Elōg-Fílípi 2:3 - Esaa-líat ɛ́ péná

³ Miníh ɓɔŋɔ́g ɓé jam tɔ já á pembhán, tɔ li somo lí yɛ̄mɛ́ lípēm. Ndí, la esuhɛ-nyuú, miní nyɔŋ ɓáŋá ɓátām ɔ́ŋgɛn bíg loo ɓɛ́nɛ.

Elōg-Fílípi 2:3 ပူးပေါင်းရင်းမြစ်များ

Lúkas 18:14

Váŋ nɛ́ Yésus a lága ɓɔ nɛ́: «Eceg nyɔ́ ŋ̀komanɛ-ŋkuh-á-gɔ́mna a suhúú li timan á yóg yɛ́ɛ̄, a ɓɛ́ɛ́ á tɛ́ɛ́ sim ɔ́sū ví Ɔ́lolómɛ̄, ndí ah mut a Elōg-Falísái ɓé. Átɔm nɛ́ tɔ nzáá a ŋga ɓétɛ nyɛ́-mɛ̄n, bíg kɛ nyɛ́ li súhɛ, ndí nyɔ́ a ŋga súhɛ nyɛ́-mɛ̄n, bíg kɛ nyɛ́ li ɓétɛ.»

Elōg-Lóma 12:10

Ediŋ línyaŋ ɛ́ at ɓɛ́nɛ nɛ́ ndí miní diŋán ɓɛ́nɛ la ɓɛ́nɛ, mut sig a ɓɛ́ nyɔ́ ɔsú á lí ditɛ lí nyɔ́ŋɔ́.

Elōg-Lóma 13:13

Bi nīŋ kaa ɛ́ ŋga sōmlɛ á nyaa nyí ɛ lɛ́ m̀ɓɛɛŋ nyí ɛ ŋga ɛ́ni á ŋkam á nzámuh, ɛ́h ɓɛ́ ɓé éōt-lídī tɔ yé mílɔg, ɛ́h ɓɛ́ ɓé lí ūgan tɔɔ́ nɛ̄-láá, tɔ eniŋ yé mpuŋgú, ɛ́h ɓɛ́ ɓé mómo tɔ nzoŋ.

Elōg-Lóma 2:8

Ndí, ɓandɔ́gɓéne nyɛ́ Ɔlolómɛ̄, ɓatɛ́ŋgánɛ mbálɛ, la ɓatiŋɓe á mam míh tɛ́ɛ́ ɓé, Ɔlolómɛ̄ ag kɛ ɓɔ́ lí étɛ lí ɔ́ūn vɛ́ɛ́, kasig bí ŋga nyɛɛle ɓé nyɛ.

Elōg-Kɔlínto 1 15:9

átɔm nɛ́ mi lɛ nyɔ́ a lóohán lí ɓɛ́ lí lítígi átē á ɓáōmɓɛ bísɛ, ma nyɔ́ mih kɔ́ɔ́ ɓé ma li yáŋlɛ nɛ́ ŋ̀ómɓɛ, ánsī nɛ́ ma téeŋgɛ́ Éɓasɛ yé Ɔ́lolómɛ̄ tɔláá.

Elōg-Kɔlínto 1 3:3

ányúū nɛ́ miní ŋgí tíŋɛ á kóó yáná míson. Kasig nzoŋ la mómo bí lɛ́ á póla yaná, ɓaá, náŋ a ŋgá étɛ ɓé nɛ miní ŋgí tíŋɛ á kóó yáná míson é? Ɓaá ɛnɛ miɓɔŋɔg máná mí ŋgá punan ɓé la mí mí byɛmɛ́ bí ɓot bí ŋkɔŋ-á-sí é?

Elōg-Kɔlínto 2 12:20

Á mbálɛ, mag kɔn woŋ nɛ́, á mísɔ̄ máma wóŋ, mi ŋgá kɛ́ ɓé ma ɓɛ́nɛ li kɔ́p ákaa mi ŋga sómo, tɔ ɓɛ́nɛ ki li ɛ́n lí mā ákaa miní ŋga sómo. Mag kɔn woŋ nɛ́ á mísɔ̄ máma wóŋ, mi kɔ́p nɛ́ ŋ̀ámblānɛ́ a sē ɓé á póla yāná, nzoŋ yu ɓɛ́ á póla yaná, nlohanɛ́ a aún ɔ ɓɛ́, pembhán-cíŋ ɛ lɛ, li pɔ́t lí ɓot aɓé, misɔh, lipama, la mpuŋgú bí lɛ́ á póla yaná.

