Elōg-Éféso 5:2 - Esaa-líat ɛ́ péná

² Niŋán átē á ediŋ kaa Nyɔ́-a-Pɔ́hlɛ a dīŋ ɓɛ́hɛ, la nyɛ́ ɔ tí nyɛ́-mɛ̄n Ɔlolómɛ̄ kaa likaale la nsúlé ányúū yāhá, nyúŋ nsúlé á byɛ́ɛ́ élɔ́ŋgɔ nziŋ ɛ́ ŋga nyɛ́ɛle Ɔlolómɛ̄.

Elōg-Éféso 5:2 ပူးပေါင်းရင်းမြစ်များ

Matéus 20:28

Náŋ ki nɛ̄ Mɔɔ́n Mut ah sɔ́ ɓé nɛ bí ɛɛlé nyɛ́, ndí a sɔ́ nɛ a ɛ́ɛ́lé ɓot, la li tíi lí éniŋ yɛ́ɛ́ á ésɛsɛ́ma á lí tɔ́hɔ lí ɔ́bul ví límut.»

Yohánɛs 13:34

Mag tíi ɓɛ́nɛ litiŋ lí péná jé lí mbéndá: miní diŋán ɓɛ́nɛ la ɓɛ́nɛ; nlemlem kaa ma dīŋ ɓɛ́nɛ, ɓɛ́nɛ ki miní diŋán ɓɛ́nɛ la ɓɛ́nɛ.

Yohánɛs 6:51

«Ma nɛ́ mi lɛ ékɔgá yé éniŋ yé yá sɔ́léné á lóō. Tɔ nzáá a ŋga kɛ́ yɔ́ li dí ag kɛ li ɓɛ́la lí éniŋ éɓem. Ekɔgá mi ŋga kɛ li tíi á lí niŋɛ lí ɓot bí ŋkɔŋ-á-sí ɛ́ lɛ́ nyuú yáma.»

Elōg-Lóma 15:16

mi ɓɛ́ m̀ɓɔŋle a Yésus Kilístus á ŋgwáāg ɓot bí sē ɓé ɓɔ́ɔ̄n bí Élōg-Yúda. Ma yáŋlɛ́ á nyúŋ nsɔ́n á li lɛgɛ lí Pɔ́l M̀ɓɛɛŋ nyí Ɔlolómɛ̄, á lí ɓɔŋ nɛ́ ɓot bí sē ɓé ɓɔɔ́n bí Élōg-Yúda bí ɓɛ́ nsúlé nyú M̀búl Mpúán a púɛ nɛ́ á nyɛɛle Ɔ́lolómɛ̄.

Elōg-Lóma 4:25

Nyɛ́ nɛ́ Ɔ́lolómɛ̄ a tí kaa nsúlé ányúū avuha wáhá, Ɔlolómɛ̄ ɔ pāhyɛ́ ki nyɛ́ ányúū li tɛ́ɛ́yɛ lí ɓɛ́hɛ sim ɔ́sū vɛ́ɛ́.

Elōg-Lóma 8:3

Ɔlolómɛ̄ a ɓɔ̄ŋ yé mbéndá yāh la ɓé li ɓɔŋ, ányúū nɛ, nyíŋ mbéndá ɛh ɓɛ́ɛ́la ɓé ŋguu nyí li kanʼyɛ lí mut-a-binam átē a aɓɔt wɛ́ɛ́. Ányúū li kɔ́ghɛ lí áɓē nɛ āh ɓɛ́ɛ́la ɓé pɛ ŋguu tɔ ya á nyúū nyí mut-a-binam, Ɔlolómɛ̄ a óm Mɔ́ɔ̄n wɛ́ɛ̄ á épunan yáhá la nyuú nyí miɓé, nɛ́ a ɓógtɛ́ ɓɛ́hɛ á áɓē.

Elōg-Lóma 8:37

Ndí, bíŋ bísɛ, biíg dí byɔ cíŋ nɛ́ ɓam, li kele la ŋguu nyí nyɔ́ a díŋɛ́ ɓɛ́hɛ.

Elōg-Kɔlínto 1 16:14

ɓɔŋán byóōm bísɛ átē a ediŋ.

