Biyɛ́ɛ́léné 7:17 - Esaa-líat ɛ́ péná

¹⁷ Átɔm nɛ́ mɔɔ́n ntómbɛ́ nyɔ́ a tɛ́ɛ́ á m̀mím á étɔɓé-líkanʼyɛ, ag ɓɛ́ ǹtát wāɓá ɓɔ́ jéŋ liɓembá; ag kɛ ɓɔ́ lí kɛla á míŋgɛ̄n mí míndīm mí éniŋ. Ndí Ɔlolómɛ̄ ki a tɔh ɓɔ́ bíya á miíh.»

Biyɛ́ɛ́léné 7:17 ပူးပေါင်းရင်းမြစ်များ

Matéus 2:6

Wa, á Bétlehéem, ŋkɔŋ á Yúdēa, La mbálɛ, wa ɓé nɛ wa lóohán lí ɓɛ́ lí ŋkɔŋ ntɔ́ga á yaa mikɔŋ mí tísɔn yí Yúda, átɔm nɛ́ á yóg yɔ́ɔ nɛ́ ŋ̀kanʼyɛ a ŋga kɛ́ li pámléne, nyɔ́ a ŋga kɛ́ li wɛɛla lí Íslāɛl lilóm jáma.»

Matéus 5:4

Misɔ́tá la ɓawú-m̀mím, bíg kɛ li koto lí sí.

Yohánɛs 10:11

Yésus ɔ kóndyé sīg-pɛ nɛ́: «Ma nɛ́ mí lɛ taŋ ǹtát líɓembá. Taŋ ǹtát líɓembá ɛ́g tíi eniŋ yɛ́ɛ́ ányúū mitómbɛ́ mɛ́ɛ́.

Yohánɛs 10:14

Ma nɛ́ mí lɛ́ taŋ ǹtát líɓembá, mag yí mitómbɛ́ máma, mitómbɛ́ máma ki míg yí ma;

Yohánɛs 4:10

Yésus ɔ pélē hɔ́ nyɛ nɛ́: «Ki ɓɔŋ nɛ́ ɔg yí likaale lí Ɔlolómɛ̄, la nzáá a ŋga lága wa nɛ́ tí ma mindím mí lí nyú, kí wa nɛ́ ɔ ŋgɔ yága nyɛ́ mɔ́, la nyɛ́ a tí wa míndīm mí éniŋ.»

Yohánɛs 4:11

Mindígá aá la nyɛ́ nɛ́: «Ɛtáŋɛ, ɔh byɛ́ɛ́ ɓé tɔ eáálé-míndīm, eɓél ki yá nɛŋɛ́ á sí; míŋ mindím mí éniŋ, ɔg áá mɔ́ la yéé é?

Yohánɛs 4:14

ndí tɔ nzáá a ŋga kɛ́ li nyú lí míndīm mi ŋga kɛ́ nyɛ́ lí tíi, m̀ɓá-mɓá evéhé ɛ́ ŋga kɛ ɓé pɛ nyɛ́ lí byee; á mveŋghanɛ́ mindím mi ŋga kɛ́ nyɛ́ lí tíi, á até wɛ́ɛ̄ míg kɛ li yaan lí líŋgɛ̄n ápah eniŋ éɓem ɛ́ ŋga pámle.»

Misɔ́n mí Ɓáōmɓɛ 20:28

Miní táthán la ɓɛ́nɛ-mɛ̄n, miní táthán ki la liɓembá jé M̀búl Mpúán a tí ɓɛ́nɛ. Ɓɛ́án ɓatát bí Eɓasɛ yé Ɔlolómɛ̄, yé a sóm ányúū yɛ́ɛ̄ nyɛ́-mɛ̄n la micii mɛ́ɛ́.»

Pétlos 1 5:2

Miní díɛ́hɛ́ liɓembá lí Ɔ́lolómɛ̄, jé a byéehɛ́ ɓɛ́nɛ. Miní tát jɔ́ ɛ́h ɓɛ́ ɓé ŋkágyɛ́ɛ, ndí la miɔ́ŋɔ miláám á nyaa ɛ ŋga nyɛɛle Ɔlolómɛ̄, miníh ɓɔŋɔg ɓé naŋ ányúū nsom á ábyaŋ, ndí ɓɔŋán náŋ la m̀mím nláám.

