Elōg-Fílípi 2:8 - Esaa-líat ɛ́ péná

⁸ Ɔ súhɛ̄ nyɛ́-mɛ̄n, ɔ ɓɛ́ éōgle nɛ́-tɛ́ɛ la á nyɛmb, ndí nyɛmb nyí mbásá ki.

Elōg-Fílípi 2:8 ပူးပေါင်းရင်းမြစ်များ

Matéus 17:2

Váŋ nɛ̄ a vēŋ á miíh máɓá, asú wɛ́ɛ́ wú páa kaa vaŋgá, mbɔ́tí yɛ́ɛ́ yú púú nɛ pɛ́ŋ kaa mipúú.

Matéus 26:39

La nyɛ́ ɔ nɛ́ŋɛ̄ puh, ɔ úlɓán, asú á sí, ɔ kánɛ̄ nɛ: «Etāa, kíyáɓɛ́nɛ náŋ a lɛ́ nɛ a ɓɔŋɓɛ, jé liɓondó lí ésɔghe lí nɛ́ŋɛ̄ la ma, ɛ́h ɓɔ̄ŋɓɛ́gɛ́ ɓé jā ákaa nsom wáma, ndí ákaa nsom wɔ́ɔ.»

Matéus 26:42

Yésus ɔ nɛ́ŋɛ̄ ŋgele ya yáhɛ́ ɛ́ɓáa, ɔ kánɛ̄ nɛ: «Etāa, kí ɓɔŋ nɛ́ jé liɓondó lí ésɔghe lí lɛ́ nɛ lá lōo ɛ́h ɓɛ́ ɓé nɛ ma nyú jɔ́, ndí, nsom wɔ́ɔ nɛ́ á ɓɔ̄ŋɓɛ́!»

Lúkas 9:29

Eceg Yésus a ŋgí kánɛ, asú wɛ́ɛ́ wú vēŋ la mbɔ́tí yɛ́ɛ̄ yu púú nɛ pɛ́ŋ ákaa mipúú mí vaŋgá.

Yohánɛs 10:18

Mut tɔ wa a ŋgá nyɔŋle ɓé ma yɔ́, ndí mag tíi yɔ́ la mā-mɛ̄n. Mi byɛ́ɛ́ ŋguu li tíi lí éniŋ yáma, la ŋguu li timan lí li nyɔŋ lí yɔ, nyíŋ ndagle nɛ́ Etāa a tí ma.»

Yohánɛs 14:31

Váŋ nɛ́ ɓot bí ŋkɔŋ-á-sí bí ŋga kɛ́ li yí nɛ́ mag diŋ Etāa, la ki nɛ́ mag ɓɔŋ mam kaa Etāa a lága ma. Tɛ́lɓán, bi ɓógó vá á nyɔ́ voóm!»

Yohánɛs 15:10

Kíyáɓɛ́nɛ maná oŋlé mítiŋ máma mí mbéndá, miníg kɛ li tɔɔ átē á ediŋ yáma; náŋ a lɛ nlemlem kaa ma ōŋlé mítiŋ mí mbéndá nyí Etāa, mag mu tɔ́ɓēné átē á ediŋ yɛ́ɛ́.»

Yohánɛs 4:34

Yésus ɔ lága ɓɔ nɛ́: «Lidí jama li lɛ́ ja li yáhɛ lí nsom á Ɔlolómɛ̄ nyɔ́ a óm ma la li ɓɔŋ li nsɔ́n wɛ́ɛ́.

Misɔ́n mí Ɓáōmɓɛ 8:33

Átē a esuhɛ-nyuú yɛ́ɛ́, ɓá yím nyɛ kundɛ nyí yé ɛ́ lɛ́ ɛ́yɛ̄ɛ̄. Nzáá a ŋga kɛ́ pɛ li máŋa likɔlɓan la nyíŋ mbota yɛ́ɛ̄ é? Átɔm nɛ́ ɓá cɛ́hɛ́ yɔ mú á ŋkɔŋ-á-sí.»

Elōg-Lóma 5:19

Ákaa ɛ́sɛ, kasig la lipama lí pɔ̄m mut ya nɛ́ ɓot bísɛ ɓá tímān lí ɓɛ́ lí ɓáɓɔŋ-miɓé, nlemlem á jam ki nɛ́, ányúū eógle yé pɔ̄m mut ya nɛ́ ɓot bísɛ ɓá yaán ɓá bí tɛ́ɛ́ sim ɔ́sū ví Ɔ́lolómɛ̄.