Elōg-Kɔlínto 1 5:7

Ɓógtánɛ aɓé nyú á lɛ́ átē wāná, nyú á lɛ́ kaa ǹdunɛ a esaŋɛ, á li ɓɛ́ lí ɓot bí péná kaa fláwa nyí ŋgíla esaŋɛ, átɔm nɛ́ ɓɛ́nɛ-mɛ̄n miní lɛ́ ŋgíla esaŋɛ. Kasig Nyɔ́-a-Pɔ́hlɛ, nyɔ́ a lɛ̄ mɔ́ɔ̄n ntómbɛ́ wāhá a ŋgand Páska a tíéɓɛ́ kaa nsúlé,

Elōg-Kɔlínto 2 2:14

Mitamlan la Ɔlolómɛ̄ nyɔ́ a lɛ nɛ́, li loole la Nyɔ́-a-Pɔ́hlɛ, a tɛ́ɛ́ ɓɛ́hɛ ɔ́sū eceg ɛ́sɛ á lí níŋgɛ lí ɓɛ́hɛ á mísophɛ mí ésīmo yɛ́ɛ́. Nyɛ́ ki nɛ́, li loole la ɓɛ́hɛ, a ŋga mwɛ́h líbīndɛ lí ŋga ɓɔ̄ŋ nɛ́ bí yí nyɛ́ voóm sig.

Elōg-Kɔlínto 2 2:15

Ákaa ɛsɛ̄, ányúū Ɔlolómɛ̄, bi lɛ̄ nziŋ eláám nyí Nyɔ́-a-Pɔ́hlɛ, ɛ́ ɓɛ́ ányúū ɓot bí lɛ́ á nzen nyí lisuŋga, tɔ ɓá bí ŋga kɛ́ á njáŋgá.

Elōg-Kɔlínto 2 8:9

La mbálɛ, miníg yí elɔ́ŋgɔ m̀mím yé Ɛtáŋɛ wahá Yésus Kilístus, nyɔ́ a lɛ nɛ́, átē a abyaŋ wɛ́ɛ́, a yáanɛ́ nyɛ́-mɛ̄n ŋ̀yɛ́ɛ́yɛ́ɛ ányúū yāná, nɛ́ ndí la liyɛ́ɛ́ jɛ́ɛ́ a byāŋɓɛ́ ɓɛ́nɛ.

Elōg-Gálátia 1:4

nyɛ́ Yésus a tí nyɛ́-mɛ̄n ányúū miɓé máhá á lí ɓɔŋ nɛ́ a sūŋ ɓɛ́hɛ á míɓē mí ŋkɔŋ-á-sí, li oŋle la nsom á Ɔlolómɛ̄ Etāa wahá.

Elōg-Gálátia 2:20

Mag niŋ, ndí ah mā-mɛ̄n ɓé nyɔ́ŋ, Kilístus nɛ́ a ŋga nīŋ átē wama, átɔm nɛ́, eniŋ yáma yé lɛ̄n, yé líɓɛ́ɛg lí mut-a-binam, mag niŋ yɔ́ átē a ŋyéɓé la Mɔɔ́n Ɔlolómɛ̄ nyɔ́ a dīŋ ma, ɔ wú ányúū yáma.

Elōg-Éféso 1:4

Átē a ediŋ yɛ́ɛ́, a dúgú ɓɛ́hɛ li pɔhɔ sɔ́kágánɛ́ ŋkɔŋ-á-sí ág vegɓɛ, nɛ́ bi átán la Nyɔ́-a-Pɔ́hlɛ, la nɛ́ bi ɓɛ́ ɓápūán, ŋgíla ɔnɛ́g ɔ́sū vɛ́ɛ́.

Elōg-Éféso 3:17

la ki nɛ́, átē a ŋyéɓé, Nyɔ́-a-Pɔ́hlɛ a tɔ́ɔ́ á mimím máná, nɛ́ ndí miní tɔ̄ɓéné átē á ediŋ, miní ólɓéné múŋ.

Elōg-Éféso 3:19

Miníg kɛ li yí lí yé ɛ́ lɛ́ édiŋ ɛ́ Nyɔ́-a-Pɔ́hlɛ, yé ɛ́ ŋga lóo biyí bísɛ, á lí ɓɔŋ nɛ́ miní kúh miɓɛɛŋ mí Ɔlolómɛ̄ la ki nɛ́ nyɛ́ Ɔ́lolómɛ̄ a yál átē wāná.