Biyɛ́ɛ́léné 14:4

Ɓɔ́, bíh ɓɔ̄ŋɔ́ɔ ɓé mpuŋgú la ɓondígá, la náŋ, bí lɛ́ kɔ́njí. Ɓɔ́, bíg oŋ mɔɔ́n ntómbɛ́ tɔ véé á ŋga kɛ̄. Ɓɔ́ nɛ́ ɓá sómɓɛ́ la micii até á ɓot-bí-bínam, jɔ́ nɛ́ ɓá dúgu lí tíéɓɛ lí Ɔ́lolómɛ̄ la mɔɔ́n ntómbɛ́ ákaa mpumu ɔ́sū;

Biyɛ́ɛ́léné 21:22

Ndí, máh ɛ́n ɓé ma líndūm lí Ɔlolómɛ̄ múŋ á nyíŋ tísɔn, átɔm nɛ́ Nyɔ́ŋ-Ɛsáŋɛ́, Ɔlolómɛ̄ a Ŋguu-mísɛ la mɔɔ́n ntómbɛ́ nɛ bí lɛ́ líndūm lí Ɔlolómɛ̄.

Biyɛ́ɛ́léné 21:23

Nyíŋ tísɔn ɛh ɓɛ́ɛ́la ɓé kóó la mipúú mí vaŋgá tɔ la mí mí sóŋ nɛ mí páayɛ́ yɔ, ányúū nɛ, lipém lí Ɔlolómɛ̄ líg paayɛ yɔ, mɔɔ́n ntómbɛ́ ki ɔ ɓɛ́ etúlkáŋ yɛ́ɛ́.

Biyɛ́ɛ́léné 21:4

Ag kɛ ɓɔ́ lí tɔh lí bíya á miíh, nyɛmb ɛ ŋgá ɓɛ́ ɓé pɛ. Liwú lí ŋgá ɓɛ́ ɓé pɛ, tɔ milón, tɔ esɔghe, ánsī nɛ́ mam mí kwaŋ mí ŋkɔŋ-á-sí mí sē ɓé pɛ.

Biyɛ́ɛ́léné 21:6

La nyɛ́ ɔ lága sīg-pɛ ma nɛ́: «Mɔ́mísɛ má yál. Mi lɛ Álfa la Oméga, miɓotlé la lisúg. Nyɔ́ la nyɔ́ evéhé ɛ́ byɛ́ɛ̄, mag kɛ nyɛ́ lí tíi lí míndīm mí líŋgɛ̄n lí éniŋ yɛmɛ́.

Biyɛ́ɛ́léné 22:1

Ámbúh náŋ, áŋgɛl yu étɛ́ ma Yohánɛs lɔm lí míndīm mí éniŋ, mí ŋga páa ákaa elembán. Míŋ mindím míg pámléne á étɔɓé-líkanʼyɛ yé Ɔ́lolómɛ̄ la yé mɔ́ɔ̄n ntómbɛ́.

Biyɛ́ɛ́léné 4:11

«Ɛtáŋɛ wahá Ɔlolómɛ̄, ányúū nɛ wa nɛ́ wa vēg joó nɛ̄ jam, wa sómo nɛ míŋ mam mí ɓɛ́, la mɔ́ mú vēgɓɛ, ɔ kɔ́ɔ́ la lipém, eɓégɛ, la ŋguu!»

Biyɛ́ɛ́léné 5:6

Váŋ nɛ́ ma ɛ́n hɔ́, mɔɔ́n ntómbɛ́ nyɔ́ a ɓɛ́ɛ́ ɔ́ŋgɛn ɓá sɛ́m líbīt á lí tíi á nsúlé, á tɛ́ɛ́ á m̀mím á étɔɓé-líkanʼyɛ, á póla biveglé bínáa, lá a m̀mím á éti ɓacɛ́ŋ bí ékombo-lóō. A ɓɛ́ɛ́la míɓēg nzambúwá la miíh nzambúwá mí mí lɛ́ mímbūl nzambúwá mí Ɔ́lolómɛ̄, mí a ómóó á ŋkɔŋ-á-sí ásɛ.