Elōg-Éféso 2:14 - Esaa-líat ɛ́ péná

¹⁴ Ákaa ɛ́sɛ, Yésus nɛ́ a lɛ̄ nsaŋ wáhá. A yáanɛ́ ɓɔ́ɔ̄n bí Élōg-Yúda la ɓá bí sē ɓé ɓɔ́ɔ̄n bí Élōg-Yúda pɔ̄m lilóm. Eceg a tí nyúū yɛ́ɛ̄ kaa nsúlé, a sáá bívinká, ɔ mānɛ́ ndándó nyí ɛ ŋgí ɓága ɓɔ́.

Elōg-Éféso 2:14 ပူးပေါင်းရင်းမြစ်များ

Lúkas 1:79

Míg paaye ɓá bísɛ bí lɛ́ átē á livito, la ɓá bí lɛ́ á m̀ɓel-á-sɔŋ á lí tɛ́ɛ́yɛ lí míkoo máhá á nzen nsaŋ.»

Lúkas 2:14

«Lipém lí ɓɛ́ la Ɔlolómɛ̄ á lóō lóō, nsaŋ á sí la ɓot á ŋga díŋɛ.»

Yohánɛs 10:16

Mi byɛ́ɛ́ mitómbɛ́ mítām mí mí sē ɓé a nyí kɔ́tá, mɔ́g ma nyɛ́ɛ mɔ́ li sɔ́la, míg kɛ li ámble lí cíŋ yáma. La náŋ, liɓembá líg kɛ li ɓɛ́ lí já, ǹtát ki a ɓɛ́ wa.

Yohánɛs 11:52

Ah ányúū jɔ́-ntámɛ́ ɓé já, ndí á lí komanɛ lí ɓɔ́ɔ̄n bí Ɔlolómɛ̄ ɓá cámān pɛ́ɛ́ ɛsɛ̄ nɛ́ bí ɓɛ́ mut wa.

Yohánɛs 16:33

Mag laga ɓɛ́nɛ míŋ mam á lí somo nɛ́, á ŋ̀atanɛ́ la ma, miní ɓɛ́la nsaŋ. Miníg kɛ li taka mú á nyú ŋkɔŋ-á-sí, ndí, lethánɛ nyuú ányúū nɛ ma dí ŋkɔŋ-á-sí cíŋ.»

Misɔ́n mí Ɓáōmɓɛ 10:28

ɔ lāgá nɛ: «Ányúū ɓɔɔ́n bí Élōg-Yúda, miníg yí nɛ́, miólan mitám mí ŋgá loo ɓé míŋ nɛ́, li ɓɛ́ liwándá lí ǹcɛn-a-mut ndí tɔ li níŋgi á ndáá yɛ́ɛ̄. Ndí ma, Ɔlolómɛ̄ ag sɔ́le ma lí yíhɛ nɛ́, mah nyɛɛ ɓé ma lí píti tɔ li tɔ́tɔ lí mut tɔ wa.

Misɔ́n mí Ɓáōmɓɛ 10:36

A ómlé ɓɔ́ɔ̄n bí Íslāɛl njɛn wɛ́ɛ́, wɔ́ nɛ́ á lɛ́ Pɔ́l M̀ɓɛɛŋ nyí nsaŋ li kele la Yésus Kilístus, Nyɔ́ŋ-Ɛsáŋɛ́ a ɓot bísɛ.

Elōg-Lóma 5:1

Á élōgyāŋ, kasig la ŋyéɓé nɛ Ɔlolómɛ̄ a yáanɛ́ ɓɛ́hɛ ɓot bí tɛ́ɛ́ sim ɔ́sū vɛ́ɛ́, nyí vɔ́ŋɔ́ɔ, bi lɛ́ nsaŋ la nyɛ́ li loole la Ɛtáŋɛ wahá Yésus Kilístus.

Elōg-Gálátia 3:28

La náŋ, ɛ́ ŋgá ɓɛ́ ɓé pɛ nɛ́: mɔɔ́n Élōg-Yúda nyɔ́, tɔ nɛ́ mɔɔ́n Élōg-Gelékia nyɔ́; ɛ́ ŋgá ɓɛ́ ɓé pɛ nɛ́: ŋyɔ́ŋ nyú, tɔ nɛ́ kundɛ-mut nyí; páam nyí tɔ nɛ́ mindígá nyɔ́; átɔm nɛ́ ɓɛ́nɛ bísɛ maná yaán jā mut wa á ŋ̀atanɛ́ la Yésus Kilístus.

Elōg-Éféso 2:15

A sáá mbéndá Móse, mitiŋ mɛ́ɛ́ la bitɛ́ɛ́yɛ́nɛ́ byɛ́ɛ́. La náŋ, a sōmó nɛ ɓɔɔ́n bí Élōg-Yúda la ɓá bí sē ɓé ɓɔ́ɔ̄n bí Élōg-Yúda bí tímān pɔ̄m lilóm lí péná, ányúū náŋ nɛ́ a kóm ɓɔ nsaŋ.

