10:22

Mɔ́ mísɛ má tíéɓɛ́ ma la Etāa, ndí tɔ mut a ŋga yí ɓé nzáá a lɛ̄ Mɔ́ɔ̄n, amáh sig Etāa; tɔ li yí lí nzáá a lɛ Etāa, amáh sig Mɔɔ́n la tɔ nzáá Mɔ́ɔ̄n a díiŋ lí yɛ́ɛ́lene náŋ.»

Yohánɛs 13:3

Ndí Yésus a yíí nɛ́ Ɛsáŋɛ́ a tíéé nyɛ́ mam mísɛ, la nɛ́ a sɔ́léné á yóg Ɔlolómɛ̄, wóŋ ki nɛ́ a ŋga kɛ́ li timan.

Yohánɛs 17:11

Li ɓotle nyí vɔ́ŋɔ́ɔ, mi sē ɓé pɛ ma á ŋkɔŋ-á-sí, ndí, ɓɔ́ bíg yégle á ŋkɔŋ-á-sí, ányúū nɛ má mag timan á yóg yɔ́ɔ. Etāa nyɔ́ a lɛ Mpúán tát ɓɔ́ á jóō jɔ́ɔ, joó lí lɛ́ nɛ wa tí ma, á lí ɓɔŋ nɛ́ bí ɓɛ́ mut wa, ákaa ma la wa bi lɛ́ mut wa.

Yohánɛs 17:12

Eceg mi ɓɛ́ɛ́ la ɓɔ́, mi ŋgí tát ɓɔ́ á jóō jɔ́ɔ, joó lí lɛ́ nɛ wa tí ma. Mi ŋgí kóóhanɛ ɓɔ́ nɛ́ tɔ wa ah jáŋág ɓé, amáh sig wa, ǹjáŋag-á-mɔ́ɔ̄n, á li ɓɔŋ nɛ́ Licii-Lipúán lí yāl.

Yohánɛs 17:5

Nyí vɔ́ŋɔ́ɔ Etāa, ɓɔ̄ŋ nɛ́ mi kuh lipém á ŋgwáāg yɔ́ɔ, jé lipém mi ɓɛ́ɛ́la sɔ́kágánɛ́ ŋkɔŋ-á-sí ág vegɓɛ.

Misɔ́n mí Ɓáōmɓɛ 5:31

Nyɛ́ nɛ́ Ɔlolómɛ̄ a ɓétɛ́ á lóō la ŋguu yɛ́ɛ̄, ɔ tɛ́ɛ́yɛ́ nyɛ kaa Ŋ̀kanʼyɛ la Ǹsuŋ, á lí ɓɔŋ nɛ́ lilóm lí Íslāɛl lí vēŋé bilɛ́m la jɔ́ lí kuh elaakɛ-miɓé.

Elōg-Éféso 1:10

A tɛ́ɛ́yɛ́ eceg á lí yáhɛ lí nyíŋ peg a vúl. Nyíŋ peg yɛ́ɛ̄ ɛ lɛ nɛ́ a kómánɛ̄ mam mísɛ mí lɛ́ á sí la á lōó, á lí vá lí mɔ́ á sí likanʼyɛ lí pɔ̄m ŋ̀kanʼyɛ nɛ́ Yésus Kilístus.

Elōg-Kólóso 1:18

Nyɛ́ nɛ́ a lɛ m̀mú á nyúū, nyíŋ nyúū nɛ ɛ lɛ̄ Éɓasɛ. Nyɛ́ nɛ́ a lɛ míɓōtlé Mut ɔsú á lí pahye á póla ɓá ɓá wū, á li ɓɔŋ nɛ́ a ɓɛ́ nyɔ́ ɔsú á mam mísɛ.

Elōg-Tésaloníka 2 1:12

La náŋ, li kele la ɓɛ́nɛ, joó lí Ɛ́tāŋɛ wahá Yésus líg kɛ li kuh lí lípēm, á ŋ̀atanɛ́ la nyɛ́, ɓɛ́nɛ ki miní ɓɛ́la lipém li oŋle la likaale Ɔlolómɛ̄ Loó jáhá a tí ɓɛ́nɛ la jé lí Ɛ́tāŋɛ wahá Yésus Kilístus.

Elōg-Hébɛl 1:4

Náŋ ɔ yígle nɛ a ɓɛ́ á lóō lí áŋgɛl, la Ɔlolómɛ̄ ɔ ló nyɛ jóō jé lí lɛ́ mveŋghanɛ́ la ɛjáɓá.

Elōg-Hébɛl 1:9

Wa dīŋ étɛ̄l-sim, la wā wu síŋgɛ yé ɛ́ lɛ́ áɓē, ányúū náŋ nɛ́ wa Ɔ́lolómɛ̄, Mā Lōó jɔ́ɔ ma ɔ́gɛ́ wa míwūū á m̀mú mí mí ŋga kɔ̄nhanɛ wa mívag, la ma mu ɛ́n nsɛ́ŋ nɛ́ mi dítɛ wa li loo lí ɓot ɓɔ́ɔ bí élɔŋ.»

