Elōg-Fílípi 2:22 - Esaa-líat ɛ́ péná

²² Ndí nyɛ́, miníg yí nɛ́ a étɛ́ yé a kɔ́ɔ̄ lí ɓɔŋ. A byáŋ élɔŋ la ma ákaa mɔɔ́n á ŋgwáāg ɛsáŋɛ́, á nsɔ́n á lí lɛgɛ lí Pɔ́l M̀ɓɛɛŋ.

Elōg-Fílípi 2:22 ပူးပေါင်းရင်းမြစ်များ

Misɔ́n mí Ɓáōmɓɛ 16:2

Ndog ɓáyēɓe nyí Lístele la nyí Ikónium ɛ́ ŋgí tíi nyɛ́ mbóŋ élāām.

Elōg-Lóma 5:4

Kɔkɔ ɛg sɔ́la eɔ́hánɛ yé bísɔghe, eɔ́hánɛ yé bísɔghe ɛ́g sɔ́la lipitá,

Elōg-Kɔlínto 1 16:10

Kí Tímotéo a sɔ́ wóŋ, nyɔŋán éceg nɛ́ jam tɔ já líh teeŋgɛ́gɛ́ ɓé nyɛ á yóg yāná, átɔm nɛ́ a lɛ á nsɔ́n á Nyɔ́ŋ-Ɛsáŋɛ́ ákaa ma.

Elōg-Kɔlínto 1 4:17

Ányúū náŋ nɛ́ ma ómlé ɓɛ́nɛ Timotéo, edidíŋɛ yáma mɔ́ɔ̄n nyɔ́ a tīŋɓé á nsɔ́n á Nyɔ́ŋ-Ɛsáŋɛ́. Nyɛ́, ag kɛ ɓɛ́nɛ li ɔ́ŋlánɛ lí mítiŋ mí éniŋ yáma á ŋ̀atanɛ́ la Nyɔ́-a-Pɔ́hlɛ, ákaa mi ŋga yéglɛ mɔ́ pɛ́ɛ́ ɛsɛ̄ la á Bíɓasɛ bísɛ.

Elōg-Kɔlínto 2 2:9

átɔm nɛ́, nsí á nyí káati ma cíilé ɓɛ́nɛ, á lɛ́ nɛ́ mi céglɛ́ ɓɛ́nɛ á lí yí kíyáɓɛ́nɛ miní lɛ́ éōgle á mam mísɛ.

Elōg-Kɔlínto 2 8:22

Ɓaá óm nyɔ́ŋ mɔɔ́lyāŋ wāhá elɔŋ la ɓaómle ɓáhá, nyɔ́ a ŋga yɔ̄g ɓɛ́hɛ li étɛ lí ákwāā wɛ́ɛ́, ndí a ŋgí éthɛgɛ ki wɔ́ tɛɛla nyí vɔ́ŋɔ́ɔ, átɔm nɛ́ a loohán ɓɛ́nɛ li váléne lí lípitá.

Elōg-Kɔlínto 2 8:24

Éthánɛ hɔ́ ɓɔ édiŋ yáná ɔ́sū ví Bíɓasɛ, miní étɛ́ ki ɓɔ́ nɛ eyát bi ŋga ɓɔ̄ŋle ɓɔ́ ányúū yāná ɛ́ byɛ́ɛ́ etɔ.

Elōg-Kɔlínto 2 8:8

Mi ŋgá pɔ́t ɓé mā náŋ ákaa ŋkágyɛ́gɛ-á-jam, ndí kí mag máŋlɛ ɓɛ́nɛ akwáá á ɓáŋá, náŋ a lɛ ányúū li ɓɔŋ nɛ́ miní étɛ́ taŋ taŋ yaná ediŋ.

Elōg-Fílípi 1:12

Á élōgyāŋ, mi byɛ́ɛ́ kóó nɛ́ miní yí nɛ́, yé yá pámlé ma, yá óŋgānɛ́ jā á lí camanɛ lí Pɔ́l M̀ɓɛɛŋ.

