Elōg-Éféso 1:18 - Esaa-líat ɛ́ péná

¹⁸ A légé mimím máná nɛ́ mípūū mɛ́ɛ́ mí paayé ɓɛ́nɛ, á lí ɓɔŋ nɛ́ miní sɔ́ŋtánɛ jɔɔ́jɔ́ɔ lipitá ŋyáŋlán wɛ́ɛ́ á ŋga sɔ́la ɓɛ́nɛ, nɛ́ miní sɔ́ŋtánɛ wɔɔ́wɔ́ɔ ábyaŋ lipém jɛ́ɛ́ lí ŋga sɔ́la ɓɛ́nɛ, yɔɔ́yɔ́ɔ embámbá a ŋga káahanɛ ɓɛ́nɛ la ndog yɛ́ɛ̄,

Elōg-Éféso 1:18 ပူးပေါင်းရင်းမြစ်များ

Matéus 13:15

Átɔm nɛ́, jé lilóm lá lēt m̀mú; lá lēg miɔ́ɔ́ lú lēg miíh á lí pún nɛ́ miíh máɓá míh ɛ́nɛ́g ɓé, miɔ́ɔ́ máɓá míh ámblégé ɓé, mimím máɓá míh naŋʼyág ɓé tɔ jam, líh veŋlág ɓé ki bilɛ́m, jɔ́ nɛ́ mág máh tɔɔyɛ ma ɓɔ́ mbólí.›

Málkus 10:17

Á miɓógo mí Yésus, mut wa ɔ sɔ́ m̀bíí, ɔ úm míɓɔ̄ŋ ɔ́sū vɛ́ɛ́ ɔ bíhī nyɛ nɛ́: «Á elɔ́ŋgɔ Ŋ̀yéglɛ, yéé ma nyɛ́ɛ li ɓɔŋ ndí mi kūh eniŋ éɓem ákaa ɛjáma joga é?»

Lúkas 24:45

La Yésus ɔ légē ɓɔ pɔ́ŋ á li ɓɔŋ nɛ́ bí sɔ́ŋtánɛ́ Biciilé.

Misɔ́n mí Ɓáōmɓɛ 16:14

Mindígá wa múŋ á elɔŋ ɛ́ ɓondígá bí ŋgí yáŋa nɛ́ Lídia, ŋgɔn tísɔn nyí Tiatília, a ŋgí yéɓe la Ɔlolómɛ̄, a ŋgí nuŋu taŋ bívɛɛ́vɛ́ɛ bí míɓato mí ŋga véé díyɛ. A ŋgí ámble ɓɛ́hɛ, la Nyɔ́ŋ-Ɛsáŋɛ́ ɔ legé m̀mím wɛ́ɛ́ á lí ɓɔŋ nɛ́ a sɔ́ŋtánɛ biɓaŋgá bí Póol.

Misɔ́n mí Ɓáōmɓɛ 26:18

á lí lege lí mɔ̄ miíh la li ɓógtɛ lí mɔ́ á lívito li kɛla lí mɔ á mipúú, li ɓógtɛ lí mɔ̄ á mɔ mí Sátan, li kɛla lí mɔ̄ á yóg Ɔlolómɛ̄, nɛ́ ndí mí kuh elaakɛ-miɓé la li nyɔŋ lí joga á émbāmbá elɔŋ la ndog ɓayéɓe li oŋle la ŋyéɓé bí byɛ́ɛ̄ la ma.›

Elōg-Lóma 11:29

La mbálɛ, Ɔlolómɛ̄ a ŋgá nyɔŋ ɓé pɛ yé a mān lí tíi, ndí tɔ li veŋe lí míɔ̄ŋɔ ányúū ɓá a mān lí yáŋa.

Elōg-Lóma 2:4

Tɔ nɛ́ nlohanɛ́ a elɔ́ŋgɔ m̀mím yé Ɔlolómɛ̄ nɛ ɔ ŋgɔ yáŋa, tɔ nɛ́ ɔg yaŋa ja éɔ̄hánɛ yɛ́ɛ́ la m̀mím wɛ́ɛ́ á ŋgɔ́ɔ́ ɛ́h ɓɛ́ ɓé wā lí yí nɛ́ yéŋ elɔ́ŋgɔ yɛ́ɛ́ m̀mím nɛ ɛ́ ŋga tíi wa eceg nɛ́ ɔ véŋé bílɛ̄m é?

