Elōg-Éféso 4:5 - Esaa-líat ɛ́ péná

⁵ Nyɔ́ŋ-Ɛsáŋɛ́ a lɛ wa, ŋyéɓé wú ɓɛ́ wá, nzoɓan ya,

Elōg-Éféso 4:5 ပူးပေါင်းရင်းမြစ်များ

Matéus 28:19

Kɛnán á mílōm mísɛ, miní yáanɛ́ ɓot ɓayége ɓáma. Tíán ɓɔ́ nzóɓan á jóō lí Ɛ́sāŋɛ́, la Mɔɔ́n, la M̀búl Mpúán.

Misɔ́n mí Ɓáōmɓɛ 10:36

A ómlé ɓɔ́ɔ̄n bí Íslāɛl njɛn wɛ́ɛ́, wɔ́ nɛ́ á lɛ́ Pɔ́l M̀ɓɛɛŋ nyí nsaŋ li kele la Yésus Kilístus, Nyɔ́ŋ-Ɛsáŋɛ́ a ɓot bísɛ.

Misɔ́n mí Ɓáōmɓɛ 2:36

Ɓɛ́nɛ lilóm lí Íslāɛl lísɛ, maná nyɛ́ɛ li yí la mbálɛ nɛ́, nyɔ́ Yésus maná tomó á mbásá, Ɔlolómɛ̄ a ɓɔ̄ŋ nɛ a ɓɛ́ Nyɔ́ŋ-Ɛsáŋɛ́ la Nyɔ́-a-Pɔ́hlɛ.»

Elōg-Lóma 3:30

ányúū nɛ Ɔlolómɛ̄ a lɛ jā wa. Nyɛ́ nɛ́ a ŋga kɛ́ li tɛ́ɛ́yɛ lí Élōg-Yúda sim, nlemlem ki la ɓá bí sē ɓé ɓɔ́ɔ̄n bí Élōg-Yúda li kele la ŋyéɓé bí byɛ́ɛ̄.

Elōg-Kɔlínto 1 1:13

Ɓaá, Nyɔ́-a-Pɔ́hlɛ a káaɓɛ é? Ɓaá, Póol nɛ́ a tōmlɛ́ á mbásá ányúū yáná é? Ɓaá, á jóō lí Póol nɛ́ maná kūh nzóɓan é?

Elōg-Kɔlínto 1 1:2

Mag ciile Eɓasɛ Ɔ́lolómɛ̄ yé ɛ́ lɛ́ á tísɔn Kɔlínto, yé ɛ́ byɛ́ɛ̄ ndog-Ɔlolómɛ̄ nyí ya yáŋlɛ á lí ɓɛ́ lí ɓápūán li loole la Yésus Kilístus, nlemlem ki la ɓot bísɛ bí ŋga lónle Ɛtáŋɛ wahá Yésus Kilístus voóm sig, nyɔ́ a lɛ Ɛtáŋɛ waɓá ndí la ɛwahá ki.

Elōg-Kɔlínto 1 12:13

Á mbálɛ, ɓɛ́hɛ bísɛ ɓaá kūh nzoɓan átē a pɔ̄m M̀búl á lí ɓɛ́ lí pɔ̄m nyúū, ɛ́ ɓɛ́ ɓɔɔ́n bí Élōg-Yúda, tɔ nɛ́ ɓá bí Élōg-Gelékia, ɛ́ ɓɛ́ miyɔ́ŋ tɔ kundɛ-ɓōt, ɓɛ́hɛ bísɛ, nyíŋ pɔ̄m la nlemlem á M̀búl nɛ ya manɛ́ evéhé yáhá.

Elōg-Kɔlínto 1 12:5

Misɔ́n mí lɛ́ nyaa ndí nyaa, ndí mɔ́mísɛ mí lɛ́ ja ányúū lí ɓɔŋle lí nlemlem á Ɛ́tāŋɛ.

Elōg-Kɔlínto 1 8:6

Ndí ányúū yāhá Loó a lɛ̄ wāhwa, nyɛ́ nɛ́ a lɛ́ Etāa, mam mísɛ míg sɔ́le la nyɛ́, ɓɛ́hɛ bísɛ ki biíg kɛ á yóg yɛ́ɛ̄. Nyɔ́ŋ-Ɛsáŋɛ́ ki a lɛ jā wāhwa, nyɛ́ nɛ́ a lɛ Yésus Kilístus, la nyɛ́ nɛ́ mam mísɛ má vēgɓɛ, la nyɛ́ ki nɛ́ ɓɛ́hɛ bísɛ bi lɛ́ á éniŋ.

Elōg-Kɔlínto 2 11:4

Ákaa ɛ́sɛ, mut a ŋga dúgú lí sɔ́ á lí lɛgɛ lí ɓɛ́nɛ Yésus ntám amáh sig nyɔ́ ɓaá lɛgɛ́ ɓɛ́nɛ, tɔ nɛ́ maná lɛ́glé éyī etám yé ɛ́ lɛ́ mveŋghanɛ́ la yé maná kuh, tɔ nɛ́ Pɔ́l M̀ɓɛɛŋ etám, amáh sig nyí maná lɛ́gle, miníg ógle nyɔ́ŋ mut m̀ɓɛɛŋ ŋgandag.

Elōg-Gálátia 5:6

Ányúū nɛ́, tɔ nzáá a áat la Kilístus, a ɓɛ́ ŋ̀kwɛ́ɓɛ́gɛ tɔ nɛ́ epɔ, náŋ ah byɛ́ɛ́ ɓé nsɛ́ŋ tɔ wá, ndí, li étɛ lí édiŋ ɛ́ ŋga sɔ́le á ŋyéɓé nɛ lí lɛ́ nsɛ́ŋ.

