Elōg-Éféso 4:1 - Esaa-líat ɛ́ péná

¹ Á élōgyāŋ, ma Póol mi lɛ á m̀ɓog á jóō lí Nyɔ́ŋ-Ɛsáŋɛ́. Mag ɓéhyɛ ɓɛ́nɛ nɛ́, miní niŋ ákaa ɛ́ ŋga sōmlɛ li oŋle la ŋyáŋlán maná kuh.

Elōg-Éféso 4:1 ပူးပေါင်းရင်းမြစ်များ

Misɔ́n mí Ɓáōmɓɛ 9:31

Eɓasɛ ɛ́sɛ váŋ á yéŋ eceg ɛ́ ɓɛ́ɛ́ átē á nsaŋ, á Yúdēa, á Galiléa, á Samália. Ɛ́ ŋgí ólo, ɛ́g wɛɛhɛnɛ ki á sí woŋ á Nyɔ́ŋ-Ɛsáŋɛ́, ɛ́ ŋgí kondye li náŋ la ŋguu M̀búl Mpúán.

Elōg-Lóma 11:29

La mbálɛ, Ɔlolómɛ̄ a ŋgá nyɔŋ ɓé pɛ yé a mān lí tíi, ndí tɔ li veŋe lí míɔ̄ŋɔ ányúū ɓá a mān lí yáŋa.

Elōg-Lóma 12:1

Á élōgyāŋ, kasig Ɔlolómɛ̄ a ŋga kɔnle ɓɛ́hɛ ŋgɔ́ɔ́, mag sɔ́hye hɔ́ ɓɛ́nɛ nɛ́: miní tí nyɛ́ ɓɛ́nɛ-mɛ̄n kaa byoóm bí nsúlé. Li ɓotle vɔ́ŋɔ́ɔ miníg ógle nyɛ́, miníg ɓɛ́ jā ɛ́ɓɛ̄ɛ̄ la li ɓɔŋ lí yé ɛ́ ŋga nyɛ́ɛle nyɛ́. Nyíŋ patí li ɓégɛ lí nyɛ nɛ ɛ kɔɔ́.

Elōg-Kɔlínto 1 4:16

Mag sɔ́hye hɔ́ ɓɛ́nɛ nɛ́ miní nīŋ kaa mi ŋga nīŋ.

Elōg-Kɔlínto 2 10:1

Á élōgyāŋ, mā-mɛ̄n Póol, ányúū elɔ́ŋgɔ la ewú-m̀mím yé Nyɔ́-a-Pɔ́hlɛ nɛ́ mi ŋga sɔ́hye nɛ́ miní ámblé mā. Mā mut ɛ́ ŋga lāglɛ nɛ́ mi lɛ éɓɔ̄l eceg mi lɛ̄ ɔ́sū váná, ndí mu ɓɛ́ élōh eceg mi lɛ énɛŋɛ́ la ɓɛ́nɛ.

Elōg-Kɔlínto 2 5:20

Á jóō lí Nyɔ́-a-Pɔ́hlɛ hɔ́ nɛ̄ bi lɛ̄ ɓápɔ́tle. Á mbálɛ, li loole la ɓɛ́hɛ nɛ́ Ɔ́lolómɛ̄ nyɛ́-mɛ̄n a ŋga yáŋá ɓɛ́nɛ. Á jóō lí Nyɔ́-a-Pɔ́hlɛ, biíg sɔ́hye ɓɛ́nɛ nɛ́ miní yéɓé lí sáŋglan la Ɔlolómɛ̄.

Elōg-Kɔlínto 2 6:1

Á élōgyāŋ, kasig bi ŋga sál élɔŋ la Ɔlolómɛ̄, biíg sɔ́hye ɓɛ́nɛ nɛ́ miníh yaanɛ́gɛ́ ɓé likaale lí Ɔlolómɛ̄ maná kuh ákaa yɛmɛ́ jām.

Elōg-Gálátia 4:12

Á élōgyāŋ, mag sɔ́hyé ɓɛ́nɛ nɛ́, miní ɓɛ́ kaa ma, kasig ma yáan kaa ɓɛ́nɛ. Manáh ɓɔŋ ɓé ma jam liɓé tɔ já.

Elōg-Éféso 2:10

átɔm nɛ́ Ɔlolómɛ̄ nɛ a ōŋgɛ́ ɓɛ́hɛ, nyɛ́ nɛ́ a vēg ɓɛ́hɛ nɛ́ bi nīŋ á ŋ̀atanɛ́ la Yésus Kilístus, ányúū li yáhɛ lí mísɔ̄n mí m̀ɓɛɛŋ nyɛ́ Ɔ́lolómɛ̄ a ɓōŋhán ɓɛ́hɛ á ɔ́sū ví éceg.

Elōg-Éféso 3:1

Á élōgyāŋ, ma Póol, á jóō lí Yésus Kilístus, mi lɛ á m̀ɓog ányúū ɓɛ́nɛ ɓot miní sē ɓé ɓɔ́ɔ̄n bí Élōg-Yúda.