Elōg-Éféso 2:17

Á ɓɛ́nɛ ɓá miní ɓɛ́ɛ́ énɛŋɛ́, la ɓá bí ɓɛ́ɛ́ ɓɛɓɛ, a sɔ́ ɓɛ́nɛ li lɛgɛ lí pɔ́l m̀ɓɛɛŋ nyí nsaŋ.

Elōg-Éféso 3:15

la nyɛ́ nɛ́ móō mí mimbiya mísɛ mí lɛ́ á lóō la á sí mí ŋga sɔ́léne.

Elōg-Éféso 4:16

La nyɛ́ nɛ́ bíjo bí nyúū bísɛ bí ŋga byélɓan la ŋguu, la moŋga-mí-nyúū mísɛ má āt byɔ á lí yaan lí pɔ̄m nyúū. Eceg ejo-nyúū sig ɛ́ ŋga ɓɔ̄ŋ nsɔ́n wɛ́ɛ́, nyúū ɛsɛ̄ ɛg náŋ, ɛg óŋɓɛ ki la yɔ-mɛn átē a ediŋ.

Elōg-Kólóso 1:20

Li loole ki la Mɔɔ́n wɛ́ɛ̄, ɔ sōmó nɛ a kóm nsaŋ á póla bíveglé bísɛ la nyɛ́-mɛ̄n, ɛ́ ɓɛ́ bí bí lɛ̄ á sí, ɛ́ ɓɛ́ bí bí lɛ̄ á lōó. La náŋ a kóm nsaŋ li loole la micii mí Mɔ́ɔ̄n wɛ́ɛ̄ mí má kómɓɛ́ á mbásá.

Elōg-Kólóso 2:20

Kasig maná wú la Kilístus, mam mí ŋkɔŋ-á-sí míh byɛ́ɛ́ ɓé pɛ ɓɛ́nɛ nsɛ́ŋ, ányúū yéé hɔ́ pɛ miní ŋgí niŋíg ɔ́ŋgɛn mímīm máná mí ŋgí lɛ́ á mam mí ŋkɔŋ-á-sí é? Yéé hɔ́ pɛ miní ŋgí oŋlégé mí mitiŋ nɛ́:

Elōg-Kólóso 3:11

Jɔ́ hɔ́ nɛ, ɛ́ ŋgá ɓɛ́ ɓé pɛ nɛ́ mɔ́ɔ̄n Élōg-Gelékia nyɔ́, tɔ nɛ́ mɔɔ́n Élōg-Yúda nyɔ́, ɛ́ ŋgá ɓɛ́ ɓé pɛ nɛ́ mut a kwɛ́ɛɓɛ nyɔ́ tɔ nɛ́ epɔ̄-mut yé, ɛ́ ŋgá ɓɛ́ ɓé pɛ nɛ́ ɓacɛn-bí-ɓot ɓá tɔ nɛ́ ɓɛɛ́n-bí-ŋkɔŋ ɓá, ɛ́ ŋgá ɓɛ́ ɓé pɛ nɛ́ ŋyɔ́ŋ nyú tɔ nɛ́ kundɛ-mut nyí, ndí Kilístus nɛ́ a lɛ́ byɔ́ bísɛ ányúū ɓot bísɛ.

Elōg-Kólóso 3:15

Nsaŋ á Kilístus nɛ́ á wɛɛla mimím máná, múŋ á nyúŋ nsaŋ nɛ́ maná yáŋlɛ́ á lí ɓɛ́ lí pɔ̄m nyúū. Yíán lí tíi lí mítamlan eceg ɛ́sɛ.

Elōg-Hébɛl 13:20

Ɔlolómɛ̄ Loó lí nsaŋ, nyɔ́ a pāhyɛ́ Ɛ́tāŋɛ wahá Yésus á nyɛmb, nyɔ́ a lɛ ǹtát mítōmbɛ́ ǹcɛ́ŋ. Li kele la micii mí Yésus nɛ́ ɓaá kuh ésaa-líat á éɓem la eɓem.

Elōg-Hébɛl 7:2

Nyɛ́ Mɛlkisédɛk nɛ́ Áblaháam a súléé joga já átē á jóom lí byóōm bísɛ a sɔ́ɔ́la á wélan. Jé joó nɛ Mɛlkisédɛk líg kɔplɛ ja nɛ́: «káísa nyí etɛ́l-sim.» Nyɛ́ ki nɛ́ a lɛ káísa nyí ɓot bí Sálɛm, náŋ ag mínɛ nɛ́ «káísa nyí nsaŋ.»