Elōg-Éféso 2:7 - Esaa-líat ɛ́ péná

⁷ Jɔ́ nɛ́, a étɛ́ ɓɛ́hɛ m̀mím wɛ́ɛ́ nláám á ŋ̀atanɛ́ wāhá la Yésus Kilístus, la náŋ ɔ sómo li étɛ lí ábyaŋ á ŋgíla ŋget nyú á elɔ́ŋgɔ yɛ́ɛ́ m̀mím á bíceg bí ŋga kɛ́ li sɔ́.

Elōg-Éféso 2:7 ပူးပေါင်းရင်းမြစ်များ

Elōg-Lóma 2:4

Tɔ nɛ́ nlohanɛ́ a elɔ́ŋgɔ m̀mím yé Ɔlolómɛ̄ nɛ ɔ ŋgɔ yáŋa, tɔ nɛ́ ɔg yaŋa ja éɔ̄hánɛ yɛ́ɛ́ la m̀mím wɛ́ɛ́ á ŋgɔ́ɔ́ ɛ́h ɓɛ́ ɓé wā lí yí nɛ́ yéŋ elɔ́ŋgɔ yɛ́ɛ́ m̀mím nɛ ɛ́ ŋga tíi wa eceg nɛ́ ɔ véŋé bílɛ̄m é?

Elōg-Éféso 1:7

La micii mɛ́ɛ́ nyɛ́ Yésus Kilístus nɛ́ ɓaá kɔplɛ. Á ŋ̀atanɛ́ la nyɛ́ nɛ́ ávuha wáhá wá kūh élaakɛ kasig Ɔlolómɛ̄ a lóohán lí ɓɛ́ lí elɔ́ŋgɔ.

Elōg-Éféso 2:4

Ndí, Ɔlolómɛ̄ a yáhɛ la ekɔnan-ŋgɔ́ɔ́ ányúū nɛ a lóohán ɓɛ́hɛ li diŋ.

Elōg-Éféso 3:21

lipém lí ɓɛ́ la nyɛ́ á Eɓasɛ átē a Yésus Kilístus á nyɔ́ŋɔn ndí nyɔ́ŋɔn, la á éɓem la á éɓem! Ɛ́ ɓɛ́ náŋ.

Elōg-Éféso 3:5

Nyíŋ mbaŋ, Ɔlolómɛ̄ ah yɛ́ɛ́léné ɓé yɔ nyɔŋɔn yá lóo, ákaa nyí vɔ́ŋɔ́ɔ, a yɛ́ɛ́léné yɔ ɓaómɓɛ ɓɛ́ɛ́ ɓápūán la ɓapɔ́tle-bí-Ɔ́lolómɛ̄ li kele la M̀búl Mpúán.

Elōg-Tésaloníka 2 1:12

La náŋ, li kele la ɓɛ́nɛ, joó lí Ɛ́tāŋɛ wahá Yésus líg kɛ li kuh lí lípēm, á ŋ̀atanɛ́ la nyɛ́, ɓɛ́nɛ ki miní ɓɛ́la lipém li oŋle la likaale Ɔlolómɛ̄ Loó jáhá a tí ɓɛ́nɛ la jé lí Ɛ́tāŋɛ wahá Yésus Kilístus.

Títo 3:4

Ndí, Ɔlolómɛ̄ Ǹsuŋ wahá a éthɛ́ɛ́ elɔ́ŋgɔ yɛ́ɛ́ m̀mím la ediŋ yɛ́ɛ́ ányúū ɓot-bí-bínam.

Pétlos 1 1:12

Ɔlolómɛ̄ a yɛ́ɛ́léné ɓɔ nɛ́, nyíŋ pɔ́l bí ŋgí lɛ́gɛ ɛh ɓɛ́ɛ́ ɓé ányúū yaɓá ɓɔ́-mɛ̄n, ndí ɛ ɓɛ́ɛ́ ányúū yāná. Yɔ nɛ́, nyí vɔ́ŋɔ́ɔ, ɓalɛgɛ Pɔ́l M̀ɓɛɛŋ bí ŋga lɛ́gɛ ɓɛ́nɛ la ŋguu nyí M̀búl Mpúán nyɔ́ a sɔ́lé á lōó. Nyíŋ pɔ́l, áŋgɛl yɔ́-mɛ̄n ɛ́g somo yɔ lí yí.