Elōg-Éféso 4:17

Á élōgyāŋ, jam mi ŋga lága la li yīgyɛ lí ɓɛ́nɛ á jóō lí Nyɔ́ŋ-Ɛsáŋɛ́ jɔ́ jé nɛ́: Miníh niŋíg ɓé pɛ kaa ɓot bí ŋgí yí ɓé Ɔ́lolómɛ̄, ɓá bí byɛ́ɛ̄ éyī ɛ́ ŋgíla eɓáha.

Elōg-Éféso 4:4

Nyuú ɛ lɛ́ ja ya, M̀búl ki wú ɓɛ́ wá, náŋ ki nɛ́ maná yáŋlɛ́ á lí ɓɛ́la lí lípitá já,

Elōg-Éféso 5:2

Niŋán átē á ediŋ kaa Nyɔ́-a-Pɔ́hlɛ a dīŋ ɓɛ́hɛ, la nyɛ́ ɔ tí nyɛ́-mɛ̄n Ɔlolómɛ̄ kaa likaale la nsúlé ányúū yāhá, nyúŋ nsúlé á byɛ́ɛ́ élɔ́ŋgɔ nziŋ ɛ́ ŋga nyɛ́ɛle Ɔlolómɛ̄.

Elōg-Fílípi 1:27

Á élōgyāŋ, niŋán ákaa ɛ́ ŋga sōmlɛ li oŋle la Pɔ́l M̀ɓɛɛŋ nyí Nyɔ́-a-Pɔ́hlɛ, á lí ɓɔ́ŋ nɛ́, ma sɔ́ ɓɛ́nɛ li ɛ́n tɔ māh sɔ́ ɓé ma, mi ámblé pɔ́l yāná nɛ maná tiŋɓé á lí ɓɛ́la lí míɔ̄ŋɔ má, mi ámblé ki nɛ́, la m̀mím wá nɛ miní ŋga dū eɓándá ányúū ŋyéɓé a ŋga sɔ́léne á Pɔ́l M̀ɓɛɛŋ.

Elōg-Fílípi 3:14

Jɔ́ nɛ́ mi ŋga nāŋga m̀bíí nɛ́ mi pám á lísūg lí nlee, á lí tombanɛ lí nsála nyú á ŋga sɔ́le á ŋyáŋlán á lɛ́ nɛ Ɔlolómɛ̄ a yáŋléné ɓɛ́hɛ á lōó á ŋ̀atanɛ́ wāhá la Yésus Kilístus.

Elōg-Kólóso 1:10

nɛ́ ndí miní niŋ á nyaa ɛ tɛ́ɛ́ ɔ́sū ví Nyɔ́ŋ-Ɛsáŋɛ́, miní ɓɔŋ yé ɛ́ ŋga nyɛ́ɛle nyɛ́ eceg sig. La ki nɛ́ misɔ́n máná mí m̀ɓɛɛŋ mí úm mitám, la nɛ́ miní kóndyé lí yí lí Ɔ́lolómɛ̄ m̀ɓɛɛŋ m̀ɓɛɛŋ.

Elōg-Kólóso 2:6

Kasig maná lɛ́glé Yésus Kilístus Nyɔ́ŋ-Ɛsáŋɛ́, wɛán élɔŋ la nyɛ́.

Elōg-Kólóso 4:12

Epafálas nyɔ́ a lɛ mɔ́ɔ̄n wāná nyɛ́g ag tama ɓɛ́nɛ. A lɛ m̀ɓɔŋle a Yésus Kilístus, ag du eceg ɛ́sɛ ányúū yāná átē a mikánɛ, á lí ɓɔŋ nɛ́ miníh yɔŋɓág ɓé, miní ɓɛ́ miólɓāg, miní yéɓé ki li ɓɔŋ lí nsom á Ɔ́lolómɛ̄ ásɛ.

Elōg-Tésaloníka 1 2:12

Ɓaá éélé ɓɛ́nɛ, bu létɛ́ ɓɛ́nɛ nyúū, bu lóohán ɓɛ́nɛ li sɔ́hye nɛ́ miní nīŋ ákaa Ɔlolómɛ̄ a ŋga sómo, nyɛ́ mut a yáŋá ɓɛ́nɛ á lí ɓɛ́la lí joga á Ékombo yɛ́ɛ́ la á lípēm jɛ́ɛ́.

Elōg-Tésaloníka 2 1:11

Ányúū náŋ nɛ́ bi ŋga kánɛ eceg ɛ́sɛ ányúū yáná, nɛ́ ndí Ɔlolómɛ̄ Loó jáhá a ɛ́n nɛ́ miní ɓɛ́ɛ́ miní kɔ́ɔ́ la ŋyáŋlán wɛ́ɛ́, nɛ́ ndí li kele la ŋguu yɛ́ɛ̄, a óŋgánɛ́ ɓɛ́nɛ li ɓɔŋ lí m̀ɓɛɛŋ ásɛ miní byɛ́ɛ̄ kóó, a ɓɔ̄ŋ ki nɛ́ ŋyéɓé wáná á ɛ́ní á mísɔ̄n.

