Elōg-Éféso 3:9 - Esaa-líat ɛ́ péná

⁹ la li étɛ kaa láá Ɔlolómɛ̄ m̀veg sí la loó a ŋga yáhɛ mbaŋ nyí ɛ ɓáág ɛ sɔ́lɛ átē wɛ́ɛ̄.

Elōg-Éféso 3:9 ပူးပေါင်းရင်းမြစ်များ

Matéus 10:27

Yé ɛ́sɛ mi ŋga pɔ́t á lívito, pɔ́tán yɔ́ á ŋkam á nzámuh; yé ɛ́sɛ ki mi ŋga sɔ̄glanɛ ɓɛ́nɛ, lɛglán yɔ́ á lóō lí mínduu.

Matéus 13:35

Á ŋgí pɔ́t náŋ á lí ɓɔŋ nɛ́, yé ɛ́sɛ m̀pɔ́tle-a-Ɔlolómɛ̄ a pɔ́t ɛ́ yāl. A ŋgí laga nɛ́: «Mag kɛ li lege lí ányu á lí kanɛ lí áŋgaáŋgan. Mag kɛ li laga lí mam mí sɔ́lɛ̄ li ɓotle á ɔ́kolpáŋá.»

Matéus 25:34

Káísa ɛg kɛ li laga lí ɓá bí lɛ́ á m̀ɓɛ́nlómɛ wɛɛ́ nɛ: ‹Sɔ́án, ɓɛ́nɛ ɓá maná lómblɛ́ la Etāa, nyɔŋán Ékombo ákaa embámbá yé ɓá ɓoŋhán ɓɛ́nɛ, li ɓotle á mívegɓɛ mí ŋkɔŋ-á-sí

Matéus 28:19

Kɛnán á mílōm mísɛ, miní yáanɛ́ ɓot ɓayége ɓáma. Tíán ɓɔ́ nzóɓan á jóō lí Ɛ́sāŋɛ́, la Mɔɔ́n, la M̀búl Mpúán.

Lúkas 24:47

Á jóō jɛ́ɛ́, bíg kɛ li lɛgɛ lí Pɔ́l M̀ɓɛɛŋ, ányúū mveŋghanɛ́ a bilɛ́m la elaakɛ-miɓé á mílōm mísɛ, li ɓotle á Yélūsalɛm.

Yohánɛs 10:30

Ma la Etāa bi lɛ mut wa.»

Yohánɛs 5:17

Ndí Yésus ɔ pélē ɓɔ nɛ́: «Tɛɛla vɔ́ŋɔ́ɔ, Etāa a lɛ á nsɔ́n kaa mág mi lɛ á nsɔ́n.»

Yohánɛs 5:19

Yésus ɔ nyɔ̄ŋ sīg-pɛ mpɔ́t aá la ɓɔ́ nɛ́: «La mbálɛ-mbálɛ, mag laga ɓɛ́nɛ nɛ́, Mɔɔ́n a ŋgá la ɓé li ɓɔŋ lí jam tɔ já la nyɛ́-mɛ̄n, ndí ag ɓɔŋ ja yé a ɛ́n Ɛsáŋɛ́ ag ɓɔŋ; átɔm nɛ́ yé Ɛsáŋɛ́ a ŋga ɓɔ̄ŋ, Mɔɔ́n nyɛ́g ag ɓɔŋ yɔ́ nlemlem.

Misɔ́n mí Ɓáōmɓɛ 15:18

yí ɛ́ ŋga yílɛ li ɓotle ɓɛɛvéé›.»

Elōg-Lóma 11:25

Á élōgyāŋ, mag somo ɓɛ́nɛ li yíhɛ lí ŋ̀yɛ́ɛ́lāg á mbaŋ, á lí ɓɔŋ nɛ́ miníh nyɔŋɔ́g ɓé ɓɛ́nɛ-mɛ̄n kaa ɓot bí peg. Jogo lí ɓot bí lílōm lí Íslāɛl lá pún lí sɔ́ŋtánɛ, náŋ ag kɛ li ɓemle tɛɛ míŋí mílōm mísɛ má ōŋ nzen Ɔlolómɛ̄.

Elōg-Kɔlínto 1 2:7

Biíg camanɛ jā peg nyí Ɔlolómɛ̄, nyí ɛ lɛ̄ mbaŋ, nyí ya tíg á lísɔl, nyí ɛ lɛ̄ nɛ́ Ɔlolómɛ̄ a ɓoŋháán mimbú ndí mímbú ɔ́sū ví eceg ányúū lipém jáhá.

