Elōg-Éféso 2:2 - Esaa-líat ɛ́ péná

² á ɔkolpáŋá, eceg miní ŋgí ógle loó lí nyú ŋkɔŋ-á-sí, ŋ̀kanʼyɛ nyɔ́ a lɛ á póla sí la loó. Nyɔ́ŋ ŋ̀kanʼyɛ nɛ́ a lɛ m̀búl m̀ɓé á ŋga sál vɔ́ŋɔ́ɔ á póla ɓot ɓá ndɔ́gɓéné Ɔ́lolómɛ̄.

Elōg-Éféso 2:2 ပူးပေါင်းရင်းမြစ်များ

Matéus 11:19

Ɛnɛ́ Mɔɔ́n Mut a sɔ́, ag dí, ag nyú, tɔ náŋ ki, la yɔ́ yú laglɛ́ nɛ́: ‹Léɓyán yé yoóm lídī la milɔg, liwándá lí ɓákomanɛ-ŋkuh-á-gɔ́mna la ɓaɓɔŋ-miɓé!› Ndí yú tímān lí yílɛ nɛ́ Peg ɛ lɛ́ jam lí tɛ́ɛ́ sim lí oŋle la misɔ́n mɛ́ɛ́.»

Matéus 13:22

Mbóó ya ɓɛ̄lɓɛ́ á voóm á bikáá bí bílɔ, ɛ lɛ́ mut a ŋga ámblé eɓaŋgá Ɔ́lolómɛ̄, ndí mitaka mí ŋkɔŋ-á-sí la nsom á ábyaŋ ɓá lēgtánɛ́ yéŋ eɓaŋgá, yáh wúm ɓé mítām.

Matéus 13:38

Ǹdíí a lɛ́ ŋkɔŋ-á-sí Elɔ́ŋgɔ mbóó mbahɛ ɛ́ lɛ́ ɓot bí Ékombo-lóō. Likáá-lí-ŋkóg lí lɛ́ ɓot bí M̀ɓɔŋ-aɓé.

Málkus 4:19

mitaka mí ŋkɔŋ-á-sí, nsom á ábyaŋ bú lɛ̄ndánɛ́ ɓɔ́ la míŋí mam mísɛ bí byɛ́ɛ̄ kóó, míg legtanɛ yéŋ Eɓaŋgá la yɔ́ yáh úm ɓé mítām.

Lúkas 16:8

Ndí, ɛsáŋɛ́-a-mitán ɔ tímān li séme lí nyɔ́ ǹlégɓe-miɓɛɛŋ a misóómbá, ányúū akwáá wɛ́ɛ́ a étɛ. Jɔ́ nɛ́, ɓɔɔ́n bí nyí sí bí lɛ́ akwáá á ŋgwáāg miwándá máɓá li loo lí ɓɔ́ɔ̄n bí mípūū.»

Lúkas 22:31

Nyɔ́ŋ-Ɛsáŋɛ́ a byɛ́ nɛ́: «Á Símɔn, á Símɔn, Sátan a ɓāt ma ɓɛ́nɛ á li somo nɛ́ a pógɛ́ ɓɛ́nɛ ákaa bí ŋga sɛ́ghe miíh mí kón.

Yohánɛs 12:31

Nyí vɔ́ŋɔ́ɔ nɛ́ bí ŋga kááhɛ ɓot bí ŋkɔŋ-á-sí, nyí vɔ́ŋɔ́ɔ, ŋ̀kanʼyɛ a ɓot bí nyú ŋkɔŋ-á-sí ag lééɓɛ á ápūū.

Yohánɛs 13:2

Á eceg bí ŋgí dí, ǹsɔhɔ ɔ níŋgɛ́ Yúdas Iskáliot mɔɔ́n Símɔn, miɔ́ŋɔ miɓé á m̀mím nɛ́ a núŋú Yésus.

Yohánɛs 13:27

Eceg Yúdas a ŋgí nyɔŋ nyíŋ puh ekɔgá, Sátan ɔ níŋgí nyɛ á m̀mím; la Yésus ɔ lága nyɛ nɛ́: «Yé ɔ byɛ́ɛ́ á lí ɓɔŋ, ɓɔŋ yɔ́ ékūyá!»

Yohánɛs 14:30

Li ɓotle nyí lɛn, mi ŋgá kwɛ̄l ɓé pɛ ma la ɓɛ́nɛ, ányúū nɛ́ ŋ̀kanʼyɛ a nyú ŋkɔŋ-á-sí a lɛ lí sɔ́; tɔ náŋ kaa a ŋgá la ɓé ma lí ɓɔŋ lí tɔ jam.

