Elōg-Éféso 2:16 - Esaa-líat ɛ́ péná

¹⁶ La nyɛmb yɛ́ɛ̄ á mbásá, Yésus Kilístus a yáanɛ́ ɓɔ nyúū ya, ɔ sáŋgá ki ɓɔ́ la Ɔlolómɛ̄. La nyɛmb yɛ́ɛ̄ á mbásá, a mánɛ́ bísīŋgá.

Elōg-Éféso 2:16 ပူးပေါင်းရင်းမြစ်များ

Elōg-Lóma 5:10

Ákaa ɛ́sɛ, kíyáɓɛ́nɛ la nyɛmb nyí Mɔɔ́n wɛ́ɛ̄, Ɔlolómɛ̄ a kóm nsaŋ la ɓɛ́hɛ eceg bi ɓɛ́ɛ́ ɓálem ɓɛ́ɛ́, ebuu-la-ŋgele yáŋvéé éniŋ yé Nyɔ́-a-Pɔ́hlɛ ɛ́ ŋga kɛ́ ɓé ɓɛ́hɛ li suŋ kí bu mān lí kóm lí nsaŋ la Ɔlolómɛ̄ é?

Elōg-Lóma 6:6

Bi sɔ́ŋtánɛ m̀ɓɛɛŋ nɛ́, nlom á mut bi ɓɛ́ɛ́, wá tomlɛ́ á mbásá élɔŋ la nyɛ́, nɛ́ ndí nyíŋ nyuú yāhá miɓé ɛh ɓɛ́ɛ́g ɓé pɛ, la ki nɛ́ bih ɓɛ́ɛ́g ɓé pɛ miyɔ́ŋ mí áɓē.

Elōg-Lóma 8:3

Ɔlolómɛ̄ a ɓɔ̄ŋ yé mbéndá yāh la ɓé li ɓɔŋ, ányúū nɛ, nyíŋ mbéndá ɛh ɓɛ́ɛ́la ɓé ŋguu nyí li kanʼyɛ lí mut-a-binam átē a aɓɔt wɛ́ɛ́. Ányúū li kɔ́ghɛ lí áɓē nɛ āh ɓɛ́ɛ́la ɓé pɛ ŋguu tɔ ya á nyúū nyí mut-a-binam, Ɔlolómɛ̄ a óm Mɔ́ɔ̄n wɛ́ɛ̄ á épunan yáhá la nyuú nyí miɓé, nɛ́ a ɓógtɛ́ ɓɛ́hɛ á áɓē.

Elōg-Lóma 8:7

Ɔɔ, li oŋle lí kóó-míson lí lɛ́ jā lí ndɔ́gɓéne lí Ɔ́lolómɛ̄, ányúū nɛ mison mí ŋgá ógle ɓé mbéndá Ɔlolómɛ̄, mí ŋgá la ɓé tɔ yɔ li ógle.

Elōg-Kɔlínto 1 10:17

Kasig ekɔgá ɛ́ lɛ́ jā yáhyá, ɓɛ́hɛ bísɛ ki bi lɛ̄ jā pɔ̄m nyúū, átɔm nɛ́ ɓɛ́hɛ bísɛ biíg kaan ja nyúŋ nlemlem á ékɔgá.

Elōg-Gálátia 2:20

Mag niŋ, ndí ah mā-mɛ̄n ɓé nyɔ́ŋ, Kilístus nɛ́ a ŋga nīŋ átē wama, átɔm nɛ́, eniŋ yáma yé lɛ̄n, yé líɓɛ́ɛg lí mut-a-binam, mag niŋ yɔ́ átē a ŋyéɓé la Mɔɔ́n Ɔlolómɛ̄ nyɔ́ a dīŋ ma, ɔ wú ányúū yáma.

Elōg-Éféso 2:15

A sáá mbéndá Móse, mitiŋ mɛ́ɛ́ la bitɛ́ɛ́yɛ́nɛ́ byɛ́ɛ́. La náŋ, a sōmó nɛ ɓɔɔ́n bí Élōg-Yúda la ɓá bí sē ɓé ɓɔ́ɔ̄n bí Élōg-Yúda bí tímān pɔ̄m lilóm lí péná, ányúū náŋ nɛ́ a kóm ɓɔ nsaŋ.

Elōg-Éféso 3:6

Nyíŋ mbaŋ nyí nɛ́: ɓɔɔ́n bí Élōg-Yúda la ɓá bí sē ɓé ɓɔ́ɔ̄n bí Élōg-Yúda bíg kaan nlemlem á émbāmbá, bíg ɓɛ́ bíjo bí nyúū ya, bíg kuh ki nlemlem á líkakanɛ lí Ɔ́lolómɛ̄ á ŋ̀atanɛ́ wāɓá la Yésus Kilístus li oŋle la Pɔ́l M̀ɓɛɛŋ.

Elōg-Éféso 4:4

Nyuú ɛ lɛ́ ja ya, M̀búl ki wú ɓɛ́ wá, náŋ ki nɛ́ maná yáŋlɛ́ á lí ɓɛ́la lí lípitá já,

Elōg-Kólóso 2:14

a wáh káati nyí ɛ ŋga kūɛhɛ ɓɛ́hɛ ŋkál, nyí ɛ ŋgí óm ɓɛ́hɛ á ékɔ́ghɛ li oŋle la mbéndá, a dímbhánɛ́ yɔ, ɔ tómō yɔ á mbásá.

Elōg-Kólóso 3:15

Nsaŋ á Kilístus nɛ́ á wɛɛla mimím máná, múŋ á nyúŋ nsaŋ nɛ́ maná yáŋlɛ́ á lí ɓɛ́ lí pɔ̄m nyúū. Yíán lí tíi lí mítamlan eceg ɛ́sɛ.