Elōg-Fílípi 1:21 - Esaa-líat ɛ́ péná

²¹ Ákaa ɛ́sɛ ányúū yáma, eniŋ ɛ́ lɛ́ Nyɔ́-a-Pɔ́hlɛ, nyɛmb ki yu ɓɛ́ nsɛ́ŋ.

Elōg-Fílípi 1:21 ပူးပေါင်းရင်းမြစ်များ

Elōg-Gálátia 2:20

Mag niŋ, ndí ah mā-mɛ̄n ɓé nyɔ́ŋ, Kilístus nɛ́ a ŋga nīŋ átē wama, átɔm nɛ́, eniŋ yáma yé lɛ̄n, yé líɓɛ́ɛg lí mut-a-binam, mag niŋ yɔ́ átē a ŋyéɓé la Mɔɔ́n Ɔlolómɛ̄ nyɔ́ a dīŋ ma, ɔ wú ányúū yáma.

Elōg-Kɔlínto 2 5:8

Ɔɔ, bi lɛ mbáki ŋgandag la ɓɛ́hɛ-mɛ̄n nɛ́, biíg pɔhɔ li cóó lí nyí nyuú mut-a-binam, á lí kɛ lí lí ɓole á ŋgwáāg Nyɔ́ŋ-Ɛsáŋɛ́.

Elōg-Kɔlínto 2 5:1

Á élōgyāŋ, biíg yí la mbálɛ nɛ́, kíyáɓɛ́nɛ litɔɓéné jáhá vá á ŋkɔŋ-á-sí, lí lɛ́ kaa eláá ɛ́ ŋga búge, bi yí nɛ́ bi byɛ́ɛ́ ndáá ɛ ŋga ɓéem á ékombo-lóō, nyí ya óŋɓɛ́ la Ɔlolómɛ̄ ndí ah la mut-a-binam ɓé.

Elōg-Fílípi 1:23

Múŋ á nyíŋ duthá-dutha mi lɛ, mú á yé epah, mi byɛ́ɛ́ kóó lí kɛ á lí ɓɛ́ élɔŋ la Nyɔ́-a-Pɔ́hlɛ, kasig náŋ a lóohán lí ɓɛ́ lí m̀ɓɛɛŋ.

Elōg-Kólóso 3:4

Eceg Kilístus nyɔ́ a lɛ́ éniŋ yáná a ŋga kɛ́ li ɛ́ni, váŋ nɛ́ ɓɛ́nɛ ki miní ŋga kɛ́ li ɛ́ni elɔŋ la nyɛ́ átē a ŋyoganɛ́ wɛ́ɛ̄ a lipém.

Elōg-Kɔlínto 2 5:6

La náŋ hɔ́, bi lɛ mbáki ŋgandag la yé bi ŋga yí nɛ́, nlee la eceg ɓaá tíglé á líɓɛ́ɛg lí mut a ŋkɔŋ-á-sí, bi sē ɓé ɓɛ́hɛ á lítɔɓéné jáhá, bi lɛ énɛŋɛ́ la Nyɔ́ŋ-Ɛsáŋɛ́,

Elōg-Fílípi 1:20

Ákaa ɛ́sɛ, li oŋle la yé ɛ́sɛ mi ŋga láaŋke la ehép, li oŋle la lipitá mi byɛɛ́, mi ŋgá kɛ ɓé ma lí wú lí mbɔɔla. Ndí, lipitá jáma lí ŋgí yáhɛ jɔ́ lísɛ, ányúū nɛ, ɛ́ ɓɛ́ lɛn, ɛ́ ɓɛ́ eceg ɛ́sɛ, lipém lí Nyɔ́-a-Pɔ́hlɛ líg kɛ li ɛ́nyéne á nyúū yáma, li loole la éniŋ yáma tɔ la nyɛ̄mb yama.

Biyɛ́ɛ́léné 14:13

La ma mú ámblé cíŋ ɛg sɔ́le á lóō ɛg laga nɛ́: cií nɛ́, «Nyí vɔ́ŋɔ́ɔ, misɔ́tá la ɓá bí ŋga wúēle até á ŋyéɓé á Nyɔ́ŋ-Ɛsáŋɛ́! M̀búl ag yó kɔɔ nɛ́, bí nyɔŋ evɛɛɓan yé misɔ́n máɓá, átɔm nɛ́ misɔ́n máɓá mí m̀ɓɛɛŋ, míg oŋ ɓɔ́.»

Elōg-Gálátia 6:14

Ndí ma, mbásá nyí Ɛtáŋɛ wahá Yésus Kilístus nɛ́ ɛ lɛ̄ ma ɛ́yáma ewáhlé-ŋgáŋ. La yɔ nɛ́ ŋkɔŋ-á-sí wá tomlɛ́ á mbásá ányúū yáma, nlemlem ákaa mág ma tōmlɛ́ á mbásá ányúū ŋkɔŋ-á-sí.

Elōg-Kɔlínto 1 1:30

Nyɛ́ Ɔ́lolómɛ̄ nɛ́ a āt ɓɛ́nɛ la Yésus Kilístus, Yésus Kilístus ki ɔ ɓɛ́ peg ɛ ŋga sɔ́le la Ɔlolómɛ̄ ányúū yāhá. Li loole la nyɛ́ nɛ́ Ɔ́lolómɛ̄ a yáanɛ́ ɓɛ́hɛ ɓot bí lɛ́ sim, ɔ pɔ̄hɔ́ ɓɛ́hɛ ányúū yɛ́ɛ̄, la nyɛ́ ɔ ɓógtɛ́ ɓɛ́hɛ á míɓē.

Elōg-Fílípi 2:21

Ɓáŋá ɓot bísɛ bíg somo ja m̀ɓɛɛŋ wáɓá ɓɔ́-mɛ̄n, ndí ah m̀ɓɛɛŋ á Yésus Kilístus ɓé.

Elōg-Kɔlínto 1 3:22

Ɛ́ ɓɛ́ Póol, ɛ́ ɓɛ́ Apólos tɔ Pétlos, ɛ́ ɓɛ́ ŋkɔŋ-á-sí, eniŋ tɔ nyɛmb, ɛ́ ɓɛ́ lɛn tɔ likɛ́ɛ́, bíŋ bísɛ bí lɛ́ ɛ́byāná.

Elōg-Fílípi 1:22

Ndí, kasig li niŋ mú á sí lí ŋga yígle nɛ́ nsɔ́n wáma á wúm mitám, ɛnɛ mi ŋgá yí ɓé pɛ ma yé mi pɔ́hɔ́.