Yohánɛs 15:19

Kí ɓɔŋ nɛ́ miní ɓɛ́ ɓot bí ŋkɔŋ-á-sí, kí ɓot bí ŋkɔŋ-á-sí bíg diŋ ɓɛ́nɛ ányúū nɛ miní lɛ́ élɔŋ la ɓɔ́. Ndí, miní sē ɓé ɓot bí ŋkɔŋ-á-sí, ma nɛ́ ma ɓágá ɓɛ́nɛ la ɓɔ́, ányúū náŋ nɛ́ ɓɔ́ bí ŋga síŋgɛ ɓɛ́nɛ.

Yohánɛs 16:11

Likɔlɓan la ŋkál, ag kɛ́ li étɛ nɛ́ ɓá yɔ́p ányúū nɛ Ɔlolómɛ̄ a kááhɛ́ ŋ̀kanʼyɛ a nyú ŋkɔŋ-á-sí

Yohánɛs 7:7

Ɓot bí ŋkɔŋ-á-sí bí ŋgá la ɓé ɓɛ́nɛ li síŋgɛ, ndí bíg síŋgɛ ma, ányúū nɛ mag yɛ́lɛ misɔ́n máɓá nɛ mí lɛ́ míɓē.

Yohánɛs 8:23

La Yésus ɔ pélē ɓɔ nɛ́: «Miní lɛ́ ɓot bí nyí sí, má mi lɛ mut a lóō. Ɓɛ́nɛ miní lɛ́ ɓot bí nyú ŋkɔŋ-á-sí, ndí ma, mi sē ɓé ma mut a nyú ŋkɔŋ-á-sí

Yohánɛs 8:44

Ɛsɔ́ŋɛ́ wāná nɛ ǹsɔhɔ, nsom wɛ́ɛ́ nɛ miní byɛ́ɛ́ kóó li ɓɔŋ. Li ɓotle á ɔ́kolpáŋá, a tīŋɓéné á lí ólhánɛ lí mut-a-binam; áh tɔɓene ɓé á mbálɛ, ányúū nɛ mbálɛ ɛ sē ɓé la nyɛ. Eceg a ŋga ɓāŋ minaa, náŋ nɛ́ a lɛ líɓɛ́ɛg jɛ́ɛ́, ányúū nɛ a lɛ mut-a-minaa, ɛsáŋɛ́ a minaa.

Misɔ́n mí Ɓáōmɓɛ 19:35

Ǹciile á tísɔn ɔ tímān lí la lí lí mɔ́mɛ lí límut, ɔ lága nɛ: «Á ɓot bí Éféso, ɓaá mut wa a lɛ vá, nyɔ́ a ŋgá yí ɓé nɛ tísɔn Eféso nɛ́ ɛ byɛ́ɛ̄ mbóŋ li tát lí ndáá-loó loó lí míndīgá nɛ́ Altémis la esát yɛ́ɛ́ yé yá sɔ́léné á lóō é?

Misɔ́n mí Ɓáōmɓɛ 5:3

Váŋ nɛ́ Pétlos a lága nyɛ nɛ́: «Wɛɛ́kɛ́ɛ́! Á Ananías, ányúū yéé wa mwáhɛ Sátan ɔ níŋgí wa á m̀mím é? Wa yɛ́ɛ́ M̀búl Mpúán la wá wu yéglán joga lí mɔní já jé lí nyuŋgá sí.

Elōg-Lóma 12:2

Miníh oŋlégé ɓé míɓɔŋɔg mí ɓot bí nyú ŋkɔŋ-á-sí á lɛn, ndí Mwahánɛ̄ Ɔlolómɛ̄ a yáanɛ́ ɓɛ́nɛ la eyí péná a ŋga tíi ɓɛ́nɛ, nɛ́ ndí miní la lí yí lí nsom wɛ́ɛ́: Ag somo yé ɛ́ lɛ́ élɔ́ŋgɔ, yé ɛ́ lɛ́ líŋgɔ̄ŋɔ́ á miíh mɛ́ɛ́ la yé ɛ́ lɛ́ tɛ́ŋgɛ́n.

Elōg-Kɔlínto 1 5:10

Mi ŋgí pɔ́tléne ɓé ma ɓot bí mpuŋgú á ndeŋg bí sí ɛsɛ̄, tɔ ɓá bí étāman bísɛ, tɔ ɓá bí wíī bísɛ, tɔ ɓaɓégɛ-bisát bísɛ, ah la náŋ ɓé, kí miníg nyɛɛ li ɓógo á ŋkɔŋ-á-sí.

