Elōg-Éféso 1:7 - Esaa-líat ɛ́ péná

⁷ La micii mɛ́ɛ́ nyɛ́ Yésus Kilístus nɛ́ ɓaá kɔplɛ. Á ŋ̀atanɛ́ la nyɛ́ nɛ́ ávuha wáhá wá kūh élaakɛ kasig Ɔlolómɛ̄ a lóohán lí ɓɛ́ lí elɔ́ŋgɔ.

Elōg-Éféso 1:7 ပူးပေါင်းရင်းမြစ်များ

Matéus 20:28

Náŋ ki nɛ̄ Mɔɔ́n Mut ah sɔ́ ɓé nɛ bí ɛɛlé nyɛ́, ndí a sɔ́ nɛ a ɛ́ɛ́lé ɓot, la li tíi lí éniŋ yɛ́ɛ́ á ésɛsɛ́ma á lí tɔ́hɔ lí ɔ́bul ví límut.»

Matéus 26:28

átɔm nɛ́ micii máma mí, micii mí Ésaa-líat mí má kómɓɛ́ ányúū elaakɛ-miɓé mí ɔ́bul ví límut.

Matéus 6:12

laakɛ́ ɓɛ́hɛ avuha wáhá, ákaa ɓɛ́hɛ ki bi ŋga láakɛ ɓá bí ŋga vúhle ɓɛ́hɛ;

Málkus 14:24

Ɔ lága ɓɔ nɛ́: «Micii máma mí, micii mí Ésaa-líat mí má kómɓɛ́ ányúū ɔbul ví límut.

Lúkas 1:77

á li tíi lí lílōm jɛ́ɛ́ bíyíhɛ́nɛ́ bí lísuŋga lí ŋga sɔ́le la elaakɛ-miɓé.

Lúkas 24:47

Á jóō jɛ́ɛ́, bíg kɛ li lɛgɛ lí Pɔ́l M̀ɓɛɛŋ, ányúū mveŋghanɛ́ a bilɛ́m la elaakɛ-miɓé á mílōm mísɛ, li ɓotle á Yélūsalɛm.

Yohánɛs 20:23

Tɔ nzáá miní ŋga kɛ li laakɛ lí míɓē, miɓé mɛ́ɛ́ míg kɛ li kuh lí élaakɛ, ndí tɔ nzáá miní ŋga kɛ́ li yuule lí míɓē, miɓé mɛ́ɛ́ míg kɛ li tíg la nyɛ́.»

Misɔ́n mí Ɓáōmɓɛ 10:43

Nyɛ́ nɛ́ ɓapɔ́tle-bí-Ɔ́lolómɛ̄ bísɛ bí ŋga tíi nyí mbóŋ nɛ: ‹Tɔ nzáá a byɛ́ɛ̄ ŋyéɓé la Nyɛ́, ag kɛ li kuh lí élaakɛ-miɓé á jóō jɛ́ɛ́›.»

Misɔ́n mí Ɓáōmɓɛ 2:38

Pétlos ɔ pélē ɓɔ́ nɛ́: «Miní vēŋé bilɛ́m, mut sig ki á élɔŋ yáná a kūh nzoɓan á joó lí Yésus Kilístus ányúū elaakɛ-miɓé mɛ́ɛ́, la náŋ miníg kɛ li kuh lí M̀búl Mpúán kaa likaale.

Misɔ́n mí Ɓáōmɓɛ 20:28

Miní táthán la ɓɛ́nɛ-mɛ̄n, miní táthán ki la liɓembá jé M̀búl Mpúán a tí ɓɛ́nɛ. Ɓɛ́án ɓatát bí Eɓasɛ yé Ɔlolómɛ̄, yé a sóm ányúū yɛ́ɛ̄ nyɛ́-mɛ̄n la micii mɛ́ɛ́.»

Misɔ́n mí Ɓáōmɓɛ 3:19

Miní vēŋé hɔ́ éniŋ, miní tímān la Ɔlolómɛ̄, á li ɓɔŋ nɛ́ a láákɛ́ miɓé máná.

Elōg-Lóma 2:4

Tɔ nɛ́ nlohanɛ́ a elɔ́ŋgɔ m̀mím yé Ɔlolómɛ̄ nɛ ɔ ŋgɔ yáŋa, tɔ nɛ́ ɔg yaŋa ja éɔ̄hánɛ yɛ́ɛ́ la m̀mím wɛ́ɛ́ á ŋgɔ́ɔ́ ɛ́h ɓɛ́ ɓé wā lí yí nɛ́ yéŋ elɔ́ŋgɔ yɛ́ɛ́ m̀mím nɛ ɛ́ ŋga tíi wa eceg nɛ́ ɔ véŋé bílɛ̄m é?