Elōg-Kɔlínto 2 4:4

ányúū ɓá bí ŋgá yéɓe ɓé, ɓá bí lɛ́ nɛ́ loó lí nyí sí lá dím éyī, nɛ́ ndí bíh ɛ́nɛ́g ɓé épaa yé Pɔ́l M̀ɓɛɛŋ nyí lípēm lí Nyɔ́-a-Pɔ́hlɛ, nyɔ́ a lɛ á édīŋgɛ́-díŋgɛ yé Ɔ́lolómɛ̄.

Elōg-Kɔlínto 2 4:6

Ányúū nɛ Ɔlolómɛ̄ á yóó nɛ́: «Mipúú mí páa átē a livito.» Nyɛ́-mɛ̄n nɛ́ a páa á mímīm máhá, la nyɛ́ ɔ páɛ ɓɛ́hɛ nɛ́ ndí bi yí lipém jɛ́ɛ́, jé lí ŋga páayene á ásū á Nyɔ́-a-Pɔ́hlɛ.

Elōg-Gálátia 5:5

Ányúū ɓɛ́hɛ ɓá bi byɛɛ́ ŋyéɓé li kele la M̀búl Mpúán, bi byɛ́ɛ́ lipitá nɛ Ɔlolómɛ̄ ag yaanɛ ɓɛ́hɛ ɓot bí tɛ́ɛ́ sim ɔ́sū vɛ́ɛ́.

Elōg-Éféso 1:11

Á ŋ̀atanɛ́ wāhá la Nyɔ́-a-Pɔ́hlɛ nɛ́ ɓaá kuh ɛ́jāhá joga lí émbāmbá, ányúū nɛ Ɔlolómɛ̄ a tɛ́ɛ́yɛ́ ɓɛ́hɛ á ɔ́sū ví éceg li oŋle la peg yɛ́ɛ́ a vúl. Ag ɓɔ̄ŋ joó nɛ jam ákaa a súgɛ la ákaa a ɔ́ŋɔ.

Elōg-Éféso 1:7

La micii mɛ́ɛ́ nyɛ́ Yésus Kilístus nɛ́ ɓaá kɔplɛ. Á ŋ̀atanɛ́ la nyɛ́ nɛ́ ávuha wáhá wá kūh élaakɛ kasig Ɔlolómɛ̄ a lóohán lí ɓɛ́ lí elɔ́ŋgɔ.

Elōg-Éféso 2:12

Ɔ́ŋlán nɛ́ váŋ á yéŋ eceg, miní ŋgí yí ɓé Nyɔ́-a-Pɔ́hlɛ, ɔ́ŋlán ki nɛ́ miníh ɓɛ́ɛ́la ɓé kundɛ li tɔɔ á éti yé lílōm lí Íslāɛl, ɔ́ŋlán nɛ́ bisaa-bí-míat mí byɛ́ɛ̄ líkakanɛ Ɔlolómɛ̄ a ɓɔŋɔ́ɔ́ la ndog yɛ́ɛ̄ míh ɓɛ́ɛ́ ɓé ányúū yāná. Miní ŋgí nīŋ á ŋkɔŋ-á-sí ŋgíla lipitá la ŋgíla Ɔlolómɛ̄.

Elōg-Éféso 3:16

Mag sɔ́hye nyɛ́ nɛ́, kasig a yáhɛ́ la abyaŋ á lípēm jɛ́ɛ́, M̀búl Mpúán wɛ́ɛ̄, a letɛ́ m̀búl wáná,

Elōg-Éféso 3:8

Tɔ náŋ ákaa ma nɛ́ mi lɛ nyɔ́ a lóohán lí tígi átē á ndog-Ɔlolómɛ̄ yɔ ɛsɛ̄, ma pɔ́n nɛ ma kūh líkaale jé lí lí lɛgɛ lí mílōm mí sē ɓé ɓɔ́ɔ̄n bí Élōg-Yúda pɔ́l abyaŋ á ŋgíla lisúg nyú á Nyɔ́-a-Pɔ́hlɛ,

Elōg-Éféso 4:1

Á élōgyāŋ, ma Póol mi lɛ á m̀ɓog á jóō lí Nyɔ́ŋ-Ɛsáŋɛ́. Mag ɓéhyɛ ɓɛ́nɛ nɛ́, miní niŋ ákaa ɛ́ ŋga sōmlɛ li oŋle la ŋyáŋlán maná kuh.

Elōg-Éféso 4:4

Nyuú ɛ lɛ́ ja ya, M̀búl ki wú ɓɛ́ wá, náŋ ki nɛ́ maná yáŋlɛ́ á lí ɓɛ́la lí lípitá já,

Elōg-Éféso 5:8

Á kwākwáŋɛ, miní ɓɛ́ɛ́ ɓɔ́ɔ̄n bí lívito, ndí nyí vɔ́ŋɔ́ɔ miní lɛ́ ɓɔ́ɔ̄n bí mipúú á ŋ̀atanɛ́ la Nyɔ́ŋ-Ɛsáŋɛ́. Niŋán ákaa ɓɔɔ́n bí mípūū.