Elōg-Kɔlínto 1 6:11

Náŋ nɛ́ apuh á ɓot á póla yaná á ɓɛ́ɛ́. Ndí á jóō lí Nyɔ́ŋ-Ɛsáŋɛ́ Yésus Kilístus, li kele ki la M̀búl á Ɔ́lolómɛ̄ Lōó jáhá, Ɔlolómɛ̄ a sō ɓɛ́nɛ, ɔ yáanɛ́ ɓɛ́nɛ ɓápūán, ɔ tɛ́ɛ́ ɓɛ́nɛ sim.

Elōg-Kɔlínto 2 4:4

ányúū ɓá bí ŋgá yéɓe ɓé, ɓá bí lɛ́ nɛ́ loó lí nyí sí lá dím éyī, nɛ́ ndí bíh ɛ́nɛ́g ɓé épaa yé Pɔ́l M̀ɓɛɛŋ nyí lípēm lí Nyɔ́-a-Pɔ́hlɛ, nyɔ́ a lɛ á édīŋgɛ́-díŋgɛ yé Ɔ́lolómɛ̄.

Elōg-Gálátia 1:4

nyɛ́ Yésus a tí nyɛ́-mɛ̄n ányúū miɓé máhá á lí ɓɔŋ nɛ́ a sūŋ ɓɛ́hɛ á míɓē mí ŋkɔŋ-á-sí, li oŋle la nsom á Ɔlolómɛ̄ Etāa wahá.

Elōg-Éféso 1:21

Ányúū náŋ nɛ́, Nyɔ́-a-Pɔ́hlɛ a lɛ á lōó lí jóō nɛ Gɔ́mna, jóō nɛ Likanʼyɛ, jóō nɛ Ŋguu, jóō nɛ́ Káísa la míŋí móō mítām, tɔ yá ɓɛ́ nɛ míg yáŋlɛ láá mú á nyí sí, ndí tɔ á nyí ɛ ŋga kɛ́ li sɔ́.

Elōg-Éféso 2:11

Ɔ́ŋlán hɔ́ nɛ́ á kwakwáŋɛ, miní ɓɛ́ɛ́la ndembye á nyúū nyí ɛ ŋgí étɛ nɛ́ miní sē ɓé ɓɔ́ɔ̄n bí Élōg-Yúda, ɓɛ́nɛ ɓá ɓɔɔ́n bí Élōg-Yúda bí ŋgí yáŋa bipɔ-bí-ɓot, kasig ɓɔ́ bí ŋga ɔ́ŋɔ nɛ́ ɓá kwɛɓɛ, ányúū nɛ bí byɛ́ɛ endóndó líkwɛɛ á éjo yáɓá ɛ́ nyúū.

Elōg-Éféso 2:13

Ndí, ɓɛ́nɛ ɓá miní ɓɛ́ɛ́ énɛŋɛ́ la Ɔlolómɛ̄ á kwakwáŋɛ, nyí vɔ́ŋɔ́ɔ maná āt la Yésus Kilístus, micii mɛ́ɛ́ má siŋglɛ́ ɓɛ́nɛ ɓɛɓɛ la nyɛ́.

Elōg-Éféso 2:3

Ɓɛ́hɛ bísɛ ki bi ɓɛ́ɛ́ múŋ á nyúŋ nsɔŋgí, ányúū nɛ bi ŋgí niŋle á kóó yáhá míson, bi ŋgí ɓɔŋ nsom á kóó yáhá míson la li oŋle lí míɔ̄ŋɔ máhá. Ányúū yéŋ eɓɛ́lé yáhá éɓē nɛ Ɔlolómɛ̄ a súghɛ́ɛ nɛ́ ag kɔ́ghɛ ɓɛ́hɛ nlemlem ákaa ɓáŋá.

Elōg-Éféso 4:17

Á élōgyāŋ, jam mi ŋga lága la li yīgyɛ lí ɓɛ́nɛ á jóō lí Nyɔ́ŋ-Ɛsáŋɛ́ jɔ́ jé nɛ́: Miníh niŋíg ɓé pɛ kaa ɓot bí ŋgí yí ɓé Ɔ́lolómɛ̄, ɓá bí byɛ́ɛ̄ éyī ɛ́ ŋgíla eɓáha.

Elōg-Éféso 4:22

ɛnɛ ɛ́g somlɛ nɛ́, miní nyɔŋ bisúghɛ́nɛ́ nɛ miníg mwahɛ eniŋ yáná yé ɛ́ kwākwáŋɛ, nɛ́ miníg cóó liɓɛ́ɛg jáná lí kwaŋ, jé kóó yɛ́ɛ́ míson ɛ́ ŋgí óm á njáŋgá.

