Biyɛ́ɛ́léné 7:2 - Esaa-líat ɛ́ péná

² La ma mu ɛ́n áŋgɛl etám ɛg ɓétle á étun yé mítūmnyam. Ɛ́ ɓɛ́ɛ́ ɛ́ byɛ́ɛ eɓátan-ɛ́-ndembye yé Ɔlolómɛ̄ nyɔ́ a lɛ éniŋ. La cíŋ ecɛ́ŋɛ́, yu lónlé yíŋí áŋgɛl ɛ́náa yí ɛ kuhúú ŋguu li ɓɔŋ lí sí la túwɛ aɓé, aá la yɔ́ nɛ́:

Biyɛ́ɛ́léné 7:2 ပူးပေါင်းရင်းမြစ်များ

Matéus 16:16

Símɔn Pétlos ɔ nyɔ̄ŋ hɔ́ mpɔ́t, ɔ pélē nyɛ nɛ́: «Ɔ lɛ Nyɔ́-a-Pɔ́hlɛ, Mɔɔ́n Ɔ́lolómɛ̄, Loó lí éniŋ.»

Matéus 26:63

Ndí Yésus ɔ tɔ́ɔ̄ pīí. Ŋ̀kanʼyɛ ǹcɛ́ŋ a ɓatíi-nsúlé ɔ lāgá nyɛ̄ nɛ́: «Á jóō lí Ɔ́lolómɛ̄ nyɔ́ a lɛ́ éniŋ, lagá ɓɛ́hɛ kíyáɓɛ́nɛ wa nɛ́ ɔ lɛ Nyɔ́-a-Pɔ́hlɛ, Mɔɔ́n Ɔ́lolómɛ̄.»

Yohánɛs 6:27

Jɔ́ nɛ́, miníh sálág ɓé ányúū lidí lí ŋga lɔ́ɓe, ndí sálán ányúū lidí lí ŋgá lɔɓe ɓé, jé lí ŋga tíi eniŋ éɓem, jé Mɔɔ́n Mut a ŋga kɛ ɓɛ́nɛ li tíi, átɔm nɛ́, nyɛ́ nɛ́ Ɛsáŋɛ́, nyɔ́ a lɛ Ɔlolómɛ̄ a vá ndembye ɛ ŋga étɛ nɛ́ nyɛ́ Ɔlolómɛ̄ a lɛ élɔŋ la nyɛ́.»

Elōg-Kɔlínto 2 1:22

ɔ vá ɓɛ́hɛ ɛyɛ́ɛ́ éɓátan-ɛ́-ndembye, ɔ vá ki ɓɛ́hɛ M̀búl Mpúán á mímīm kaa ndembye mbáki nyí mikaale bií ŋga kɛ́ li kuh.

Elōg-Éféso 1:13

La nyɛ́ ki nɛ́ maná ámblé eɓaŋgá yé mbálɛ, Pɔ́l M̀ɓɛɛŋ nyí lisuŋga jáná. La nyɛ́ sīg-pɛ nɛ́ maná yéɓe, bú átyɛ́ ɓɛ́nɛ ndembye nyí ɛ lɛ̄ M̀búl Mpúán a kákanɛ. Nyɔ́ŋ M̀búl Mpúán

Elōg-Éféso 4:30

Miníh ályɛ́gɛ́ ɓé M̀búl Mpúán, nyɔ́ Ɔlolómɛ̄ a átyɛ́ ɓɛ́nɛ ákaa eɓátan-ɛ́-ndembye ányúū ɔlɔ́ ví bií ŋga kɛ́ li kɔplɛ á áɓē.

Elōg-Tésaloníka 1 1:9

La mbálɛ, ɓot bísɛ bíg máŋa láá maná lɛ́glé ɓɛ́hɛ eceg bi ɓɛ́ɛ́ á yóg yāná, la ákaa maná cóó bísāt byáná, á lí yaan lí ɓáɓɔŋle Ɔlolómɛ̄, Loó lí éniŋ la jé lí mbálɛ,

Timotéo 2 2:19

Ákaa ɛ́sɛ, jaa Ɔlolómɛ̄ a tɛ́ɛ́yɛ lí lɛ́ ŋguu. Biɓaŋgá byá ciiɓɛ́ muŋ byɔ́ bí nɛ́: «Nyɔ́ŋ-Ɛsáŋɛ́ ag yí ɛ́ɓɛ̄ɛ̄.» La ki nɛ́: «Tɔ nzáá a ŋga lónle Nyɔ́ŋ-Ɛsáŋɛ́, a nɛ́ŋɛ̄ la aɓé!»

