Elōg-Fílípi 2:6 - Esaa-líat ɛ́ péná

⁶ Nyɛ́ Yésus Kilístus, tɔ náŋ ákaa a byɛ́ɛ̄ líɓɛ́ɛg lí Ɔ́lolómɛ̄, āh ɔ́ŋɔ ɓé nɛ́ kaa a kɔ́ɔ la Ɔlolómɛ̄, náŋ a lɛ́ jam a nyɛ́ɛ lí tɔɓene.

Elōg-Fílípi 2:6 ပူးပေါင်းရင်းမြစ်များ

Matéus 1:23

«Ŋgɔn kɔ́njí ɛg kɛ li nyɔŋ lí líbum, ɛ byál mɔɔ́n-á-páam nyɔ́ bí ŋga kɛ́ li lo lí jóō nɛ́ Emánuɛl, náŋ ag mínɛ nɛ́: Ɔlolómɛ̄ a lɛ lá ɓɛ́hɛ.»

Yohánɛs 1:18

Mut tɔ wa a ɓáág ŋgí lí ɛ́n lí Ɔ́lolómɛ̄, amáh sig pɔmbɛ Mɔɔ́n Ɔ́lolómɛ̄ nyɔ́ a lɛ Ɔ́lolómɛ̄, nyɔ́ a ŋga nīŋ átē á Ɛsáŋɛ́, nyɛ́ a étɛ́ ɓɛ́hɛ nyɛ́.

Yohánɛs 10:30

Ma la Etāa bi lɛ mut wa.»

Yohánɛs 10:33

Bú pélē nyɛ nɛ́: «Ah ányúū nsɔ́n nláám ɓé nɛ bi ŋga sómo wa lí ól la ŋgɔg, ndí ányúū nɛ ɔg vɔ́ɔ́le Ɔlolómɛ̄, kasig wā mut-a-binam ɔ ŋgɔ nyɔ̄ŋ etɛ́l yé Ɔlolómɛ̄.»

Yohánɛs 10:38

Ndí, kíyáɓɛ́nɛ mɔ́ nɛ́ mi ŋga ɓɔ̄ŋ, tɔ manáh yéɓe ɓé la ma, yéɓyán ányúū míŋ misɔ́n, á li ɓɔŋ nɛ́ miní yí, miní sɔ́ŋtánɛ ki nɛ́ Etāa a lɛ até wama, mág mu ɓɛ́ até a Etāa.»

Yohánɛs 14:28

Mag ɔ́ŋɔ nɛ́ maná ámblé kaa ma lágá ɓɛ́nɛ nɛ́: ‹Mag kɛ, ndí mag timan li sɔ́, mi tɔ́ɔ̄ la ɓɛ́nɛ›. Kí ɓɔŋ nɛ́ miní dīŋ ma, kí miníg kɛ li sophɛ la mívag nɛ́ mi lɛ lí tímān á yóg Etāa, átɔm nɛ́ Etāa ag loo ma.

Yohánɛs 14:9

Yésus ɔ lága nyɛ nɛ́: «Á Filípo, ntaandá á éceg nyú mi lɛ̄ élɔŋ la ɓɛ́nɛ, ndí tɛɛla vɔ́ŋɔ́ɔ ɔ ŋgɔ́ lem ɓé ma é? Tɔ nzáá a ɛ́n ma, ɛnɛ a ɛ́n Étāa. Ányúū yéé hɔ́ ɔ ŋgɔ lága nɛ́: ‹Étɛ ɓɛ́hɛ Etāa é?›

Yohánɛs 17:5

Nyí vɔ́ŋɔ́ɔ Etāa, ɓɔ̄ŋ nɛ́ mi kuh lipém á ŋgwáāg yɔ́ɔ, jé lipém mi ɓɛ́ɛ́la sɔ́kágánɛ́ ŋkɔŋ-á-sí ág vegɓɛ.

Yohánɛs 20:28

Tómas ɔ pélē nyɛ nɛ́: «Ɛtáŋɛ la Lōó jáma.»

Yohánɛs 5:18

Li ɓotle la váŋ nɛ́ mikanʼyɛ mí Élōg-Yúda mí kondyéé lí somo lí nzen á lí ólhánɛ lí Yésus, ányúū nɛ́, amáh nɛ́ a ŋgí sáá ɔlɔ́ váɓá ví évɛɛɓan, ndí ag katɓan ki nɛ́ Ɔlolómɛ̄ a lɛ Ɛsáŋɛ́, á jéŋ lilaglag jɛ́ɛ́, a ŋgí somo li laga nɛ́ nyɛ́ la Ɔlolómɛ̄ bí kɔ́ɔ.

Yohánɛs 5:23

á lí ɓɔŋ nɛ́ ɓot bísɛ bí ditɛ́ Mɔɔ́n kaa bí ŋga dítɛ Ɛsáŋɛ́. Tɔ nzáá a ŋgá ditɛ ɓé Mɔɔ́n, a ŋgá ditɛ ɓé tɔ ki Ɛsáŋɛ́ nyɔ́ a óm nyɛ.