Elōg-Éféso 1:4

Átē a ediŋ yɛ́ɛ́, a dúgú ɓɛ́hɛ li pɔhɔ sɔ́kágánɛ́ ŋkɔŋ-á-sí ág vegɓɛ, nɛ́ bi átán la Nyɔ́-a-Pɔ́hlɛ, la nɛ́ bi ɓɛ́ ɓápūán, ŋgíla ɔnɛ́g ɔ́sū vɛ́ɛ́.

Elōg-Éféso 3:2

Kɔɔ, maná ámblé ɓot bíg pɔ́t likɔlɓan la nsɔ́n nyú á lɛ́ nɛ, Ɔlolómɛ̄ la elɔ́ŋgɔ yɛ́ɛ̄ m̀mín, a óm ma lí sál ányúū yāná nɛ́ ndí peg yɛ́ɛ̄ a vúl ɛ yáal.

Elōg-Éféso 6:19

Kánhánɛ ki ányúū yáma á lí ɓɔŋ nɛ́ Ɔlolómɛ̄ a tí ma biɓaŋgá bí kɔ́ɔ̄, bí ma nyɛ́ɛ lí lɛglene lí mbaŋ nyí Pɔ́l M̀ɓɛɛŋ la akwáá.

Elōg-Kólóso 1:23

Ndí, ɛ́g somlɛ nɛ́, li kele la ŋyéɓé, miní lēt, miní byēlɓán, miní ɓɛ́la ki ŋguu taŋ, ɛ́h ɓɛ́ ɓé ɓɛ́nɛ li mwahɛ nɛ́ jam tɔ já lí ɓógtɛ́ ɓɛ́nɛ lipitá miní byɛ́ɛ̄ la Pɔ́l M̀ɓɛɛŋ nyí maná ámble, nyí joó nɛ eveglé ɛ́ lɛ́ á sí vaŋgá yá ámble, nyí Pɔ́l M̀ɓɛɛŋ ɛ lɛ nɛ́ ma Póol ma yáan m̀ɓɔŋle.

Elōg-Kólóso 1:26

Li ɓotle á ɔ́kolpáŋá, nyíŋ mbaŋ nyí ɛ lɛ éɓaŋgá yɛ́ɛ́ ɛ ɓɛ́ɛ́ ɛ́ sɔ́lɛ á nyɔŋɔn ndí nyɔŋɔn, ndí nyí lɛn, Ɔlolómɛ̄ a yɛ́ɛ́léné ɓɛ́nɛ yɔ, ɓɛ́nɛ ndog yɛ́ɛ̄.

Elōg-Kólóso 3:3

Ákaa ɛ́sɛ, maná wú la Kilístus, eniŋ yáná ki ɛ́ sɔ́lɛ la nyɛ́ átē a Ɔlolómɛ̄.

Elōg-Kólóso 4:3

Á nlemlem á éceg, kánhánɛ ki ányúū yáhá nɛ Ɔlolómɛ̄ a legé ɓɛ́hɛ nzen ányúū Pɔ́l M̀ɓɛɛŋ bi ŋga lɛ́gɛ, nɛ́ ndí mi lɛ́gɛ́ mbaŋ nyí Kilístus, átɔm nɛ́ ányúū náŋ nɛ́ mi lɛ á m̀ɓog.

Elōg-Tésaloníka 2 2:13

Á élōgyāŋ, á yé ɛ́ ŋga légɓe ɓɛ́hɛ, biíg nyɛɛ li tíi lí Ɔlolómɛ̄ mítamlan eceg ɛ́sɛ ányúū yaná ɓɛ́nɛ ɓá Nyɔ́ŋ-Ɛsáŋɛ́ a ŋga dīŋ, átɔm nɛ́, nyɛ́ Ɔlolómɛ̄ a pɔ́hɔ̄ ɓɛ́nɛ li ɓotle á míɓōtlé nɛ́ miní sūŋɓɛ̄ la M̀búl Mpúán nyɔ́ a ŋga púɛ, miní sūŋɓɛ̄ ki la mbálɛ nyí miní ŋga yéɓe.

