Elōg-Éféso 5:8 - Esaa-líat ɛ́ péná

⁸ Á kwākwáŋɛ, miní ɓɛ́ɛ́ ɓɔ́ɔ̄n bí lívito, ndí nyí vɔ́ŋɔ́ɔ miní lɛ́ ɓɔ́ɔ̄n bí mipúú á ŋ̀atanɛ́ la Nyɔ́ŋ-Ɛsáŋɛ́. Niŋán ákaa ɓɔɔ́n bí mípūū.

Elōg-Éféso 5:8 ပူးပေါင်းရင်းမြစ်များ

Matéus 3:8

Ɓɔŋán hɔ́ mam miláám mí ŋga étɛ nɛ́ maná veŋé bílɛ̄m;

Matéus 4:16

Ɓɛ́nɛ lilóm lí ŋga nīŋle átē a livito maná ɛ́n nlohanɛ́ a mipúú; ányúū ɓɛ́nɛ ɓá miní ŋga niŋ á lívito lí ékombo yé ɓá ɓá wū, mipúú má ɛ́ni.

Lúkas 1:79

Míg paaye ɓá bísɛ bí lɛ́ átē á livito, la ɓá bí lɛ́ á m̀ɓel-á-sɔŋ á lí tɛ́ɛ́yɛ lí míkoo máhá á nzen nsaŋ.»

Lúkas 16:8

Ndí, ɛsáŋɛ́-a-mitán ɔ tímān li séme lí nyɔ́ ǹlégɓe-miɓɛɛŋ a misóómbá, ányúū akwáá wɛ́ɛ́ a étɛ. Jɔ́ nɛ́, ɓɔɔ́n bí nyí sí bí lɛ́ akwáá á ŋgwáāg miwándá máɓá li loo lí ɓɔ́ɔ̄n bí mípūū.»

Yohánɛs 1:9

Eɓaŋgá nɛ ɛ́ ɓɛ́ɛ́ mipúú mí mbálɛ, mí má sɔ́ á ŋkɔŋ-á-sí la mɔ́ mú paayé ɓot bísɛ.

Yohánɛs 12:35

Yésus ɔ pélē ɓɔ nɛ́: «Mipúú mí ŋgí lɛ á póla yaná ányúū puh eceg. Eceg miní byɛ́ɛ̄ mípūū, wɛán átē á li ɓɔŋ nɛ́ livito líh púhégé ɓé ɓɛ́nɛ átɔm nɛ́, nyɔ́ la nyɔ́ a ŋga wɛ́ɛ átē á livito, a ŋgá yí ɓé ápah a ŋga kɛ́.

Yohánɛs 12:36

Eceg miní ŋgí byɛ́ɛ̄ mípūū, miní yéɓé la mipúú, á lí ɓɔŋ nɛ́ miní yáan ɓɔɔ́n bí mípūū.» Ɛnɛ́ Yésus a manɛ́ ɓɔ li laga náŋ, ɔ ɓógo váŋ, ɔ sɔ́lɔ.

Yohánɛs 12:46

Ma nɛ́ mi lɛ mípūū, ma sɔ́ á ŋkɔŋ-á-sí, nɛ́ nyɔ́ la nyɔ́ a ŋga yéɓe la ma, ah tɔɓág ɓé pɛ átē a livito.

Yohánɛs 8:12

Ámbúh náŋ, Yésus ɔ laga sīg-pɛ jéŋ límut nɛ́: «Ma nɛ́ mi lɛ mípūū mí ɓot bí ŋkɔŋ-á-sí Nyɔ́ la nyɔ́ a ŋga ōŋ ma a ŋgá kɛ ɓé lí wɛɛhɛnɛ á lívito, ag ɓɛ́la mipúú mí ŋga tíi eniŋ.»

Misɔ́n mí Ɓáōmɓɛ 17:30

Ɛ́nán sig nɛ́, Ɔlolómɛ̄ ah nyɔŋ ɓé eceg la nyíŋ ŋgilí-sɔ́ŋtānɛ, nyí vɔ́ŋɔ́ɔ, ag lɛgɛ ɓot voóm ásɛ nɛ́ bí vēŋé bílɛ̄m.

