Biyɛ́ɛ́léné 8:3 - Esaa-líat ɛ́ péná

³ Áŋgɛl etám yu sɔ́ yu tɛ́lɛ́ á ŋgwáāg etága-nsúlé. Ɛ ɓɛ́ɛ́ ɛ́ ɓɛ́gɛ edíghɛ́nɛ́ ɔ́tū yé góol; bú tí yɔ ɔtú ŋgandag, víŋ ɔtú ví lɛ́ mikánɛ mí ndog-Ɔlolómɛ̄ ɛsɛ̄; bú tí yɔ nɛ́ ɛ dígɛ́ vɔ́ ákaa nsúlé á étága-nsúlé yé góol ɛ́ tɛ́ɛ́ ɔ́sū ví étɔɓé-líkanʼyɛ.

Biyɛ́ɛ́léné 8:3 ပူးပေါင်းရင်းမြစ်များ

Lúkas 1:10

Á ŋgɛ́ŋ a ŋgí dígɛ ɔtú, limut licɛ́ŋ lí ɓɛ́ɛ́ lí kɔ̄tánɛ á mikánɛ á ápūū.

Elōg-Lóma 8:34

Nzáá a ŋga kɛ́ ɓɔ́ lí kɔ́ghɛ é? Tɔ mut, átɔm nɛ́ Yésus Kilístus a wú, li loo náŋ, a pāhye, a lɛ á m̀ɓɛ́nlómɛ a Ɔlolómɛ̄, nyɛ́ ki nɛ́ a ŋga kále ɓɛ́hɛ!

Elōg-Hébɛl 7:25

Ányúū náŋ nɛ́ ŋgele ya ányúū yɔ́ ɛ́sɛ, Yésus a kɔɔ́ lí suŋ lí ɓá bí ŋga lóole la nyɛ́ á lí siŋgle lí Ɔlolómɛ̄ á ŋgwáāg. Kasig a ŋga nīŋ á éɓem la á éɓem, á lí kánɛ lí Ɔ́lolómɛ̄ ányúū yāɓá.

Elōg-Hébɛl 9:4

Á nyíŋ ndugá ya loohán púán, edíghɛ́nɛ́-ɔ́tū yé góol ɛ́ ɓɛ́ɛ́ múŋ, elɔŋ la ŋkúú á ésaa-líat nyú ɓá ɔ́gɛ́ góol wɔ́ ásɛ. Múŋ átē a nyúŋ ŋkúú á ésaa-líat, ɔ ɓɛ́ɛ́la ebyelé yé góol yé ɛ́ ɓɛ́ɛ́la mána, njéŋ nyí Álon nyí ɛ pámhɛ́ɛ mbonji, la tááfɛl yí ŋgɔg yí ɛ́ ɓɛ́ɛ́la mícila mí bíɓaŋgá bí ésaa-líat.

Biyɛ́ɛ́léné 10:1

La ma Yohánɛs mu ɛ́n mbimban áŋgɛl etám nyí ɛ ŋgí sɔ́le á lóō; mbaga yu díí yɔ ákaa mbɔ́tí, ǹdum a ɓɛ́ɛ́ nyɛ́ á lóō lí m̀mú ɔ́ŋgɛn ɔtot, asú wɛ́ɛ́ á ŋgí paa ákaa vaŋgá, mikoo mɛ́ɛ́ mí ɓɛ́ɛ́ ákaa mikɔŋgɔ mí nzáan.

Biyɛ́ɛ́léné 14:18

Ámbúh nyíŋ, áŋgɛl etám yu pámlé á étága-nsúlé. Ɛ ɓɛ́ɛ́la ŋguu nyí li kanʼyɛ lí nzáan; yɔg yu lága nyí ɛ byɛ́ɛ̄ míkwátɛ a mpumu a ŋga vóó la cíŋ ŋguu nɛ́: «lɛŋgɛ́ nyɔ́ŋ mikwátɛ wɔɔ a mpumu, ɔ sɛ́m bisaŋ bí bínyɛŋgɛ́n bí wáany á míndīī mí ŋkɔŋ-á-sí, átɔm nɛ́ mitám mɛ́ɛ́ má ólo.»

Biyɛ́ɛ́léné 5:8

Ɛnɛ́ a lɛ́glé yɔ, bíŋ biveglé bínáa elɔŋ la mí muúmɓáa mí ɓácɛ̄ŋ bí ékombo-lóō la bínáa mú úlɓan, mú úm míɓɔ̄ŋ á sí á ɔ́sū ví mɔɔ́n ntómbɛ́. Mut sig á élɔŋ yáɓá a ɓɛ́ɛ́ á byɛ́ɛ ɔndende la miɓondó mí góol ŋyálāg la binumba, bí bí lɛ́ míkánɛ mí ndog-Ɔlolómɛ̄.

Biyɛ́ɛ́léné 6:9

Ɛnɛ́ a kɔpɔ éɓátan-ɛ́-ndembye yá yáhɛ́ bítáan, mu ɛ́n mímbūl mí ɓot bí ólóó mí lɛ́ á sí etága-nsúlé, bí ólóó ɓɔ́ ányúū nɛ ɓá lɛ̄gɛ́ éɓaŋgá Ɔ́lolómɛ̄, la ányúū mbóŋ bí tíéé.

Biyɛ́ɛ́léné 7:2

La ma mu ɛ́n áŋgɛl etám ɛg ɓétle á étun yé mítūmnyam. Ɛ́ ɓɛ́ɛ́ ɛ́ byɛ́ɛ eɓátan-ɛ́-ndembye yé Ɔlolómɛ̄ nyɔ́ a lɛ éniŋ. La cíŋ ecɛ́ŋɛ́, yu lónlé yíŋí áŋgɛl ɛ́náa yí ɛ kuhúú ŋguu li ɓɔŋ lí sí la túwɛ aɓé, aá la yɔ́ nɛ́:

Biyɛ́ɛ́léné 8:4

A wɔ a áŋgɛl, víta ví ɔ́tū ví ví lɛ́ mikánɛ mí ndog-Ɔlolómɛ̄, ví ŋgí ɓét ɔsú ví Ɔ́lolómɛ̄.

Biyɛ́ɛ́léné 8:5

Ámbúh náŋ, áŋgɛl yu nyɔ̄ŋ edíghɛ́nɛ́ ɔ́tū, yu yáhɛ́ yɔ la mikálag mí nzáan ma sɔ́lé á étága-nsúlé, la yɔ yu léé edíghɛ́nɛ́ ɔ́tū á ŋkɔŋ-á-sí: á ékūyá-kúyá, lóō lú mwɛg, mbambat yú ɓām, sí yu póghan, la cíŋ ɛ́ ɓot yú ámblɛ́ɛ.

Biyɛ́ɛ́léné 9:13

Ɛnɛ́ áŋgɛl ya yáhɛ́ ɛ́sáama ya ɔ́ŋ nséɓá wɛ́ɛ́, mu ámblé cíŋ ɛ́ ŋgí sɔ́le á míɓēg mí ɓɛ́ɛ́ mí tɛ́ɛ́ á míkāh mí étága-nsúlé ɛ́ góol yé ɛ́ lɛ ɔ́sū ví Ɔ́lolómɛ̄,