Elōg-Hébɛl 12:22

Ndí ɓɛ́nɛ maná sīŋglé ɓɛ́ɓɛ la ɔ́kolá ví Síon, munú sīŋglé ki ɓɛ́ɓɛ la tísɔn nyí Ɔlolómɛ̄ nyɔ́ a lɛ á éniŋ. Nyíŋ tísɔn nɛ́ ɛ lɛ̄ Yelúsalɛm ɛ lɛ á lóō, ápah adun ndí ádun á áŋgɛl yí yá kɔtán á ŋgand ɛ́ lɛ̄.

Biyɛ́ɛ́léné 1:3

Misɔ́tá la nyɔ́ a ŋga sɔ́ŋgɔ nyí kálati, elɔŋ la ɓá bí ŋga ámblé biɓaŋgá bí m̀pɔ́tle-a-Ɔlolómɛ̄ ndí ɓá náŋɛ̄ ki yé ya ciiɓɛ́ átē, átɔm nɛ́ eceg yá siŋgle.

Biyɛ́ɛ́léné 10:1

La ma Yohánɛs mu ɛ́n mbimban áŋgɛl etám nyí ɛ ŋgí sɔ́le á lóō; mbaga yu díí yɔ ákaa mbɔ́tí, ǹdum a ɓɛ́ɛ́ nyɛ́ á lóō lí m̀mú ɔ́ŋgɛn ɔtot, asú wɛ́ɛ́ á ŋgí paa ákaa vaŋgá, mikoo mɛ́ɛ́ mí ɓɛ́ɛ́ ákaa mikɔŋgɔ mí nzáan.

Biyɛ́ɛ́léné 10:4

Eceg mbámká nzambúwá yí mbambat yá ámblɛ́, mu sōmó lí cii, la ma mu ámblé cíŋ ya sɔ́lé á lóō ɛg laga ma nɛ́: «Sɔɔ́ njɛn á yí mbámká nzambúwá yí mbambat, ɔh ciíg ɓé wɔ.»

Biyɛ́ɛ́léné 16:12

Áŋgɛl ya yáhɛ ɛ́sáama yu kóm líɓondó jɛ́ɛ́ á ɔsóó vícɛ̄ŋ ví Éfláta; mindím mú sá á li ɓoŋhan lí nzen nyí káísa yí ɛ́ ŋga sɔ́le á mítūmnyam.

Biyɛ́ɛ́léné 5:2

La ma mu ɛ́n mbimban ángɛl ya ɛg lɛgɛ la elóh cíŋ nɛ: «Ɓaá, nzáá a kɔɔ́ nɛ a kɔ́pɔ́ bí bíɓátan bí ndembye nɛ́ ndí a vúlú nyí kálati é?»

Biyɛ́ɛ́léné 8:3

Áŋgɛl etám yu sɔ́ yu tɛ́lɛ́ á ŋgwáāg etága-nsúlé. Ɛ ɓɛ́ɛ́ ɛ́ ɓɛ́gɛ edíghɛ́nɛ́ ɔ́tū yé góol; bú tí yɔ ɔtú ŋgandag, víŋ ɔtú ví lɛ́ mikánɛ mí ndog-Ɔlolómɛ̄ ɛsɛ̄; bú tí yɔ nɛ́ ɛ dígɛ́ vɔ́ ákaa nsúlé á étága-nsúlé yé góol ɛ́ tɛ́ɛ́ ɔ́sū ví étɔɓé-líkanʼyɛ.

Biyɛ́ɛ́léné 9:14

yu laga áŋgɛl ya yáhɛ́ ɛ́sáama nyí ɛ ɓɛ́ɛ́la nséɓá nɛ́: «Kúhú yíŋ áŋgɛl ɛ́náa yí lɛ́ ŋkágag la misáŋ mí bícɛɛ á ŋgwáāg ɔ́sōō vícɛ̄ŋ ví Éfláta.»

Biyɛ́ɛ́léné 9:4

Bú súŋɛ̄ wɔ nɛ́ áh sɔghɛ́gɛ́ ɓé bíkāā bí ŋkɔŋ-á-sí, biéé la yíŋí péná bíɓɛɓɛ́la bitám, ndí á sɔ̄ghɛ́ jā ɓot-bí-bínam ɓá bíh byɛ́ɛ́ ɓé éɓátan-ɛ́-ndembye Ɔlolómɛ̄ á mbɔm.