Misɔ́n mí Ɓáōmɓɛ 26:18

á lí lege lí mɔ̄ miíh la li ɓógtɛ lí mɔ́ á lívito li kɛla lí mɔ á mipúú, li ɓógtɛ lí mɔ̄ á mɔ mí Sátan, li kɛla lí mɔ̄ á yóg Ɔlolómɛ̄, nɛ́ ndí mí kuh elaakɛ-miɓé la li nyɔŋ lí joga á émbāmbá elɔŋ la ndog ɓayéɓe li oŋle la ŋyéɓé bí byɛ́ɛ̄ la ma.›

Elōg-Lóma 1:21

Tɔ náŋ ákaa bí ŋga yí Ɔ́lolómɛ̄, ɓá pún nyɛ li tíi lí lípēm la mitamlan mí kɔ́ɔ̄ la nyɛ́. Ndí á mveŋghanɛ́, miɔ́ŋɔ máɓá mí ŋgíla eɓáha má jáŋɛ́ ɓɔ, ɔjɔ́h ví m̀mím wáɓá ki vá nīŋgɛ́ ɓɔ á lívito.

Elōg-Lóma 13:12

Díɓe la kɛ, kítí ɛ lɛ ɓɛ́ɓɛ. Bi cóó hɔ́ mísɔ̄n mí lívito, bi nyɔ̄ŋ bidulé-bí-wélan bí bi ŋga ɓɔ̄ŋle á mípūū.

Elōg-Lóma 2:19

wa nyɔ́ ɔ lɛ mbáki li ɓɛ́ lí m̀wɛɛla ɓot bí ndím, la li ɓɛ́ lí mípūū mi ɓot bí lɛ átē a livito,

Elōg-Kɔlínto 1 1:30

Nyɛ́ Ɔ́lolómɛ̄ nɛ́ a āt ɓɛ́nɛ la Yésus Kilístus, Yésus Kilístus ki ɔ ɓɛ́ peg ɛ ŋga sɔ́le la Ɔlolómɛ̄ ányúū yāhá. Li loole la nyɛ́ nɛ́ Ɔ́lolómɛ̄ a yáanɛ́ ɓɛ́hɛ ɓot bí lɛ́ sim, ɔ pɔ̄hɔ́ ɓɛ́hɛ ányúū yɛ́ɛ̄, la nyɛ́ ɔ ɓógtɛ́ ɓɛ́hɛ á míɓē.

Elōg-Kɔlínto 2 3:18

Ɓɛ́hɛ bísɛ hɔ́ ɓá misú mí áhɛ́, epaa yé Nyɔ́ŋ-Ɛsáŋɛ́ ɛ́g ɛ́nyéné á nyuú yáhá kaa á élembán. Jɔ́ hɔ́ nɛ, kaa Nyɔ́ŋ-Ɛsáŋɛ́ a lɛ M̀búl, a yaanɛ́ ɓɛ́hɛ nlemlem ákaa nyɛ́, átē a lipém jé lí ɓáág já lícɛ̄ŋɛ́ la licɛ́ŋɛ́.

Elōg-Kɔlínto 2 4:6

Ányúū nɛ Ɔlolómɛ̄ á yóó nɛ́: «Mipúú mí páa átē a livito.» Nyɛ́-mɛ̄n nɛ́ a páa á mímīm máhá, la nyɛ́ ɔ páɛ ɓɛ́hɛ nɛ́ ndí bi yí lipém jɛ́ɛ́, jé lí ŋga páayene á ásū á Nyɔ́-a-Pɔ́hlɛ.

Elōg-Kɔlínto 2 6:14

Miníh byáŋág ɓé élɔŋ la ɓot bí ŋgíla ŋyéɓé. Ɓaá wɔɔ́wɔ́ɔ ŋ̀atanɛ́ a lɛ á póla etɛ́l-sim la aɓé é? Á póla mipúú la livito é?