Elōg-Éféso 4:13

Náŋ la náŋ nɛ́-tɛ́ɛ, ɓɛ́hɛ bísɛ elɔŋ ɓaá yáan mut wa átē a ŋyéɓé la á lí yí lí Mɔ́ɔ̄n Ɔ́lolómɛ̄, ɓaá ólo, ɓā pám á ntɛ́l á Nyɔ́-a-Pɔ́hlɛ á líɓɛ́ɛg jɛ́ɛ́ lísɛ.

Elōg-Fílípi 2:11

la ki nɛ́, á lípēm lí Etāa Ɔlolómɛ̄, ɔlémb sig ví páhá nɛ́: «Yésus Kilístus nɛ́ a lɛ Nyɔ́ŋ-Ɛsáŋɛ́.»

Elōg-Fílípi 3:8

Ɔɔ, mag ɛ́n mam mísɛ yɛmɛ́ ányúū nɛ, li yí lí Yésus Kilístus Ɛtáŋɛ wama lá loohán lí ɓɛ́ lí élɔ́ŋgɔ jam. Ányúū yɛ́ɛ̄, ma ɓɔ́lán mam mísɛ, ndí mag ɛ́n jā mɔ́ mísɛ kaa bináán á lí ɓɔŋ nɛ́ mi tómbánɛ Nyɔ́-a-Pɔ́hlɛ,

Títo 1:1

Ma Póol, m̀ɓɔŋle a Ɔlolómɛ̄, mi lɛ ŋ̀ómɓɛ a Yésus Kilístus á lí wɛɛla lí ɓot Ɔlolómɛ̄ a pɔ́hɔ nɛ́ bí ɓɛ́la ŋyéɓé, nɛ́ mi yíhɛ́ ɓɔ́ mbálɛ, nɛ́ ndí bí tiŋɓé la Ɔlolómɛ̄,

Títo 1:4

Wa hɔ́ nɛ mi ŋga cíile á Títo, taŋ yama mɔɔ́n átē a ŋyéɓé nyú wá at ɓɛ́hɛ. Ɔlolómɛ̄ Etāa la Yésus Kilístus Ǹsuŋ wahá bí lómbó wa, bí tí ki wā nsaŋ.

Elōg-Hébɛl 13:7

Ɔ́ŋlán ɓáwɛɛla-ɓɛ́nɛ, ɓɔ́ ɓot ɓá lɛgɛ́ ɓɛ́nɛ eɓaŋgá yé Ɔ́lolómɛ̄, léɓyán kaa eniŋ yáɓá yá súg, miní ɓɛ́la ŋyéɓé ákaa ɓɔ́.

Elōg-Hébɛl 6:6

ndí tɔ la náŋ, bú tímān sīg-pɛ á míɓɔŋɔg máɓá mí kwaŋ. Bí ŋgá kɛ ɓé lí la lí lí veŋe lí bílɛ̄m byáɓá ŋgele ya yáhɛ́ ɛ́ɓáa, la mbálɛ ɓɔ́ bíg tomo sīg-pɛ Mɔɔ́n Ɔ́lolómɛ̄ á mbásá la li mwahɛ nɛ́ ɓot bí óŋó nyɛ́ á ntélélé.

Yákop 2:18

Ndí, mut ag kɛ li laga nɛ́: «Wa ɔ byɛ́ɛ́ ŋyéɓé, mág mag ɓɔŋ misɔ́n. Étɛ́ sig mā nyúŋ ŋyéɓé wɔ́ɔ á ŋgíla misɔ́n, má, mag kɛ wa lí étɛ la misɔ́n máma nɛ́ mi byɛ́ɛ́ ŋyéɓé.»

Pétlos 1 3:21

Mɔ́ nɛ́ mi ɓɛ́ɛ́ ndembye nyí nzoɓan nyí ɛ ŋga sūŋ ɓɛ́nɛ nyí lɛn, nyí ɛ ŋgá púɛ ɓé mbindo nyí nyúū, ndí nyí ɛ lɛ́ bisúghɛ́nɛ́ bí mut a byɛɛ́ miɔ́ŋɔ miláám á lí oŋ lí Ɔlolómɛ̄. Nyíŋ nzoɓan nɛ́ ɛ ŋga sūŋ ɓɛ́nɛ li kele la lipahye lí Yésus Kilístus,

Pétlos 2 1:1

Ma Símɔn Pétlos, m̀ɓɔŋle la ŋ̀ómɓɛ á Yésus Kilístus, mag ciile ɓɛ́nɛ ɓáŋ bísɛ maná kuh taŋ ŋyéɓé kaa ɛwáhá, li kele la etɛ́l-sim yé Yésus Kilístus nyɔ́ a lɛ Ɔlolómɛ̄ la Ǹsuŋ wahá.

Yúde 1:20

Ndí ɓɛ́nɛ á ɓá-bí-édiŋ, miní óŋlé éniŋ yáná á ŋyéɓé wáná nyú wá loohán lí ɓɛ́ lí mpúán, kánhánɛ la ŋguu nyí M̀búl Mpúán.

Yúde 1:3

Á ɓá-bí-édiŋ, mi ɓɛ́ɛ́la evéhé écɛ̄ŋ yé lí ciile lí ɓɛ́nɛ likɔlɓan la lisuŋga jé lí lɛ́ ányúū yāhá ɓɛ́hɛ bísɛ, ndí ma tímān jā lí ɛ́ní lí ŋ̀yághānɛ́ á lí ciile lí ɓɛ́nɛ nɛ́ ndí miní kuh mikúndá á lí du lí éɓāndá ányúū mam mí ŋyéɓé mí mí tíéɓɛ́ɛ ndog-Ɔlolómɛ̄ ŋgele ya ányúū yɔ́ ɛ́sɛ.