Timotéo 1 3:16

Kɔɔ la mbálɛ, mbaŋ nyí ŋyéɓé wáhá ɛ lɛ̄ écɛ̄ŋ. Yɔ nɛ́ ɛ lɛ nɛ́: Yésus Kilístus nyɔ́ a sɔ́ la nyuú nyí mut-a-binam, M̀búl Mpúán a étɛ́ ɓɛ́hɛ liɓɛ́ɛg jɛ́ɛ́ lí sim, áŋgɛl ki yú mɛ̄mɛ́ nyɛ, ɔ lɛ̄glɛ́ á yóg ɓot bí ŋgíla ŋyéɓé, ɓot bú yéɓé la nyɛ́ á ŋkɔŋ-á-sí, ɔ ɓét á lōó, ɔ kūh lípēm lí Ɔ́lolómɛ̄.

Timotéo 2 1:9

nyɔ́ a sūŋ ɓɛ́hɛ, nyɔ́ a yáŋá ɓɛ́hɛ la ŋyáŋlán mpúán, ɔ yáŋá ɓɛ́hɛ ah ányúū misɔ́n máhá ɓé, ndí ányúū peg yɛɛ́ a vúl la elɔ́ŋgɔ yɛ́ɛ́ m̀mím. A étɛ́ ɓɛ́hɛ yéŋ elɔ́ŋgɔ yɛ́ɛ́ m̀mím yɔŋ ɔ́sū ví éceg li kele la Yésus Kilístus.

Timotéo 2 4:17

Ndí Nyɔ́ŋ-Ɛsáŋɛ́ nɛ a ɓɛ́ɛ́ la ma, ɔ yáhɛ́ ma la ŋguu, á lí ɓɔŋ nɛ́ mi lɛ́gɛ Pɔ́l M̀ɓɛɛŋ, nɛ́ ɓá bísɛ bí sē ɓé ɓɔ́ɔ̄n bí Élōg-Yúda ɓɔ́g bí ámblé yɔ. La mā mu sūŋɓɛ̄ á ányu á ŋgíla!

Títo 1:2

nɛ́ bí ɓɛ́la lipitá nɛ bíg kuh eniŋ éɓem yé ɛ́ lɛ́ nɛ́, Ɔlolómɛ̄ nyɔ́ āh ɓáŋaa ɓé mínaa a kakáánɛ li ɓotle lí yɔŋ éceg.

Pétlos 1 1:20

Nyɔ́-a-Pɔ́hlɛ nɛ́ Ɔlolómɛ̄ a pɔ́hɔ sɔ́kágánɛ́ ag veg ŋkɔŋ-á-sí, ɔ ɓɔ̄ŋ nɛ a yílɛ̄ á mísūg mí eceg ányúū m̀ɓɛɛŋ wáná.

Biyɛ́ɛ́léné 13:8

Ɓot bí ŋkɔŋ-á-sí bíg kɛ yɔ li ɓégɛ, ɓá moó máh ciiɓɛ ɓé á kálati eniŋ li ɓotle á míɓōtlé mí ŋkɔŋ-á-sí; á kálati eniŋ nyí mɔɔ́n ntómbɛ́ ɓá ól.

Biyɛ́ɛ́léné 14:6

La ma mu ɛ́n sīg-pɛ áŋgɛl etám nyí ɛ ŋgí puple á lóō lóō. Ɛ ɓɛ́ɛ́la nɛ́ ɛ lɛ́gɛ́ ɓátɔɓene bí sí ɛsɛ̄ Pɔ́l M̀ɓɛɛŋ nyí eɓem: ɛ́ ɓɛ́ á mílōmɛ, á mílōm, á mípɔ̄t mísɛ la á bíkombo.

Biyɛ́ɛ́léné 17:8

Tít wa ɛ́n, ɛ ɓɛ́ɛ́, ndí ɛ sē ɓé pɛ. Ɛg kɛ li pámléne á eɓél-écɛ̄hɛ, la yɔ ɛ kɛ́ á njáŋgá. Ɓatɔɓene bí ŋkɔŋ-á-sí, ɓá moó máh ciiɓɛ ɓé á kálati nyí eniŋ li ɓotle á míɓōtlé mí ŋkɔŋ-á-sí, bíg kɛ li nyág eceg bí ŋga ɛ́n nyíŋ tít; átɔm nɛ́, ɛ ɓɛ́ɛ́ á kwaŋ, ɛ sē ɓé pɛ, ndí ɛg kɛ pɛ li sɔ́.

Biyɛ́ɛ́léné 4:11

«Ɛtáŋɛ wahá Ɔlolómɛ̄, ányúū nɛ wa nɛ́ wa vēg joó nɛ̄ jam, wa sómo nɛ míŋ mam mí ɓɛ́, la mɔ́ mú vēgɓɛ, ɔ kɔ́ɔ́ la lipém, eɓégɛ, la ŋguu!»