Elōg-Éféso 1:14 - Esaa-líat ɛ́ péná

¹⁴ nɛ á lɛ́ éɓeeka yé émbāmbá bií ŋga kɛ́ li koto á éceg bí ŋga mān ɓɛ́hɛ li kɔpɔ á áɓē. Bi lɔ́ŋgɛ́ hɔ́ lípēm lí Ɔ́lolómɛ̄.

Elōg-Éféso 1:14 ပူးပေါင်းရင်းမြစ်များ

Lúkas 21:28

«Eceg míŋ mam mí ŋga ɓōtlé li ɓɔŋɓɛ, tɛ́lɓán m̀ɓɛɛŋ, miní tɛ́ɛ́yɛ́ɛ mimú, ánsī nɛ lisuŋga jáná lí lɛ́ ɓɛ́ɓɛ.»

Misɔ́n mí Ɓáōmɓɛ 20:28

Miní táthán la ɓɛ́nɛ-mɛ̄n, miní táthán ki la liɓembá jé M̀búl Mpúán a tí ɓɛ́nɛ. Ɓɛ́án ɓatát bí Eɓasɛ yé Ɔlolómɛ̄, yé a sóm ányúū yɛ́ɛ̄ nyɛ́-mɛ̄n la micii mɛ́ɛ́.»

Misɔ́n mí Ɓáōmɓɛ 20:32

Nyí vɔ́ŋɔ́ɔ, mag yíg ɓɛ́nɛ á sí bitátlé bí Ɔlolómɛ̄ la á biɓaŋgá byɛ́ɛ́ bí édiŋ. Byɔ́ nɛ́ bí byɛ́ɛ̄ ŋguu li letɛ lí ŋyéɓé wáná, la li tíi lí ɓɛ́nɛ embámbá yé a nāŋʼyé ɓot ɓɛ́ɛ́ bísɛ a púɛ.

Elōg-Lóma 8:23

Ndí, bí sē ɓé byɔ́-ntámɛ́. Ɓɛ́hɛ ki ɓá, ɓaá kuh M̀búl Mpúán kaa joga lí ɔ́sū á míkaale mí Ɔ́lolómɛ̄, ɓɛ́hɛ ki bi ŋgí ɓéeg la esɔghe átē wāhá, á nlaaŋkán nɛ Ɔlolómɛ̄ ag yaanɛ ɓɛ́hɛ ɓɔɔ́n ɓɛ́ɛ́, la nyɛ́ a pámɛ́ ɓɛ́hɛ nɛ́ ɓam ɓam á m̀ɓog á nyí nyuú.

Elōg-Kɔlínto 1 1:30

Nyɛ́ Ɔ́lolómɛ̄ nɛ́ a āt ɓɛ́nɛ la Yésus Kilístus, Yésus Kilístus ki ɔ ɓɛ́ peg ɛ ŋga sɔ́le la Ɔlolómɛ̄ ányúū yāhá. Li loole la nyɛ́ nɛ́ Ɔ́lolómɛ̄ a yáanɛ́ ɓɛ́hɛ ɓot bí lɛ́ sim, ɔ pɔ̄hɔ́ ɓɛ́hɛ ányúū yɛ́ɛ̄, la nyɛ́ ɔ ɓógtɛ́ ɓɛ́hɛ á míɓē.

Elōg-Kɔlínto 2 1:22

ɔ vá ɓɛ́hɛ ɛyɛ́ɛ́ éɓátan-ɛ́-ndembye, ɔ vá ki ɓɛ́hɛ M̀búl Mpúán á mímīm kaa ndembye mbáki nyí mikaale bií ŋga kɛ́ li kuh.

Elōg-Kɔlínto 2 5:5

Ɔlolómɛ̄ nyɛ́-mɛ̄n nɛ́ a ɓōŋhán ɓɛ́hɛ ányúū yéŋ eniŋ ɛ́ ŋga sɔ́, nyɛ́ mut a vá ɓɛ́hɛ M̀búl Mpúán á mímīm kaa ndembye mbáki nyí mikaale bi ŋga kɛ́ li kuh.

Elōg-Gálátia 4:6

Kasig miní lɛ́ kɔɔ ɓɔɔ́n ɓɛ́ɛ́, Ɔlolómɛ̄ a vá M̀búl á Mɔ́ɔ̄n wɛ́ɛ̄ átē á mimím máhá, nyúŋ M̀búl nɛ́ á ŋga lón nɛ́: «Ába!» Náŋ a lɛ nɛ́ Etāa.

Elōg-Éféso 1:11

Á ŋ̀atanɛ́ wāhá la Nyɔ́-a-Pɔ́hlɛ nɛ́ ɓaá kuh ɛ́jāhá joga lí émbāmbá, ányúū nɛ Ɔlolómɛ̄ a tɛ́ɛ́yɛ́ ɓɛ́hɛ á ɔ́sū ví éceg li oŋle la peg yɛ́ɛ́ a vúl. Ag ɓɔ̄ŋ joó nɛ jam ákaa a súgɛ la ákaa a ɔ́ŋɔ.

Elōg-Éféso 1:12

Ɓɛ́hɛ ɓot ɓaá dúgú lí pitye lí Nyɔ́-a-Pɔ́hlɛ, bi lɔ́ŋgɛ́ hɔ́ lípēm lí Ɔ́lolómɛ̄.

Elōg-Éféso 4:30

Miníh ályɛ́gɛ́ ɓé M̀búl Mpúán, nyɔ́ Ɔlolómɛ̄ a átyɛ́ ɓɛ́nɛ ákaa eɓátan-ɛ́-ndembye ányúū ɔlɔ́ ví bií ŋga kɛ́ li kɔplɛ á áɓē.

Pétlos 1 2:9

Ndí, ɓɛ́nɛ miní lɛ́ mbota Ɔlolómɛ̄ a pɔ́hɔ, lilómɛ lí ɓatíi-nsúlé lí káísa, ndog-Ɔlolómɛ̄ nyí púán, lilóm jé Ɔlolómɛ̄ a pɔ́hɔ á li ɓɔŋ nɛ́ miní lɛ̄gɛ́ mam micɛ́ŋ a ɓɔ̄ŋ; nyɛ́ nɛ́ a yáŋá ɓɛ́nɛ nɛ́ miní ɓógó á lívito, á lí níŋgi á taŋ yɛɛ́ mipúú.