Elōg-Éféso 4:15

Ndí, kí biíg laglan mbálɛ átē á ediŋ, biíg kɛ li ólo á mam mísɛ, li kɛ ɔ́sū ví Nyɔ́-a-Pɔ́hlɛ, nyɔ́ a lɛ̄ m̀mú.

Elōg-Éféso 4:2

Ɓɛ́án la esuhɛ-nyuú, ewú-m̀mím la eɔ́hánɛ, miní yéɓyán ɓɛ́nɛ la ɓɛ́nɛ átē á ediŋ.

Elōg-Éféso 5:15

Nyɔŋán lítāt la eniŋ yáná. Miníh ɓɔŋɔ́g ɓé kaa bijóŋ bí ɓot, ndí ɓɔŋán kaa ɓot bí byɛ́ɛ̄ peg,

Elōg-Éféso 5:25

Á ɓálōm, diŋán ɓaá ɓáná ákaa Nyɔ́-a-Pɔ́hlɛ a dīŋ Éɓasɛ, nɛ́-tɛ́ɛ ɔ tí eniŋ yɛ́ɛ́ ányúū yɔ́,

Elōg-Fílípi 4:18

Mi byɛ́ɛ́ yé ɛ́sɛ ɛ́ ŋga sōmlɛ á mɔ máná, mi byɛ́ɛ́ yágá ki li loo náŋ. Mi kɔlánɛ̄ nyí vɔ́ŋɔ́ɔ Epafolodítɛ a sɔ́la ma yé maná ómlé ma, yɔ́ nɛ́ ɛ́ lɛ́ kaa libíndɛ lí byɛ̄ɛ́ nziŋ m̀ɓɛɛŋ la kaa nsúlé nyú Ɔlolómɛ̄ a lɛ́gle la nyú á ŋga nyɛ́ɛle nyɛ́.

Elōg-Kólóso 3:14

Ndí, ákaa jam li ɔsú, ɓɛ́án la ediŋ átē wāná, átɔm nɛ́ yɔ́ nɛ́ ɛ lɛ́ taŋ ŋ̀atanɛ́.

Elōg-Tésaloníka 1 4:9

Nyí vɔ́ŋɔ́ɔ, á yé ɛ́ ŋga légɓe ediŋ línyaŋ, miníh byɛ́ɛ́ ɓé kóó nɛ bí cíilé ɓɛ́nɛ ányúū náŋ, átɔm nɛ́ Ɔlolómɛ̄ nyɛ́-mɛ̄n a yéglɛ́ ɓɛ́nɛ kaa maná nyɛɛ́ lí diŋan ɓɛ́nɛ la ɓɛ́nɛ.

Timotéo 1 2:6

nyɛ́ nɛ́ a tí eniŋ yɛ́ɛ́ ákaa eɓeeka á lí suŋ lí ɓot bísɛ. Nyíŋ mbóŋ nɛ ɛ tíéɓɛ́ɛ á eceg Ɔlolómɛ̄ a tɛ́ɛ́yɛ́ɛ.

Timotéo 1 4:12

Mut tɔ wa ah yaŋlág ɓé líɓɛ́ɛg jɔ́ɔ lí ɔ́wāndá, ndí wa, ɓɛ́ já ndembye ányúū ɓayéɓe á bíɓaŋgá byɔ́ɔ, á míɓɔŋɔg mɔ́ɔ, á édiŋ yɔ́ɔ, á ŋyéɓé wɔ́ɔ la á líɓɛ́ɛg jɔ́ɔ lí mípūū.

Títo 2:14

Nyɛ́-mɛ̄n nɛ́ a tí éniŋ yɛ́ɛ́ ányúū yāhá, ányúū li kɔpɔ lí ɓɛ́hɛ á míɓē máhá mísɛ, la li púɛ lí ɓɛ́hɛ nɛ́ bi ɓɛ́ lílōm jɛ́ɛ́ la nɛ́ bi ɓɛ́la akwáá á lí ɓɔŋ lí mísɔ̄n mí m̀ɓɛɛŋ.

Elōg-Hébɛl 8:3

Joó nɛ ǹtíi-nsúlé ǹcɛ́ŋ a tɛ́ɛ́ɓɛ́ ányúū li tíi lí míkaale la misúlé, jɔ́ nɛ́, ɛ́ lɛ́ nsɛ́ŋ nɛ́ nyɛ́g a ɓɛ́la puh jam a ŋga tíi.

