Elōg-Éféso 4:18 - Esaa-líat ɛ́ péná

¹⁸ Miɔ́ŋɔ máɓá mí lɛ́ á lívito, eniŋ Ɔ́lolómɛ̄ yú ɓɛ́ ɓɔ́ ǹcɛn, elet-m̀mím yáɓá yú yáanɛ́ ɓɔ dúum.

Elōg-Éféso 4:18 ပူးပေါင်းရင်းမြစ်များ

Matéus 13:15

Átɔm nɛ́, jé lilóm lá lēt m̀mú; lá lēg miɔ́ɔ́ lú lēg miíh á lí pún nɛ́ miíh máɓá míh ɛ́nɛ́g ɓé, miɔ́ɔ́ máɓá míh ámblégé ɓé, mimím máɓá míh naŋʼyág ɓé tɔ jam, líh veŋlág ɓé ki bilɛ́m, jɔ́ nɛ́ mág máh tɔɔyɛ ma ɓɔ́ mbólí.›

Málkus 3:5

Ɛnɛ́ Yésus a légɓé ɓɔ la ɔún á miíh, liyɔ́t lú byée nyɛ, ányúū elet-m̀mím yáɓá; váŋ nɛ́ a lága nyɔ́ŋ mut nɛ́: «Sámbá énam!» La nyɛ́ ɔ sámbá énam yɛ́ɛ́, yú tɔ́ɔ̄ mbólí.

Yohánɛs 12:40

«A dím ɓɔ miíh, ɔ létɛ̄ mímīm máɓá, nɛ́ bíh ɛ́nɛ́g ɓé la miíh máɓá tɔ li sɔ́ŋtánɛ, nɛ́ bíh veŋlág ɓé bílɛ̄m byáɓá, nɛ́ ndí mā Ɔlolómɛ̄ mi tɔ́ɔ́yɛ́ ɓɔ́ mbólí!»

Misɔ́n mí Ɓáōmɓɛ 17:30

Ɛ́nán sig nɛ́, Ɔlolómɛ̄ ah nyɔŋ ɓé eceg la nyíŋ ŋgilí-sɔ́ŋtānɛ, nyí vɔ́ŋɔ́ɔ, ag lɛgɛ ɓot voóm ásɛ nɛ́ bí vēŋé bílɛ̄m.

Misɔ́n mí Ɓáōmɓɛ 3:17

Náŋ a lɛ mbálɛ, á élōgétāŋ, mag yí nɛ́ la ŋgilí yí yaná nɛ maná ɓɔ̄ŋ Yésus náŋ, nlemlem kaa ɓakanʼyɛ ɓáná.

Elōg-Lóma 1:28

Ákaa ɓáh ɛ́n ɓé nsɛ́ŋ á lí yí lí Ɔ́lolómɛ̄, Ɔlolómɛ̄ a cóó ɓɔ múŋ á éjōŋ yáɓá éyī, nɛ́ bí ɓɔ̄ŋɔ́g mam mí ɓáh nyɛɛ ɓé lí ɓɔŋ.

Elōg-Lóma 11:25

Á élōgyāŋ, mag somo ɓɛ́nɛ li yíhɛ lí ŋ̀yɛ́ɛ́lāg á mbaŋ, á lí ɓɔŋ nɛ́ miníh nyɔŋɔ́g ɓé ɓɛ́nɛ-mɛ̄n kaa ɓot bí peg. Jogo lí ɓot bí lílōm lí Íslāɛl lá pún lí sɔ́ŋtánɛ, náŋ ag kɛ li ɓemle tɛɛ míŋí mílōm mísɛ má ōŋ nzen Ɔlolómɛ̄.

Elōg-Lóma 11:7

Náŋ ag somo li laga nɛ́ yéé é? Lílōm lí Íslāɛl lísɛ láh kuh ɓé jam lí ŋga sómo, amáh sig ɓá Ɔlolómɛ̄ a pɔ́hɔ. Ɓáŋá ɓátām, ɓá ɓen lí sɔ́ŋtánɛ,

Elōg-Lóma 2:19

wa nyɔ́ ɔ lɛ mbáki li ɓɛ́ lí m̀wɛɛla ɓot bí ndím, la li ɓɛ́ lí mípūū mi ɓot bí lɛ átē a livito,

Elōg-Kɔlínto 1 1:21

Ákaa ɛ́sɛ, kasig ŋkɔŋ-á-sí li oŋle la peg yɛ́ɛ̄ wáh la ɓé li lemlene lí Ɔ́lolómɛ̄ átē a peg yɛɛ́, ányúū náŋ nɛ́ Ɔlolómɛ̄ a súgɛ́ nɛ ag suŋ ɓá bísɛ bí ŋga yéɓé la nyíŋ pɔ́l bi ŋga lɛ́gɛ, nyí ɛ lɛ̄ káa jam lí nzeg ányúū ɓot-bí-bínam.

Elōg-Kɔlínto 1 2:8

Ŋ̀kanʼyɛ tɔ wa á ɓákanʼyɛ bí nyí sí āh yí ɓé nyíŋ peg, átɔm nɛ́, kí ɓɔŋ nɛ́ bí yíig yɔ, kí ɓáh tomo ɓé Nyɔ́ŋ-Ɛsáŋɛ́ a lipém á mbásá.

