Elōg-Éféso 2:20 - Esaa-líat ɛ́ péná

²⁰ Maná níŋgi á mióŋ ápah ɓaómɓɛ la ɓapɔ́tle-bí-Ɔ́lolómɛ̄ nɛ́ bí lɛ́ jaa, ápah Yésus Kilístus nyɛ́-mɛ̄n a lɛ́ kaa ŋgɔg ɛ ɓɛ́gɛ̄ ndáá.

Elōg-Éféso 2:20 ပူးပေါင်းရင်းမြစ်များ

Matéus 16:18

Má, mag laga wa nɛ́: ‹Ɔ lɛ Ŋgɔgɛ, á lóō lí nyíŋ ŋgɔg nɛ́ mi ŋga óŋ Eɓasɛ yáma, tɔ ŋguu nyí nyɛmb ɛ́ ŋgá kɛ ɓé yɔ li dí lí cíŋ.

Matéus 21:42

Yésus ɔ lāgá ɓɔ̄ nɛ́: «Ɓaá miníh ɓáág ŋgí lí sɔ́ŋgɔ á Licii-lipúán nɛ: ŋgɔg ɓaóŋ ndáá ɓá ɓen, yɔ nɛ́ ya tímān lí ɓɛgɛ lí ndáá; misɔ́n mí Nyɔ́ŋ-Ɛsáŋɛ́ míŋ: Sē líŋgɔ̄ŋɔ́ á miíh máhá é!

Elōg-Kɔlínto 1 12:28

Ɓot Ɔlolómɛ̄ a tɛ́ɛ́yɛ́ á Éɓasɛ bí lɛ́: ɓaómɓɛ kaa ɓot bí ɔ́sū, ɓapɔ́tle-bí-Ɔ́lolómɛ̄ kaa ɓot ɓá yáhɛ́ bíɓáa, ɓayéglɛ á Éɓasɛ kaa ɓá yáhɛ́ bíŋháa, ámbúh náŋ ɓot ɓá kuh líkaale á lí ɓɔŋ lí mínɛ̄ŋ, likaale lí lí tɔɔyɛ lí ɓot mbólí, likaale lí lí nit lí ɓot, likaale jé lí lí yí lí lí wɛɛla lí ɓot, likaale jé lí lí pɔ́t lí álēmb.

Elōg-Gálátia 2:9

Ɛnɛ́ Yákop, Séfas la Yohánɛs mbii-ɓōt yí éɓasɛ, ɓá ɛ́n líkaale Ɔlolómɛ̄ a tíéé ma, bú sám ma la Balnábas wɔ, ákaa ndembye nyí ŋ̀atanɛ́ wahá átē a nsɔ́n, á li ɓɔŋ nɛ́ ɓɛ́hɛ bi kɛ̄ ápah ɓot bí sē ɓé ɓɔ́ɔ̄n bí Élōg-Yúda bí lɛ, ɓɔ́g bí kɛ á yóg ɓɔɔ́n bí Élōg-Yúda.

Elōg-Éféso 3:5

Nyíŋ mbaŋ, Ɔlolómɛ̄ ah yɛ́ɛ́léné ɓé yɔ nyɔŋɔn yá lóo, ákaa nyí vɔ́ŋɔ́ɔ, a yɛ́ɛ́léné yɔ ɓaómɓɛ ɓɛ́ɛ́ ɓápūán la ɓapɔ́tle-bí-Ɔ́lolómɛ̄ li kele la M̀búl Mpúán.

Elōg-Kólóso 2:7

A ɓɛ́ ɓɛ́nɛ kaa mikaŋ ányúū eéé la ákaa jaa ányúū ndáá. Ŋyéɓé wáná á óló li oŋle la yé ɓá yéglɛ́ ɓɛ́nɛ, miní tí ki Ɔlolómɛ̄ ŋgandag mítamlan.

Pétlos 1 2:6

Ákaa ɛ́sɛ, Licii-Lipúán líg laga nɛ́: «Leɓyáŋ sig ma pɔ́hɔ̄ taŋ ŋgɔg nyí mi ŋga kɛ́ li ɓɛl kaa ŋgɔg nyí likáh lí ndáá á Síon. Nyɔ́ la nyɔ́ a ŋga nāŋʼye yɔ lipitá a ŋgá kɛ ɓé lí kɔn lí mbɔɔla.

Biyɛ́ɛ́léné 21:14

Bididiya bí kɔ́tá tísɔn bí óŋɓɛ́ɛ á lóō lí jóom lí melké la míɓáa. Jelké sig, lí ɓɛ́ɛ́la joó lí ŋ̀ómɓɛ wa, á moó mí jóom lí ɓáōmɓɛ la bíɓáa bí mɔ́ɔ̄n ntómbɛ́.