Elōg-Fílípi 3:14

Jɔ́ nɛ́ mi ŋga nāŋga m̀bíí nɛ́ mi pám á lísūg lí nlee, á lí tombanɛ lí nsála nyú á ŋga sɔ́le á ŋyáŋlán á lɛ́ nɛ Ɔlolómɛ̄ a yáŋléné ɓɛ́hɛ á lōó á ŋ̀atanɛ́ wāhá la Yésus Kilístus.

Elōg-Kólóso 1:12

tíán Etāa Loó mítamlan, nyɔ́ a ɓɔ̄ŋ nɛ miní la li ɓɛ́la lí joga á émbāmbá yé a nāŋʼyé ndog yɛ́ɛ̄ átē á mípūū.

Elōg-Kólóso 1:23

Ndí, ɛ́g somlɛ nɛ́, li kele la ŋyéɓé, miní lēt, miní byēlɓán, miní ɓɛ́la ki ŋguu taŋ, ɛ́h ɓɛ́ ɓé ɓɛ́nɛ li mwahɛ nɛ́ jam tɔ já lí ɓógtɛ́ ɓɛ́nɛ lipitá miní byɛ́ɛ̄ la Pɔ́l M̀ɓɛɛŋ nyí maná ámble, nyí joó nɛ eveglé ɛ́ lɛ́ á sí vaŋgá yá ámble, nyí Pɔ́l M̀ɓɛɛŋ ɛ lɛ nɛ́ ma Póol ma yáan m̀ɓɔŋle.

Elōg-Kólóso 1:27

A sómó lí yíhɛ lí ndog yɛ́ɛ̄ líɓɛ́ɛg lí nyíŋ mbaŋ la abyaŋ wɛ́ɛ́ á ŋgwáāg ɓot bí sē ɓé ɓɔ́ɔ̄n bí Élōg-Yúda. Nyíŋ mbaŋ ɛ lɛ́ nɛ́, Kilístus a lɛ̄ la ɓɛ́nɛ, la nyɛ́ nɛ́ miní byɛ́ɛ́ lipitá nɛ miníg níŋgi á lipém lí Ɔ́lolómɛ̄.

Elōg-Kólóso 1:5

Lipitá lí ŋga láaŋke ɓɛ́nɛ á ékombo-lóō lí lɛ́ jé ɓá dúgú ɓɛ́nɛ li lɛgɛ á éɓaŋgá mbálɛ, yéŋ eɓaŋgá nɛ ɛ́ lɛ́ Pɔ́l M̀ɓɛɛŋ

Elōg-Kólóso 2:2

La náŋ, mag somo nɛ́ ɓɛ́nɛ bísɛ miní ɓɛ́la mikúndá, miní ɓɛ́ jam já átē a ediŋ, miní yál la eyí, nɛ́ ndí miní yí mbaŋ Ɔlolómɛ̄, nyí ɛ lɛ̄ Yésus Kilístus.

Elōg-Kólóso 3:15

Nsaŋ á Kilístus nɛ́ á wɛɛla mimím máná, múŋ á nyúŋ nsaŋ nɛ́ maná yáŋlɛ́ á lí ɓɛ́ lí pɔ̄m nyúū. Yíán lí tíi lí mítamlan eceg ɛ́sɛ.

Elōg-Tésaloníka 1 2:12

Ɓaá éélé ɓɛ́nɛ, bu létɛ́ ɓɛ́nɛ nyúū, bu lóohán ɓɛ́nɛ li sɔ́hye nɛ́ miní nīŋ ákaa Ɔlolómɛ̄ a ŋga sómo, nyɛ́ mut a yáŋá ɓɛ́nɛ á lí ɓɛ́la lí joga á Ékombo yɛ́ɛ́ la á lípēm jɛ́ɛ́.

Elōg-Tésaloníka 1 5:8

Ndí ɓɛ́hɛ ɓá bi lɛ ɓot bí nzámuh, bi táthán hɔ́ la ɓɛ́hɛ-mɛ̄n. Bi ɓɛ́la ŋyéɓé la ediŋ ákaa bí ŋga jál mbɔ́tí bícɛɛ nyí wélan, bi ɓɛ́la ki lipitá jé lí lísuŋga ákaa bí ŋga jál ékōŋgó.