Elōg-Gálátia 5:25

Kasig M̀búl nɛ́ a ŋga tíi ɓɛ́hɛ eniŋ, bi mwáhɛ́ hɔ́ nɛ M̀búl nɛ a wɛ́ɛ la ɓɛ́hɛ.

Elōg-Éféso 2:2

á ɔkolpáŋá, eceg miní ŋgí ógle loó lí nyú ŋkɔŋ-á-sí, ŋ̀kanʼyɛ nyɔ́ a lɛ á póla sí la loó. Nyɔ́ŋ ŋ̀kanʼyɛ nɛ́ a lɛ m̀búl m̀ɓé á ŋga sál vɔ́ŋɔ́ɔ á póla ɓot ɓá ndɔ́gɓéné Ɔ́lolómɛ̄.

Elōg-Éféso 4:18

Miɔ́ŋɔ máɓá mí lɛ́ á lívito, eniŋ Ɔ́lolómɛ̄ yú ɓɛ́ ɓɔ́ ǹcɛn, elet-m̀mím yáɓá yú yáanɛ́ ɓɔ dúum.

Elōg-Éféso 5:2

Niŋán átē á ediŋ kaa Nyɔ́-a-Pɔ́hlɛ a dīŋ ɓɛ́hɛ, la nyɛ́ ɔ tí nyɛ́-mɛ̄n Ɔlolómɛ̄ kaa likaale la nsúlé ányúū yāhá, nyúŋ nsúlé á byɛ́ɛ́ élɔ́ŋgɔ nziŋ ɛ́ ŋga nyɛ́ɛle Ɔlolómɛ̄.

Elōg-Éféso 6:12

átɔm nɛ́, ah la ɓot-bí-bínam ɓé nɛ́ bi ŋga dúu, ndí biíg du la Mikanʼyɛ mí lɛ́ á lōó, la patí Ŋguu ɛ́sɛ ɛ́ lɛ́ á lōó, la Ɓaɓémbɛ bí nyú ŋkɔŋ á lívito, la mimbúl míɓē mí lɛ́ á lóō.

Elōg-Kólóso 1:12

tíán Etāa Loó mítamlan, nyɔ́ a ɓɔ̄ŋ nɛ miní la li ɓɛ́la lí joga á émbāmbá yé a nāŋʼyé ndog yɛ́ɛ̄ átē á mípūū.

Elōg-Kólóso 1:13

Ɔlolómɛ̄ a ɓógtɛ́ ɓɛ́hɛ á ŋguu nyí livito, la nyɛ́ ɔ níŋgɛ́ ɓɛ́hɛ á ékombo yé edidíŋɛ yɛ́ɛ́ Mɔ́ɔ̄n.

Títo 3:3

Ányúū nɛ́, á kwakwáŋɛ, ɓɛ́hɛ ki bi ɓɛ́ɛ́ bíjōŋ, bi ɓɛ́ɛ́ ndɔ́g, bi ɓɛ́ɛ́ míjáŋag-mí-ɓot, bi ɓɛ́ɛ́ mindimí mí patí kóó ɛ́sɛ la binyɛɛ́nyɛ́ɛ bísɛ, bi ŋgí ɓéé m̀mím, biíg tám mam mí ɓot, bu yáanɛ́ ɓɛ́hɛ-mɛ̄n ɓot ɓaɓé tɔláá, la ki nɛ́ bi ŋgí síŋghan ɓɛ́hɛ la ɓɛ́hɛ.

Yohánɛs 1 1:7

Ndí, kíyáɓɛ́nɛ biíg wɛɛhɛnɛ á mípūū, ákaa nyɛ́-mɛ̄n Ɔlolómɛ̄ a lɛ́ átē a mipúú, ɛnɛ ɓɛ́hɛ la ɓɛ́nɛ ɓaá at, micii mí Mɔ́ɔ̄n wɛ́ɛ̄ Yésus ki míg púɛ́ ɓɛ́hɛ joó nɛ aɓé.