Elōg-Fílípi 2:1 - Esaa-líat ɛ́ péná

¹ Á élōgyāŋ, kasig ŋ̀atanɛ́ wāná la Nyɔ́-a-Pɔ́hlɛ a ŋga tíi mikúndá, kasig ediŋ yɛ́ɛ́ ɛ́ ŋga létɛ nyúū, kasig M̀búl wɛ́ɛ́ wá aát ɓɛ́nɛ, kasig miní byɛ́ɛ̄ eɓɔɓɔtɛ-m̀mím la m̀mím-á-ŋgɔ́ɔ́ á póla yaná,

Elōg-Fílípi 2:1 ပူးပေါင်းရင်းမြစ်များ

Lúkas 2:25

Múŋ á yéŋ eceg, mut wa a ɓɛ́ɛ́ á Yélūsalɛm, nyɔ́ bí ŋgí yáŋa nɛ́ Síméon; a ɓɛ́ɛ́ á tɛ́ɛ sim á miíh mí Ɔlolómɛ̄, ndí ɔ ɓɛ́la ki ŋguu ŋyéɓé. A ŋgí laaŋke M̀mɔ́mɛ Íslāɛl, M̀búl Mpúán ɔ ɓɛ́ la nyɛ́.

Yohánɛs 14:18

Mi ŋgá kɛ ɓé ma ɓɛ́nɛ li yíg lí nyul, mag kɛ li sɔ́, mi tɔ́ɔ̄ la ɓɛ́nɛ.

Yohánɛs 14:27

Mag yígle ɓɛ́nɛ nsaŋ, mag tíi ɓɛ́nɛ nsaŋ wáma. Mi ŋgá tíi ɓé ma ɓɛ́nɛ wɔ́ kaa ɓot bí ŋkɔŋ-á-sí. Mimím máná míh tuŋglágán ɓé pɛ, miníh kɔnɔ́g ɓé pɛ woŋ.

Yohánɛs 17:13

Etāa, nyí vɔ́ŋɔ́ɔ, mag timan á yóg yɔ́ɔ. Ma pɔ́t bíŋ biɓaŋgá ányúū ɓayége ɓáma bí lɛ́ á ŋkɔŋ-á-sí á lí ɓɔŋ nɛ́ ɓɔ́g bí ɓɛ́la mivag máma, mí ɓɛ́ micɛ́ŋɛ́ tɔláá.

Misɔ́n mí Ɓáōmɓɛ 2:46

Ɔlɔ́ sig, kaa mut wa, ɓɔ́ bísɛ bí ŋgí kɛ á ndáá-ēcɛ́ŋ-Ɔlolómɛ̄, bí ŋgí kaan ekɔgá á ndáá yáɓá, bíg dí átē a mivag la m̀mím á nsaŋ.

Misɔ́n mí Ɓáōmɓɛ 4:32

Ɔbul ví ɓot ví yaán ɓáyēɓe Ɔlolómɛ̄, vú ɓɛ́la m̀mím wá, miɔ́ŋɔ má, mut tɔ wa á póla yaɓá a ŋgí naŋɛ ɓé pɛ yé a byɛ́ɛ̄ ányúū yɛ́ɛ̄ nyɛ́-ntámɛ́, á mveŋghanɛ́, bí ŋgí byáŋ míɓɛɛŋ máɓá mísɛ voóm wa.

Elōg-Lóma 5:5

la ki nɛ́ lipitá lí ŋgá yɛ́ɛ ɓé, átɔm nɛ́ M̀búl Mpúán nyɔ́ a tíéɓɛ́ ɓɛ́hɛ, a yáhɛ́ mímīm máhá la ediŋ Ɔ́lolómɛ̄.