Elōg-Kɔlínto 2 8:9

La mbálɛ, miníg yí elɔ́ŋgɔ m̀mím yé Ɛtáŋɛ wahá Yésus Kilístus, nyɔ́ a lɛ nɛ́, átē a abyaŋ wɛ́ɛ́, a yáanɛ́ nyɛ́-mɛ̄n ŋ̀yɛ́ɛ́yɛ́ɛ ányúū yāná, nɛ́ ndí la liyɛ́ɛ́ jɛ́ɛ́ a byāŋɓɛ́ ɓɛ́nɛ.

Elōg-Gálátia 3:13

Nyɔ́-a-Pɔ́hlɛ a sála á lí ɓógtɛ lí ɓɛ́hɛ á bílɔg bí nyíŋ mbéndá, eceg a yéɓé nyɛ́-mɛ̄n li ɓɛgɛ lí bílɔg byáhá, kasig yá ciiɓɛ́ nɛ: «Eɓómá la nyɔ́ bí ŋga pánɛ á énjēŋ.»

Títo 2:14

Nyɛ́-mɛ̄n nɛ́ a tí éniŋ yɛ́ɛ́ ányúū yāhá, ányúū li kɔpɔ lí ɓɛ́hɛ á míɓē máhá mísɛ, la li púɛ lí ɓɛ́hɛ nɛ́ bi ɓɛ́ lílōm jɛ́ɛ́ la nɛ́ bi ɓɛ́la akwáá á lí ɓɔŋ lí mísɔ̄n mí m̀ɓɛɛŋ.

Elōg-Hébɛl 12:2

Eceg bi ŋga nāŋga m̀bíí, miíh máhá mí ɓɛ́ ja á mbóg Yésus, nyɛ́ nɛ́ a légē ɓɛ́hɛ nzen nyí ŋyéɓé, nyɛ́ ki nɛ́ a ŋga kɛ́ wɔ́ lí pámla á lísūg, nyɛ́ nɛ́, a mwáhɛ́ mívag mí mɓɛ́ nyɛ̄ ɔ́sū, la nyɛ́ ɔ yéɓé nyɛmb nyí mbásá átē a eɔ́hánɛ, ɛ́h ɓɛ́ ɓé lí nyɔŋ lí éceg la mbɔɔla ɛsɛ̄ nyíŋ nyaa nyɛmb ɛ ŋga tíi. Ndí nyí vɔ́ŋɔ́ɔ, a tɔ́ɔ á m̀ɓɛ́nlómɛ a etɔɓé-líkanʼyɛ yé Ɔ́lolómɛ̄.

Elōg-Hébɛl 12:4

Átɔm nɛ́, á eɓándá yáná miní ŋga dúhɛ aɓé, miní dū yɔ́ tɛɛla á ɔ́vega ví bí ŋga kóm mícii máná.

Pétlos 1 2:24

Nyɛ́ nɛ́ a ɓɛ́gɛ̄ aɓé wáhá á nyúū yɛ́ɛ̄ á loó lí mbásá, á li ɓɔŋ nɛ́ bih ɓɛ́ɛ́g ɓé pɛ á sí likanʼyɛ lí áɓē, ndí bi nīŋ eniŋ ɛ́ tɛ́ɛ́ sim. Mbála yɛ́ɛ́ yá tɔ́ɔyɛ́ ɓɛ́nɛ mbólí.

Pétlos 1 3:18

Ákaa ɛ́sɛ, Nyɔ́-a-Pɔ́hlɛ nyɛ́-mɛ̄n a sɔ̄ghe ányúū miɓé mí ɓot-bí-bínam ŋgele ya ányúū yɔ́ ɛ́sɛ. Nyɛ́ mut a tɛ́ɛ́ sim, a sɔ̄ghé ányúū ɓá bíh tɛ́ɛ́ ɓé sim, á lí ɓɔŋ nɛ́ a kɛla ɓɛ́nɛ á mbóg Ɔlolómɛ̄. A wú átē a mison, ndí ɔ tímān á eniŋ átē a M̀búl.