Elōg-Fílípi 1:11 - Esaa-líat ɛ́ péná

¹¹ miníg kɛ li ɓɛ́ lí ɓá bí ŋga ɓɔ̄ŋ mísɔ̄n mí tɛ́ɛ́ mí ŋga sɔ́le ɓɛ́hɛ li loole la Yésus Kilístus, ányúū lipém la eɓégɛ yé Ɔ́lolómɛ̄.

Elōg-Fílípi 1:11 ပူးပေါင်းရင်းမြစ်များ

Matéus 5:16

Nlemlem á jam la ɓɛ́nɛ, mipúú máná mí páa á miíh mí ɓot, á lí ɓɔŋ nɛ́ eceg bí ŋga ɛ́n mísɔ̄n máná mílāām, bí ɓégɛ́ Ɛsɔ́ŋɛ́ wāná nyɔ́ a lɛ á lóō.»

Yohánɛs 15:16

Ah ɓɛ́nɛ ɓé nɛ maná pɔhɔ́ ma, ndí ma nɛ́ ma pɔ́hɔ̄ ɓɛ́nɛ, mu tɛ́ɛ́yɛ́ ɓɛ́nɛ ɓayége nɛ́ miní kɛ, miní úm binyɛŋgɛ́n, la nɛ́ binyɛŋgɛ́n byáná bí ɓēm, la váŋ, tɔ yé ɛ́sɛ maná ɓat Etāa á jóō jáma, ag tíi ɓɛ́nɛ yɔ́.

Yohánɛs 15:2

Tɔ wɔɔ́wɔ́ɔ ŋkɔɔ wáh úm ɓé bínyɛŋgɛ́n, Etāa ag sɛ́m wɔ́. Ndí nyú wa úm bínyɛŋgɛ́n, ag sɛ́m bípaápáa byɛ́ɛ́, á lí ɓɔŋ nɛ́ á kóndyé sīg-pɛ li úm lí bínyɛŋgɛ́n.

Yohánɛs 15:8

Lipém lí Etāa líg ɛ́ni ja kí munú úm bínyɛŋgɛ́n ŋgandag, la li ɓɛ́ lí ɓayége ɓáma.

Elōg-Lóma 15:28

Eceg hɔ́ mi ŋga kɛ li súgɛ lí jéŋ jam, la li tíi lí ɓɔ́ míŋ mióŋgánɛ á m̀ɓambá, mag loole á yóg yāná li kɛ á Panyá.

Elōg-Lóma 6:22

Ndí nyí vɔ́ŋɔ́ɔ, maná kūhlɛ́ á ŋgatka nyí áɓē la ɓɛ́nɛ munú yāán míndimí mí Ɔ́lolómɛ̄. Miníg sál mísɔ̄n mí ŋga yáanɛ ɓɛ́nɛ ɓápūán, lisúg jáɓá ki lí lɛ́ éniŋ éɓem.

Elōg-Kɔlínto 1 10:31

Ɛ́ ɓɛ́ nɛ́ miníg dí, ɛ́ ɓɛ́ hɔ́ nɛ miníg nyú, tɔ yé miní byɛ́ɛ̄ á lí ɓɔŋ, ɓɔŋán yɔ́ ányúū lipém lí Ɔ́lolómɛ̄!

Elōg-Kɔlínto 2 9:10

Ɔlolómɛ̄ nɛ a ŋga tíi m̀ɓɛl-mbóó, mbóó nsɔ́n la ekɔgá yé lí dí, nyɛ́ ki nɛ́ a ŋga kɛ́ ɓɛ́nɛ li tíi lí mbóó, a búlɛ̄ yɔ, nɛ́ ndí mitám ɛ ŋga tíi mí étɛ́ etɛ́l-sim yáná.

Elōg-Éféso 1:12

Ɓɛ́hɛ ɓot ɓaá dúgú lí pitye lí Nyɔ́-a-Pɔ́hlɛ, bi lɔ́ŋgɛ́ hɔ́ lípēm lí Ɔ́lolómɛ̄.

Elōg-Éféso 1:14

nɛ á lɛ́ éɓeeka yé émbāmbá bií ŋga kɛ́ li koto á éceg bí ŋga mān ɓɛ́hɛ li kɔpɔ á áɓē. Bi lɔ́ŋgɛ́ hɔ́ lípēm lí Ɔ́lolómɛ̄.

Elōg-Éféso 2:10

átɔm nɛ́ Ɔlolómɛ̄ nɛ a ōŋgɛ́ ɓɛ́hɛ, nyɛ́ nɛ́ a vēg ɓɛ́hɛ nɛ́ bi nīŋ á ŋ̀atanɛ́ la Yésus Kilístus, ányúū li yáhɛ lí mísɔ̄n mí m̀ɓɛɛŋ nyɛ́ Ɔ́lolómɛ̄ a ɓōŋhán ɓɛ́hɛ á ɔ́sū ví éceg.

Elōg-Éféso 5:9

Mipúú míg sɔ́la ja mísɔ̄n mí m̀ɓɛɛŋ, etɛ́l-sim la mbálɛ.