Elōg-Hébɛl 12:2

Eceg bi ŋga nāŋga m̀bíí, miíh máhá mí ɓɛ́ ja á mbóg Yésus, nyɛ́ nɛ́ a légē ɓɛ́hɛ nzen nyí ŋyéɓé, nyɛ́ ki nɛ́ a ŋga kɛ́ wɔ́ lí pámla á lísūg, nyɛ́ nɛ́, a mwáhɛ́ mívag mí mɓɛ́ nyɛ̄ ɔ́sū, la nyɛ́ ɔ yéɓé nyɛmb nyí mbásá átē a eɔ́hánɛ, ɛ́h ɓɛ́ ɓé lí nyɔŋ lí éceg la mbɔɔla ɛsɛ̄ nyíŋ nyaa nyɛmb ɛ ŋga tíi. Ndí nyí vɔ́ŋɔ́ɔ, a tɔ́ɔ á m̀ɓɛ́nlómɛ a etɔɓé-líkanʼyɛ yé Ɔ́lolómɛ̄.

Elōg-Hébɛl 2:9

Ndí, ɓaá sɔm nɛ nyɔ́ Yésus a mɓɛ́ puh eceg á sí áŋgɛl, nyɛ́ nɛ́ li kele la nyɛmb yɛ́ɛ̄ á mbásá ɓá jáhɛ́ nyɛ ekót yé káísa, yé ɛ́ ŋga tíi nyɛ́ ádit la li yaanɛ lí nyɛ́ mut ǹcɛ́ŋ. Jɔ́ nɛ́, li kele la elɔ́ŋgɔ m̀mím yé Ɔ́lolómɛ̄, a wú ányúū ɓot bísɛ.

Pétlos 1 3:22

nyɔ́ a ɓét á loó, ɔ tɔ́ɔ á m̀ɓɛ́nlómɛ a Ɔlolómɛ̄, ápah áŋgɛl, mikanʼyɛ mitám la ŋguu ɛ́ lɛ á lōó bí lɛ́ á sí likanʼyɛ jɛ́ɛ́.

Pétlos 2 1:17

Átɔm nɛ́, Etāa Ɔlolómɛ̄ a tí nyɛ adit la lipém, eceg cíŋ Ɔlolómɛ̄ ɛ sɔ́léé á épapáɛ mbaga, yu lagá nɛ: «Nyɔ́ nɛ́ a lɛ édidíŋɛ yáma Mɔ́ɔ̄n, nyɛ́ nɛ́ ma dīŋ lí pɔhɔ.»

Yohánɛs 3 1:7

Ákaa ɛ́sɛ, ányúū jóō lí Kilístus nɛ́ ɓá nyɔ̄ŋ duwɛ ɛ́h ɓɛ́ ɓé ɓɔ́ li ɓāt lí ɓot ɓáh yéɓé ɓé la Ɔlolómɛ̄ jam tɔ já.

Biyɛ́ɛ́léné 1:5

la Yésus Kilístus ki, ǹtíi mbóŋ Ɔlolómɛ̄ á nyaa ɛ tɛ́ɛ́, mut ɔsú nɛ a páhyé á póla ɓá ɓá wū la ŋ̀kanʼyɛ káísa yí ŋkɔŋ-á-sí Kilístus a lɛ nyɔ́ a ŋga diŋ ɓɛ́hɛ, nyɔ́ a ɓógtɛ́ ɓɛ́hɛ á áɓē wáhá li kele la micii mɛ́ɛ́,

Biyɛ́ɛ́léné 11:15

Ɛnɛ́ áŋgɛl ya yáhɛ́ nzambúwá ya ɔ́ŋ nséɓá wɛ́ɛ́; cíŋ ecɛ́ŋ yú sɔ́le á lóō yú lága nɛ́: «Nyí vɔ́ŋɔ́ɔ likanʼyɛ lí ŋkɔŋ-á-sí la timan jé lí Ɛtáŋɛ wahá la jé lí Nyɔ́-a-Pɔ́hlɛ; ag kɛ li kanʼyɛ á éɓem la á éɓem.»

Biyɛ́ɛ́léné 19:16

Joó jé lí lɛ́ nciíg á ébuɓá yɛ́ɛ́ la á áɓɛl wɛ́ɛ́ li lɛ́ nɛ́: Káísa nyí yíŋí Káísa la Nyɔ́ŋ-Ɛsáŋɛ́ a ɓásāŋɛ́ bísɛ.

Biyɛ́ɛ́léné 3:21

Ǹdí-cíŋ, ag kɛ li tɔɔ elɔŋ la ma á étɔɓé-líkanʼyɛ yama, ákaa mág ma tɔ́ɔ̄ la Etāa á étɔɓé-líkanʼyɛ yɛ́ɛ́ eceg ma dí cíŋ.

Biyɛ́ɛ́léné 5:12

Yéŋ edila áŋgɛl ɛ́ ŋgí lɔ́ŋgɛ á lóō lóō nɛ́: «Mɔɔ́n ntómbɛ́ nyɔ́ ɓá sɛ́m cíŋ á lí tíi ákaa nsúlé, a byɛ́ɛ́ kundɛ li kuh lí ŋguu, abyaŋ, peg, mbimban, adit, lipém la eɓégɛ.»