Elōg-Éféso 5:6

Mut tɔ wa ah yɛ́ɛ́kɛ́gɛ́ ɓé ɓɛ́nɛ la biyógló bí míkwɛl. Míŋ mam mísɛ míg ɓɔ̄ŋ nɛ́ Ɔlolómɛ̄ ag álye ɓot bí ŋgá ndɔ́gɓéne nyɛ́.

Elōg-Éféso 5:8

Á kwākwáŋɛ, miní ɓɛ́ɛ́ ɓɔ́ɔ̄n bí lívito, ndí nyí vɔ́ŋɔ́ɔ miní lɛ́ ɓɔ́ɔ̄n bí mipúú á ŋ̀atanɛ́ la Nyɔ́ŋ-Ɛsáŋɛ́. Niŋán ákaa ɓɔɔ́n bí mípūū.

Elōg-Éféso 6:12

átɔm nɛ́, ah la ɓot-bí-bínam ɓé nɛ́ bi ŋga dúu, ndí biíg du la Mikanʼyɛ mí lɛ́ á lōó, la patí Ŋguu ɛ́sɛ ɛ́ lɛ́ á lōó, la Ɓaɓémbɛ bí nyú ŋkɔŋ á lívito, la mimbúl míɓē mí lɛ́ á lóō.

Elōg-Kólóso 1:21

Jɔ́ hɔ́ nɛ, ɓɛ́nɛ ɓá á kwakwáŋɛ miní nɛ̄ŋɓéé la Ɔ́lolómɛ̄, ɓɛ́nɛ ɓá miní ɓɛ́ɛ́ ɓálem ɓɛ́ɛ́ ányúū miɔ́ŋɔ la misɔ́n máná míɓē,

Timotéo 2 4:10

ányúū nɛ Démas a cóó ma ányúū ediŋ yé nyú ŋkɔŋ-á-sí A kɛ́ á tísɔn nyí Tesaloníka, Kelésaŋs ɔ kɛ́ á épah-ékombo yé Galátia, Títo ɔ kɛ́ á épah-ékombo yé Dalmátia.

Yákop 1:27

Taŋ li ɓɔŋle lí éɓasɛ átē a mípūū ŋgíla ɔnɛ́g á miíh mí Ɔlolómɛ̄ Etāa wahá ɛ lɛ́ já: Li óŋgánɛ lí ɓɔ́ɔ̄n-bí-nyul la mikúh mí ɓóndīgá ɓá bí lɛ́ á ndútu la li yíhe nɛ́ mam mí ŋkɔŋ-á-sí míh vínhɛ̄gɛ́ ɓé mut.

Yákop 1:7

Nyíŋ nyaa mut, ɛh ɔ́ŋlág ɓé nɛ Nyɔ́ŋ-Ɛsáŋɛ́ ag kɛ nyɛ́ lí tíi lí jam,

Yákop 4:4

Á ɓot bí mpuŋgú ɓá! Ɓaá, miní ŋgá yí ɓé nɛ li tɛ́g lí líwāndá la ŋkɔŋ-á-sí lí lɛ́ lí pún lí Ɔ́lolómɛ̄ é? Tɔ nzáá a ŋga sómo li ɓɛ́ lí líwāndá lí ŋkɔŋ-á-sí, ag yaan hɔ́ ǹlem a Ɔlolómɛ̄.

Pétlos 1 1:14

Kasig miní lɛ́ ɓɔ́ɔ̄n bí éōgle, miníh tiŋɓégé ɓé á kóó-ēɓé yáná yí éceg ɛ́ kwaŋ, eceg miní ɓɛ́ɛ́ ŋgí li yí lí jam.

Pétlos 1 4:3

La mbálɛ á kwakwáŋɛ, maná loɛ́ eceg á lí ɓɔŋ lí mam mí ŋga nyɛ́ɛle ɓot bí ŋgá yí ɓé Ɔlolómɛ̄, maná niŋlé á mpuŋgú á ndeŋg, á kóó-eɓé yí éniŋ, á péa, á éōt-lídī, á éōt-mílɔg la eɓégɛ-bisát yé lí lɛ́ jam li ɓé.

Pétlos 2 2:14

Kasig miíh máɓá mí lɛ́ miíh mí ndeŋg, bí ŋgá yál ɓé li ɓɔŋ lí áɓē, bíg duutɛ ɓot bí ŋyéɓé ntɔ́ga, bí lɛ́ ɓot ɓá loohán la eót yé ŋkuh, bí lɛ́ mílɔgɔ̄g mí ɓɔ́ɔ̄n.