Elōg-Lóma 8:26

Náŋ ki nɛ́, ányúū aɓɔt wáhá, M̀búl Mpúán a sɔ́ ɓɛ́hɛ li óŋgánɛ, átɔm nɛ́ bi ŋgá yí ɓé ɓɛ́hɛ li kánɛ ákaa ɛ́ ŋga sōmlɛ. Ndí, M̀búl Mpúán ag kánɛ ányúū yāhá. Eceg a ŋga kánɛ, ag ɓé kaa mut nɛ́ a ŋga ɓé la esɔghe. Ɔvega vɛ́ɛ́ ví lí ɓé víg loo mam mísɛ bi ŋga lá li laga lí Ɔ́lolómɛ̄.

Elōg-Kɔlínto 1 12:13

Á mbálɛ, ɓɛ́hɛ bísɛ ɓaá kūh nzoɓan átē a pɔ̄m M̀búl á lí ɓɛ́ lí pɔ̄m nyúū, ɛ́ ɓɛ́ ɓɔɔ́n bí Élōg-Yúda, tɔ nɛ́ ɓá bí Élōg-Gelékia, ɛ́ ɓɛ́ miyɔ́ŋ tɔ kundɛ-ɓōt, ɓɛ́hɛ bísɛ, nyíŋ pɔ̄m la nlemlem á M̀búl nɛ ya manɛ́ evéhé yáhá.

Elōg-Kɔlínto 1 15:31

Á élōgyāŋ, ɛ lɛ́ mbálɛ nɛ́ nyɛmb ɛ tɛ́ɛ́ ma ɔ́sū ɔlɔ́ sig, ányúū nɛ miní lɛ́ ewáhlé-ŋgáŋ yáma á ŋ̀atanɛ́ la Yésus Kilístus Ɛtáŋɛ wahá.

Elōg-Kɔlínto 1 3:16

Ɓaá, miní ŋgá yí ɓé nɛ nyúū yāná ɛ lɛ̄ ndáá-ēcɛ́ŋ-Ɔlolómɛ̄ é? La ki nɛ́ M̀búl á Ɔ́lolómɛ̄ á tɔ́ɔ á átē wāná é?

Elōg-Kɔlínto 2 2:14

Mitamlan la Ɔlolómɛ̄ nyɔ́ a lɛ nɛ́, li loole la Nyɔ́-a-Pɔ́hlɛ, a tɛ́ɛ́ ɓɛ́hɛ ɔ́sū eceg ɛ́sɛ á lí níŋgɛ lí ɓɛ́hɛ á mísophɛ mí ésīmo yɛ́ɛ́. Nyɛ́ ki nɛ́, li loole la ɓɛ́hɛ, a ŋga mwɛ́h líbīndɛ lí ŋga ɓɔ̄ŋ nɛ́ bí yí nyɛ́ voóm sig.

Elōg-Gálátia 4:6

Kasig miní lɛ́ kɔɔ ɓɔɔ́n ɓɛ́ɛ́, Ɔlolómɛ̄ a vá M̀búl á Mɔ́ɔ̄n wɛ́ɛ̄ átē á mimím máhá, nyúŋ M̀búl nɛ́ á ŋga lón nɛ́: «Ába!» Náŋ a lɛ nɛ́ Etāa.

Elōg-Gálátia 5:22

Ndí, misɔ́n mí M̀búl mí lɛ́: ediŋ, mivag, nsaŋ, eɔ́hánɛ, m̀mím-á-m̀ɓɛɛŋ, ekɔ́ɔ́, ŋyéɓé,

Elōg-Éféso 4:4

Nyuú ɛ lɛ́ ja ya, M̀búl ki wú ɓɛ́ wá, náŋ ki nɛ́ maná yáŋlɛ́ á lí ɓɛ́la lí lípitá já,

Elōg-Fílípi 1:8

Ɔɔ, Ɔlolómɛ̄ a lɛ̄ ma mbóŋ nɛ̄ mag diŋ ɓɛ́nɛ la m̀mím wáma ásɛ ákaa Yésus Kilístus a ŋga dīŋ ɓɛ́nɛ.

