Elōg-Éféso 1:8 - Esaa-líat ɛ́ péná

⁸ Ɔlolómɛ̄ a yáhɛ́ ɓɛ́hɛ la ɔbul vɛ́ɛ́ ví míkaale, ányúū náŋ nɛ́ a yáhɛ́ ɓɛ́hɛ la peg la eyí.

Elōg-Éféso 1:8 ပူးပေါင်းရင်းမြစ်များ

Matéus 11:19

Ɛnɛ́ Mɔɔ́n Mut a sɔ́, ag dí, ag nyú, tɔ náŋ ki, la yɔ́ yú laglɛ́ nɛ́: ‹Léɓyán yé yoóm lídī la milɔg, liwándá lí ɓákomanɛ-ŋkuh-á-gɔ́mna la ɓaɓɔŋ-miɓé!› Ndí yú tímān lí yílɛ nɛ́ Peg ɛ lɛ́ jam lí tɛ́ɛ́ sim lí oŋle la misɔ́n mɛ́ɛ́.»

Elōg-Lóma 11:33

Ɔ́lolómɛ̄ a lóohán lí ɓɛ́ lí élɔ́ŋgɔ, peg yɛ́ɛ̄ la eyí yɛ́ɛ́ bíh byɛ́ɛ́ ɓé lísūg, mut tɔ wa a ŋgá la ɓé lí yí lí mísɛ́mɛg mɛ́ɛ́, mut tɔ wa a ŋgá la ɓé lí yí lí peg yɛ́ɛ́ a vúl!

Elōg-Lóma 5:15

Ndí, likaale Ɔlolómɛ̄ a ŋga tíi yɛmɛ́ lí ŋgá ketɓɛ ɓé la ɔvuha ví Ádam, ánsī nɛ́, kíyáɓɛ́nɛ la ɔvuha ví pɔ̄m mut ya, ŋgandag ɓot yá wú, nɛ́ láá hɔ́ líkaale lí Ɔ́lolómɛ̄, jé likaale a tíi li kele la pɔ̄m mut ya nɛ́ Yésus Kilístus lí ŋgá kɛ́ ɓé li caman la ɔ́bul ví ɓot é?

Elōg-Kɔlínto 1 2:7

Biíg camanɛ jā peg nyí Ɔlolómɛ̄, nyí ɛ lɛ̄ mbaŋ, nyí ya tíg á lísɔl, nyí ɛ lɛ̄ nɛ́ Ɔlolómɛ̄ a ɓoŋháán mimbú ndí mímbú ɔ́sū ví eceg ányúū lipém jáhá.

Elōg-Éféso 1:11

Á ŋ̀atanɛ́ wāhá la Nyɔ́-a-Pɔ́hlɛ nɛ́ ɓaá kuh ɛ́jāhá joga lí émbāmbá, ányúū nɛ Ɔlolómɛ̄ a tɛ́ɛ́yɛ́ ɓɛ́hɛ á ɔ́sū ví éceg li oŋle la peg yɛ́ɛ́ a vúl. Ag ɓɔ̄ŋ joó nɛ jam ákaa a súgɛ la ákaa a ɔ́ŋɔ.

Elōg-Éféso 1:7

La micii mɛ́ɛ́ nyɛ́ Yésus Kilístus nɛ́ ɓaá kɔplɛ. Á ŋ̀atanɛ́ la nyɛ́ nɛ́ ávuha wáhá wá kūh élaakɛ kasig Ɔlolómɛ̄ a lóohán lí ɓɛ́ lí elɔ́ŋgɔ.

Elōg-Éféso 1:9

A yɛ́ɛ́léné ɓɛ́hɛ mbaŋ nyí nsom wɛ́ɛ́, ɔ yɛ́ɛ́léné ki ɓɛ́hɛ peg a vúl la m̀mím á m̀ɓɛɛŋ ɔ́sū ví eceg á jóō lí Nyɔ́-a-Pɔ́hlɛ.

Elōg-Éféso 3:10

Jɔ́ nɛ́, li ɓotle nyí vɔ́ŋɔ́ɔ, li loole la Eɓasɛ nɛ́ Migɔ́mna la Ɓakanʼyɛ bí lɛ́ á lóō bí ŋga kɛ́ lí yí lí peg Ɔlolómɛ̄ á pánd ɛ́sɛ,

Elōg-Kólóso 2:3

Abyaŋ á peg ásɛ la nyú á éyī ásɛ bí sɔ́lɛ̄ ja átē a Kilístus.

Yúde 1:25

nyɛ́ nɛ́ a lɛ pɔm Ɔlolómɛ̄ Ǹsuŋ wahá, nyɔ́ a loolé la Yésus Kilístus Ɛtáŋɛ wahá. Lipém, adit, ŋguu la ekanʼyɛ bí ɓɛ́ɛ́ la nyɛ́ li ɓotle á kwakwáŋɛ, bí lɛ́ la nyɛ́ nyí vɔ́ŋɔ́ɔ, bíg kɛ ki li ɓɛ́ la nyɛ́ nɛ́-tɛ́ɛla á éɓem. Ɛ́ ɓɛ́ náŋ!

Biyɛ́ɛ́léné 5:12

Yéŋ edila áŋgɛl ɛ́ ŋgí lɔ́ŋgɛ á lóō lóō nɛ́: «Mɔɔ́n ntómbɛ́ nyɔ́ ɓá sɛ́m cíŋ á lí tíi ákaa nsúlé, a byɛ́ɛ́ kundɛ li kuh lí ŋguu, abyaŋ, peg, mbimban, adit, lipém la eɓégɛ.»