Elōg-Tésaloníka 2 1:11

Ányúū náŋ nɛ́ bi ŋga kánɛ eceg ɛ́sɛ ányúū yáná, nɛ́ ndí Ɔlolómɛ̄ Loó jáhá a ɛ́n nɛ́ miní ɓɛ́ɛ́ miní kɔ́ɔ́ la ŋyáŋlán wɛ́ɛ́, nɛ́ ndí li kele la ŋguu yɛ́ɛ̄, a óŋgánɛ́ ɓɛ́nɛ li ɓɔŋ lí m̀ɓɛɛŋ ásɛ miní byɛ́ɛ̄ kóó, a ɓɔ̄ŋ ki nɛ́ ŋyéɓé wáná á ɛ́ní á mísɔ̄n.

Elōg-Tésaloníka 2 2:16

Ɔlolómɛ̄ Etāa wahá nyɔ́ a dīŋ ɓɛ́hɛ, á ékɔnan-ŋgɔ́ɔ́ yɛ́ɛ́, a sɔ́la ɓɛ́hɛ emɔ́mɛ yé éɓem, a tí ki ɓɛ́hɛ taŋ lipitá,

Timotéo 1 6:12

Dū tāŋ eɓándá ányúū ŋyéɓé, yɛŋɓéné á éniŋ éɓem, átɔm nɛ́ ányúū náŋ nɛ́ wa yáŋlɛ, ákaa yé ɔ ɓɔŋɔ́ɔ́ eceg ɔ pahléé ŋyéɓé wɔ́ɔ m̀ɓɛɛŋ ɔsú ví mbóŋ ŋgandag.

Títo 2:13

á nlaaŋkán á mísɔ̄tá bií ŋga pītye, la lipém lí ŋga kɛ́ li ɛ́ni jé lí Loó lí míloó nyɔ́ a lɛ Ǹsuŋ wahá Yésus Kilístus.

Títo 3:7

á lí ɓɔŋ nɛ́, bi ɓɛ́ sim li loole la elɔ́ŋgɔ yɛ́ɛ́ m̀mím, la ki nɛ́, la lipitá bi byɛɛ́, bi yáan ɓakoto-embámbá yé éniŋ éɓem.

Elōg-Hébɛl 10:32

Ndí, ɔ́ŋlán míɓotlé máná mí ŋyéɓé, ɓɛ́nɛ la li kuh lí mípūū mí Ɔlolómɛ̄, biɓándá bú ɓōtlé ɓɛ́nɛ la ɓɛ́nɛ, munú ɔ́hánɛ́ ndutu la bisɔghe.

Elōg-Hébɛl 6:4

Bi nyɔ́ŋ sig ɔ́vega la ɓot ɓá tímān á éniŋ yáɓá yé kwaŋ: ɓɔ́ ɓot ɓá lɛ́glé mípūū mí Ɔ́lolómɛ̄, bú ɓōtlé lí yí lí m̀ɓɛɛŋ á líkaale jɛ́ɛ́, bú kūh M̀búl Mpúán.

Pétlos 1 1:3

Eɓégɛ ɛ ɓɛ́ la Ɔlolómɛ̄, Ɛsáŋɛ́ a Ɛtáŋɛ wahá Yésus Kilístus. Átē a ŋgandag yɛɛ́ ekɔnan-ŋgɔ́ɔ́, ɔ ɓɔŋ nɛ́ bi byáá libyáa lí péná nɛ́ bi ɓɛ́la lipitá lí éniŋ, li kele la lipahye lí Yésus Kilístus á póla ɓá ɓá wū,

Pétlos 1 3:9

Miníh timkágánɛ́ ɓé aɓé ányúū aɓé, tɔ lióó ányúū lióó. Á mveŋghanɛ́, lómblán, átɔm nɛ́ ányúū náŋ nɛ́ maná yáŋlɛ, nɛ́ ndí miní kuh ndómbo Ɔlolómɛ̄ a kákānɛ̄ ɓɛ́nɛ.

Pétlos 1 5:10

Ɔlolómɛ̄ nyɔ́ a byɛɛ́ joó nɛ likaale, nyɔ́ a yáŋá ɓɛ́nɛ á li níŋgi á lipém jɛ́ɛ́ lí eɓem elɔŋ la Yésus Kilístus, ag kɛ ɓɛ́nɛ li tɛ́ɛ́yɛ nyɛ́-mɛ̄n ámbúh esɔghe miní ŋga kɛ́ li kuh ányúū puh éceg. Ag kɛ ɓɛ́nɛ li letɛ lí nyúū, a ólɓɛ́ ɓɛ́nɛ, a yáánɛ́ ɓɛ́nɛ ndiŋ.