Elōg-Fílípi 1:5 - Esaa-líat ɛ́ péná

⁵ ányúū ŋgaan miní ŋga nyɔ̄ŋ elɔŋ la ɓɛ́hɛ á lí camanɛ lí Pɔ́l M̀ɓɛɛŋ li ɓotle á ɔ́lɔ̄ ví ɔ́sū nɛ́-tɛ́ɛla nyí lɛn.

Elōg-Fílípi 1:5 ပူးပေါင်းရင်းမြစ်များ

Misɔ́n mí Ɓáōmɓɛ 2:42

Ɔlɔ́ sig, ɓayéɓe bí ŋgí tiŋɓe á yé ɓáōmɓɛ bí ŋgí yéglɛ ɓɔ́, á lí niŋ kaa linyaŋ, á lí kaan lí ékɔgá, la li kánɛ lí élɔŋ.

Elōg-Lóma 11:17

Lilóm lí Íslāɛl lí lɛ́ kaa eéé olíva yé yá ɓɛlɓɛ, la ɓɔ́ bú sɛ́m jogo lí mítom já. Wa nyɔ́ ɔ sē ɓé mɔ́ɔ̄n Élōg-Yúda, ɔ lɛ́ kaa ntom á eéé olíva lipan nyú ɓá átyɛ́ á míŋí mítom má yégle á tín olíva ɓá ɓɛl, á lí ɓɔŋ nɛ́ elɔŋ la míŋ mitom, wág ɔ tómbánɛ mindím mí ŋga sɔ́le á míkaŋ mí nyíŋ tín ɛ olíva.

Elōg-Lóma 12:13

Miní óŋgánɛ ndog-Ɔlolómɛ̄ nyí ya énde. Ɓacɛn bí ŋga sɔ́ á mbóg yāná, miní lɛ́glé ɓɔ́ á nyaa m̀ɓɛɛŋ.

Elōg-Lóma 15:26

átɔm nɛ́, ndog-Ɔlolómɛ̄ nyí Masedónia la nyí Akáyi yá súgɛ́ nɛ́ ɛ́g komanɛ ŋkuh ányúū ndog-Ɔlolómɛ̄ nyí Yelúsalɛm nyí ɛ lɛ̄ líyɛ̄ɛ̄.

Elōg-Kɔlínto 1 1:9

Ɔlolómɛ̄ ag yáhɛ biɓaŋgá byɛ́ɛ́, nyɛ́ nɛ́ a yáŋá ɓɛ́nɛ á lí niŋ á ŋ̀atanɛ́ la Mɔ́ɔ̄n wɛ́ɛ̄ Yésus Kilístus, Ɛtáŋɛ wahá.

Elōg-Kɔlínto 2 8:1

Á élōgyāŋ, biíg somo ɓɛ́nɛ li yíhɛ nɛ̄-láá Ɔ́lolómɛ̄ a étɛ́ Bíɓasɛ bí Masedónia elɔ́ŋgɔ yɛ́ɛ́ m̀mím.

Elōg-Éféso 3:6

Nyíŋ mbaŋ nyí nɛ́: ɓɔɔ́n bí Élōg-Yúda la ɓá bí sē ɓé ɓɔ́ɔ̄n bí Élōg-Yúda bíg kaan nlemlem á émbāmbá, bíg ɓɛ́ bíjo bí nyúū ya, bíg kuh ki nlemlem á líkakanɛ lí Ɔ́lolómɛ̄ á ŋ̀atanɛ́ wāɓá la Yésus Kilístus li oŋle la Pɔ́l M̀ɓɛɛŋ.

Elōg-Fílípi 1:12

Á élōgyāŋ, mi byɛ́ɛ́ kóó nɛ́ miní yí nɛ́, yé yá pámlé ma, yá óŋgānɛ́ jā á lí camanɛ lí Pɔ́l M̀ɓɛɛŋ.

Elōg-Fílípi 1:16

ɓɔ́ bíg ɓɔŋ náŋ la ediŋ. Ányúū nɛ bíg yí nɛ́ mi lɛ mú á m̀ɓog ányúū nɛ mag suŋ Pɔ́l M̀ɓɛɛŋ.

Elōg-Fílípi 1:27

Á élōgyāŋ, niŋán ákaa ɛ́ ŋga sōmlɛ li oŋle la Pɔ́l M̀ɓɛɛŋ nyí Nyɔ́-a-Pɔ́hlɛ, á lí ɓɔ́ŋ nɛ́, ma sɔ́ ɓɛ́nɛ li ɛ́n tɔ māh sɔ́ ɓé ma, mi ámblé pɔ́l yāná nɛ maná tiŋɓé á lí ɓɛ́la lí míɔ̄ŋɔ má, mi ámblé ki nɛ́, la m̀mím wá nɛ miní ŋga dū eɓándá ányúū ŋyéɓé a ŋga sɔ́léne á Pɔ́l M̀ɓɛɛŋ.