Elōg-Kɔlínto 2 3:14

Ndí eyí yáɓá ɛ́ tūŋɓéé. Tɛɛla nyí lɛn, nyúŋ nlemlem á líɓato á ŋgí bútyɛ́gɛ́ ɓɔ́ míōgá eceg bí ŋga sɔ́ŋgɔ kálati yí Esaa-líat ɛ́ Kwaŋ. Kɛ́m, jéŋ liɓato líh mɓógyág ɓé, átɔm nɛ́ la Nyɔ́-a-Pɔ́hlɛ nɛ́ lí ŋga ɓógo ányúū ɓá bí ŋga kɛ́ li at la nyɛ́.

Elōg-Kɔlínto 2 4:4

ányúū ɓá bí ŋgá yéɓe ɓé, ɓá bí lɛ́ nɛ́ loó lí nyí sí lá dím éyī, nɛ́ ndí bíh ɛ́nɛ́g ɓé épaa yé Pɔ́l M̀ɓɛɛŋ nyí lípēm lí Nyɔ́-a-Pɔ́hlɛ, nyɔ́ a lɛ á édīŋgɛ́-díŋgɛ yé Ɔ́lolómɛ̄.

Elōg-Gálátia 4:8

Á kwakwáŋɛ, miní ŋgí yí ɓé Ɔlolómɛ̄, ányúū náŋ nɛ́ miní ɓɛ́ɛ́ míyɔ̄ŋ mí míloó, mí mí sē ɓé kɔɔ miloó.

Elōg-Éféso 2:1

Á élōgyāŋ, ɓɛ́nɛ ɓot miní ɓɛ́ɛ́ míwúag ányúū avuha wáná la miɓé máná miní ŋgí ɓɔŋ

Elōg-Éféso 2:12

Ɔ́ŋlán nɛ́ váŋ á yéŋ eceg, miní ŋgí yí ɓé Nyɔ́-a-Pɔ́hlɛ, ɔ́ŋlán ki nɛ́ miníh ɓɛ́ɛ́la ɓé kundɛ li tɔɔ á éti yé lílōm lí Íslāɛl, ɔ́ŋlán nɛ́ bisaa-bí-míat mí byɛ́ɛ̄ líkakanɛ Ɔlolómɛ̄ a ɓɔŋɔ́ɔ́ la ndog yɛ́ɛ̄ míh ɓɛ́ɛ́ ɓé ányúū yāná. Miní ŋgí nīŋ á ŋkɔŋ-á-sí ŋgíla lipitá la ŋgíla Ɔlolómɛ̄.

Elōg-Kólóso 1:21

Jɔ́ hɔ́ nɛ, ɓɛ́nɛ ɓá á kwakwáŋɛ miní nɛ̄ŋɓéé la Ɔ́lolómɛ̄, ɓɛ́nɛ ɓá miní ɓɛ́ɛ́ ɓálem ɓɛ́ɛ́ ányúū miɔ́ŋɔ la misɔ́n máná míɓē,

Elōg-Tésaloníka 1 4:5

ɛ́h ɓɛ́ ɓé lí mwahɛ nɛ́ kóó-míson nɛ́ ɛ́ dúg nyɛ́ ɔ́ŋgɛn ɓot bí ŋgíla ŋyéɓé, ɓɔ́ ɓot bí ŋgá yí ɓé Ɔ́lolómɛ̄.

Elōg-Hébɛl 5:2

Ag la li sɔ́ŋtánɛ lí ɓot bí ŋgá yí ɓé jam, bí ŋga kɛ́ á njáŋgá, átɔm nɛ́, nyɛ́-mɛ̄n ki a lɛ̄ ja mut-a-binam nyɔ́ a ŋga ɓɔ̄t á mam mísɛ ákaa ɓɔ́.

Elōg-Hébɛl 9:7

Ndí, á ndugá ya yáhɛ́ ɛ́ɓáa, ǹtíi-nsúlé ǹcɛ́ŋ nyɛ́-ntámɛ́ nɛ a ŋgí níŋgi átē ŋgele ya ányúū m̀bú, á lí súle lí Ɔ́lolómɛ̄ mícii mí tít ányúū avuha wɛ́ɛ́ nyɛ́-mɛ̄n la nyú á lílōm lísɛ ki, nyú ɓá vūh ŋgí lí yí.

Yákop 4:4

Á ɓot bí mpuŋgú ɓá! Ɓaá, miní ŋgá yí ɓé nɛ li tɛ́g lí líwāndá la ŋkɔŋ-á-sí lí lɛ́ lí pún lí Ɔ́lolómɛ̄ é? Tɔ nzáá a ŋga sómo li ɓɛ́ lí líwāndá lí ŋkɔŋ-á-sí, ag yaan hɔ́ ǹlem a Ɔlolómɛ̄.

Pétlos 1 1:14

Kasig miní lɛ́ ɓɔ́ɔ̄n bí éōgle, miníh tiŋɓégé ɓé á kóó-ēɓé yáná yí éceg ɛ́ kwaŋ, eceg miní ɓɛ́ɛ́ ŋgí li yí lí jam.

Yohánɛs 1 2:11

Ndí tɔ nzáá a ŋga síŋgɛ mɔɔ́nyāŋ a lɛ átē á livito, ag wɛɛhɛnɛ ki átē á livito, a ŋgá yí ɓé ápah a ŋga kɛ́, ányúū nɛ livito lá dím nyɛ miíh.