Elōg-Hébɛl 9:14

Kíyáɓɛ́nɛ náŋ a ɓɛ́ɛ́ mbálɛ, ɛbuu-la-ŋgele yáŋvéé hɔ́ la micii mí Yésus Kilístus é? Nyɔ́ a lɛ nɛ́, la m̀búl á éɓem, a súlé nyɛ́-mɛ̄n Ɔlolómɛ̄ kaa tít ŋgíla ɔnɛ́g nyí ɓá sɛ́m cíŋ. Micii mɛ́ɛ́ míg kɛ li púɛ lí míɔ̄ŋɔ máhá mí má lɔɓé la miɓɔŋɔg mí mí ŋga óm ɓɛ́hɛ á nyɛmb. La náŋ, biíg kɛ li la lí lí sále lí Ɔ́lolómɛ̄ Loó lí éniŋ.

Elōg-Hébɛl 9:23

Kí yá ɓɛ́ hɔ́ nɛ bíg púɛ bidíŋgɛ́-díŋgɛ bí mam mí lɛ́ á lōó la nyíŋ nyaa míɓɔŋɔg, ɛnɛ ɛ́ lɛ́ nsɛ́ŋ nɛ titih-ɛ́-mam ɛ́ lɛ́ á lōó yɔ́-mɛ̄n yá nyɛɛ́ lí púú la misúlé mí má loohán lí ɓɛ́ lí bílɔ̄ŋgɔ li loo lí mí mí bídīŋgɛ́-díŋgɛ.

Elōg-Hébɛl 9:26

Kí ɓɔ̄ŋ nɛ́ ɛ́ loolog náŋ, kí a táka ŋgéle ŋgandag li ɓotle á mívegɓɛ mí ŋkɔŋ-á-sí. Á mbálɛ, nyí vɔ́ŋɔ́ɔ á mí misúg mí bí bíceg, Yésus Kilístus a ɛ́ni ŋgéle ya ányúū yɔ́ ɛ́sɛ, á lí manɛ lí áɓē eceg a tíéé nyɛ́-mɛ̄n kaa nsúlé.

Pétlos 1 4:8

Ákaa jam lí ɔ́sū, ediŋ yá nyɛɛ lí ɓɛ́ á póla yaná eceg sig, átɔm nɛ́ ediŋ ɛ́g bútyɛ ɔ́bul ví míɓē.

Yohánɛs 1 3:16

Ndembye ediŋ bi byɛ́ɛ̄ nyí lɛn ɛ lɛ nɛ́, nyɛ́ Yésus a tí éniŋ yɛ́ɛ́ ányúū yāhá, ɓɛ́hɛ ki, ɓaá nyɛ́ɛ lí tíi lí éniŋ yáhá ányúū elōgyāŋ yáhá.

Yohánɛs 1 3:23

Mbéndá yɛ́ɛ̄ nyí nɛ́: bi ɓɛ́la ŋyéɓé la Mɔ́ɔ̄n wɛ́ɛ̄ Yésus Kilístus, bi díŋán ki ɓɛ́hɛ la ɓɛ́hɛ, ákaa mbéndá nyí Nyɔ́-a-Pɔ́hlɛ ɛ ŋga lága ɓɛ́hɛ.

Biyɛ́ɛ́léné 1:5

la Yésus Kilístus ki, ǹtíi mbóŋ Ɔlolómɛ̄ á nyaa ɛ tɛ́ɛ́, mut ɔsú nɛ a páhyé á póla ɓá ɓá wū la ŋ̀kanʼyɛ káísa yí ŋkɔŋ-á-sí Kilístus a lɛ nyɔ́ a ŋga diŋ ɓɛ́hɛ, nyɔ́ a ɓógtɛ́ ɓɛ́hɛ á áɓē wáhá li kele la micii mɛ́ɛ́,

Biyɛ́ɛ́léné 5:9

Bí ŋgí lɔ́ŋgɛ ŋgoso péná nɛ: «Ɔ kɔ́ɔ́ li lɛ́gle lí kálati la li kɔpɔ lí bíɓátan bí ndembye byɛ́ɛ́; ányúū nɛ ɓá sɛ́m wa líbīt, bú tí wa ákaa nsúlé; ányúū Ɔlolómɛ̄, wu sóm la micii mɔ́ɔ, ɓot bí jóō nɛ bikombo, bí jóō nɛ lilóm, bí jóō nɛ lilómɛ la ɓá bí mípɔ̄t mísɛ.