Elōg-Fílípi 1:16

ɓɔ́ bíg ɓɔŋ náŋ la ediŋ. Ányúū nɛ bíg yí nɛ́ mi lɛ mú á m̀ɓog ányúū nɛ mag suŋ Pɔ́l M̀ɓɛɛŋ.

Elōg-Fílípi 1:5

ányúū ŋgaan miní ŋga nyɔ̄ŋ elɔŋ la ɓɛ́hɛ á lí camanɛ lí Pɔ́l M̀ɓɛɛŋ li ɓotle á ɔ́lɔ̄ ví ɔ́sū nɛ́-tɛ́ɛla nyí lɛn.

Elōg-Fílípi 1:7

Ɛ́ lɛ́ m̀ɓɛɛŋ nɛ́ mi ɓɛ́la míŋ miɔ́ŋɔ ányúū yāná ɓɛ́nɛ bísɛ, ányúū nɛ ma vá ɓɛ́nɛ á m̀mím wáma, ɓɛ́nɛ ɓá miní ŋga nyɔ̄ŋ ŋgaan á jé likaale Ɔlolómɛ̄ a tí ma, ɛ́ ɓɛ́ á m̀ɓog mi lɛ, ɛ́ ɓɛ́ á lí suŋ lí Pɔ́l M̀ɓɛɛŋ la li camanɛ lí yɔ.

Elōg-Fílípi 2:20

Amáh nyɛ́, mih byɛ́ɛ́ ɓé ma mut ntám tɔ wa nyɔ́ a byɛ́ɛ̄ mílemlem mí míɔ̄ŋɔ kaa ma, nyɔ́ a byɛ́ɛ̄ kɔ́ɔ ekɔ́ɔ́ la ɓɛ́nɛ.

Timotéo 1 1:18

Á Timotéo mɔɔ́n wáma, li oŋle kaa ɓapɔ́tle-bí-Ɔ́lolómɛ̄ bí lɛgléé ɓɛɛvéé ányúū yɔ́ɔ, mag tíi wa nyí ndag nɛ́: bíŋ biɓaŋgá bí létɛ̄ wa, nɛ́ ndí ɔ dú taŋ eɓándá,

Timotéo 1 1:2

Mag ciile wa á Timotéo taŋ yama mɔ́ɔ̄n átē á ŋyéɓé, Etāa Ɔlolómɛ̄ la Yésus Kilístus Ɛtáŋɛ wahá bí lómbó wa, bí kɔn wa ŋgɔ́ɔ́, bí tí ki wa nsaŋ.

Timotéo 1 4:6

Yíhɛ́ elōgyāŋ yáhá bíŋ bísɛ, váŋ ɔg kɛ li ɓɛ́ lí taŋ ŋ̀óŋgánɛ nyí Yésus Kilístus, nyɔ́ a lɛ ŋyálāg la biɓaŋgá bí ŋyéɓé la miéélé mílāām mí wa ōŋlé nyaa m̀ɓɛɛŋ.

Timotéo 2 1:2

Mag ciile wa á Timotéo, édidíŋɛ yáma mɔ́ɔ̄n. Etāa Ɔlolómɛ̄ la Yésus Kilístus Ɛtáŋɛ wahá bí lómbó wa, bí kɔn wa ŋgɔ́ɔ́, bí tí ki wā nsaŋ.

Timotéo 2 3:10

Ndí wa, wa ōŋle mā m̀ɓɛɛŋ á mam mi ŋgí yéglɛ, wu yégé míɓɔŋɔg máma, wu yí evú-peg yáma, wu yí ŋyéɓé wáma, eɔ́hánɛ yáma, ediŋ yáma, la kɔkɔ yama.

Títo 1:4

Wa hɔ́ nɛ mi ŋga cíile á Títo, taŋ yama mɔɔ́n átē a ŋyéɓé nyú wá at ɓɛ́hɛ. Ɔlolómɛ̄ Etāa la Yésus Kilístus Ǹsuŋ wahá bí lómbó wa, bí tí ki wā nsaŋ.