Elōg-Éféso 1:9 - Esaa-líat ɛ́ péná

⁹ A yɛ́ɛ́léné ɓɛ́hɛ mbaŋ nyí nsom wɛ́ɛ́, ɔ yɛ́ɛ́léné ki ɓɛ́hɛ peg a vúl la m̀mím á m̀ɓɛɛŋ ɔ́sū ví eceg á jóō lí Nyɔ́-a-Pɔ́hlɛ.

Elōg-Éféso 1:9 ပူးပေါင်းရင်းမြစ်များ

Matéus 13:11

Yésus ɔ pélē ɓɔ̄ nɛ́: «Ányúū nɛ́ ɓɛ́nɛ nɛ́ maná pɔhlɛ́ á lí yí lí mam mí mbaŋ nyí Ékombo-lóō. Ndí ah ɓáŋá ɓátām ɓé,

Lúkas 12:32

Ɔh kɔnɔ́g ɓé woŋ, á líɓembá lítɔ̄ga, átɔm nɛ́ Ɛsɔ́ŋɛ́ wāná a ɛ́n m̀ɓɛɛŋ á li tíi lí ɓɛ́nɛ Ekombo yɛ́ɛ́.

Lúkas 2:14

«Lipém lí ɓɛ́ la Ɔlolómɛ̄ á lóō lóō, nsaŋ á sí la ɓot á ŋga díŋɛ.»

Misɔ́n mí Ɓáōmɓɛ 13:48

Ɓot bí sē ɓé ɓɔ́ɔ̄n bí Élōg-Yúda, ɛnɛ́ ɓá ámblé bíŋ bíɓaŋgá, bú kɔ̄n mívag ŋgandag, bú ɓégɛ́ éɓaŋgá Nyɔ́ŋ-Ɛsáŋɛ́. Ɓáŋ bísɛ bí ŋgí nyɛɛ li kuh lí éniŋ éɓem bú yaán ɓáyēɓe.

Misɔ́n mí Ɓáōmɓɛ 2:23

Li oŋle la bisúghɛ́nɛ́ Ɔ́lolómɛ̄ a nyɔŋɔ́ɔ́ ɔ́sū ví éceg, nyɔ́ŋ mut, maná nuŋú nyɛ, munú ól nyɛ eceg miní tíéé nyɛ́ ɓot bí ŋgíla ŋyéɓé nɛ́ bí tōmó nyɛ́ á mbásá.

Misɔ́n mí Ɓáōmɓɛ 4:28

La náŋ, ɓá yáhɛ́ mam mísɛ ɔ ɓoŋháán ɔ́sū ví éceg la ŋguu wɔ wɔ́ɔ, mam ɔ tɛ́ɛ́yɛ́ɛ kaa nsom wɔ́ɔ.

Elōg-Lóma 11:25

Á élōgyāŋ, mag somo ɓɛ́nɛ li yíhɛ lí ŋ̀yɛ́ɛ́lāg á mbaŋ, á lí ɓɔŋ nɛ́ miníh nyɔŋɔ́g ɓé ɓɛ́nɛ-mɛ̄n kaa ɓot bí peg. Jogo lí ɓot bí lílōm lí Íslāɛl lá pún lí sɔ́ŋtánɛ, náŋ ag kɛ li ɓemle tɛɛ míŋí mílōm mísɛ má ōŋ nzen Ɔlolómɛ̄.

Elōg-Lóma 8:28

Á yéŋé épah, biíg yí ki nɛ́, Ɔlolómɛ̄ ag yaanɛ mam mísɛ m̀ɓɛɛŋ ányúū ɓá bí ŋga díŋɛ nyɛ́, ɓá a yáŋa li oŋle la peg yɛɛ́ a vúl.