Elōg-Lóma 3:24

Ndí, ányúū ekɔnan-ŋgɔ́ɔ́ yɛ́ɛ́, a tɛ́ɛ́yɛ́ ɓot sim yɛmɛ́ li kele la Yésus Kilístus nyɔ́ a mān lí ɓógtɛ lí ɓot á áɓē.

Elōg-Lóma 3:25

Ɔ́lolómɛ̄ a tí nyɛ kaa nsúlé nɛ́ ndí, li kele la micii mɛ́ɛ́, a ɓɛ́ ekwag-miɓé ányúū ɓá bí ŋga yéɓé la nyɛ́. La náŋ, Ɔlolómɛ̄ a étɛ́ nɛ a ɓáág sim, nlee la eceg a mwáhɛ́ míɓē mí ɓot bí kwaŋ ŋgíla ekɔ́ghɛ,

Elōg-Lóma 9:23

A étɛ́ bíŋ bísɛ á lí yíhɛ lí ɓɛ́hɛ abyaŋ á lípēm jɛ́ɛ́, ányúū ɓot a kɔ̄nlé ŋgɔ́ɔ́, ɓá a ɓōŋhán á lí lɛ́gle lí jéŋ lipém,

Elōg-Kɔlínto 1 1:30

Nyɛ́ Ɔ́lolómɛ̄ nɛ́ a āt ɓɛ́nɛ la Yésus Kilístus, Yésus Kilístus ki ɔ ɓɛ́ peg ɛ ŋga sɔ́le la Ɔlolómɛ̄ ányúū yāhá. Li loole la nyɛ́ nɛ́ Ɔ́lolómɛ̄ a yáanɛ́ ɓɛ́hɛ ɓot bí lɛ́ sim, ɔ pɔ̄hɔ́ ɓɛ́hɛ ányúū yɛ́ɛ̄, la nyɛ́ ɔ ɓógtɛ́ ɓɛ́hɛ á míɓē.

Elōg-Kɔlínto 2 8:9

La mbálɛ, miníg yí elɔ́ŋgɔ m̀mím yé Ɛtáŋɛ wahá Yésus Kilístus, nyɔ́ a lɛ nɛ́, átē a abyaŋ wɛ́ɛ́, a yáanɛ́ nyɛ́-mɛ̄n ŋ̀yɛ́ɛ́yɛ́ɛ ányúū yāná, nɛ́ ndí la liyɛ́ɛ́ jɛ́ɛ́ a byāŋɓɛ́ ɓɛ́nɛ.

Elōg-Éféso 1:14

nɛ á lɛ́ éɓeeka yé émbāmbá bií ŋga kɛ́ li koto á éceg bí ŋga mān ɓɛ́hɛ li kɔpɔ á áɓē. Bi lɔ́ŋgɛ́ hɔ́ lípēm lí Ɔ́lolómɛ̄.

Elōg-Éféso 1:18

A légé mimím máná nɛ́ mípūū mɛ́ɛ́ mí paayé ɓɛ́nɛ, á lí ɓɔŋ nɛ́ miní sɔ́ŋtánɛ jɔɔ́jɔ́ɔ lipitá ŋyáŋlán wɛ́ɛ́ á ŋga sɔ́la ɓɛ́nɛ, nɛ́ miní sɔ́ŋtánɛ wɔɔ́wɔ́ɔ ábyaŋ lipém jɛ́ɛ́ lí ŋga sɔ́la ɓɛ́nɛ, yɔɔ́yɔ́ɔ embámbá a ŋga káahanɛ ɓɛ́nɛ la ndog yɛ́ɛ̄,

Elōg-Éféso 1:6

Bi lɔ́ŋgɛ́ hɔ́ lipém lí Ɔlolómɛ̄, ányúū taŋ míkaale a tí ɓɛ́hɛ la m̀mím nláám á ŋ̀atanɛ́ wāhá la edidíŋɛ yɛ́ɛ́ Mɔ́ɔ̄n Yésus Kilístus.

