Biyɛ́ɛ́léné 8:5 - Esaa-líat ɛ́ péná

⁵ Ámbúh náŋ, áŋgɛl yu nyɔ̄ŋ edíghɛ́nɛ́ ɔ́tū, yu yáhɛ́ yɔ la mikálag mí nzáan ma sɔ́lé á étága-nsúlé, la yɔ yu léé edíghɛ́nɛ́ ɔ́tū á ŋkɔŋ-á-sí: á ékūyá-kúyá, lóō lú mwɛg, mbambat yú ɓām, sí yu póghan, la cíŋ ɛ́ ɓot yú ámblɛ́ɛ.

Biyɛ́ɛ́léné 8:5 ပူးပေါင်းရင်းမြစ်များ

Matéus 24:7

Átɔm nɛ́, jé lilóm líg kɛ li duhɛ lí jéŋé, yé ekombo ɛ́ dúhɛ̄ yéŋé. Á míkāh mí ŋkɔŋ-á-sí má, nzal ecɛ́ŋ ɛg kɛ li ɓɛ́, sí ɛg kɛ li póghan.

Lúkas 12:49

Yésus ɔ kondye nɛ: «Nzáan nɛ́ ma sɔ́ li koo á ŋkɔŋ-á-sí, kóó ɛ lɛ ma nɛ́ kí yu kóoɓɛ ki!

Misɔ́n mí Ɓáōmɓɛ 16:26

Á ékūyá-kúyá sí yu póghan la ŋguu, jaa lí ndáá-m̀ɓog lú búge. Mikooká mísɛ mú léglan, á nlemlem á eceg, acéŋ a ɓɛ́ɛ́ á míkoo mí ɓot-bí-míɓog bísɛ wú léglan.

Misɔ́n mí Ɓáōmɓɛ 4:31

Ɛnɛ́ ɓá manɛ́ míkánɛ, ndáá nyí bí ɓɛ́ɛ́ bí kɔtánɛ yu póghan. Ɓɔ́ bísɛ bú yál la M̀búl Mpúán, bú ɓōtlé lí lɛgɛ lí Eɓaŋgá Ɔ́lolómɛ̄ ɛ́h ɓɛ́ ɓé woŋ tɔ wá.

Biyɛ́ɛ́léné 11:13

Á nlemlem á eceg, sí yu póghán taŋ-taŋ, epah ɛ́ tísɔn yá átē á jóom yú mūglan, la akóó á ɓot nzambúwá wú wú múŋ á jéŋ libúmbé. Ɓot bí véé nyɛmb bú kɔɔ́n woŋ la ɓɔ́ bú ɓégɛ́ Ɔlolómɛ̄ a lɛ á lóō.

Biyɛ́ɛ́léné 11:19

Ɛnɛ́ ndáá-ēcɛ́ŋ-Ɔlolómɛ̄ nyí ɛ lɛ á lóō ya léglan la ŋkúú á ésaa-líat wú ɛ́ni múŋ á nyíŋ ndáá-ēcɛ́ŋ-Ɔlolómɛ̄; váŋ nɛ́ lóō lá mwɛg, cíŋ yú lón, mbambat yú ɓām, sí yu póghan la mitámŋga mú ɓɛ́hán ŋgándag.

Biyɛ́ɛ́léné 4:5

Yé ɛ́ ŋgí pámle múŋ á yéŋ etɔɓé-líkanʼyɛ ɛ́ ɓɛ́ɛ́: m̀wɛg, mbámká yí mbambat la eduŋgú yé mpɔ́t. Bitúlkáŋ nzambúwá bí ŋga páa ákaa nzáan lisalká bí ɓɛ́ɛ́ ɔ́sū ví yéŋ etɔɓé-líkanʼyɛ, bíŋ bitúlkáŋ bí lɛ́ mímbūl nzambúwá mí Ɔ́lolómɛ̄.

Biyɛ́ɛ́léné 6:12

La ma mu ɛ́n, eceg a kɔ̄pɔ́ éɓátan-ɛ́-ndembye yá yáhɛ́ bísáama, sí yu póghán ŋgandag vaŋgá vú vín ákaa mbɔ́tí miléna, la sóŋ yu vɛ́ɛ ákaa micii.

Biyɛ́ɛ́léné 8:3

Áŋgɛl etám yu sɔ́ yu tɛ́lɛ́ á ŋgwáāg etága-nsúlé. Ɛ ɓɛ́ɛ́ ɛ́ ɓɛ́gɛ edíghɛ́nɛ́ ɔ́tū yé góol; bú tí yɔ ɔtú ŋgandag, víŋ ɔtú ví lɛ́ mikánɛ mí ndog-Ɔlolómɛ̄ ɛsɛ̄; bú tí yɔ nɛ́ ɛ dígɛ́ vɔ́ ákaa nsúlé á étága-nsúlé yé góol ɛ́ tɛ́ɛ́ ɔ́sū ví étɔɓé-líkanʼyɛ.