Elōg-Fílípi 4:17

Náŋ a ŋgá somo ɓé lí laga nɛ́ mi lɛ á nsom á mikaale. Ndí mag somo ja mām mí ŋga yígle nɛ́, Ɔlolómɛ̄ a kóndyé ɓɛ́nɛ á yé miní byɛ́ɛ̄.

Elōg-Kólóso 1:10

nɛ́ ndí miní niŋ á nyaa ɛ tɛ́ɛ́ ɔ́sū ví Nyɔ́ŋ-Ɛsáŋɛ́, miní ɓɔŋ yé ɛ́ ŋga nyɛ́ɛle nyɛ́ eceg sig. La ki nɛ́ misɔ́n máná mí m̀ɓɛɛŋ mí úm mitám, la nɛ́ miní kóndyé lí yí lí Ɔ́lolómɛ̄ m̀ɓɛɛŋ m̀ɓɛɛŋ.

Elōg-Kólóso 1:6

nyí ya pám tɛɛla á yóg yāná. Nlemlem kaa nyíŋ Pɔ́l ɛ lɛ lí úm lí mítām, ndí ɛg caman la ŋkɔŋ-á-sí ásɛ, náŋ ki nɛ́ ɛ́ ɓɔ̄ŋɓɛ́ɛ á yóg yāná li ɓotle ɔ́lɔ̄ miní ámbléé bíg pɔ́t likɔlɓan la elɔ́ŋgɔ m̀mím yé Ɔ́lolómɛ̄, la ɓɛ́nɛ munú yí ki yɔ́ átē a mbálɛ yɔ ɛsɛ̄,

Elōg-Tésaloníka 2 1:12

La náŋ, li kele la ɓɛ́nɛ, joó lí Ɛ́tāŋɛ wahá Yésus líg kɛ li kuh lí lípēm, á ŋ̀atanɛ́ la nyɛ́, ɓɛ́nɛ ki miní ɓɛ́la lipém li oŋle la likaale Ɔlolómɛ̄ Loó jáhá a tí ɓɛ́nɛ la jé lí Ɛ́tāŋɛ wahá Yésus Kilístus.

Títo 3:14

Ɛ́g somlɛ nɛ́ ndog yahá ki ɛ yégé lí ɓɔŋ lí mísɔ̄n mí m̀ɓɛɛŋ, nɛ́ ndí, ɛ óŋgánɛ á taŋ mam mí mpápá, la váŋ ɛg ɓɛ́ nsɛ́ŋ.

Elōg-Hébɛl 12:11

Jɔ́ nɛ́, á éceg bí ŋga kɔ́gɔ mut, a ŋgá kɔn ɓé mívag, náŋ ag ályɛ jā nyɛ́, ndí ámbúh eceg, yíŋ ŋgéélé ɛ́g ɓɔŋ nɛ́ mut a ɓɛ́ nsaŋ a wɛ́ɛ́hɛ́nɛ ki á etɛ́l-sim.

Pétlos 1 2:12

Ɓɛ́án la bilɛ́m bílāām á póla ɓot bí ŋgá yéɓé ɓé la Ɔlolómɛ̄, á li somo nɛ́, tɔ ɓɔŋ nɛ́ bíg ɓéeyɛ ɓɛ́nɛ nɛ́ miní lɛ́ ɓot ɓaɓé, bí ɛ́n miɓɔŋɔg máná mílāām, la ɓɔ́ bí ɓégɛ́ Ɔlolómɛ̄ ɔlɔ́ a ŋga kɛ́ li sɔ́.

Pétlos 1 2:5

Ɓɛ́nɛ-mɛ̄n ɓɛ́án kaa ŋgɔg yí éniŋ, níŋglán á mióŋ mí ndáá ápah M̀búl a ŋga tɔ́ɓene, á lí yaan lí lilómɛ lipúán jé lí ɓatíi-nsúlé, á lí tíi lí misúlé mipúán, mí ŋga nyɛ́ɛle Ɔlolómɛ̄ li kele la Yésus Kilístus.

Pétlos 1 2:9

Ndí, ɓɛ́nɛ miní lɛ́ mbota Ɔlolómɛ̄ a pɔ́hɔ, lilómɛ lí ɓatíi-nsúlé lí káísa, ndog-Ɔlolómɛ̄ nyí púán, lilóm jé Ɔlolómɛ̄ a pɔ́hɔ á li ɓɔŋ nɛ́ miní lɛ̄gɛ́ mam micɛ́ŋ a ɓɔ̄ŋ; nyɛ́ nɛ́ a yáŋá ɓɛ́nɛ nɛ́ miní ɓógó á lívito, á lí níŋgi á taŋ yɛɛ́ mipúú.

Pétlos 1 4:14

Misɔ́tá la ɓɛ́nɛ eceg bí ŋga óŋo ɓɛ́nɛ ányúū joó lí Nyɔ́-a-Pɔ́hlɛ, ányúū nɛ M̀búl á lípēm, M̀búl á Ɔlolómɛ̄ á lɛ́ la ɓɛ́nɛ.