Elōg-Éféso 3:2 - Esaa-líat ɛ́ péná

² Kɔɔ, maná ámblé ɓot bíg pɔ́t likɔlɓan la nsɔ́n nyú á lɛ́ nɛ, Ɔlolómɛ̄ la elɔ́ŋgɔ yɛ́ɛ̄ m̀mín, a óm ma lí sál ányúū yāná nɛ́ ndí peg yɛ́ɛ̄ a vúl ɛ yáal.

Elōg-Éféso 3:2 ပူးပေါင်းရင်းမြစ်များ

Misɔ́n mí Ɓáōmɓɛ 13:2

Ɔlɔ́ vá, éceg bí ŋgí ɓɔŋ esaa epúán ɛ́ Nyɔ́ŋ-Ɛsáŋɛ́ la étɔɔ-nzal, M̀búl Mpúán ɔ lāgá nɛ: «Ɓagán ma Balnábas la Sául ányúū nsɔ́n ma yáŋlé ɓɔ.»

Misɔ́n mí Ɓáōmɓɛ 13:46

Póol la Balnábas bí ŋgí kwɛl ɛ́h ɓɛ́ ɓé woŋ tɔ wá, bí ŋgí laga nɛ́: «Ɓɛ́nɛ yágá nɛ ɓá nyɛɛ́ lí dúgu lí lɛgɛ lí éɓaŋgá Ɔlolómɛ̄. Kasig miní ŋga pún yɔ́, miníg ɛ́n ki ɓɛ́nɛ-mɛ̄n nɛ́ miníh kɔ́ɔ́ ɓé la eniŋ éɓem, jɔ́ nɛ́ ɓɛ́hɛ bi ŋga kɛ́ á mbóg ɓot bí sē ɓé ɓɔ́ɔ̄n bí Élōg-Yúda.

Misɔ́n mí Ɓáōmɓɛ 22:21

Ndí Ɛtáŋɛ ɔ lágá ma nɛ́: ‹Kɛɛ́n, mag óm wa énɛŋɛ́, a voóm milóm mí mí sē ɓé ɓɔ́ɔ̄n bí Élōg-Yúda mí lɛ›.»

Misɔ́n mí Ɓáōmɓɛ 9:15

Ndí, Nyɔ́ŋ-Ɛsáŋɛ́ ɔ yó nyɛ nɛ́: «Kɛnɛ́g, átɔm nɛ́ ma pɔ́hɔ nyɔ́ŋ mut nɛ́ a ɓɛ́ m̀ɓɔŋle wama ányúū li yíhɛ lí jóō jáma á mílōm mí sē ɓé mí mí Élōg-Yúda, ɔ́sū ví ɔ́bul ví káísa la ɓɔɔ́n bí Íslāɛl.

Elōg-Lóma 1:5

La nyɛ́ nɛ́ ɓaá kuh líkaale á lí ɓɛ́ lí ɓáōmɓɛ á lípēm lí jóō jɛ́ɛ́, nɛ́ ndí bi ɓɔŋ nɛ́ yaa milóm ɛ yéɓé la nyɛ́, ɛ óglé ki nyɛ́.

Elōg-Lóma 11:13

Nyí vɔ́ŋɔ́ɔ, mag yíhɛ ɓɛ́nɛ ɓá miní sē ɓé ɓɔ́ɔ̄n bí Élōg-Yúda nɛ́, mi lɛ̄ ŋ̀ómɓɛ ányúū ɓá bí sē ɓé ɓɔ́ɔ̄n bí Élōg-Yúda. Mag ditɛ nsɔ́n wáma,

Elōg-Lóma 12:3

Li oŋle la mikaale Ɔlolómɛ̄ a tí mā yɛ̄mɛ́, mag laga hɔ́ mut waná sig nɛ́, ah ɔ́ŋlág ɓé lí ɓɛ́ lí yé a sē ɓé, ɓɛ́án la miɔ́ŋɔ mí ŋkɔlɓanɛ́, mut sig a yí li nyɔŋ lí éceg la nsɔ́n Ɔ́lolómɛ̄ a tí nyɛ likɔlɓan la ɔvega ví ŋyéɓé a byɛ́ɛ̄ la Nyɔ́-a-Pɔ́hlɛ.

Elōg-Kɔlínto 1 4:1

Á élōgyāŋ, miní nyɔ́ŋɔg hɔ́ ɓɛ́hɛ ákaa ɓaɓɔŋle bí Nyɔ́-a-Pɔ́hlɛ, ɓá bí lɛ́ ɓálégɓe-miɓɛɛŋ mí mbaŋ nyí Ɔlolómɛ̄.

Elōg-Gálátia 1:13

Ákaa ɛ́sɛ, maná ámblé míɓɔŋɔg máma mí kwaŋ likɔlɓan la eɓasɛ yé Élōg-Yúda. Miníg yí nɛ́ mi ŋgí duhɛ eɓasɛ Ɔ́lolómɛ̄ ŋgandag á lí ɓɔŋ nɛ́ mi cɛ́hɛ́ yɔ́.