Elōg-Lóma 9:5

ɔ tí ɓɔ ɓasáŋɛ́ bí ŋga yílɛ. Á lílōm jáɓá nɛ Nyɔ́-a-Pɔ́hlɛ a byááyénéé á líɓɛ́ɛg lí mut-a-binam, nyɛ́ nɛ́ a lɛ Ɔ́lolómɛ̄ a kahɛ́ á lōó lí mam mísɛ. Eɓégɛ ɛ́ ɓɛ́ la nyɛ́ nɛ́-tɛ́ɛ la á éɓem! Ɛ́ ɓɛ́ náŋ.

Elōg-Kɔlínto 2 4:4

ányúū ɓá bí ŋgá yéɓe ɓé, ɓá bí lɛ́ nɛ́ loó lí nyí sí lá dím éyī, nɛ́ ndí bíh ɛ́nɛ́g ɓé épaa yé Pɔ́l M̀ɓɛɛŋ nyí lípēm lí Nyɔ́-a-Pɔ́hlɛ, nyɔ́ a lɛ á édīŋgɛ́-díŋgɛ yé Ɔ́lolómɛ̄.

Elōg-Kɔlínto 2 8:9

La mbálɛ, miníg yí elɔ́ŋgɔ m̀mím yé Ɛtáŋɛ wahá Yésus Kilístus, nyɔ́ a lɛ nɛ́, átē a abyaŋ wɛ́ɛ́, a yáanɛ́ nyɛ́-mɛ̄n ŋ̀yɛ́ɛ́yɛ́ɛ ányúū yāná, nɛ́ ndí la liyɛ́ɛ́ jɛ́ɛ́ a byāŋɓɛ́ ɓɛ́nɛ.

Timotéo 1 1:17

Adit la lipém bi ɓɛ́ la Ɔlolómɛ̄, Káísa nyí eɓem, Loó lí ŋgá wú ɓé, jé lí ŋgá ɛ́ni ɓé, pɔmbɛ Ɔlolómɛ̄ nyɔ́ a ŋga nīŋ á éɓem la á éɓem. Ɛ́ ɓɛ́ náŋ!

Timotéo 1 3:16

Kɔɔ la mbálɛ, mbaŋ nyí ŋyéɓé wáhá ɛ lɛ̄ écɛ̄ŋ. Yɔ nɛ́ ɛ lɛ nɛ́: Yésus Kilístus nyɔ́ a sɔ́ la nyuú nyí mut-a-binam, M̀búl Mpúán a étɛ́ ɓɛ́hɛ liɓɛ́ɛg jɛ́ɛ́ lí sim, áŋgɛl ki yú mɛ̄mɛ́ nyɛ, ɔ lɛ̄glɛ́ á yóg ɓot bí ŋgíla ŋyéɓé, ɓot bú yéɓé la nyɛ́ á ŋkɔŋ-á-sí, ɔ ɓét á lōó, ɔ kūh lípēm lí Ɔ́lolómɛ̄.

Títo 2:13

á nlaaŋkán á mísɔ̄tá bií ŋga pītye, la lipém lí ŋga kɛ́ li ɛ́ni jé lí Loó lí míloó nyɔ́ a lɛ Ǹsuŋ wahá Yésus Kilístus.

Elōg-Hébɛl 1:3

La nyɛ́ nɛ́ epaa yé lípēm lí Ɔ́lolómɛ̄ ɛ́ ŋga ɛ́ni, ndí ɔ ɓɛ́ kí kɔɔ yé Ɔ́lolómɛ̄ a lɛ, la ŋguu nyí eɓaŋgá yɛ́ɛ́ nɛ a nīt joó nɛ jam lá vēgɓɛ. Ɛnɛ́ a mānɛ́ li púɛ lí ɓot á míɓē máɓá, ɔ ɓét á lóō, ɔ tɔ́ɔ á m̀ɓɛ́nlómɛ a Nyɔlɛ nyɔ́ a Ŋguu-Mísɛ.

Elōg-Hébɛl 1:6

Ndí, eceg Ɔlolómɛ̄ a ŋgí nyɛɛ li óm lí Mɔ́ɔ̄n wɛ́ɛ̄ á ŋkɔŋ-á-sí, ǹdúgu li byáa á póla biveglé bísɛ, a lagléé nɛ́: «Áŋgɛl yí Ɔ́lolómɛ̄ ɛ́sɛ yá nyɛɛ́ lí úlɓán ɔ́su vɛ́ɛ́.»

Elōg-Hébɛl 1:8

Á yé ɛ́ ŋga légɓe Mɔɔ́n wɛ́ɛ̄, Ɔlolómɛ̄ ɔ lága nɛ̄: «Ɔ lɛ Ɔ́lolómɛ̄, etɔɓé-líkanʼyɛ yɔ́ɔ yá tɛ́gɓɛ́ á éɓem la á éɓem. La étɛ̄l-sim nɛ́ ɔ ŋgɔ kɛ́ li kanʼyɛ lí lílōm jɔ́ɔ.

Elōg-Hébɛl 13:8

Yésus Kilístus a lɛ nlemlem, laŋkoo, lɛn la á éɓem la á éɓem.

Biyɛ́ɛ́léné 21:6

La nyɛ́ ɔ lága sīg-pɛ ma nɛ́: «Mɔ́mísɛ má yál. Mi lɛ Álfa la Oméga, miɓotlé la lisúg. Nyɔ́ la nyɔ́ evéhé ɛ́ byɛ́ɛ̄, mag kɛ nyɛ́ lí tíi lí míndīm mí líŋgɛ̄n lí éniŋ yɛmɛ́.