Elōg-Kɔlínto 1 1:21

Ákaa ɛ́sɛ, kasig ŋkɔŋ-á-sí li oŋle la peg yɛ́ɛ̄ wáh la ɓé li lemlene lí Ɔ́lolómɛ̄ átē a peg yɛɛ́, ányúū náŋ nɛ́ Ɔlolómɛ̄ a súgɛ́ nɛ ag suŋ ɓá bísɛ bí ŋga yéɓé la nyíŋ pɔ́l bi ŋga lɛ́gɛ, nyí ɛ lɛ̄ káa jam lí nzeg ányúū ɓot-bí-bínam.

Elōg-Gálátia 1:12

Ɛ́nán sig nɛ́, ah mut-a-binam ɓé nɛ á yíglé mā yɔ, ndí tɔ li yéglɛ lí mā yɔ, ndí Yésus Kilístus nɛ́ a yɛ́ɛ́léné mā yɔ.

Elōg-Gálátia 1:15

Ndí, Ɔlolómɛ̄ a pɔhléé ma tóɓó-tóɓó kí mi ŋgí lɛ á líbum lí yɛɛ, á édiŋ yɛ́ɛ́ ɔ yáŋá ma, ɔ ɛ́n m̀ɓɛɛŋ

Elōg-Gálátia 1:16

nɛ́ a yɛ́ɛ́léné mā Mɔ́ɔ̄n wɛ́ɛ̄ nɛ́ ndí, mi lɛgɛ jóō jɛ́ɛ́ á mílōm mí mí sē ɓé mí Élōg-Yúda. Ɛ́g kɛ li ɓat nɛ́ mi vóó li ɓɔŋ náŋ ɛ́h ɓɛ́ ɓé ma lí ɓat lí mut ŋgéélé,

Elōg-Éféso 1:11

Á ŋ̀atanɛ́ wāhá la Nyɔ́-a-Pɔ́hlɛ nɛ́ ɓaá kuh ɛ́jāhá joga lí émbāmbá, ányúū nɛ Ɔlolómɛ̄ a tɛ́ɛ́yɛ́ ɓɛ́hɛ á ɔ́sū ví éceg li oŋle la peg yɛ́ɛ́ a vúl. Ag ɓɔ̄ŋ joó nɛ jam ákaa a súgɛ la ákaa a ɔ́ŋɔ.

Elōg-Éféso 1:8

Ɔlolómɛ̄ a yáhɛ́ ɓɛ́hɛ la ɔbul vɛ́ɛ́ ví míkaale, ányúū náŋ nɛ́ a yáhɛ́ ɓɛ́hɛ la peg la eyí.

Elōg-Éféso 3:11

li oŋle la peg nyí eɓem a vúl nyí a yáhɛ́ɛ átē a Yésus Kilístus Ɛtáŋɛ wahá.

Timotéo 1 3:16

Kɔɔ la mbálɛ, mbaŋ nyí ŋyéɓé wáhá ɛ lɛ̄ écɛ̄ŋ. Yɔ nɛ́ ɛ lɛ nɛ́: Yésus Kilístus nyɔ́ a sɔ́ la nyuú nyí mut-a-binam, M̀búl Mpúán a étɛ́ ɓɛ́hɛ liɓɛ́ɛg jɛ́ɛ́ lí sim, áŋgɛl ki yú mɛ̄mɛ́ nyɛ, ɔ lɛ̄glɛ́ á yóg ɓot bí ŋgíla ŋyéɓé, ɓot bú yéɓé la nyɛ́ á ŋkɔŋ-á-sí, ɔ ɓét á lōó, ɔ kūh lípēm lí Ɔ́lolómɛ̄.

Timotéo 2 1:9

nyɔ́ a sūŋ ɓɛ́hɛ, nyɔ́ a yáŋá ɓɛ́hɛ la ŋyáŋlán mpúán, ɔ yáŋá ɓɛ́hɛ ah ányúū misɔ́n máhá ɓé, ndí ányúū peg yɛɛ́ a vúl la elɔ́ŋgɔ yɛ́ɛ́ m̀mím. A étɛ́ ɓɛ́hɛ yéŋ elɔ́ŋgɔ yɛ́ɛ́ m̀mím yɔŋ ɔ́sū ví éceg li kele la Yésus Kilístus.