Yohánɛs 1 3:10

Jam lí ŋga ɓɔ̄ŋ nɛ́ bí lem ɓɔɔ́n bí Ɔ́lolómɛ̄ la ɓɔɔ́n bí ǹsɔhɔ li lɛ́ nɛ́, nyɔ́ la nyɔ́ a ŋgá ɓɔŋ ɓé yé ɛ́ tɛ́ɛ́ sim, tɔ li diŋ lí mɔ́ɔ̄nyāŋ a sē ɓé nyɔ́ a Ɔlolómɛ̄.

Yohánɛs 1 3:8

Nyɔ́ la nyɔ́ a ŋga ɓɔ̄ŋ aɓé a lɛ á épah ɛ́ ǹsɔhɔ, ányúū nɛ li ɓotle á ɔkolpáŋá, ǹsɔhɔ a lɛ m̀ɓɔŋ-miɓé. Jɔ́ nɛ́, Mɔɔ́n Ɔlolómɛ̄ a sɔ́ á lí cɛ́hɛ lí mísɔ̄n mí ǹsɔhɔ.

Yohánɛs 1 4:4

Á ɓɔ́ɔ̄n ɓáma, kasig miní lɛ́ ɓɔ́ɔ̄n bí Ɔlolómɛ̄, maná dí ɓáŋ ɓapɔ́tle-bí-Ɔ́lolómɛ̄ bí mínaa cíŋ, ányúū nɛ́ M̀búl á Ɔlolómɛ̄ á lɛ́ la ɓɛ́nɛ, ág loo nyú á lɛ́ á ŋkɔŋ-á-sí.

Yohánɛs 1 5:19

Biíg yí nɛ́ bi lɛ́ ɓá bí Ɔlolómɛ̄, ndí, ŋkɔŋ-á-sí ásɛ á lɛ́ á sí likanʼyɛ lí Ǹlem.

Yohánɛs 1 5:4

ánsī nɛ́, ɓá bísɛ ɓá byálɓɛ́ la Ɔlolómɛ̄, ɓá dí ŋkɔŋ-á-sí cíŋ. La ŋyéɓé wáhá nɛ ɓaá dí ŋkɔŋ-á-sí cíŋ.

Biyɛ́ɛ́léné 12:9

Nyúŋ m̀ɓáláŋ á nyuŋgu la áŋgɛl yɛ́ɛ́ bú lééɓɛ́ á ŋkɔŋ-á-sí; wɔ́ nɛ́ á lɛ́ nlom á nyɔ, nyú bí ŋga yáŋa nɛ́ Ǹsɔhɔ, Sátan, ŋ̀yɛ́ɛ ŋkɔŋ-á-sí ásɛ;

Biyɛ́ɛ́léné 13:14

La nyíŋ tít yu yɛ́ɛ́ ɓot bí ŋkɔŋ-á-sí la ŋguu ɓá tí yɔ á li ɓɔŋ lí mínɛ́ŋ ɔ́sū ví tít ɔsú. Yu kágyɛ́ ɓɔ nɛ́ bí mɛ̄ njimbilí á épunan ɛ́ nyí tít ɛ byɛ́ɛ̄ ékwɛɛ ɛ́ ŋga lá yɔ li ól ndí yú mān á lí tíi lí yɔ adit.

Biyɛ́ɛ́léné 13:8

Ɓot bí ŋkɔŋ-á-sí bíg kɛ yɔ li ɓégɛ, ɓá moó máh ciiɓɛ ɓé á kálati eniŋ li ɓotle á míɓōtlé mí ŋkɔŋ-á-sí; á kálati eniŋ nyí mɔɔ́n ntómbɛ́ ɓá ól.

Biyɛ́ɛ́léné 16:17

Áŋgɛl ya yáhɛ nzambúwá yu kóm liɓondó jɛ́ɛ́ á ŋgɔá, la cíŋ ecɛ́ŋ yu pámlé á étɔɓé-líkanʼyɛ yé ɓɛ́ɛ́ á ndáá-ēcɛ́ŋ-Ɔlolómɛ̄, yu yó nɛ́: «Náŋ a súg!»

Biyɛ́ɛ́léné 20:2

Váŋ nɛ́ ya byée nyuŋgu, nlom á nyɔ nyú bí ŋga yáŋa nɛ́ ǹsɔhɔ, tɔ nɛ́ Sátan, la yɔ yu kág nyíŋ nyɔ ányúū ɔkóó ví mímbú.