Biyɛ́ɛ́léné 9:4 - Esaa-líat ɛ́ péná

⁴ Bú súŋɛ̄ wɔ nɛ́ áh sɔghɛ́gɛ́ ɓé bíkāā bí ŋkɔŋ-á-sí, biéé la yíŋí péná bíɓɛɓɛ́la bitám, ndí á sɔ̄ghɛ́ jā ɓot-bí-bínam ɓá bíh byɛ́ɛ́ ɓé éɓátan-ɛ́-ndembye Ɔlolómɛ̄ á mbɔm.

Biyɛ́ɛ́léné 9:4 ပူးပေါင်းရင်းမြစ်များ

Matéus 24:24

Ákaa ɛ́sɛ, mipɔ̄hlɛ́gɛ mí ɓot-bí-mínaa la ɓapɔ́tle-bí-Ɔ́lolómɛ̄ bí mínaa, bíg kɛ li tɛ́lɛ á lí ɓɔŋ lí mínɛ̄ŋ la binanaŋga bí mam, á lí jáŋɛ lí ɓot, kí ɓɔ̄ŋ nɛ́ bí ŋga lā, kí bí ŋga jáŋɛ ki ɓá Ɔlolómɛ̄ a pɔ́hɔ.

Elōg-Éféso 4:30

Miníh ályɛ́gɛ́ ɓé M̀búl Mpúán, nyɔ́ Ɔlolómɛ̄ a átyɛ́ ɓɛ́nɛ ákaa eɓátan-ɛ́-ndembye ányúū ɔlɔ́ ví bií ŋga kɛ́ li kɔplɛ á áɓē.

Biyɛ́ɛ́léné 14:1

La ma Yohánɛs mu ɛ́n, mɔɔ́n ntómbɛ́ a tɛ́ɛ á ɔ́kolá vícɛ̄ŋ ví Síon, elɔŋ la yé eɓógo ákōō la muúmínáa la ánáa yé ɓot. Mut sig múŋ á yéŋ elɔŋ a ɓɛ́ɛ́la joó lí mɔɔ́n ntómbɛ́ la jé lí Ɛsáŋɛ́ nciíg á mbɔm.

Biyɛ́ɛ́léné 6:6

La ma mu ámblé ɔ́ŋgɛn cíŋ nɛ́ ɛ ŋga pámle á póla biveglé bínáa, ɛg laga nɛ́: «Ɔvega ví bléya vá ányúū nsála á ɔlɔ́ ví nsɔ́n vá, avega áŋháa á mbóó ɛ ŋga púnan la bléya ki ányúū nsála á ɔlɔ́ ví nsɔ́n vá; ndí, ɔh siiɓágán ɓé míwūū tɔ milɔg.»

Biyɛ́ɛ́léné 7:1

Ámbúh náŋ, ma Yohánɛs mu ɛ́n áŋgɛl ɛ́náa ɛ́ tɛ́ɛ á míkāh mínáa mí ŋkɔŋ-á-sí Yíŋ áŋgɛl ɛ́ ŋgí céŋ ŋgɔá ɛ́náa yí ŋkɔŋ-á-sí nɛ́ ŋgɔá tɔ ya ɛh púgúg ɓé á sí, á túwɛ, tɔ á eéé tɔ yá.

Biyɛ́ɛ́léné 8:7

Ɛnɛ́ áŋgɛl ɔsú ya ɔ́ŋ nséɓá wɛ́ɛ́, mitámŋga la nzáan m̀byáŋtānɛ́ la micii bú ɓɛ́hán á ŋkɔŋ-á-sí; epah ɛ́ sí yá á bípah bíŋháa, yú díg, joga li bíéé já átē á moga míŋháa lú díg, la péná bíkāā bísɛ yú díg.