Elōg-Éféso 1:8

Ɔlolómɛ̄ a yáhɛ́ ɓɛ́hɛ la ɔbul vɛ́ɛ́ ví míkaale, ányúū náŋ nɛ́ a yáhɛ́ ɓɛ́hɛ la peg la eyí.

Elōg-Éféso 2:4

Ndí, Ɔlolómɛ̄ a yáhɛ la ekɔnan-ŋgɔ́ɔ́ ányúū nɛ a lóohán ɓɛ́hɛ li diŋ.

Elōg-Éféso 2:7

Jɔ́ nɛ́, a étɛ́ ɓɛ́hɛ m̀mím wɛ́ɛ́ nláám á ŋ̀atanɛ́ wāhá la Yésus Kilístus, la náŋ ɔ sómo li étɛ lí ábyaŋ á ŋgíla ŋget nyú á elɔ́ŋgɔ yɛ́ɛ́ m̀mím á bíceg bí ŋga kɛ́ li sɔ́.

Elōg-Éféso 3:16

Mag sɔ́hye nyɛ́ nɛ́, kasig a yáhɛ́ la abyaŋ á lípēm jɛ́ɛ́, M̀búl Mpúán wɛ́ɛ̄, a letɛ́ m̀búl wáná,

Elōg-Éféso 3:8

Tɔ náŋ ákaa ma nɛ́ mi lɛ nyɔ́ a lóohán lí tígi átē á ndog-Ɔlolómɛ̄ yɔ ɛsɛ̄, ma pɔ́n nɛ ma kūh líkaale jé lí lí lɛgɛ lí mílōm mí sē ɓé ɓɔ́ɔ̄n bí Élōg-Yúda pɔ́l abyaŋ á ŋgíla lisúg nyú á Nyɔ́-a-Pɔ́hlɛ,

Elōg-Fílípi 4:19

La náŋ, Ɔlolómɛ̄ Loó jáma, ag kɛ li yáhɛ lí kóó yáná yɔ́ ɛ́sɛ li oŋle la taŋ yɛ́ɛ̄ abyaŋ á jóō lí Yésus Kilístus.

Elōg-Kólóso 1:14

Á ŋ̀atanɛ́ la nyɔ́ŋ Mɔ́ɔ̄n wɛ́ɛ̄ nɛ ɓaá ɓógó á ŋgatka miɓé, miɓé máhá ki mú kūh élaakɛ.

Elōg-Kólóso 1:27

A sómó lí yíhɛ lí ndog yɛ́ɛ̄ líɓɛ́ɛg lí nyíŋ mbaŋ la abyaŋ wɛ́ɛ́ á ŋgwáāg ɓot bí sē ɓé ɓɔ́ɔ̄n bí Élōg-Yúda. Nyíŋ mbaŋ ɛ lɛ́ nɛ́, Kilístus a lɛ̄ la ɓɛ́nɛ, la nyɛ́ nɛ́ miní byɛ́ɛ́ lipitá nɛ miníg níŋgi á lipém lí Ɔ́lolómɛ̄.

Elōg-Kólóso 2:13

Ɓɛ́nɛ ki, miní ɓɛ́ɛ́ míwúag ányúū avuha wáná la ányúū liɓɛ́ɛg jáná lí bípɔ, ndí nyí vɔ́ŋɔ́ɔ, Ɔlolómɛ̄ a tímānɛ̄ ɓɛ́nɛ á éniŋ elɔŋ la Kilístus. A láakɛ́ ɓɛ́hɛ avuha wáhá ásɛ,

Elōg-Kólóso 2:2

La náŋ, mag somo nɛ́ ɓɛ́nɛ bísɛ miní ɓɛ́la mikúndá, miní ɓɛ́ jam já átē a ediŋ, miní yál la eyí, nɛ́ ndí miní yí mbaŋ Ɔlolómɛ̄, nyí ɛ lɛ̄ Yésus Kilístus.

Timotéo 1 2:6

nyɛ́ nɛ́ a tí eniŋ yɛ́ɛ́ ákaa eɓeeka á lí suŋ lí ɓot bísɛ. Nyíŋ mbóŋ nɛ ɛ tíéɓɛ́ɛ á eceg Ɔlolómɛ̄ a tɛ́ɛ́yɛ́ɛ.