Elōg-Fílípi 3:3

Á mbálɛ, titih míkwɛɛ́g mí ɓot ɛ́ lɛ́ ɓɛ́hɛ, ányúū nɛ ɓɛ́hɛ nɛ́ M̀búl á Ɔlolómɛ̄ a ŋga óŋgánɛ li ɓɔŋle lí nyɛ esaa epúán, ányúū nɛ Yésus Kilístus nɛ́ a lɛ ɓɛ́hɛ ɛyáhá éwāhlé-ŋgáŋ, la ki nɛ́ ɓɛ́hɛ bi ŋgá pitye ɓé ɓɛ́hɛ-mɛ̄n.

Elōg-Kólóso 2:2

La náŋ, mag somo nɛ́ ɓɛ́nɛ bísɛ miní ɓɛ́la mikúndá, miní ɓɛ́ jam já átē a ediŋ, miní yál la eyí, nɛ́ ndí miní yí mbaŋ Ɔlolómɛ̄, nyí ɛ lɛ̄ Yésus Kilístus.

Elōg-Kólóso 3:12

Kasig Ɔlolómɛ̄ a pɔ̄hɔ́ ɓɛ́nɛ, kasig miní lɛ́ ndog yɛ́ɛ̄, kasig miní lɛ́ bídidíŋɛ byɛ́ɛ́ bí ɓɔ́ɔ̄n, ɓɛ́án hɔ́ la m̀mím a ŋgɔ́ɔ́, ɓɛ́án la ediŋ, esuhɛ-nyuú, ewú-m̀mím, la eɔ́hánɛ.

Elōg-Hébɛl 6:18

La náŋ, mbáki ɛ́ mam ɛ́ɓáa ɛ́ lɛ yí ɛ́ ŋga étɛ nɛ́ Ɔlolómɛ̄ a ŋgá ɓaŋ ɓé mínaa. Yíŋ mbáki ɛ́ mam ɛ́ɓáa ɛ́g tíi ɓɛ́hɛ mikúndá ŋgándag, á ɓɛ́hɛ ɓá ɓaá cóó mam mísɛ á lí váléne lí lípitá á yé ɓá kakánɛ́ ɓɛ́hɛ.

Pétlos 1 1:2

Etāa Ɔlolómɛ̄ a pɔ́hɔ̄ ɓɛ́nɛ li oŋle la bisúghɛ́nɛ́ a nyɔŋɔ́ɔ́ ɔ́sū ví eceg. Li kele la M̀búl Mpúán, a ɓāg ɓɛ́nɛ á lí ɓɔŋ nɛ́ miní óglé Yésus Kilístus, la ki nɛ́ micii mɛ́ɛ́ mí má kómɓɛ mí púɛ́ ɓɛ́nɛ. Ndómbo Ɔlolómɛ̄ la nsaŋ bí ɓɛ́ la ɓɛ́nɛ nlohanɛ́!

Yohánɛs 1 3:24

Nyɔ́ la nyɔ́ a ŋga náŋɛ mbéndá yí Ɔlolómɛ̄, a lɛ la Ɔlolómɛ̄, Ɔlolómɛ̄ ki ɔ ɓɛ́ la nyɛ́. Náŋ nɛ́ bi ŋga yí nɛ́ a lɛ lā ɓɛ́hɛ, li kele la M̀búl Mpúán a tí ɓɛ́hɛ kaa likaale.

Yohánɛs 1 4:12

Mut tɔ wa a ɓáág ŋgi lí ɛ́n lí Ɔlolómɛ̄. Kíyáɓɛ́nɛ biíg diŋan ɓɛ́hɛ la ɓɛ́hɛ, Ɔlolómɛ̄ a lɛ lá ɓɛ́hɛ, ediŋ yɛ́ɛ́ ki yá yál á póla yahá.

Yohánɛs 1 4:16

Ɓɛ́hɛ, ɓaá yí ediŋ Ɔlolómɛ̄ a byɛhɛ́nɛ́ ɓɛ́hɛ bu yéɓé ki la yɔ́. Ɔlolómɛ̄ a lɛ́ édiŋ, tɔ nzáá a tīŋɓé á ediŋ a lɛ́ la Ɔlolómɛ̄, Ɔlolómɛ̄ ki ɔ ɓɛ́ la nyɛ́.