Elōg-Éféso 1:10

A tɛ́ɛ́yɛ́ eceg á lí yáhɛ lí nyíŋ peg a vúl. Nyíŋ peg yɛ́ɛ̄ ɛ lɛ nɛ́ a kómánɛ̄ mam mísɛ mí lɛ́ á sí la á lōó, á lí vá lí mɔ́ á sí likanʼyɛ lí pɔ̄m ŋ̀kanʼyɛ nɛ́ Yésus Kilístus.

Elōg-Éféso 3:7

La elɔ́ŋgɔ yɛ́ɛ́ m̀mím, Ɔlolómɛ̄ a étɛ́ ŋguu yɛ́ɛ̄ nɛ́ mi ɓɛ́ m̀ɓɔŋle á nyíŋ Pɔ́l m̀ɓɛɛŋ.

Elōg-Éféso 3:8

Tɔ náŋ ákaa ma nɛ́ mi lɛ nyɔ́ a lóohán lí tígi átē á ndog-Ɔlolómɛ̄ yɔ ɛsɛ̄, ma pɔ́n nɛ ma kūh líkaale jé lí lí lɛgɛ lí mílōm mí sē ɓé ɓɔ́ɔ̄n bí Élōg-Yúda pɔ́l abyaŋ á ŋgíla lisúg nyú á Nyɔ́-a-Pɔ́hlɛ,

Elōg-Éféso 3:9

la li étɛ kaa láá Ɔlolómɛ̄ m̀veg sí la loó a ŋga yáhɛ mbaŋ nyí ɛ ɓáág ɛ sɔ́lɛ átē wɛ́ɛ̄.

Elōg-Éféso 4:21

Kasig, pɔ́l yɛ́ɛ̄ nɛ́ ɓá lɛgɛ́ ɓɛ́nɛ, kasig nyɛ́ nɛ́ ɓá yéglɛ́ ɓɛ́nɛ li oŋle la mbálɛ nyí ɛ lɛ átē a nyɛ́ Yésus,

Elōg-Éféso 4:7

Ndí, mut sig á póla yahá a kūh ɛjɛ́ɛ́ líkaale li oŋle la ɔvega Nyɔ́-a-Pɔ́hlɛ a tí nyɛ.

Elōg-Kólóso 1:4

La mbálɛ, ɓaá ámblé pɔ́l ŋyéɓé miní byɛ́ɛ̄ la Yésus Kilístus ndí la ediŋ miní byɛ́ɛ̄ lā ndog Ɔlolómɛ̄ ɛsɛ̄.

Elōg-Kólóso 1:6

nyí ya pám tɛɛla á yóg yāná. Nlemlem kaa nyíŋ Pɔ́l ɛ lɛ lí úm lí mítām, ndí ɛg caman la ŋkɔŋ-á-sí ásɛ, náŋ ki nɛ́ ɛ́ ɓɔ̄ŋɓɛ́ɛ á yóg yāná li ɓotle ɔ́lɔ̄ miní ámbléé bíg pɔ́t likɔlɓan la elɔ́ŋgɔ m̀mím yé Ɔ́lolómɛ̄, la ɓɛ́nɛ munú yí ki yɔ́ átē a mbálɛ yɔ ɛsɛ̄,

Timotéo 1 1:11

Náŋ nɛ́ a ŋga kɛ́han la Pɔ́l M̀ɓɛɛŋ nyí ya tíéɓɛ́ ma, Pɔ́l M̀ɓɛɛŋ nyí Ɔ́lolómɛ̄, Loó lí lípēm la misɔ́tá.

Timotéo 1 1:4

la ki nɛ́ bíh tiŋɓégé ɓé á pɔ́l áŋgaŋgánɛ yí mínaa la mitaandá mí ndándó. Bíŋ bísɛ bíg sɔ́la ja mikálá á m̀mú nɛ bí óŋgánɛ li yáhɛ lí peg nyí Ɔlolómɛ̄ a vúl ɛ ŋga ɛ́nyéne á ŋyéɓé.

Timotéo 1 2:7

Ányúū li tíi lí yɔ nɛ́ ɓá tɛ́ɛ́yɛ́ ma ǹlɛgɛ-pɔ́l la ŋ̀ómɓɛ. Mag pɔ́t mbálɛ, mi ŋgá yɛ́ɛ ɓé ma, ma nɛ́ ɓá tí nsɔ́n á lí yéglɛ lí bíkombo bí bí sē ɓé ɓɔ́ɔ̄n bí Élōg-Yúda li ɓɛ́la lí ŋyéɓé la li yí lí mbálɛ.

Timotéo 2 1:11

Ányúū nyíŋ Pɔ́l M̀ɓɛɛŋ nɛ́ Ɔ́lolómɛ̄ a tɛ́ɛ́yɛ́ mā ǹlɛgɛ-njɛn, ŋ̀ómɓɛ la ŋ̀yéglɛ.