Timotéo 2 1:9

nyɔ́ a sūŋ ɓɛ́hɛ, nyɔ́ a yáŋá ɓɛ́hɛ la ŋyáŋlán mpúán, ɔ yáŋá ɓɛ́hɛ ah ányúū misɔ́n máhá ɓé, ndí ányúū peg yɛɛ́ a vúl la elɔ́ŋgɔ yɛ́ɛ́ m̀mím. A étɛ́ ɓɛ́hɛ yéŋ elɔ́ŋgɔ yɛ́ɛ́ m̀mím yɔŋ ɔ́sū ví éceg li kele la Yésus Kilístus.

Títo 2:10

tɔ li yííle lí ɓɔ. Ndí, á tɔ yɔɔ́yɔ́ɔ eceg, mí étɛ́ nɛ́ míg ógle ɓɛɛ́n ɓáɓá m̀ɓɛɛŋ ŋgandag, ányúū lí tíi lí ádit á mam mísɛ mí Ɔ́lolómɛ̄ Ǹsuŋ wahá bí ŋga yéglɛ ɓɔ́.

Elōg-Hébɛl 13:21

Nyɔ́ŋ Ɔlolómɛ̄ a óŋgānɛ́ ɓɛ́nɛ li ɓɔŋ lí yé ɛ́sɛ ɛ́ lɛ́ m̀ɓɛɛŋ, á lí yáhɛ lí nsom wɛ́ɛ́. A ɓɔŋ nɛ́ bi ɓɛ́ á nyaa ɛ ŋga nyɛ́ɛle nyɛ́, li kele la Yésus Kilístus, nyɔ́ a byɛɛ́ lípēm á éɓem la á éɓem. Ɛ́ ɓɛ́ náŋ!

Elōg-Hébɛl 3:1

La náŋ hɔ́ á élōgyāŋ, ɓɛ́hɛ ɓá bi lɛ̄ ndog-Ɔlolómɛ̄, nyí ya yéɓé ŋyáŋlán wɛ́ɛ́, miní légɓé Yésus. Ɔlolómɛ̄ a óm nyɛ́ nɛ́ a ɓɛ́ ɓɛ́hɛ ǹtíi-nsúlé ǹcɛ́ŋ, La nyɛ́ nɛ́ bi ŋga yéɓé.

Pétlos 1 2:11

Á élōgyāŋ yé ediŋ, mag sɔ́hye ɓɛ́nɛ nɛ́, ákaa ɓaloo-nzen, la ɓacɛn-bí-ɓot, miní nɛ́ŋɛ̄ la kóó-míson yí ɛ́ ŋgá dúhɛ m̀búl á mut-a-binam.

Pétlos 1 3:9

Miníh timkágánɛ́ ɓé aɓé ányúū aɓé, tɔ lióó ányúū lióó. Á mveŋghanɛ́, lómblán, átɔm nɛ́ ányúū náŋ nɛ́ maná yáŋlɛ, nɛ́ ndí miní kuh ndómbo Ɔlolómɛ̄ a kákānɛ̄ ɓɛ́nɛ.

Pétlos 1 5:10

Ɔlolómɛ̄ nyɔ́ a byɛɛ́ joó nɛ likaale, nyɔ́ a yáŋá ɓɛ́nɛ á li níŋgi á lipém jɛ́ɛ́ lí eɓem elɔŋ la Yésus Kilístus, ag kɛ ɓɛ́nɛ li tɛ́ɛ́yɛ nyɛ́-mɛ̄n ámbúh esɔghe miní ŋga kɛ́ li kuh ányúū puh éceg. Ag kɛ ɓɛ́nɛ li letɛ lí nyúū, a ólɓɛ́ ɓɛ́nɛ, a yáánɛ́ ɓɛ́nɛ ndiŋ.

Pétlos 2 1:3

Ákaa ɛ́sɛ, ŋguu Ɔlolómɛ̄ ya káalé ɓɛ́hɛ yé ɛ́sɛ ɛ́ lɛ́ nsɛ́ŋ á éniŋ, yu ɓɔ̄ŋ nɛ bi tíŋɓé la Ɔlolómɛ̄, la náŋ, ya ɓɔ̄ŋ nɛ bí yí mut a yáŋá ɓɛ́hɛ nɛ́ bi nyɔ́ŋ ŋgaan á lípēm jɛ́ɛ́ la á misɔ́n mɛ́ɛ́ mí m̀ɓɛɛŋ.

Yohánɛs 2 1:5

Nyí vɔ́ŋɔ́ɔ, á Mindígá a adit, jam mi ŋga ɔ́ŋlánɛ wa lí lɛ́ nɛ́: «Bi díŋán ɓɛ́hɛ la ɓɛ́hɛ». Nyíŋ mbéndá ɛ sē ɓé mbéndá péná nyí mi ŋga cíile wa, ndí ɛ lɛ́ jā nyí bi byɛ́ɛ̄ li ɓotle á míɓotlé.