Elōg-Gálátia 5:15

Ndí, Kíyáɓɛ́nɛ miníg niŋ kaa tít pɛ́ɛ́, miníg koglan la li díélan kaa ŋgɔɔ-mísɔŋ, miní nyɔŋ litát ányúū nɛ ɓɛ́nɛ la ɓɛ́nɛ miníg kɛ li ólan.

Elōg-Gálátia 5:26

Bi mwáhɛ́ byoóm bí ŋgíla nsɛ́ŋ, ɓɛ́hɛ la ɓɛ́hɛ, bi mwáhɛ́ nzáŋ la etáman.

Elōg-Éféso 4:2

Ɓɛ́án la esuhɛ-nyuú, ewú-m̀mím la eɔ́hánɛ, miní yéɓyán ɓɛ́nɛ la ɓɛ́nɛ átē á ediŋ.

Elōg-Éféso 5:21

Ɓɛ́nɛ ɓakɔn Nyɔ́-a-Pɔ́hlɛ woŋ, miní tíélán ádit.

Elōg-Fílípi 2:14

Ɓɔŋán mam mísɛ ɛ́h ɓɛ́ ɓé lí dumlan tɔ li kála,

Elōg-Kólóso 3:12

Kasig Ɔlolómɛ̄ a pɔ̄hɔ́ ɓɛ́nɛ, kasig miní lɛ́ ndog yɛ́ɛ̄, kasig miní lɛ́ bídidíŋɛ byɛ́ɛ́ bí ɓɔ́ɔ̄n, ɓɛ́án hɔ́ la m̀mím a ŋgɔ́ɔ́, ɓɛ́án la ediŋ, esuhɛ-nyuú, ewú-m̀mím, la eɔ́hánɛ.

Elōg-Kólóso 3:8

Nyí vɔ́ŋɔ́ɔ hɔ́, ɓɛ́nɛ ki Mwahánɛ̄ yé ɛ́sɛ ɛ lɛ́ kaa ɔwún, enyááka, m̀ɓé-a-m̀mím, mióó, miyɛ́l miní ŋga pɔ́t.

Timotéo 1 6:4

ɛnɛ a lɛ̄ mut nyɔ́ kúmba ya dím miíh. A lɛ ŋgí lí yí, a lɛ ŋ̀kɔɔ́kɔn nyɔ́ a ŋga sómo mipɔ́t la nyɔ́ a ŋga sɔ́la ntugɛ ányúū li somo lí lí sɔ́ŋtánɛ lí bíɓaŋgá. Míŋ mam nɛ́ mí ŋga sɔ́la étāman, míg sɔ́la mómo, mióó, li ɓotle lí lí kɔnan lí woŋ,

Pétlos 1 3:8

Á lí súgɛ lí ŋkwɛl wáma, mag laga ɓɛ́nɛ bísɛ nɛ́, ɓɛ́án la milemlem mí miɔ́ŋɔ, miní kaán milemlem mí ndutu, ɓɛ́án la ediŋ línyaŋ, ekɔnan-ŋgɔ́ɔ́ la esuhɛ-nyuú.

Pétlos 1 5:5

Ɓɛ́nɛ ki, á áwāndá, miní suhɛ́ ɓɛ́nɛ-mɛ̄n á sí ɓácɛ̄ŋ bí éɓasɛ. Ɓɛ́nɛ bísɛ, á mam miní ŋga ɓɔ́ŋan ɔlɔ́ sig, miní ɓɛ́la esuhɛ-nyuú á póla yaná, átɔm nɛ́ Ɔlolómɛ̄ ag céŋ ɓot bí kúmba nzen, ndí, ag tíi ɓot bí ésuhɛ-nyuú míkaale mɛ́ɛ́.