Elōg-Éféso 1:22 - Esaa-líat ɛ́ péná

²² Ɔɔ, Ɔlolómɛ̄ a vá byóōm bísɛ á sí míkoo mí Nyɔ́-a-Pɔ́hlɛ, ɔ ɓétɛ́ nyɛ á lōó lí mam mísɛ, ɔ tɛ́ɛ́yɛ́ nyɛ á m̀mú á Éɓasɛ,

Elōg-Éféso 1:22 ပူးပေါင်းရင်းမြစ်များ

Matéus 16:18

Má, mag laga wa nɛ́: ‹Ɔ lɛ Ŋgɔgɛ, á lóō lí nyíŋ ŋgɔg nɛ́ mi ŋga óŋ Eɓasɛ yáma, tɔ ŋguu nyí nyɛmb ɛ́ ŋgá kɛ ɓé yɔ li dí lí cíŋ.

Misɔ́n mí Ɓáōmɓɛ 20:28

Miní táthán la ɓɛ́nɛ-mɛ̄n, miní táthán ki la liɓembá jé M̀búl Mpúán a tí ɓɛ́nɛ. Ɓɛ́án ɓatát bí Eɓasɛ yé Ɔlolómɛ̄, yé a sóm ányúū yɛ́ɛ̄ nyɛ́-mɛ̄n la micii mɛ́ɛ́.»

Elōg-Kɔlínto 1 11:3

Nyí vɔ́ŋɔ́ɔ, mi byɛ́ɛ́ kóó lí yíhɛ lí ɓɛ́nɛ nɛ́, Nyɔ́-a-Pɔ́hlɛ nɛ́ a lɛ ŋ̀kanʼyɛ a jóō nɛ̄ páam. Páam yu ɓɛ́ ŋ̀kanʼyɛ a mindígá, Ɔlolómɛ̄ ɔ ɓɛ́ ŋ̀kanʼyɛ a Nyɔ́-a-Pɔ́hlɛ.

Elōg-Éféso 3:21

lipém lí ɓɛ́ la nyɛ́ á Eɓasɛ átē a Yésus Kilístus á nyɔ́ŋɔn ndí nyɔ́ŋɔn, la á éɓem la á éɓem! Ɛ́ ɓɛ́ náŋ.

Elōg-Éféso 5:23

átɔm nɛ́ páam nɛ́ ɛ ŋga kānʼyɛ mindígá, ákaa Nyɔ́-a-Pɔ́hlɛ nyɛ́g a ŋga kānʼyɛ Eɓasɛ, nyɛ́ Ǹsuŋ Éɓasɛ yé ɛ́ lɛ́ nyúū yɛ́ɛ̄.

Elōg-Kólóso 1:18

Nyɛ́ nɛ́ a lɛ m̀mú á nyúū, nyíŋ nyúū nɛ ɛ lɛ̄ Éɓasɛ. Nyɛ́ nɛ́ a lɛ míɓōtlé Mut ɔsú á lí pahye á póla ɓá ɓá wū, á li ɓɔŋ nɛ́ a ɓɛ́ nyɔ́ ɔsú á mam mísɛ.

Elōg-Kólóso 1:8

ɔ yíhɛ́ ki ɓɛ́hɛ patí ediŋ M̀búl Mpúán a vá átē wāná.

Elōg-Kólóso 2:10

Ɓɛ́nɛ ki, á ŋ̀atanɛ́ la nyɛ́, miní kɔlánɛ̄ á mam mísɛ, kasig nyɛ́ nɛ́ a lɛ ŋ̀kanʼyɛ Migɔ́mna la Ŋguu ecɛ́ŋ ɛ́sɛ.

Elōg-Kólóso 2:19

Bí ŋgá tiŋɓé ɓé la Yésus Kilístus nyɔ́ a lɛ m̀mú, kí mbálɛ ɛ lɛ jā nɛ́, la nyɛ́ nɛ́ nyúū ɛsɛ̄ ya kūh lidí, la nyɛ́ nɛ́ moŋga mí nyúū elɔŋ la misih mí móŋga mísɛ má atɓan, ndí nyúū ɛ́sɛ ki ɛg náŋ li oŋle la nsom á Ɔlolómɛ̄.

Timotéo 1 3:15

Ndí, Kíyáɓɛ́nɛ ma bíŋhan, yé ma cíilé wa ɛg kɛ wa lí óŋgánɛ á lí yí ákaa wa nyɛ́ɛ lí wɛɛ á ndáá Ɔlolómɛ̄, nyí ɛ lɛ Éɓasɛ yé Ɔlolómɛ̄ nyɔ́ a lɛ̄ á éniŋ, nyí ɛ lɛ̄ mbíi ɛ ŋga ɓɛ́gɛ mbálɛ la li nit lí yɔ.

Elōg-Hébɛl 2:8

Ɔ váá byóōm bísɛ á sí míkoo mɛ́ɛ́.» Eceg a ŋgí vá byóōm bísɛ á sí likanʼyɛ jɛ́ɛ́, jam tɔ já líh yéglée ɓé jé lí ɓɛ́ɛ́ ɓé á sí yɛ́ɛ̄. Ndí tɛɛla nyí vɔ́ŋɔ́ɔ, bih ŋgɛ́nɛ́g ɓé ɓɛ́hɛ nɛ́ byoóm bísɛ bí lɛ́ á sí likanʼyɛ jɛ́ɛ́.