Elōg-Fílípi 1:7

Ɛ́ lɛ́ m̀ɓɛɛŋ nɛ́ mi ɓɛ́la míŋ miɔ́ŋɔ ányúū yāná ɓɛ́nɛ bísɛ, ányúū nɛ ma vá ɓɛ́nɛ á m̀mím wáma, ɓɛ́nɛ ɓá miní ŋga nyɔ̄ŋ ŋgaan á jé likaale Ɔlolómɛ̄ a tí ma, ɛ́ ɓɛ́ á m̀ɓog mi lɛ, ɛ́ ɓɛ́ á lí suŋ lí Pɔ́l M̀ɓɛɛŋ la li camanɛ lí yɔ.

Elōg-Fílípi 2:12

Á élōgyāŋ yé ediŋ, á yé ma sɔ́lé ɓɛ́nɛ li laga, ɓɛ́nɛ ɓá miní ɓáág éōgle, miníh ɓɛ́ɛ́g ɓé jā yɔ́ ɔ́sū vama, ndí nyí vɔ́ŋɔ́ɔ mi sē ɓé ma, miní lóohán sīg-pɛ yɔ́ lí ɓɛ́. Átē a woŋ la nsɛ́glānɛ́, miní lɔ́gɓán á lí étɛ nɛ́ maná suŋɓɛ.

Elōg-Fílípi 2:22

Ndí nyɛ́, miníg yí nɛ́ a étɛ́ yé a kɔ́ɔ̄ lí ɓɔŋ. A byáŋ élɔŋ la ma ákaa mɔɔ́n á ŋgwáāg ɛsáŋɛ́, á nsɔ́n á lí lɛgɛ lí Pɔ́l M̀ɓɛɛŋ.

Elōg-Fílípi 4:3

Wág á taŋ yama liwándá lí nsɔ́n, mag sɔ́hye wa nɛ́ ɔ óŋgánɛ ɓáŋ ɓondígá, átɔm nɛ́ ɓɔ́ la Kelemāŋ la míŋí míwāndá mí nsɔ́n mísɛ, ɓaá du elɔŋ á lí camanɛ lí Pɔ́l M̀ɓɛɛŋ, ɓɛ́hɛ ɓá moó má ciiɓɛ́ á kálati nyí eniŋ.

Filémon 1:17

Kíyáɓɛ́nɛ ɔg nyɔŋ hɔ́ ma ákaa mɔɔ́nyɔ̄ŋ átē a ŋyéɓé, lɛ́glé nyɛ́ ɔ́ŋgɛn mā-mɛn nyɔ́ŋ.

Elōg-Hébɛl 3:14

Ákaa ɛ́sɛ, bi lɛ̄ ɓot bí élɔŋ yé Nyɔ́-a-Pɔ́hlɛ, kíyáɓɛ́nɛ ɓā tiŋɓé á ŋyéɓé bi byɛɛ́ li ɓotle á míɓōtlé, náŋ la náŋ li pám nɛ́-tɛ́ɛla á lísūg.

Pétlos 2 1:1

Ma Símɔn Pétlos, m̀ɓɔŋle la ŋ̀ómɓɛ á Yésus Kilístus, mag ciile ɓɛ́nɛ ɓáŋ bísɛ maná kuh taŋ ŋyéɓé kaa ɛwáhá, li kele la etɛ́l-sim yé Yésus Kilístus nyɔ́ a lɛ Ɔlolómɛ̄ la Ǹsuŋ wahá.

Yohánɛs 1 1:3

Yé ɓaá ɛ́n, bu ámble ki, yɔ́ nɛ́ ɓɛ́hɛ ki bi ŋga lɛ́gɛ ɓɛ́nɛ, á lí ɓɔŋ nɛ́, ɓɛ́nɛ ki miní ɓɛ́ átē a ŋ̀atanɛ́ la ɓɛ́hɛ. Liɓɛ́ɛg jáhá lí mut wa, lí lɛ́ ŋ̀atanɛ́ wāhá la Etāa, lú ɓɛ́ ki ŋ̀atanɛ́ wāhá la Mɔ́ɔ̄n wɛ́ɛ̄ Yésus Kilístus.

Yohánɛs 1 1:7

Ndí, kíyáɓɛ́nɛ biíg wɛɛhɛnɛ á mípūū, ákaa nyɛ́-mɛ̄n Ɔlolómɛ̄ a lɛ́ átē a mipúú, ɛnɛ ɓɛ́hɛ la ɓɛ́nɛ ɓaá at, micii mí Mɔ́ɔ̄n wɛ́ɛ̄ Yésus ki míg púɛ́ ɓɛ́hɛ joó nɛ aɓé.