Títo 2:14

Nyɛ́-mɛ̄n nɛ́ a tí éniŋ yɛ́ɛ́ ányúū yāhá, ányúū li kɔpɔ lí ɓɛ́hɛ á míɓē máhá mísɛ, la li púɛ lí ɓɛ́hɛ nɛ́ bi ɓɛ́ lílōm jɛ́ɛ́ la nɛ́ bi ɓɛ́la akwáá á lí ɓɔŋ lí mísɔ̄n mí m̀ɓɛɛŋ.

Títo 3:6

Nyúŋ M̀búl, Ɔlolómɛ̄ a kúúlé ɓɛ́hɛ wɔ́ ŋgíla ɔvega li loole la Yésus Kilístus Ǹsuŋ wahá,

Elōg-Hébɛl 9:22

Li oŋle la mbéndá Móse, la micii nɛ́ bí ŋga púɛ joó nɛ jam, elaakɛ-miɓé ɛ́ ŋgá la ɓé lí loo ɛ́h ɓɛ́ ɓé nɛ micii má kómɓɛ.

Pétlos 1 2:24

Nyɛ́ nɛ́ a ɓɛ́gɛ̄ aɓé wáhá á nyúū yɛ́ɛ̄ á loó lí mbásá, á li ɓɔŋ nɛ́ bih ɓɛ́ɛ́g ɓé pɛ á sí likanʼyɛ lí áɓē, ndí bi nīŋ eniŋ ɛ́ tɛ́ɛ́ sim. Mbála yɛ́ɛ́ yá tɔ́ɔyɛ́ ɓɛ́nɛ mbólí.

Pétlos 1 3:18

Ákaa ɛ́sɛ, Nyɔ́-a-Pɔ́hlɛ nyɛ́-mɛ̄n a sɔ̄ghe ányúū miɓé mí ɓot-bí-bínam ŋgele ya ányúū yɔ́ ɛ́sɛ. Nyɛ́ mut a tɛ́ɛ́ sim, a sɔ̄ghé ányúū ɓá bíh tɛ́ɛ́ ɓé sim, á lí ɓɔŋ nɛ́ a kɛla ɓɛ́nɛ á mbóg Ɔlolómɛ̄. A wú átē a mison, ndí ɔ tímān á eniŋ átē a M̀búl.

Yohánɛs 1 2:12

Á ɓɔ́ɔ̄n ɓáma, mag ciile ɓɛ́nɛ ányúū nɛ́, Miɓé máná má kuh élaakɛ á jóō lí Yésus.

Yohánɛs 1 2:2

átɔm nɛ́ a tí nyɛ́-mɛ̄n kaa nsúlé ányúū elaakɛ míɓē máhá, ah ɛmáhá mɔ́-ntámɛ́ ɓé, ndí la mí mí ŋkɔŋ-á-sí ásɛ ki.

Yohánɛs 1 4:10

Yéŋ ediŋ ɛ́ lɛ́ nɛ́: ah ɓɛ́hɛ ɓé nɛ ɓaá dīŋ Ɔlolómɛ̄, nyɛ́ nɛ́ a dīŋ ɓɛ́hɛ, la nyɛ́ ɔ óm Mɔ́ɔ̄n wɛ́ɛ̄, ɔ tí nyɛ kaa nsúlé ányúū elaakɛ-miɓé máhá.

Biyɛ́ɛ́léné 14:4

Ɓɔ́, bíh ɓɔ̄ŋɔ́ɔ ɓé mpuŋgú la ɓondígá, la náŋ, bí lɛ́ kɔ́njí. Ɓɔ́, bíg oŋ mɔɔ́n ntómbɛ́ tɔ véé á ŋga kɛ̄. Ɓɔ́ nɛ́ ɓá sómɓɛ́ la micii até á ɓot-bí-bínam, jɔ́ nɛ́ ɓá dúgu lí tíéɓɛ lí Ɔ́lolómɛ̄ la mɔɔ́n ntómbɛ́ ákaa mpumu ɔ́sū;

Biyɛ́ɛ́léné 5:9

Bí ŋgí lɔ́ŋgɛ ŋgoso péná nɛ: «Ɔ kɔ́ɔ́ li lɛ́gle lí kálati la li kɔpɔ lí bíɓátan bí ndembye byɛ́ɛ́; ányúū nɛ ɓá sɛ́m wa líbīt, bú tí wa ákaa nsúlé; ányúū Ɔlolómɛ̄, wu sóm la micii mɔ́ɔ, ɓot bí jóō nɛ bikombo, bí jóō nɛ lilóm, bí jóō nɛ lilómɛ la ɓá bí mípɔ̄t mísɛ.